Sunday 6 Poush, 2071 |
Menu

विश्व

डायना मृत्युबारे नयाँ तथ्यको जाँच

(0 votes)
डायना मृत्युबारे नयाँ तथ्यको जाँच

लन्डन– बेलायतको स्कटल्यान्ड यार्डले कार दुर्घटनामा मारिएकी बेलायतकी राजकुमारी डायनाको मृत्युसम्बन्धी नयाँ तथ्य फेला पारेको जनाएको छ। यार्डले सन् १९९७ मा फ्रान्सको राजधानी पेरिसमा भएको दुर्घटनामा डायना र उनका साथी डोडी अल–फायदको मृत्युसम्बन्धी फेला परेका नयाँ तथ्यको छानबिन गरिरहेको छ।

यार्डका अनुसार फेला परेका नयाँ तथ्य विश्वसनिय भए नभएबारे विश्लेषण भइरहेको छ। यार्डले सन् १९९७ अगस्ट ३१ मा पेरिसमा कार दुर्घटनामा भएको डायना र फायदको मृत्युबारे दोहो¥याएर छानबिन गर्न लागेको होइन भनेको छ।

दुर्घटनाबारे छानबिन गर्न गठित जाँच समितिले सन् २००८ मा दिएको प्रतिवेदनमा कारचालकको लापरवाहीका कारण डायना र फायदको मृत्यु भएको उल्लेख थियो ।

स्कटल्यान्ड यार्डले फेला परेका नयाँ तथ्यको विश्लेषण स्पेसलिस्ट क्राइम एन्ड अपरेसन्स कमान्डका अधिकारीद्वारा गरिने जनाएको छ । यार्डका प्रवक्ताले तथ्यको स्रोतबारे भने केही नबताउने जनाए ।

यार्डले राजकुमारी डायना र फायदको हत्या गरिएको आशंकाबारे गहिरो छानबिन गरिएको थियो भन्दै फेला परेका नयाँ तथ्यको छानबिन पुरानो छानबिनसँग सम्बन्धित नभएको बताएको छ । फायदका पिताले उनका छोराको हत्या गरिएको दाबी गरेका थिए ।

प्रहरीले सन् २००६ डिसेम्बरमा जारी गरेको अनुसन्धान प्रतिवेदनमा डायना र फायदको हत्या भएको कुनै प्रमाण फेला नपरेको उल्लेख छ । बेलायती राजकुमार चाल्र्सकी पूर्वपत्नी तथा राजकुमार विलियम र ह्यारीकी आमा राजकुमारी डायना मृत्यु हुँदा ३६ वर्षकी मात्र थिइन् ।

राजकुमारी डायना र फायद पेरिसमा एउटै कारमा गइरहेका बेला एउटा सुरुङ मार्गभित्रको खम्बामा ठोक्किएपछि मृृत्यु भएको थियो । पेरिसस्थित फायदको रिट्ज होटलबाट दुवै निस्कनासाथ केही पापाराजी (स्वतन्त्र फोटोग्राफर पत्रकार)ले मोटरसाइकलमा उनीहरूको पिछा गरेका थिए । पापाराजीबाट पिछा छुटाउन तीव्र गतिमा हुँइकिएको डायना–फायदको कार सुरुङ मार्गको खम्बामा ठोक्किएको थियो । दुर्घटनामा डायना र फायदको मृत्यु भए पनि फायदका अंगरक्षक बाँचेका थिए।

डायनाको मृत्युबारे भएको छानबिनपछि पापाराजी, चालकले रक्सी खाएर कार चलाउनु र सिटबेल्ट नबाँधेका कारण डायना र उनका ब्वाइफ्रेन्ड फायदको मृत्यु भएको जनाइएको थियो।

अमेरिकी राष्ट्रपतिको दौडमा तेस्रा बुस

अमेरिकी राष्ट्रपतिको दौडमा तेस्रा बुस

वासिङटन– अमेरिकाका पूर्वराष्ट्रपति जर्ज डब्ल्यु बुसका भाइ जेब बुसले आफू पनि सन् २०१६ मा हुने चुनावमा राष्ट्रपतिको उम्मेदवार बन्ने आकांक्षा राखेका छन्। रिपब्लिकन पार्टीका बुस फ्लोरिडाका पूर्वगभर्नर हुन्। उनले आफ्नो प्रचार...

माछाको भाग नपाएपछि चार माझीको हत्या

पटना- भारतको गरिबीग्रस्त बिहार राज्यमा तल्लो जातका माझीले आफूले मारेको माछाको भाग दिन नमानेपछि माथिल्लो जातिका पुरुषले चार माझीलाई गोली हानी मारिदिएका छन्। यी माझीले आफ्नो गाउँमा एक पोखरीमा माछा...

सिड्नीको एउटा क्याफे बन्दुकधारीको कब्जामा, पाँच जना निस्किए

सिड्नीको एउटा क्याफे बन्दुकधारीको कब्जामा, पाँच जना निस्किए

सिड्नी- अष्ट्रेलियाको सिड्नीस्थित एक क्याफेमा आएका ग्राहकहरुलाई बन्दुकधारीले बन्धक बनाएका छन्। मार्टिन प्लेसको लिन्ड्ट क्याफेलाई बन्दुकधारीले कब्जा गरेको त्यहाँका सञ्चारमाध्यमले जनाएका छन्। बन्धक बनाएसँगै सशस्त्र प्रहरीले क्याफेलाई घेराबन्दी गर्नुका साथ...

प्रेमिकालाई विवाह प्रस्ताव राख्दा छिमेकीको छत भत्कियो

प्रेमिकालाई विवाह प्रस्ताव राख्दा छिमेकीको छत भत्कियो

आइजेल्सटाइन–प्रेमलाई सफल पार्न प्रेमीले आफ्नी प्रेमीकालाई आकाशको जुन तारा धर्तीमा खसाल्ने वाचा गरेको सुनिँदै आइएको हो। तर यस्तै काल्पनिक कुरा वास्तविक जीवनमा उत्रार्न खोज्दा एक प्रेमी घाइते भएका छन्।

भारतमा ‘जिहादी ट्विटर' पक्राउ

बङ्लोर (भारत)– भारतीय प्रहरीले शनिबार इस्लामिक स्टेट समूहलाई समर्थन गर्ने प्रभावशाली ट्विटर अकाउन्ट सञ्चालक २४ वर्षीय युवकलाई पक्रेको छ। दक्षिणी नगर बङ्लोरमा भारतीय खाद्य उत्पादकका लागि काम गर्ने मेहदी मसरुर...

‘इबोलाविरुद्ध सामूहिक प्रयास गरौं'

‘इबोलाविरुद्ध सामूहिक प्रयास गरौं'

जेनेभा– वर्षको सर्वाधिक चुनौतीपूर्ण स्वास्थ्य समस्या इबोलाविरुद्ध एकजुट भएर नियन्त्रणको प्रयास गर्न विश्वका नेताहरुले सबैसँग आग्रह गरेका छन्। उनीहरुले इबोला वर्षकै स्वास्थ्य संकट हो भन्दै अमेरिका र संयुक्त राष्ट्र संघसँग...

तानाशाहीतिर लम्कँदै मोदी

तानाशाहीतिर लम्कँदै मोदी

नयाँ दिल्ली– रोमन साम्राज्यका पहिला सम्राट अगस्टसले आफ्नो ४० वर्षे लामो शासनकालको सुरुका केही वर्ष रोमका शक्तिशाली सिनेटरलाई शक्तिहीन बनाउनु साटो उनीहरूलाई आफूसँगै समेट्ने नीति लिएका थिए। रोमको पुरानो प्रशासनिक...

मोदीको पशुपति दर्शनले भारतीय संसदमा हंगामा

मोदीको पशुपति दर्शनले भारतीय संसदमा हंगामा

नयाँदिल्ली– भारतीय प्रधानमन्त्री नरेन्द्र मोदीले नेपाल भ्रमण क्रममा पशुपतिनाथको दर्शन तथा पूजाअर्चना गरेको विषयमा मंगलबार भारतको तल्लो सदन लोकसभामा हंगामा भएको छ।