Wednesday 10 Baishak, 2071 |
Menu

प्रविधि

एसएमएस देखाएर खाद्यान्न खरिद

  • बिहीबार २६ बैशाख, २०७०
  • रुबी रौनियार
  • DISQUS_COMMENTS
(0 votes)
एसएमएस देखाएर खाद्यान्न खरिद
काठमाडौं- कालिमाटी तरकारी बजारछेउकै सम्पूर्ण खाद्य स्टोरमा बुधबार बिहान अन्य दिनको भन्दा छुट्टै माहोल थियो। सामान्य तरिकाले खुद्रा व्यापार गर्दै आएका स्टोरका सम्पूर्ण मानन्धरले छुट्टै अनुभव गरिरहेका थिए। उनको पसलमा एसएमएसबाट भौचर प्राप्त गर्ने र खरिद गर्नेको निक्कै भीड थियो।


ग्राहक सम्हाल्न सम्पूर्णलाई भ्याइनभ्याइ थियो। खाद्यान्न किन्न आएका ग्राहक पनि नयाँ प्रविधि प्रयोगले दंग थिए। मानन्धरलाई एसएमएस देखाएर आवश्यक सामान खरिद गर्न पाउँदा अनौठो महसुस भएको ग्राहक रोश्नी साहीले बताइन्। मर्सिकोर नेपाल र लुमन्तीले मानन्धर खाद्यान्न स्टोरलाई 'विद्युतीय भौचर सहयोग परीक्षण' कार्यक्रमका लागि छनोट गरेको हो।

मर्सिकोर नेपालले विपत पर्दा पीडितलाई छिटोछरितो र सजिलो तरिकाले राहत पुर्या उन प्रविधि परीक्षणका लागि उपत्यकाका ६ वटा खाद्यान्न पसल र सय घरपरिवारलाई छनोट गरेको व्यवस्थापक अनिल नेपालले बताए।

यसअन्तर्गत एसएमएस प्रविधिको माध्यमबाट विपन्न परिवारलाई राहत वितरण परीक्षण अध्ययन गरिनेछ। कार्यक्रमको अनुगमन र नियमन गर्न कार्यक्रम व्यवस्थापक नेपाल सहयोगीसँगै पसलनजिकै उपस्थित थिए।

मोबाइल एसएमएसमार्फत् भौचर प्राप्त गर्ने र खरिद गर्ने प्रक्रिया छैटौं चरणमा पूरा भएको पाइएको छ। एसएमएसको भाषा पनि सबैले प्रष्ट बु‰ने गरी प्रयोग गरिएको थियो।

'परीक्षण सफल भए आपतविपतमा परेका पीडितलाई तत्काल राहत बाँड्न यही प्रविधि अपनाउँछौं,' व्यवस्थापक नेपालले नागरिकसँग भने, 'आठ वर्षदेखि विपत न्यूनीकरणको क्षेत्रमा काम गर्दै आएका छौं, विपतमा परेकालाई एकैसाथ सहज, सजिलो र छिटो राहत पुर्यारउने लक्ष्य छ।'

उक्त संस्थाले परीक्षणको रूपमा जोखिममा परेका सय घरपरिवारलाई ३ हजार नगद बराबरको राहत दिएको छ। बुधबारदेखि सुरु भएको कार्यक्रम एक महिनासम्म सञ्चालन गरिने नेपालले जनाए।

उपभोक्ताले मोबाइल एसएमएसको ६ चरण पूरा गरेर सामान प्राप्त गरेका थिए। पहिलो चरणमा उनीहरूले एसएमएसमार्फत् भौचर पाएका थिए, जसमा उनीहरूले पाएको सहयोगबारे उल्लेख थियो। तोकिएको मितिभित्र २५ केजी चामल, ६ केजी दाल, ५ केजी चिउरा र ३ लिटर खाने तेल निश्चित पसलबाट लिनु भनी सन्देशमा उल्लेख थियो।

दोस्रो चरणमा व्यापारीले सहयोगीको मागबमोजिम एसएमएसबाट सन्देश पठाएका थिए। सहयोग दुरुपयोग नहोस् भोर चार अंकको पिन नम्बर भएको अर्को एसएमएस पठाइएको थियो। उनीहरूले त्यो नम्बर गोप्य राखे।

तेस्रो चरणमा सहभागीले यकिन गर्न पिन नम्बर राखी एसएमएस पठाएका थिए। त्यसपछि उनीहरूले प्राप्त गरेको पहिलो एसएमएस (जसमा सहयोग उल्लेख थियो ) मानन्धर खाद्यान्न स्टोरका मालिकलाई देखाएर सामान सन्देश देखाएर खरिद गरेका थिए।

चौथो चरणमा दुवैले तत्काल काराबार सम्पन्न भएको जानकारीसहितको सन्देश पाएका थिए। पसलेले सहभागीको एसएमएस भौचर हेरेपछि उनीहरूलाई मोबाइलमा केही सन्देश लेखेर ९८०२०८१२६५ पठाएका थिए। त्यसपछि सहभागीले आफ्नो मोबाइलमा किन्न खोजेको खाद्यान्न यकिन गर्न आफ्नो पिन नम्बर पठाउन सन्देश पाएका थिए।

पाँचौ चरणमा कारोबार सम्पन्न भएपछि आफ्नो सामान लिएका थिए। त्यसपछि सहभागीले तत्कालै पसलमै हुँदा आफनो मोबाइलमा आफ्नो पिन नम्बर लेखेर पठाउनु भनी सन्देश प्राप्त गरेका थिए।

छैटौं चरणमा व्यापारीले पाउनुपर्ने रकमको जाँच आफ्नो मोबाइलमा एसएमएसबाट गरेका थिए। सबै प्रक्रिया पूरा भएपछि अन्तिममा सहभागी र पसलका मालिकको मोबाइलमा कारोबार सम्पन्न भएको जानकारीसहितको सन्देश प्राप्त भएको थियो।

सबै प्रक्रिया पूरा गर्न पाँच मिनेट लागेको थियो। पसले र सहभागीबीचको गतिविधि हेर्न पसल वरिपरि भिड लागेको थयो।

दीप शाहीले तीन हजारको निःशुल्क खाद्यान्न एसएमएस भौचरबाटै खरिद गरे। 'प्रोजेक्ट धेरै राम्रो छ,' शाहीले नागरिकसँग भने, 'एसएमएस भौचरबाटै सामग्री प्राप्त गरेपछि रमाइलो लाग्यो।'

पसल मालिक सम्पूर्ण मानन्धरले अन्य दिनकोभन्दा एसएमएसको प्रविधिबाट गरेको व्यापार सन्तोषजनक भएको सुनाए। 'मलाई मर्सिकोरले एसएमएसबाट सन्देश प्राप्त गर्नेदेखि सामान बिक्री गर्नेसम्मको एकदिने तलिम दिएको थियो,' मानन्धरले भने, 'आज अन्य ग्राहकलाई समय दिन नसके पनि समुदायका गरिब समुदायलाई उधारोमै सामान बेच्न रमाइलो भयो।' सामानको पैसा एक सातापछि संस्थाको एसएमएस मार्फत बैंकबाट प्राप्त गर्ने मर्सिकोर नेपालका कार्यक्रम ब्यवस्थापक नेपालले जनाए।

मार्सिकोरले यसका लागि काठमाडौं महानगरपालिकाको कालिमाटी–टेकु क्षेत्रको विष्णुमति किनारमा बस्ने अतिविपन्न समूहका सय आदिवासी तथा सुकुम्बासी परिवारलाई छनोट गरेको थियो। 'वडा नम्बर १२, १३ र १९ मा विपन्न समुदाय बसोबास गरेको पायौं,' नेपालले भने, 'त्यही अनुसार समुदायको छनोट गरेका हौं।'
एटिएमबाट चोरी रोक्न प्रविधि

एटिएमबाट चोरी रोक्न प्रविधि

काठमाडौं - तपाईले कमाएको पैसा बैंकमा जम्मा छ र जोखिमको कारण नगद प्रयोग नगरी एटिएम वा एसटिसी कार्ड प्रयोग गर्नुभएको छ भने त्यो कार्ड पनि पर्समा रहुञ्जेल सुरक्षित हुन्छ जब...

अर्को सेतो छडी

अर्को सेतो छडी

बारा सिमराका कृष्ण तिमल्सिनाले आँखाको ज्योति गुमाएको तीन दशक भइसक्यो। ज्वरोका कारण बाल्यकालमै दृष्टि गुमाएका तिमल्सिनाले दुई महिनायता भने ‘संसार देख्न' थालेको अनुभव गरेका छन्।

वर्षका नयाँ ग्याजेट

वर्षका नयाँ ग्याजेट

काठमाडौं– ग्याजेटप्रेमीका लागि २०७० सालको अन्त्यतिर आएकोे 'सामसङ ग्यालेक्सी एस फाइभ' पछिल्लो उपहार हो। ७६ हजार रुपैयाँ पर्ने ग्यालेक्सी एस फाइभको चर्चासँगै २०७१ सालमा केही नयाँ ग्याजेट आउँदै छन् जुन...

ग्यालेक्सी एस–फाइभ बजारमा

ग्यालेक्सी एस–फाइभ बजारमा

काठमाडौं– सामसङको नयाँ स्मार्टफोन ‘ग्यालेक्सी एस–फाइभ' नेपाली बजारमा भित्रिएको छ। सामसङको आधिकारिक बिक्रेता इन्टरनेसनल मार्केटिङ सर्भिसेज (आइएमएस) ले शुक्रबारबाट यो स्मार्टफोनको बिक्री सुरु गरेको हो।

विन्डोज एक्सपी बन्द

विन्डोज एक्सपी बन्द

तपाइँको कम्प्युटरमा विन्डोज एक्सपी छ? छिटो अपग्रेट गर्नुहोस्। आजदेखि माइक्रोसफ्टका नि:शुल्क सेक्युरिटी इसेन्सियल एक्सपीमा डाउनलोड हुने छैन। सिस्टम सेन्टर, विन्डोज इनट्युन, माइक्रोसफ्ट डेप्लोइमेन्ट टुलकिट पनि एक्सपीमा सपोर्ट गर्ने छैन। विश्वभरि...

मोजिला सिइओले पद त्यागे

मोजिला सिइओले पद त्यागे

समलिङ्गी विवाहका पक्षधरको चर्को आलोचनाका कारण मोजिला फायरफक्सका प्रमुख कार्यकारी (सिइओ) ब्रेण्डन एइचले पदबाट राजिनामा दिएका छन्। समलिङ्गी विवाह विरोधी उनी एक महिना अघि वेब ब्राउजर फायरफक्सको सिइओ नियुक्त भएका...

स्मार्टफोन 'आँखाको दुश्मन'

स्मार्टफोन 'आँखाको दुश्मन'

लन्डन– चस्मा निर्माणमा संलग्न विज्ञहरू(अप्टिसियन्स)ले स्मार्टफोनको अत्यधिक प्रयोगले मानिस अन्धोसमेत हुन सक्ने चेतावनी दिएका छन्। उनीहरूले स्मार्टफोन प्रयोग गर्ने दुई हजार मानिसमा गरेको अध्ययनपछि यो चेतावनी सार्वजनिक गरेका हुन्।

एन्ड्रोइड हातेघडी

एन्ड्रोइड हातेघडी

गुगलले यसै साता स्मार्ट हातेघडी सार्वजनिक गरेको छ। सर्च इन्जिनमा एकलौटी बजार ओगटेको गुगलले हार्डवेयरमा पनि आफ्नो उपस्थिति बलियो बनाउन यो ग्याजेटलाई महत्वका साथ हेरेको छ। गुगलले हातेघडी सार्वजनिक गर्नुको...

Our website is protected by DMC Firewall!