मध्यक्रम जम्दा नेपाललाई सफलता

मङ्गलबार, ०१ फागुन २०७४, ०७ : ४० नागरिक


काठमाडौं – सन्दीप लामिछानेको ५ विकेट तथा युवा खेलाडी रोहितकुमार पौडेल, आरिफ शेख र कप्तान पारस खड्काको ब्याटिङप्रेरित नेपालले सोमबार केन्यालाई ३ विकेटले हराउँदै आइसिसी विश्वकप क्रिकेटको ग्लोबल क्वालिफायर खेल्ने सम्भावना कायमै राखेको छ।

विन्डहोकस्थित वान्डरर्स क्रिकेट मैदानमा टस हारेर ब्याटिङका लागि निम्त्याइएको केन्याले निर्धारित ५० ओभरमा ८ विकेट गुमाएर १ सय ७७ रन बनाएको थियो । १ सय ७८ रनको लक्ष्य नेपालले अन्तिम बलमा ७ विकेट गुमाएर पूरा गरेको थियो।

जितसँगै प्रतियोगितको ४ मध्ये ३ खेलमा जित हात पारेको नेपालले ६ अंक जोडेको छ । नेपाल दोस्रो स्थानमा छ भने समान ६ अंक नै जोडेको क्यानडा रनरेटका आधारमा शीर्ष स्थानमा छ । सोमबार क्यानाडा नामिबियासँग १७ रनले पराजित भएको थियो । जितसँगै नामिबियाले पनि आफ्नो सम्भावना कायम राखेको छ । नेपालले अब बुधबार क्यानाडासँग प्रतिस्पर्धा गर्नेछ भने नामिबियाले युएईसँग प्रतिस्पर्धा गर्नेछ । युएईले ओमानलाई ४६ रनले हराएको थियो । नामिबिया र युएईको सामान ४ अंक छ । नामिबिया र युएई जसले जिते पनि ६ अंक हुने भएकाले शीर्ष दुईमा रहन नेपालले क्यानाडालाई पराजित गर्नैपर्ने हुन्छ।

अंकतालिकाको शीर्ष दुई टोलीले जिम्वाब्बेमा हुने विश्वकप छनोट प्रतियोगिता खेल्न पाउनेछ । डिभिजन–२ को शीर्ष दुईले वेस्ट इन्डिज, जिम्वाब्बे, आयरल्यान्ड, नेदरल्यान्ड, पपुवा न्युगिनी, अफगानिस्तान, हङकङ र स्कटल्यान्डसँग दुई समूहमा विभाजित भएर प्रतिस्पर्धा गर्नेछ । यसका शीर्ष दुई टोलीले इङ्ल्यान्डमा हुने विश्वकप खेल्न पाउनेछन् । साथै नेदरल्यान्डबाहेक शीर्ष तीन एसोसिएट राष्ट्रले २०२२ सम्मका लागि एकदिवसीय मान्यता पाउनेछ।

एक समय धराशयी बनेको नेपालको इनिङलाई पारस खड्काले सम्हालेका थिए । ओपनिङ ब्याट्सम्यानको खराब प्रदर्शनले सोमबार पनि निरन्तरता पाउँदा नेपालले ५.६ ओभरमा १४ रन जोड्दा तीन विकेट गुमाइसकेको थियो । त्यसपछि युएईविरुद्ध अर्धशतक पूरा गरेका पारस र शरद भेषावकरले चौथो विकेटका लागि ५५ रनको साझेदारी गर्दै नेपालको इनिङ उकास्ने प्रयास गरे । १८औं ओभरको पहिलो बलमै पारस आउट भएपछि शरद पनि लामो समय क्रिजमा टिक्न सकेनन् । पारसले ४४ बलमा ३ चौका र २ छक्कासहित ४२ रन बनाउँदा शरदले ५७ बलमा १ चौकासहित १९ रन जोडे।

त्यसपछि यु–१९ टोलीका रोहितकुमार र आरिफले छैटौं विकेटका लागि ८७ रनको साझेदारी गर्दै नेपालको जितको आधार तयार गरे । नेपाललाई अन्तिम ओभरमा जितका लागि ६ बलमा ६ रनको आवश्यकता थियो । क्रिजमा रहेका सोमपाल कामी नयाँ ब्याट्सम्यान थिए भने रोहितकुमार चौथो बलमा रनआउट भएपछि नेपाल दबाबमा परेको थियो । २ बलमा २ रनको अवश्यकता भएको अवस्थामा सोमपालले पहिलो बलमा कुनै रन लिएनन् । एक बलमा २ रन आवश्यकता रहेको बेला सोमपालले २ रन लिँदै नेपाललाई महत्वपूर्ण जित दिलाएका थिए।

आरिफले ८२ बलमा २ चौकासहित ४२ रन बनाउँदा रोहतिकुमारले ८६ बलमा १ चौकासहित ४७ रनको योगदान गरे । सोमपाल ५ रनमा अविजित रहे । नेपालले सोमबार विकेटकिपर ब्याट्सम्यान दिलीप नाथको स्थानमा अनिलकुमार शाहलाई मौका दिएको थियो । तर, अनिलकुमार पनि ओपनिङमा आफ्नो छाप छोड्न असफल रहे । उनी पहिलो बलमै आउट भएका थिए।

त्यसअघि लेग स्पिनर सन्दीप लामिछानेले पाँच विकेट लिएको इनिङमा केन्याले निर्धारित ५० ओभरमा ८ विकेट गुमाएर १ सय ७७ रन जोडेको थियो । १० ओभर बलिङ गरेका सन्दीपले ५ मेडन राख्दै २० रन दिएर ५ विकेट लिएका थिए । प्रतियोगिताको एकै इनिङमा पाँच विकेट लिने सन्दीप तेस्रा खेलाडी हुन् । यसअघि ओमानका बिलाल खान र युएईका रोहन मुस्तफाले एकै इनिङमा पाँच विकेट लिएका थिए । जारी प्रतियोगितामा १४ विकेट लिइसकेका सन्दीप धेरै विकेट लिने खेलाडीको शीर्ष स्थानमा छन्।

सन्दीपबाहेक नेपालका शरद भेषावकर, बसन्त रेग्मी र सोमपाल कामीले १÷१ विकेट लिएका थिए । केन्याका लागि ओपनर इरफान करिमले सबैभन्दा धेरै ४२ रन बनाए । करिमले ओबान्डासँग पहिलो विकेटका लागि ६५ रनको साझेदारी गरे । जुन केन्याको इनिङमा बनेको सबैभन्दा ठूलो साझेदारी हो । कोलिन ओबुया २७ रन बनाए । नेल्सन ओधिएम्बो २४ र शेम एनगोचे २३ रनमा अविजित रहे । दुई नवौं विकेटका लागि ३८ रनको अविजित साझेदारी गरेका थिए ।

नेपालले अब बुधबार क्यानाडासँग प्रतिस्पर्धा गर्नेछ । नामिबिया र युएईको सामान ४ अंक छ । नामिबिया र युएई जसले जिते पनि ६ अंक हुने भएकाले शीर्ष दुईमा रहन नेपालले क्यानाडालाई पराजित गर्नै पर्ने हुन्छ।

अंक तालिका

देश        खेल      जित      हार      बराबर        अंक        रनरेट
क्यानडा    ४         ३          १          –              ६         १.११६
नेपाल      ४          ३         १           –               ६        –०.१५८
युएई        ४          २         २          –                ४        १.२२१
नामिबिया   ३         २         १            –               ४        ०.१०५
ओमान      ४          १         ३           –               २        –०.६२९
केन्या        ३         ०         ३            –               ०         –१.८५३

 

 





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

दयाहाङ किराँत संग्रहालयको सद्भावना दूत

दयाहाङ किराँत संग्रहालयको सद्भावना दूत

अभिनेता दयाहाङ राईलाई खोटाङको ऐसेलुखर्क–५ रिब्दुङ महेश्वरीमा निर्माण सुरु गरिएको किराँत संग्रहालयको सद्भावना दूत बनाइएको छ। ...

सञ्जय दत्तको बायोपिक फिल्ममा विवाद

सञ्जय दत्तको बायोपिक फिल्ममा विवाद

बलिउडका अभिनेता सञ्जय दत्तको जीवनीमा आधारित बायोपिक फिल्मको नाममा विवाद भएको छ। निर्देशक राजकुमार हिरानी र निर्माता विनोद चोपडा फिल्मको नाम...

जोहारीको ‘याँ सम्झिने कोई भएन’ को भिडियो सार्वजनिक

जोहारीको ‘याँ सम्झिने कोई भएन’ को भिडियो सार्वजनिक

गायक वीरेन्द्र जोहारी नयाँ देउडा गीतका साथ दर्शकश्रोता समक्ष आएका छन्। पेशाले नेपाल प्रहरीको प्रहरी नायव निरीक्षक पदमा कार्यरत जोहारीले...

मिथिला माध्यमिकी परिक्रमा आज महोत्तरीमा

मिथिलाको महाकुम्भ भनिने मिथिला माध्यमिकी परिक्रमाका यात्री आज महोत्तरी जिल्ला प्रवेश गरेका छन्। ...