राजस्थान, चैत २ - सवाई मधोपुरमा बस दुर्घटना हुँदा सोमबार बिहान २६ विद्यार्थीको मृत्यु भएको छ।

टोक्यो, फागुन २८ (एएफपी)- तनावका कारण वृद्ध बिरामीहरुको जानीजानी ढाड खुस्कने गरी हान्ने एक नर्सलाई जापानी प्रहरीले गिरफ्तार गरेको छ। प्रहरीका अनुसार पाँच समान मुद्दामा उनको संलग्नता देखिएको छ।

लागोस, फागुन २४ - नाइजेरियाको जोस सहरमा आइतबार भएको जातीय हिंसामा कम्तीमा पाँच सयको मृत्यु भएको छ।

काठमाडौँ, फागुन २४ (नागरिक)- पूर्वी टर्कीमा आज बिहानै छ रेक्टर स्केलको शक्तिशाली भूकम्प भएको एएफपीले जनाएको छ। भूकम्प स्थानीय समय अनुसार बिहान ४ बजेर ३२ मिनेट (नेपाली समय बिहान ८ बजेर १७ मिनेटमा) गएको हो।

लाहौर, फागुन २४ - पाकिस्तानको दोस्रो ठूलो सहर लाहौरमा  शक्तिशाली विस्फोट हुँदा ११ जनाको मृत्यु भएको छ। घटनामा ६० भन्दा बढी घाइते भएको एएफपीले जनाएको छ।

दुई प्रहरी घाइते-
वासिङटन, फागुन २१ (एएफपी)- अमेरिकी सेनाको पेन्टागनस्थित मुख्य कार्यालय प्रवेशद्वारमा गोली हानाहान हुँदा दुई जना प्रहरी घाइते भएका छन्। गोली हान्ने एक शंकास्पद व्यक्ति पनि घाइते भएका छन्। घटनापछि पेन्टागनमा 'सेक्युरिटी लकडाउन' गरिएको थियो।

नयाँ दिल्ली, फागुन २०- भारतको उत्तर प्रदेशमा रहेको स्वामी कृपालुजी महाराजको आश्रममा भएको भागदौडमा परी कम्तीमा ६५ जनाको मृत्यु भएको छ। प्रतापगढमा रहेको आश्रमको ढोका ढलेपछि भागदौड सुरु भएको हो। ३० भन्दा बढी मानिस अझै भीडमै चेपिएको अनुमान गरिएको छ।

कोलकोता, फागुन २०- भारतीय माओवादीका प्रवक्ताले सरकारसँग वार्ताअघि जेलमा रहेका आफ्ना 'राजनीतिक नेताहरु' लाई रिहा गर्नुपर्ने सर्त अघि सारेका छन्। माओवादी नेता राजुले वार्ताका लागि पश्चिम बङ्गाल सरकारले सर्तबिना तेलगु दीपक भनिने वेङ्केटेश्वर रेड्डीलाई रिहा गर्नुपर्ने बताएका छन्।