Thursday 4 Baishak, 2071 |
Menu

प्रविधि

नेपाली पुस्तक किन्डलमा

(0 votes)
नेपाली पुस्तक किन्डलमा
काठमाडौं – असोका फेलो अनिल चित्रकारद्वारा लिखित पुस्तक 'टेक द लिड : नेपाल्स फ्युचर ह्याज बिगन' किन्डल संस्करणमा आएको छ। दुई साता अघि काठमाडौंमा सार्वजनिक भएको पुस्तक विश्वभर छरिएका पाठकका लागि अम्याजन डट कममार्फत् किन्डल संस्करणको बिक्री थालिएको कथालय प्रकाशनले जनाएको छ।
'अम्याजन डट कममार्फत किन्डल, कम्प्युटर तथा स्मार्टफोनमा क्रेडिट कार्डबाट भुक्तान गरी डाउनलोड गरी पुस्तक प्राप्त गर्न सक्छन्', कथालयको प्रेस विज्ञप्तिमा भनिएको छ- 'नेपाली पुस्तकको नयाँ बजार खोजीको अभियान र नेपाली डिजिटल पुस्तकको पाइरेसी समस्यालाई ध्यान दिँदै कथालयले प्राविधिक विश्वसनियतामा विश्वमै ख्याती कमाएको किन्डल संस्करणमा टेक द लिडलाई पुर्‍याएको हो', विज्ञप्तिमा भनिएको छ। कथालयको स्थानीय पेमेन्ट गेट वे साझेदार ठमेल डट कम रहेको छ।

नेपालको सामाजिक– राजनीतिक पक्ष, विकास र अर्थतन्त्रको वास्तविकता बारे लेखिएको पुस्तक विश्व बजारमा पुग्नु सकारात्मक कुरा भएको लेखक अनिल चित्रकार बताउँछन्। 'नेपाल बुझ्न चाहने विदेशी र नेपालीकै लागि यो एउटा झ्यालको रुपमा रहेको छ', चित्रकारले भने– 'नेपाली पुस्तक किन्डल संस्करणमा आउनु सबै लेखकका लागि खुशीको कुरा हो।'

कथालयका सिइओ राजीवधर जोशी पुस्तकको किन्डल संस्करण सुरु हुनु नेपाली लेखक र पुस्तक उद्योगकै एउटा नयाँ फड्को भएको बताउँछन्। विश्वको पुस्तक बजार डिजिटल माध्यमतर्फ गइरहेको बेला हामी पनि त्यसतर्फ लागेका छौं', जोशीले भने– आउँदा दिनमा कथालयसँगै अन्य प्रकाशनका पुस्तकलाई पनि किन्डलमा लैजादैछौं।'
वर्षका नयाँ ग्याजेट

वर्षका नयाँ ग्याजेट

काठमाडौं– ग्याजेटप्रेमीका लागि २०७० सालको अन्त्यतिर आएकोे 'सामसङ ग्यालेक्सी एस फाइभ' पछिल्लो उपहार हो। ७६ हजार रुपैयाँ पर्ने ग्यालेक्सी एस फाइभको चर्चासँगै २०७१ सालमा केही नयाँ ग्याजेट आउँदै छन् जुन...

ग्यालेक्सी एस–फाइभ बजारमा

ग्यालेक्सी एस–फाइभ बजारमा

काठमाडौं– सामसङको नयाँ स्मार्टफोन ‘ग्यालेक्सी एस–फाइभ' नेपाली बजारमा भित्रिएको छ। सामसङको आधिकारिक बिक्रेता इन्टरनेसनल मार्केटिङ सर्भिसेज (आइएमएस) ले शुक्रबारबाट यो स्मार्टफोनको बिक्री सुरु गरेको हो।

विन्डोज एक्सपी बन्द

विन्डोज एक्सपी बन्द

तपाइँको कम्प्युटरमा विन्डोज एक्सपी छ? छिटो अपग्रेट गर्नुहोस्। आजदेखि माइक्रोसफ्टका नि:शुल्क सेक्युरिटी इसेन्सियल एक्सपीमा डाउनलोड हुने छैन। सिस्टम सेन्टर, विन्डोज इनट्युन, माइक्रोसफ्ट डेप्लोइमेन्ट टुलकिट पनि एक्सपीमा सपोर्ट गर्ने छैन। विश्वभरि...

मोजिला सिइओले पद त्यागे

मोजिला सिइओले पद त्यागे

समलिङ्गी विवाहका पक्षधरको चर्को आलोचनाका कारण मोजिला फायरफक्सका प्रमुख कार्यकारी (सिइओ) ब्रेण्डन एइचले पदबाट राजिनामा दिएका छन्। समलिङ्गी विवाह विरोधी उनी एक महिना अघि वेब ब्राउजर फायरफक्सको सिइओ नियुक्त भएका...

स्मार्टफोन 'आँखाको दुश्मन'

स्मार्टफोन 'आँखाको दुश्मन'

लन्डन– चस्मा निर्माणमा संलग्न विज्ञहरू(अप्टिसियन्स)ले स्मार्टफोनको अत्यधिक प्रयोगले मानिस अन्धोसमेत हुन सक्ने चेतावनी दिएका छन्। उनीहरूले स्मार्टफोन प्रयोग गर्ने दुई हजार मानिसमा गरेको अध्ययनपछि यो चेतावनी सार्वजनिक गरेका हुन्।

एन्ड्रोइड हातेघडी

एन्ड्रोइड हातेघडी

गुगलले यसै साता स्मार्ट हातेघडी सार्वजनिक गरेको छ। सर्च इन्जिनमा एकलौटी बजार ओगटेको गुगलले हार्डवेयरमा पनि आफ्नो उपस्थिति बलियो बनाउन यो ग्याजेटलाई महत्वका साथ हेरेको छ। गुगलले हातेघडी सार्वजनिक गर्नुको...

एलजीको नयाँ स्मार्ट फोन आयो

एलजीको नयाँ स्मार्ट फोन आयो

काठमाडौं- एलजी ब्रान्डको नयाँ स्मार्ट फोन 'एलजी जिटू' बजारमा आएको छ। चौधरी ग्रुप अन्तर्गत सिजी इम्पलेक्स प्रालिले मंगलबार एलजीको जी सेरिजको पहिलो स्मार्ट फोन बजारमा ल्याएको हो।

फेसबुकको १० वर्षे यात्रा

फेसबुकको १० वर्षे यात्रा

सामाजिक सञ्जालबाट सञ्चारको परम्परागत परिभाषालाई चुनौती दिन सफल फेसबुक यसै सातादेखि १० वर्षको हुँदै छ। एकतर्फी सञ्चार प्रणालीमा रहेका आमसञ्चारका माध्यमलाई पछाडि छोड्दै यो सामाजिक सञ्जालले नयाँ मोडल नै तयार...