Friday 7 Kartik, 2071 |
Menu

प्रविधि

अब स्मार्टफोनले देखाउँछ कारको बाटो

  • बिहीबार २७ असार, २०७०
  • एजेन्सी
  • DISQUS_COMMENTS
(0 votes)
तपाई कुनै नयाँ सडकमा सवारी हाँक्दै हुनुहुन्छ ? धेरै चिन्ता नगर्नुहोस्। सडकको सबै जानकारी तपाइँको गाडीको स्क्रिनमा नै आउँछ र तपाईको यात्रालाई सहज बनाउँ छ। स्याटेलाइट नेविगेशन कम्पनी गारमिनले कारको लागि एउटा सानो हेडअप डिस्पले (एचयूडी) बनाएको छ। यो डिभाइसले हरेक मोडको जानकारी गाडीको स्क्रिनमा देखाउनेछ। एचयूडीले बाटो खोज्नको लागि स्मार्टफोन वा गारमिनको एप्लीकेसनको सहयोग लिन्छ।
यो उपकरणले दिशा (तीरको इशाराले) दूरी, गति र अधिकतम गति सीमा स्क्रिनमा देखाउँछ। यो दिशासूचकले आवाजको पनि जानकारी दिनसक्छ। तर यसको लागि स्मार्टफोनको स्पिकर या कारको ब्लूटूथसँग जोडिएको स्पीकर आवश्यक पर्छ।

स्याटलाइट नेविगेशनसँग जोडिएको एप्लीकेसन आईफोनको आइओएस, एन्ड्रोइड वा विंन्डोज ८ फोनको लागि उपलब्ध छ । एचयूडीले राती र दिनको उज्यालोको हिसाब गर्दै जानकारी दिन्छ र प्रकाशलाई आफँै मिलाउँछ जसले गर्दा लोकेशन राम्रोसँग देखिन्छ।

सावरी साधनको अनुसन्धान गर्ने कम्पनी मिराले भविष्यमा एचयुडीलाई सवारी साधन टेक्नोलोजीमै एकीकृत गर्न सकिने बताएको छ। उसले भनेको छ कार निर्माता आफैँ अब यो काम गर्न लाग्दैछन्। तर यसमा समस्या आउन सक्ने सम्भावनालाई दृष्टिगत गरी उनीहरु केही हच्किएका हुन्। 'स्मार्टफोन लगभग लगभग दिनदिनै बदलिँदै छन् र कारको नवीकरणको एउटा सीमा छ', मीराका एडवड्र्सले भने।

उनीहरुले भनेका छन् एचयूडी अब गाडीको सबैभन्दा महंगो मोडलमा मात्र होइन मध्यम स्तरका गाडीमा समेत उपलब्ध हुनेछ । कारमा अक्सर एचयूडी पहिले नै बनाइएको हुन्छ तर यसको अपडेट हुन पाएको छैन। स्क्रिनमा जानकारी देखाउने एचयूडी डिभाइसका कारण ध्यान भंग हुने शंका रहँदैन । किन भने यो उपकरणलाई हेर्नु नै सडक हेर्नु हुनेछ । गारमिनका अनुसार एचयूडीको मूल्य करिब १२ हजार नेपाली रुपैयाँ हुनेछ। गारमिन एप्लीकेसनसँग कनेक्सन रहेको क्षेत्रीय नक्सालाई करिब २८ सय नेपाली रुपैयाँ पर्नेछ ।