Thursday 3 Poush, 2071 |
Menu

खेल

७ खेलाडीलाई १५ दिने प्रतिबन्ध

(0 votes)
काठमाडौं – अखिल नेपाल टेबलटेनिस संघले अन्तर्राष्ट्रिय प्रतियोगिताको छनोटमा सहभागी नभएका कारण ७ खेलाडीलाई १५ दिने प्रतिबन्ध लगाएको छ। राष्ट्रिय खेलाडी एपिएफ क्लबका पुरुषोत्तम वज्राचार्य, नेपाल पुलिसका अजय सुवाल, अमरलाल मल्ल, नविता श्रेष्ठ, रविना देशार, एलिना महर्जन र एकिना महर्जनलाई संघले प्रतिबन्ध लगाएको हो। उनीहरूले दक्षिण कोरियाको बुसानमा जुन ३० देखि जुलाई ७ सम्म सम्पन्न २१औं एसियाली टेबलटेनिस च्याम्पियनसिपका लागि गरिएको छनोट प्रतियोगितामा भाग लिएका थिएनन्।
संघले बिनाकारण अनुपस्थित भएको भन्दै खेलाडीहरूसँग स्पष्टीकरण मागेको थियो। स्पष्टीकरण तर्कसंगत नभएको भन्दै संघले खेलाडीमाथि प्रतिबन्ध लगाएको हो। प्रतिबन्धअनुसार उनीहरूले साउन २३ सम्म संघका कुनै पनि कार्यक्रममा सहभागिता जनाउन नपाउने संघले विज्ञप्तिमार्फत जनाएको छ। खेलाडीलाई कारबाही गरेको अवधिसम्म संघको कुनै कार्यक्रम भने छैन। 
संघका अध्यक्ष चतुरानन्द वैद्यले खेलाडीलाई अनुशासन मिचेमा कारबाही हुन्छ भन्ने सन्देश दिन मात्र यस्तो निर्णय गरिएको बताए। 'खेलाडीले युवा जोशमा आक्रामक भएर प्रतियोगिता खेलेनन्। तर उनीहरू सबै राष्ट्रिय खेलाडी हुन्। खेलाउनै पर्छ। त्यही भएर हामीले मिलाएर कारबाहीलाई एउटा नजिरमा स्थापित गर्न यस्तो निर्णय लिएका हौं,' उनले भने। 
कारबाहीमा परेका खेलाडीले डेढ वर्षअघि धनगढीको छैटौं राष्ट्रिय खेलकुद नतिजालाई आधार मानेर कोरियामा सहभागिता गराउनुपर्ने माग गर्दै छनोट बहिष्कार गरेका थिए। 'पहिला हाम्रो चलन त्यस्तै थियो। पछिल्लो राष्ट्रिय प्रतियोगिताको नतिजा आधारमा खेलाडी छान्ने गरेका थियौं। तर, यसपालि संघले नयाँ कार्यक्रम ल्याएर छनोट प्रतियोगिता गरेपछि त्यसमा भाग लिनैपर्छ,' वैद्यले भने। 
छनोटमा सहभागीमध्ये महिला र पुरुषमा शीर्ष ५–५ खेलाडी एसियाली च्याम्पियनसिपमा सहभागी गराइएको थियो।
पाकिस्तानको उच्च स्कोर

पाकिस्तानको उच्च स्कोर

शारजहाँ– ओपनर अहमद सेहजादले सानदार शतक र शहिद अफ्रिदीले तीब्र गतिमा ५५ रन बनाउनुका साथै ३ विकेट लिएपछि पाकिस्तानले आइतबार तेस्रो एकदिवसीयमा न्युजिल्यान्डलाई १ सय ४७ रनले पराजित गरेको छ।

अस्ट्रेलियाली टेस्ट कप्तानमा स्मिथ

अस्ट्रेलियाली टेस्ट कप्तानमा स्मिथ

ब्रिसवेन– आक्रामक क्रिकेट खेल्ने बाचा गर्दै २५ वर्षे स्टेभन स्मिथले बुधबार गाबामा सुरु हुने भारतविरुद्धको दोस्रो टेस्टबाट अस्ट्रेलियाको कप्तानी जिम्मेवारी लिएका छन्। नियमित कप्तान माइकल क्लार्कले चोटका कारण चार टेस्टको...

लाम्पार्ड रिलिज गरेको पश्चाताप छैन : माउरिन्हो

लाम्पार्ड रिलिज गरेको पश्चाताप छैन : माउरिन्हो

लन्डन– फ्रान्क लाम्पार्डले म्यानचेस्टर सिटीको मैदानमा प्रभावकारी प्रदर्शन गरिरहे पनि उनलाई रिलिज गर्ने निर्णयमा कुनै पश्चाताप नभएको चेल्सीका प्रशिक्षक जोजे माउरिन्होले बताएका छन्।

लायनको बलले मोडियो नतिजा

लायनको बलले मोडियो नतिजा

एडिलेड- बलले लागेर निधन भएका फिलिप ह्युजको सम्झनामा भारत र अस्ट्रेलियाबीचको पहिलो टेस्ट सुरुआती दिनदेखि नै भावनात्मक बनेको थियो। शनिबार यसको अन्त पनि त्यहीअनुरुप भयो।

विश्वकपका अनुभवी बन्लान्?

विश्वकपका अनुभवी बन्लान्?

लन्डन- श्रीलंकाका माहेला जयवर्द्धने र पाकिस्तानका शहिद अफ्रिदी विश्वकप क्रिकेटको अनुभवी खेलाडी बन्ने सूचीमा उभिएका छन्। फेब्रुअरी १४ बाट अस्ट्रेलिया र न्युजिल्यान्डमा सुरु हुने प्रतियोगिताका लागि यी दुवैलाई आफ्नो राष्ट्रको...

कोहलीको शतकमा भारतीय रवाफ

कोहलीको शतकमा भारतीय रवाफ

एडिलेड- कार्यवाहक कप्तान विराट कोहलीले मिचेल जोन्सनको बाउन्सर झेल्दै बनाएको शतकमा भारतले अस्ट्रेलियाविरुद्धको पहिलो टेस्टमा राम्रो जवाफ फर्काएको छ। जोन्सनको पहिलो बल सामना गर्दा कोहलीको हेलमेटमा नराम्रोसँग लागेको थियो। यसले...

लिभरपुल बाहिर, मेसी पछ्याउँदै रोनाल्डो

लिभरपुल बाहिर, मेसी पछ्याउँदै रोनाल्डो

जेनेभा- एफसी बसेलले एनफिल्डमा १–१ को बराबरी नतिजा निकाल्दै च्याम्पियन्स लिग फुटबलको अन्तिम १६ मा स्थान पक्का गरेपछि लिभरपुल युरोपका शीर्ष क्लबको सूचीबाट यो सिजन तल झरेको छ। पाँच पटकको...

सिड्नीमा चर्चा नवीनको

सिड्नीमा चर्चा नवीनको

काठमाडौं- कुनै समय यस्तो थियो जतिखेर चितवनका तीन खेलाडी राष्ट्रिय क्रिकेट टोलीको बन्द प्रशिक्षणमा हुन्थे। कुश गुरुङ, सुदीप पिया र सचिन गुप्ता सन् २००० को एसिसी ट्रफीमा स्थान पाउन राजधानीमा...