Thursday 11 Baishak, 2071 |
Menu

प्रविधि

मोबाइलले घटायो क्यामेरा बिक्री

  • आइतबार ५ जेष्ठ, २०७०
  • प्रकटकुमार शिशिर
  • DISQUS_COMMENTS
(0 votes)
मोबाइलले घटायो क्यामेरा बिक्री
काठमाडौं - फोटो खिच्न मिल्ने सुविधा मोबाइलमै उपलब्ध हुन थालेपछि सानो आकारका क्यामेराको बिक्री कम भएको छ। पछिल्लो समय नेपालमा स्मार्टफोन बिक्री बढेसँगै व्यक्तिगत प्रयोजनमा उपयोगी 'कम्प्याक्ट क्यामेरा'को बजार घटेको हो।

उस्तै मूल्यमा धेरैथरी सुविधा भएको मोबाइल पाइन थालेपछि साना क्यामेराको बिक्री घटेको व्यवसायी बताउँछन्। '१ वर्षअघिसम्म महिनामा ५ सयवटा कम्प्याक्ट क्यामेरा बिक्री हुन्थ्यो,' क्यानन क्यामेराको अधिकृत बिक्रेता प्राइम्याक्स इन्टरनेसनलका बजार व्यवस्थापक दिनेश अग्रवालले भने, 'अचेल महिनामा २ सय ४० वटा जति बिक्री भइरहेको छ।'
न्युरोडको रोयल ट्रेडका प्रबन्ध निर्देशक सचिन अग्रवालका अनुसार नेपाली बजारमा सानो आकारका डिजिटल क्यामेरा ८ देखि ६६ हजार रुपैयाँमा पाइन्छ। उनका अनुसार यही हाराहारीमा मोबाइल फोन सेट पाइनाले क्यामेराप्रति उपभोक्ताको आकर्षण घटेको हो। विभिन्न ब्रान्डका  क्यामेरा बिक्री गर्र्ने अग्रवाल भन्छन्, 'अहिले साना क्यामेराको बजार छैन भन्दा पनि हुन्छ।'
क्यानन, सोनी, निकोन, सामसङ लगायत ब्रान्डका क्यामेरा नेपाली बजारमा उपलब्ध छन्। अहिले कुनै पनि ब्रान्डका क्यामेराको बिक्री राम्रो नभएको न्युरोडका डिजिटल क्यामेरा व्यवसायी रवि भाथवालले बताए। 'राख्न र बोक्न सजिलो हुने तथा गुणस्तर र मूल्य पनि फरक नपर्ने भएपछि धेरैले मोबाइलकै क्यामेराबाट काम चलाउन थालेका छन्,' उनले भने। व्यवसायीका अनुसार सामान्य मोबाइल सेटदेखि स्मार्टफोनमा ४ देखि १३ मेगापिक्सेल क्षमताको क्यामेरा हुन्छ।
सामसङ मोबाइलको आधिकारिक बिक्रेता इन्टरनेसनल मार्केटिङ सर्भिसेस (आइएमएस)का दीपक मलहोत्राका अनुसार नेपालमा सन् २०११ मा १० हजार स्मार्टफोन बिक्री भएको थियो। लोकप्रियता बढ्दै गएपछि २०१२ मा ९० हजार पुग्यो। अहिले स्मार्टफोनको माग अत्याधिक बढिरहेको उनी बताउँछन्। '२०१३ मा हामीले मात्रै २ लाख स्मार्टफोन बेच्ने लक्ष्य राखेका छौं,' उनले भने। स्मार्टफोनको लोकप्रियता बढ्नु यसमा हुने एप्लिकेसनका साथै क्यामेराको गुणस्तर पनि भएको उनी बताउँछन्। सामसङका मोबाइलमा ४ देखि १२ मेगापिक्सल हुन्छ। सामसङ स्मार्टफोन १२ देखि ७० हजार रुपैयाँसम्ममा पाइन्छ।
प्रतिमहिना २५ हजार बिक्री हुने नोकियाको स्मार्टफोनमा पनि गुणस्तरीय क्यामेरा छ। नोकिया ७००, नोकिया ७०१, नोकिया एन एट, एन नाइनदेखि लुमियासम्मका स्मार्टफोनमा १२ मेगापिक्सलसम्मको क्यामेरा हुन्छ। कलर्स, सोनी, एलजी,जिफाइभलगायत मोबाइलमा पनि क्यामेरा सुविधा छ।

डिएसएलआरको बढ्दो
साना क्यामेराको बिक्री घटे पनि नेपालमा डिएसएलआर क्यामेराको बिक्री बढेको व्यवसायी बताउँछन्। सामान्य फोटो मोबाइलबाटै खिचे पनि ठूला कार्यक्रम र घुमफिरका तस्बिर लिन ठूलै क्यामेरा प्रयोग गरिन्छ। फोटोग्राफीमा व्यावसाकिता बढ्दै जाँदा डिएसएलआर क्यामेराको बिक्री बढेको प्राइम्याक्स इन्टरनेसनलका बजार व्यवस्थापक दिनेश अग्रवालले बताए। '१ वर्षअघि डिएएलआर क्यामेरा महिनाको ३० वटा बिक्री हुन्थ्यो भने अहिले महिनाको ५५ वटा बिक्री भइरहेको छ,' उनले भने, 'नेपालमा डिएसएलआर क्यामेरामा प्रतिस्पर्धा नभएका कारण पनि क्याननका डिएसएलआर क्यामेराको बजार एकलौटी जस्तै छ।'
क्याननको प्रतिस्पर्धी निकोनको नेपालमा आधिकारिक बिक्रेता छैन। व्यवसायीले बाहिरबाट मगाएर यसको बिक्री गरिरहेका छन्। ठूला क्यामेरामा व्यापार केही राम्रो देखिएको व्यवसायी सुरज चन्दले बताए। नेपाली बजारमा डिएसएलआरको मूल्य ४५ हजारदेखि ७ लाख ५० हजार रुपैयाँसम्म छ।
एटिएमबाट चोरी रोक्न प्रविधि

एटिएमबाट चोरी रोक्न प्रविधि

काठमाडौं - तपाईले कमाएको पैसा बैंकमा जम्मा छ र जोखिमको कारण नगद प्रयोग नगरी एटिएम वा एसटिसी कार्ड प्रयोग गर्नुभएको छ भने त्यो कार्ड पनि पर्समा रहुञ्जेल सुरक्षित हुन्छ जब...

अर्को सेतो छडी

अर्को सेतो छडी

बारा सिमराका कृष्ण तिमल्सिनाले आँखाको ज्योति गुमाएको तीन दशक भइसक्यो। ज्वरोका कारण बाल्यकालमै दृष्टि गुमाएका तिमल्सिनाले दुई महिनायता भने ‘संसार देख्न' थालेको अनुभव गरेका छन्।

वर्षका नयाँ ग्याजेट

वर्षका नयाँ ग्याजेट

काठमाडौं– ग्याजेटप्रेमीका लागि २०७० सालको अन्त्यतिर आएकोे 'सामसङ ग्यालेक्सी एस फाइभ' पछिल्लो उपहार हो। ७६ हजार रुपैयाँ पर्ने ग्यालेक्सी एस फाइभको चर्चासँगै २०७१ सालमा केही नयाँ ग्याजेट आउँदै छन् जुन...

ग्यालेक्सी एस–फाइभ बजारमा

ग्यालेक्सी एस–फाइभ बजारमा

काठमाडौं– सामसङको नयाँ स्मार्टफोन ‘ग्यालेक्सी एस–फाइभ' नेपाली बजारमा भित्रिएको छ। सामसङको आधिकारिक बिक्रेता इन्टरनेसनल मार्केटिङ सर्भिसेज (आइएमएस) ले शुक्रबारबाट यो स्मार्टफोनको बिक्री सुरु गरेको हो।

विन्डोज एक्सपी बन्द

विन्डोज एक्सपी बन्द

तपाइँको कम्प्युटरमा विन्डोज एक्सपी छ? छिटो अपग्रेट गर्नुहोस्। आजदेखि माइक्रोसफ्टका नि:शुल्क सेक्युरिटी इसेन्सियल एक्सपीमा डाउनलोड हुने छैन। सिस्टम सेन्टर, विन्डोज इनट्युन, माइक्रोसफ्ट डेप्लोइमेन्ट टुलकिट पनि एक्सपीमा सपोर्ट गर्ने छैन। विश्वभरि...

मोजिला सिइओले पद त्यागे

मोजिला सिइओले पद त्यागे

समलिङ्गी विवाहका पक्षधरको चर्को आलोचनाका कारण मोजिला फायरफक्सका प्रमुख कार्यकारी (सिइओ) ब्रेण्डन एइचले पदबाट राजिनामा दिएका छन्। समलिङ्गी विवाह विरोधी उनी एक महिना अघि वेब ब्राउजर फायरफक्सको सिइओ नियुक्त भएका...

स्मार्टफोन 'आँखाको दुश्मन'

स्मार्टफोन 'आँखाको दुश्मन'

लन्डन– चस्मा निर्माणमा संलग्न विज्ञहरू(अप्टिसियन्स)ले स्मार्टफोनको अत्यधिक प्रयोगले मानिस अन्धोसमेत हुन सक्ने चेतावनी दिएका छन्। उनीहरूले स्मार्टफोन प्रयोग गर्ने दुई हजार मानिसमा गरेको अध्ययनपछि यो चेतावनी सार्वजनिक गरेका हुन्।

एन्ड्रोइड हातेघडी

एन्ड्रोइड हातेघडी

गुगलले यसै साता स्मार्ट हातेघडी सार्वजनिक गरेको छ। सर्च इन्जिनमा एकलौटी बजार ओगटेको गुगलले हार्डवेयरमा पनि आफ्नो उपस्थिति बलियो बनाउन यो ग्याजेटलाई महत्वका साथ हेरेको छ। गुगलले हातेघडी सार्वजनिक गर्नुको...

Our website is protected by DMC Firewall!