सुरक्षाबाट सोखतिर

बिहिबार, ०४ माघ २०७४, १९ : २२ मनोज घर्तीमगर


पोखरा– आफ्नो र पराइ छुट्याउने खुबी । मालिकप्रतिको बफादारीले केही दशकअघिसम्म मानिसले कुकुर पाल्थे । कुकुर पाल्नेहरू आफ्नो घर सुरक्षित भएको पनि महसुस गर्थे । 

धेरैले घरको रखबारी गर्ने जिम्मा कुकुरलाई नै छाडिदिन्थे । अझ यसो भनौं, मान्छे आफ्नो आवश्यकताले कुकुर पाल्थे । अहिले जमाना पूरै बदलिएको छ । कुनै समय घरको सुरक्षा गर्न पालिने कुकुर अहिले भने धेरैले सोख पूरा गर्न पाल्न थालेका छन् । 

कुकुरले घरमालिक रिसाएको, खुसी भएको र दुःखी भएको इत्यादि मानवीय भावना बुझेर सोहीअनुसार व्यवहार गर्न सक्छ ।

भूपू गोर्खा सैनिक हर्क पुनका घरमा अहिले पनि दुईवटा कुकुर छन् । बिहान मर्निङवाक जाँदादेखि कुनै कार्यक्रममा जाँदा किन नहोस् ती कुकुरले हर्कलाई पछ्याउँछन् । उनी सानै छँदा भेडिगोठतिर बाघ, भालु लगायतका वन्यजन्तु आएको जनाउ दिन कुकुर पालेको याद छ । 

जब उनी लाहुर छिरे । पल्टनमा कुकुरलाई विभिन्न तालिम दिएको देखे । त्यसपछि उनलाई पनि कुकुर पालनको सोख पलायो । ‘पल्टनमा हुँदा पलाएको कुकुर मोह अहिले पूरा गर्दैछु । यिनले घरको शोभा मात्रै बढाएका छैनन्, मेरो सोख पनि पूरा गरिदिएका छन्’, पुनले भने, ‘पोखराका प्रायः लाहुरेको घरमा थरिथरिका कुकुर छन् ।’

मानिस र कुकुरबीचको अन्तरसम्बन्ध निकै पुरानो मानिन्छ । उहिले सुरक्षाका लागि पालिने कुकुर आधुनिक युगमा सुरक्षासँगै सोखको रूपमा पाल्ने क्रम बढ्दो छ । कुकुरसँग मान्छेको दोहोरो अन्तरक्रिया पनि हुने हुँदा अन्य घरपालुवा जनाबरमध्ये कुकुरलाई नै धेरै मान्छेले रोजेका हुन् । 

नायिका डिम्पल मगरलाई पनि प्रायः सबै जनाबर मन परे पनि तीमध्ये सबैभन्दा बढी कुकुर मन पर्छ  । ‘कुकुरले जे सिकायो त्यही गर्छ । सधैं मसँगै हुने भएकाले साथी पनि हुन्छ । उसँग खेल्दा रमाइलो हुन्छ । मसँगै सुत्छ । ममीहरू कसैले केही भनेमा भुक्ने गर्छ’, डिम्पल भन्छिन्, ‘मैले कुकुरलाई स्कुटरमा बोकेर हिँड्छु । त्यसले गर्ने क्रियाकलापहरू हेरिरहुँ जस्तो लाग्छ । घरको जहानभन्दा मलाई कुकुरा प्यारो लाग्छ ।’ 

सहरमा सोखका रूपमा कुकुर पालन दिन प्रतिदिन मौलाउँदैछ । सहरको यान्त्रिक जीवनशैली, टुट्दै गएको संयुक्त पारिवारिक परम्परा र निरस भावबाट उन्मुक्ति पाउन पनि कुकुर पालनप्रति आकर्षण बढेको हो । पहिला संयुक्त परिवारमा बस्ने चलन थियो । अहिलेचाहि‌ं स्वतन्त्र बस्ने चलन छ । 

पोखरामा सबैभन्दा धेरै पालिने कुकुर जर्मन सेफर्ड हो । परिवारमैत्री भएकाले धेरैको रोजाइमा पर्छ । त्यसपछि पग, तिब्बतीयन म्यासकिभ, ल्याब्रा डग, डोबरम्यान, रड वाइलर लगायतका कुकुर पालिन्छन् यहाँ । सहरका सम्पन्न परिवारमा उन्नत जातका महंगा कुकुर पाल्ने प्रतिस्पर्धाजस्तै छ । 

स्वतन्त्र भएपछि सानो परिवार हुने भएकाले खेल्नका लागि, सुरक्षाका लागि पनि कुकुर पाल्ने चलन बढ्दै गएको आल्मोन्स क्याफे सञ्चालक गौतम उदासको तर्क छ । ‘मेरो सोख नै कुकर पाल्नु हो । जति तनाव भए पनि कुकर आएर लुटुपुटु  गर्यो भने म फ्रेस हुन्छु । कुकुरसँग खेल्दा तनाव मुक्त भइन्छ’, पोखरामा नोपेलिट्यान म्यास्किभ जातको कुकुर पाल्ने एक्ला गौतम भन्छन् । 

पोखरामा कुकुर पालनका सबैभन्दा सौखिन उनै गौतम उदास हुन् । यतिसम्म कि उनले कुकुर स्याहार्नलाई हेरालो मान्छे राखेका थिए । विभिन्न चारथरिका कुकुर हेर्ने एकजनाको जागिर थियो । उनीसँग दिल्लीबाट मगाएको ६५ केजीको नोपेलिट्यान म्यास्किभ जातको कुकुर छ, जो पोखरामा अरु कसैसँग छैन । 

कुकुरले घरमालिक रिसाएको, खुसी भएको र दुःखी भएको इत्यादि मानवीय भावना बुझेर सोहीअनुसार व्यवहार गर्न सक्छ । घरमा साना–ठूला गरी चारवटा कुकुर पालेका गौतम भावना आदान–प्रदानकै लागि आफूले कुकुर पालेको गौतम बताउँछन् । 

रहर आफ्नो ठाउँमा छ । तर, कुकुर पाल्ने काम सजिलो छैन । कुकुरको स्याहारका लागि नियमित समय छुट्याउनुपर्ने हुन्छ । उसका लागि बेग्लै खानाको जोहो गर्नुपर्छ । पैसा पनि त्यत्तिकै खर्च हुन्छ । ‘पालनपोषण गर्न भने निकै गाह्रो छ । साँझ र बिहान मासु चाहियो’, उनी भन्छन्, ‘त्यति मात्र होइन, कुकुरको नियमित स्वास्थ्य जाँचसमेत गराइरहनुपर्छ ।’ 
पोखरामा सबैभन्दा धेरै पालिने कुकुर जर्मन सेफर्ड हो । परिवारमैत्री भएकाले धेरैको रोजाइमा पर्छ । त्यसपछि पग, तिब्बतीयन म्यासकिभ, ल्याब्रा डग, डोबरम्यान, रड वाइलर लगायतका कुकुर पालिन्छन् यहाँ । सहरका सम्पन्न परिवारमा उन्नत जातका महंगा कुकुर पाल्ने प्रतिस्पर्धाजस्तै छ । 

दिनभरिको व्यस्तता र थकानबाट दिक्क भएर सा“झ घर फर्कंदा स्वागतका लागि गेटैसम्म पुच्छर हल्लाउ“दै आइपुग्ने कुकुर देख्दा मनको भारी र थकान सबै दूर हुने व्यवसायी सिरोज कोइरालाको दाबी छ । ‘मुख्य कुरा त सुरक्षाका लागि पाल्छु, त्यसमा पनि म एनिमल लभर हो’, कोइराला भन्छन्, ‘दुईवटा कुकुर पालेको थिएँ, एउटा बाघले लियो एउटा अझै छ । कुकुर मान्छेभन्दा बढी विश्वासिलो हुन्छ ।’

 





यसमा तपाईको मत

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

जब लाग्यो माण्डवीको मात...

जब लाग्यो माण्डवीको मात...

साँझ झमक्कै पर्नै आँटिसकेको थियो। दर्जन बढी कलाकारहरुको प्रस्तुती हेरी भ्याएका दर्शकहरुमा माण्डवी त्रिपाठीको प्रस्तुती हेर्ने हतारो देखिन्नथ्यो । झमक्कै...

लिम्बु साहित्यमा थपिए दश सिद्धान्तपरक पुस्तक

लिम्बु साहित्यमा थपिए दश सिद्धान्तपरक पुस्तक

लिम्बु साहित्यमा दश सिद्धान्तपरक पुस्तक थपिएका छन्। समस्या पूर्ती गर्ने भन्दै एक याक्थुङ प्रतिष्ठान नेपालले विभिन्न विषयका दश ओटा विधागत...

गीत गाएर जीविका चलाउँदै दृष्टिविहिन

गीत गाएर जीविका चलाउँदै दृष्टिविहिन

बुधबार जिल्ला सदरमुकाम सन्धिखर्कको शान्तिवगैंमा लुम्बिनी अपाङ्ग, दृष्टिविहिन तथा असाहय आश्रम वुटवलका दृष्टिविहिन कलाकारहरुले गाएका विभिन्न गीतले दर्शकहरुलाई भावुक बनायो।...

प्रिया प्रकाशलाई अदालतले दियो ‘न्याय’

प्रिया प्रकाशलाई अदालतले दियो ‘न्याय’

साउथ इण्डियनतर्फको मलयालम फिल्म उद्योगकी चर्चित युवा अभिनेत्री प्रिया प्रकाश वारियरलाई सर्वाेच्च अदालतले ‘न्याय’ दिएको छ। उनीविरुद्ध दर्ता भएका एफआईआरमा...