धनुषा माछापालनको सुपरजोन घोषणा

शनिबार, २२ पुष २०७४, १५ : ५१ सुरेश यादव


जनकपुरधाम- कृषि मन्त्रालयले धनुषा जिल्लालाई माछापालनको सुपरजोन घोषणा गरेको छ। शुक्रबार शहीदनगर नगरपालिकामा आयोजित एक समारोहबीच कृषि मन्त्री रामकृष्ण यादवले माछापालक किसान बौवेलाल मुखियालाई माछाको भुरा हस्तान्तरण गरी जिल्लालाई माछापालनको सुपरजोन घोषणा गरेका छन्। शहीदनगर, ननुपट्टी निवासी मुखिया माछापालनको क्षेत्रमा राष्ट्रिय पहिचान बनाएका किसान हुन्।

करिब दुई हजार हेक्टरभन्दा बढी क्षेत्रफलमा माछापालन हुँदै आएको धनुषामा यसै वर्ष थप एक हजार हेक्टर क्षेत्रफलमा माछापालन सुरु भएको कृषि मन्त्रालयका सचिव सुरोज पोखरेलले जनाए । उनका अनुसार यस अघि सात वटै प्रदेशमा एकवटाको दरले विभिन्न सात थरि कृषि उत्पादनको सुपरजोन कायम भएको थियो ।

चालु आर्थिक वर्षमा धनुषा, सिन्धुली र डडेल्धुरामा गरी थप तीन वटा सुपरजोन तयार भएको उनले बताए । थप भएको सुपरजोनमा धनुषामा माछा, सिन्धुलीमा जुनार तथा डडेल्धुरामा आलु खेती सुपरजोन तयार भएको हो । यस अघि सातवटै प्रदेशमा क्रमशः झापामा धान, बारामा माछा, काभ्रेमा आलु, कास्कीमा तरकारी, दाङमा मकै, जुम्लामा स्याउ र कैलालीमा गहुँ खेति सुपरजोन कायम गरी कृषि उत्पादन कार्यलाई प्रबद्र्धन गरिदै आएको थियो।

प्रधानमन्त्री कृषि आधुनिकीकरण परियोजना अन्तरगत नेपालमा कृषि उत्पादनलाई प्रबद्र्धन गर्न चार वटा कलस्टर निर्माण गरिएको छ । जस अन्तर्गत एकै ठाउँमा कम्तीमा दश हेक्टर जग्गामा एकै प्रकारको कृषि उत्पादन सुरु गरी पकेट क्षेत्र, एक सय हेक्टरमा ब्लक, पाँच सय हेक्टरमा जोन तथा एक हजार हेक्टर भन्दा बढी क्षेत्रफललाई सुपरजोन घोषणा गरिन्छ । गत आर्थिक वर्षबाट यो परियोजना सुरु भएकोमा दश वर्ष (२०८३ सम्म) देशभर दश हजार पकेट क्षेत्र, एक हजार पाँच सय ब्लक, तीन सय जोन र २१ वटा सुपरजोन घोषणा गरी कृषि उत्पादनलाई एकीकृत विकास गर्ने लक्ष्य रहेको सचिव पोखरेलले जनाए । परियोजना सुरु भएदेखि अहिलेसम्म पाँच सय पकेट क्षेत्र, डेढ सय ब्लक, ५८ जोन र दश वटा सुपरजोन घोषणा भइसकेको छ ।

‘मलिलो माटो र सिँचाईको सम्भावनालाई ध्यानमा राखेर सरकारले मुलुकभर कृषि उत्पादन कार्यलाई प्रबद्र्धन गर्न प्रधानमन्त्री कृषि आधुनिकीकरण परियोजना कार्यान्वयनमा ल्याएको हो’ पोखरेलले नागरिकसँग भने । यसका लागि एक खर्ब ३० अर्ब ७४ करोड २० लाख रुपैयाँको बजेट तयारगरी नेपाल सरकारले विदेशी सहयोग बिना यस परियोजनालाई अगाडि बढाएको उनले उल्लेख गरे ।

सुपरजोन घोषणा भएसँगै धनुषामा माछापालनको विशिष्टिकृत प्रणाली अबलम्बन गर्ने, उन्नत प्रविधिको प्रयोगमा बढोत्तरी ल्याउने, अन्तर्राष्ट्रिय बजारमा पहुँच बढाउने तथा कृषि औद्योगिकीकरणलाई प्रबद्र्धन गरिने मन्त्रालयले जनाएको छ ।

माछापालनको सुपरजोन घोषणा समारोहमा कृषि मन्त्री यादव, कृषि सचिव पोखरेलसंगै नेपाल कृषि अनुसन्धान परिषदका कार्यकारी निर्देशक डा.वैद्यनाथ महतो, मन्त्रालयका सहसचिव, कृषि विभागका महानिर्देशक, मत्स्य विकास निर्देशनालयका कार्यक्रम निर्देशक, मध्यमाञ्चल क्षेत्र कृषि निर्देशनालयका क्षेत्रीय निर्देशकलगायत जननिर्वाचित सांसद, विधायक एंव स्थानीय तहका प्रमुखहरुको उल्लेख्य सहभागिता थियो ।

माछापालन सुपरजोन घोषणा गर्दै मन्त्री यादवले गत साउनमा आफु कृषि मन्त्री नियुक्त भएको उल्लेख गर्दै तराई मधेशमा धान रोपाइको बेला खडेरी परिरहेको उक्त क्षण चिन्ताजनक रहेको बताए । ‘म कृषि मन्त्री नियुक्त हुने बित्तिकै धनुषा, महोत्तरी, सर्लाही लगायत धानबाली उत्पादन हुने जिल्लालाई सुख्खा क्षेत्र घोषणा गर्नुपर्ने कुरा गर्दै थिए। एक महिना नबित्दै यस्तो बाढी आयो कि रोपिएको धान पनि बगाएर बगरमा परिणत भयो’ उनले भने, ‘सुख्खा क्षेत्र घोषणा गर्नुपर्ने क्षेत्रमा बाढीले क्षति पु¥याएपछि तत्कालन किसानहरुलाई क्षतिपुर्तिको व्यवस्था मिलाउने घोषणा गरेको थिएँ ।’ तराईमा कृषि उत्पादन क्षेत्रमा प्रचुर सम्भावना रहेको उल्लेख गर्दै उनले अगामी दिनमा आफु मन्त्री नरहेपनि कृषि प्रबद्र्धन कार्य जारी रहने जनाए ।

 

 

 

 





यसमा तपाईको मत

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

जब लाग्यो माण्डवीको मात...

जब लाग्यो माण्डवीको मात...

साँझ झमक्कै पर्नै आँटिसकेको थियो। दर्जन बढी कलाकारहरुको प्रस्तुती हेरी भ्याएका दर्शकहरुमा माण्डवी त्रिपाठीको प्रस्तुती हेर्ने हतारो देखिन्नथ्यो । झमक्कै...

लिम्बु साहित्यमा थपिए दश सिद्धान्तपरक पुस्तक

लिम्बु साहित्यमा थपिए दश सिद्धान्तपरक पुस्तक

लिम्बु साहित्यमा दश सिद्धान्तपरक पुस्तक थपिएका छन्। समस्या पूर्ती गर्ने भन्दै एक याक्थुङ प्रतिष्ठान नेपालले विभिन्न विषयका दश ओटा विधागत...

गीत गाएर जीविका चलाउँदै दृष्टिविहिन

गीत गाएर जीविका चलाउँदै दृष्टिविहिन

बुधबार जिल्ला सदरमुकाम सन्धिखर्कको शान्तिवगैंमा लुम्बिनी अपाङ्ग, दृष्टिविहिन तथा असाहय आश्रम वुटवलका दृष्टिविहिन कलाकारहरुले गाएका विभिन्न गीतले दर्शकहरुलाई भावुक बनायो।...

प्रिया प्रकाशलाई अदालतले दियो ‘न्याय’

प्रिया प्रकाशलाई अदालतले दियो ‘न्याय’

साउथ इण्डियनतर्फको मलयालम फिल्म उद्योगकी चर्चित युवा अभिनेत्री प्रिया प्रकाश वारियरलाई सर्वाेच्च अदालतले ‘न्याय’ दिएको छ। उनीविरुद्ध दर्ता भएका एफआईआरमा...