Wednesday 18 Chaitra, 2071 |
Menu

विश्व

HUB

नवाज सरिफको राजनीति : कहिले घाम कहिले छायाँ

  • मङ्गलबार ३१ बैशाख, २०७०
  • एजेन्सी
  • DISQUS_COMMENTS
(0 votes)
नवाज सरिफको राजनीति : कहिले घाम कहिले छायाँ
कराची- सेनाका कारण सरिफको राजनीतिसहित जीवन नै संकटमा परेको भए पनि सेनाले नै उनलाई राजनीतिमा प्रवेश गराएको थियो। सरिफको पृष्ठभूमि राजनीतिक नभएर व्यापारिक हो। सन् १९७६ मा तत्कालिन प्रधानमन्त्री जुल्फिकार अलि भुट्टोले सरिफ परिवारको स्टिल उद्योग राष्ट्रियकरण गरे। त्यसपछि सरिफ राजनीतिमा आउन प्रेरित भए र उनी पाकिस्तान मुस्लिम लिगको सदस्य बने।


सन् १९८१ मा जनरल जियाउल हकको सरकारले मार्सल ल लगाएका बेला हकले सरिफलाई पञ्जाब प्रान्तको अर्थमन्त्री नियुक्त गरे। सन् जनरल हकले १९८५ मा सरिफलाई पञ्जाबको मुख्यमन्त्री बनाए। तर तीन वर्षपछि नै जनरल हकले सरिफ सरकार भंग गरे।

एउटा विमान दुर्घटनामा तत्कालिन राष्ट्रपति जनरल हकको मृत्यु भएपछि पिएमएल दुई समूह फिदा र जुनेजोमा टुक्रियो। जुनेजो समूहको नेतृŒव मोहम्मद खान जुनेजोले गरेका थिए। दुवै समूहले सन् १९८९ को आम चुनावमा बेनजिर भुट्टोको पाकिस्तान पिपुल्स पार्टीविरुद्ध सात धार्मिक र रुढीवादी पार्टीसँग मिली इस्लामी जम्हुरी इत्तेहाद(आइजेआइ) गठबन्धन मोर्चा बनाए। गठबन्धनले बहुमत जित्यो तर सरिफ भने संसद नेसनल एसेम्बलीमा बसेनन् र पञ्जाब प्रान्तको मुख्यमन्त्री भए।

सन् १९९० नोभेम्बरमा सरिफ पाकिस्तानको १२ औं प्रधानमन्त्री भए। राजनीतिमा खेल्ने गरेको पाक सेनासँग प्रधानमन्त्री भएदेखि नै उनको मतभेद सुरु भयो। सेनासँग बढ्दै गएको तनावका कारण उनले अप्रिल १९९३ मा उनले प्रधानमन्त्रीबाट राजीनामा दिए पनि सर्वोच्च अदालतले उनको सरकारलाई जुलाई १९९३ सम्म बहाल गर्यो ।

सन् १९९७ मा भएको आम चुनावबाट सरिफको पार्टी फेरि सत्तामा आयो र उनी दोस्रोपल्ट प्रधानमन्त्री बने। उनको दोस्रो कार्यकालमा नै भारत–पाकिस्तानबीच कारगिल युद्ध भयो। तर कारगिल युद्ध हुनुमा सरिफको कुनै भूमिका नभएको बरु तत्कालिन सेना प्रमुख परवेज मुसर्रफ जिम्मेवार रहेको अनुमान राजनीतिक विश्लेषक गर्छन्।

सरिफले जुलाई १९९९ मा देशका नाममा गरेको सम्बोधनमा युद्धको सम्भावना अन्त्य गर्न भारतका तत्कालिन प्रधानमन्त्री अटलबिहारी बाजपेयीसँग भेटवार्ता गर्न इच्छुक रहेको उल्लेख गरेका थिए।

सरिफ प्रधानमन्त्री रहेका बेला सेनासँग उनको बारम्बार टकराव भयो। यसैबीच तत्कालिन सेनाध्यक्ष जनरल परवेज मुसर्रफले १२ अक्टोबर १९९९ मा सैनिक कु गरी सरिफलाई सत्ताच्युत गरे। श्रीलंकाबाट फर्किंदै गरेको मुसर्रफ चढेको हवाइजहाज अपहरण गर्ने आरोप लगाएर मुसर्रफले सरिफलाई सत्ताच्युत मात्र गरेनन्, उनलाई जेलमा समेत हाले। फाँसीको सजाय सुनाइएका सरिफ र मुसर्रफ सरकारबीच सम्झौतापछि उनी परिवारका ४० सदस्यसहित साउदी अरेयिबा निर्वासित भए। सन् २००७ मा सरिफ फेरि स्वदेश फर्किए।

सन् २००८ को आम चुनावमा उनको पार्टी पिएमएल(एन)को स्थिति राम्रो हुँदाहुँदै पनि पूर्वप्रधानमन्त्री बेनजिर भुट्टोको हत्यापछि उत्पन्न सहानुभूतिका कारण पिपिपीले धेरै सिट जितेर सरकार बनायो। तर पाँच वर्षसम्म सरिफले पिपिपीको सरकार ढाल्ने कुनै प्रयास गरेनन्। सरिफले चाहेको भए कुनै पनि बेला पिपिपीको सरकार ढाल्न सक्थे। धैर्यपूर्वक प्रतिक्षा गरेका सरिफलाई सन् २०१३ को आम चुनावले फेरि सत्तारुढ गराउने भएको छ।
बंगलादेशमा बालविवाह बढ्दो

बंगलादेशमा बालविवाह बढ्दो

ढाका– बंगलादेशको ग्रामीण क्षेत्रमा बाल विवाह अझै पनि बढीरहेको छ। बंगलादेशको ग्रामीण क्षेत्रमा बाल विवाह बढीरहेको संख्याले त्यहाँको बालबालिका निकै जोखिमपूर्ण अवस्थामा रहेको सञ्चारमाध्यमले उल्लेख गरेका छन्। ग्रामीण भूभागमा सामाजिक...

जर्मन जहाज दुर्घटनामा १५० को मृत्यु, यस्तो छ दुर्घटनास्थल (भिडियो सहित)

जर्मन जहाज दुर्घटनामा १५० को मृत्यु, यस्तो छ दुर्घटनास्थल (भिडियो सहित)

रिस– जर्मनीको जर्मनविङ्स वायुसेवाको एयरबस ए–३२० मंगलबार फ्रान्सको दक्षिणी आल्प्स पर्वत शृंखलामा दुर्घटनाग्रस्त हुँदा जहाजमा रहेका सबै १ सय ५० जनाको मृत्यु भएको आशंका गरिएको छ।१ सय ४४ यात्रु र...

लन्डनमा चर्चिलसँगै गान्धीको मूर्ति

लन्डनमा चर्चिलसँगै गान्धीको मूर्ति

लन्डन– भारतीय स्वतन्त्रताका नेता महात्मा गान्धीको सालिक शनिबार बेलायतको राजधानी लन्डनमा अनावरण गरिएको छ। गान्धीको सालिक विख्यात घडि बिग बेन र हाउस अफ कमन्स अगाडि पार्लियामेन्ट स्क्वायरमा दोस्रो विश्वयुद्धकालिन बेलायती नेता...

बच्चा साटिएपछि…

बच्चा साटिएपछि…

फ्रान्स – सोफी सेरानोले केही दिनको पर्खाइपश्चात् आफूले जन्म दिएको छोरी मेननलाई उचाल्ने मौका पाइन्। जन्मनेबित्तिकै जन्डिस देखा परेपछि मेननको आमासँग टाढा क्रृत्रिम प्रकाशमा छुट्टै राखेर उपचार भइरहेको थियो। तर,...

भ्रष्टाचारमुक्त दिल्लीको वाचा, को को भए मन्त्री?

भ्रष्टाचारमुक्त दिल्लीको वाचा, को को भए मन्त्री?

नयाँ दिल्ली– दोस्रोपल्ट दिल्लीको मुख्यमन्त्री बनेका आम आदमी पार्टी (आप) नेता अरबिन्द केजरिवालाले शनिबार पदको शपथ लिएका छन्। दिल्लीका उपराज्यपाल नजिब जंगले ऐतिहासिक रामलिला मैदानमा हजारौं सर्वसाधारणको उपस्थितिमा केजरिवाललाई पद तथा...

पूर्वी युक्रेनमा युद्धविराम घोषणा, के छ सम्झौतामा?

पूर्वी युक्रेनमा युद्धविराम घोषणा, के छ सम्झौतामा?

मिन्स्क– बेलारुसको राजधानी मिन्स्कमा १७ घन्टा चलेको वार्तापछि पूर्वी युक्रेनमा सरकार–रुससमर्थक पृथक्तावादीबीच युद्धविराम भएको छ। युक्रेन संकट समाधानका लागि बेलारुसमा भेला भएका रुस, जर्मनी, फ्रान्स र युक्रेनका नेताले लामो वार्तापछि बिहीबार...

लगानी नीतिबारे ओबामा–सीबीच छलफल

लगानी नीतिबारे ओबामा–सीबीच छलफल

वासिङ्टन– अमेरिकी राष्ट्रपति बाराक ओबामा र चिनियाँ राष्ट्रपति सी जिङपिङ बीच मंगलबार फोनवार्ता भएको छ। वार्ताका क्रममा उनीहरू दुवैले आगामी दिनमा अमेरिका–चीन आर्थिक सम्बन्ध कसरी सुदृढ र फलदायी बनाउन सकिन्छ...

भारतद्वारा लामो दूरीको अग्नि–५ मिसाइल परीक्षण

भारतद्वारा लामो दूरीको अग्नि–५ मिसाइल परीक्षण

नयाँ दिल्ली– भारतले लामो दूरीसम्म प्रहार गर्नसक्ने र आणविक हतियार बोक्न सक्षम अग्नि–५ मिसाइलको सफल परीक्षण गरेको छ। मोबाइल लन्चरबाट प्रहार गर्न सकिने अग्नि–५ को परीक्षण शनिबार उडिसाको समुद्रतटको ह्विलर...