निर्मली रजले मैलो पानीको धुन्छ जस्तरी ।
विद्वान्ले मन आत्मामा राखी धुन्छ त्यसै गरी ।।
चित्त नै जान संसार यो नै शास्त्र बताउँछ ।
हावाले वृक्षझैँ देह चित्तले नै चलाउँछ ।।
थिचेर हात हातैले बजाई दाँत दाँतले ।
अङ्गले अङ्ग पक्रेर चित्त यो जित चित्तले ।।
चित्त जो जित्न सक्दैन मन्परी हिँड्न चाहने ।
गरेन ध्यानको धाक मूर्ख लाज नमानने ।।
मनोरूपी देवता नै जितेमा सिद्धिदायक ।
नजितेमा दुःखदायी साधना व्यर्थ बन्दछ ।।
क्रमशः
(ज्ञवालीद्वारा संस्कृतबाट अनुवादित योगवाशिष्ठसारको नेपाली पद्य हरेक शनिबार नियमित प्रकाशित भइरहेको छ ।)
प्रकाशित: ५ फाल्गुन २०७४ ०३:४७ शनिबार