बेसीसहरमा २६ औं त्रिवेणी कप सुरु

बुधबार, १२ पुष २०७४, १९ : १७ किसान संगीत नेपाली


लमजुङ– सदरमुकाम बेसीशहरस्थित त्रिवेणी युवाक्लवले आयोजना गर्दै आएको त्रिवेणी कपको २६ औं संस्करण बुधवारदेखि बेसीशहरमा सुरु भएको छ ।  

बेसीसहर नगरपालिकाका प्रमुख गुमानसिंह अर्यालले जिल्लाकै सर्वाधिक राशीको त्रिवेणीकप खुल्ला फुटवल प्रतियोगिताको उद्घाटन गरेका हुन् । कार्यक्रम उद्घाटन गर्दै नगरप्रमुख अर्यालले खेलकुदलको विकासका लागि स्थानीयतह देखि प्रदेश र संघीयस्तरमा नै नयाँ र फरक ढंगले ठोस कार्यक्रम तथा योजना निर्माण गर्नुपर्ने बताए । 

प्रतियोगिता उद्घाटनका अवसरमा नेपाली काँग्रेस जिल्ला कार्यसमितिका सभापति भेषबहादुर पौडेलले जिल्लामा खेलकुदको विकास गर्ने गराउन आफ्नो पार्टीले पहल गर्ने बताए । कार्यक्रममा संघीय समाजवादी फोरम नेपालका केन्द्रिय सदस्य खेमजङ्ग गुरुङले खेल क्षेत्रमा विगतको तुलनामा उल्लेख्य प्रगति भएको बताउँदै यसलाई स्तरीयता दिने क्रममा आफ्नो सकरात्मक सहयोग रहने बताए । त्यस्तै, लमजुङ उद्योग बाणिज्य संघका अध्यक्ष राजेश थापाले खेलका माध्यमले बेसीसहरको व्यापार व्यवसायमा समेत टेवा पुगको बताउँदै उद्योगी, व्यापारी, व्यवसायी र खेलकुद क्षेत्रका विच उचित खालको समन्वय गर्दै जाने बताए । अखिल नेपाल फुटवल एशोसियसन लमजुङका अध्यक्ष विश्व पौडेलले पनि फुटवल सँगसँगै सबै खालका खेलकुद क्षेत्रको अवस्थामा सोचेजस्तो राम्रो हुन नसकेको धारणा व्यक्त गरे । 

प्रतियोगितामा यसवर्ष राष्ट्रियस्तरका २३ टिमका विच प्रतिस्पर्धा हुने क्लवका अध्यक्ष छविन्द्रजङ्ग गुरुङले बताए । उद्घाटन सँगै भेट्रान त्रिवेणी युवाक्लव र भेट्रान लमजुङ मस्र्याङ्दी युवाक्लव बेसीशहर विच मैत्रीपूर्ण खेल भएकोमा त्रिवेणीले  १ का विरुद्ध ३ गोल गरेको छ । बिहीवारदेखि सुरु हुने प्रतिस्पर्धाको पहिलो खेल शेरा ८ बेसीसहर र सुन्दरबजार युवाक्लव रातो विच हुने तय भएको छ । दोस्रो खेल अन्नपूर्ण युवाक्लव नाल्मा र नवकालिका युथक्लव उदीपुर विच र तेस्रो खेल लमजुङ मस्र्याङ्दी युवाक्लव बेसीसहर र एमसिटी युथक्लव बेसीसहर विचमा हुने आयोजक क्लबले जनाएको छ ।

विगतमा पहिलो पुरस्कार १ लाख ५० हजार रुपैयाँ भएकोमा रजत जयन्ती सँगै गतवर्षदेखि उक्त राशीमा दोब्बर वृद्धि गर्दै ३ लाख रुपैयाँ पुर्याइएकाे छ । प्रतियोगितामा विजयी समुहलाई नगद ३ लाख रुपैयाँ सहित त्रिवेणीकप, स्वर्ण पदक र प्रमाणपत्र दिईनेछ भने उपविजेतालाई १ लाख ५० हजार सहित रजत पदक र प्रमाणपत्र, सेमिफाईनलका उपविजेता दुई समुहलाई ५०÷५० हजार दिईनेछ । त्यस्तै, सर्वाधिक गोलकर्ता र सर्वोत्कृष्ट खेलाडीलाई जनही १५ हजार र अनुशासित टिमलाई १० हजार सहित स्वर्णपदक र प्रमाणपत्र उपलब्ध गराईने क्लबले जनाएको छ ।








यसमा तपाईको मत

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

जब लाग्यो माण्डवीको मात...

जब लाग्यो माण्डवीको मात...

साँझ झमक्कै पर्नै आँटिसकेको थियो। दर्जन बढी कलाकारहरुको प्रस्तुती हेरी भ्याएका दर्शकहरुमा माण्डवी त्रिपाठीको प्रस्तुती हेर्ने हतारो देखिन्नथ्यो । झमक्कै...

लिम्बु साहित्यमा थपिए दश सिद्धान्तपरक पुस्तक

लिम्बु साहित्यमा थपिए दश सिद्धान्तपरक पुस्तक

लिम्बु साहित्यमा दश सिद्धान्तपरक पुस्तक थपिएका छन्। समस्या पूर्ती गर्ने भन्दै एक याक्थुङ प्रतिष्ठान नेपालले विभिन्न विषयका दश ओटा विधागत...

गीत गाएर जीविका चलाउँदै दृष्टिविहिन

गीत गाएर जीविका चलाउँदै दृष्टिविहिन

बुधबार जिल्ला सदरमुकाम सन्धिखर्कको शान्तिवगैंमा लुम्बिनी अपाङ्ग, दृष्टिविहिन तथा असाहय आश्रम वुटवलका दृष्टिविहिन कलाकारहरुले गाएका विभिन्न गीतले दर्शकहरुलाई भावुक बनायो।...

प्रिया प्रकाशलाई अदालतले दियो ‘न्याय’

प्रिया प्रकाशलाई अदालतले दियो ‘न्याय’

साउथ इण्डियनतर्फको मलयालम फिल्म उद्योगकी चर्चित युवा अभिनेत्री प्रिया प्रकाश वारियरलाई सर्वाेच्च अदालतले ‘न्याय’ दिएको छ। उनीविरुद्ध दर्ता भएका एफआईआरमा...