Tuesday 19 Shrawn, 2072 |
Menu

खेल

ist-cc

जोकोभिचको भेट डेल पोर्टोसँग

  • बिहीबार २० असार, २०७०
  • एजेन्सी
  • DISQUS_COMMENTS
(0 votes)
जोकोभिचको भेट डेल पोर्टोसँग
लन्डन  – शीर्ष वरियताका नोभाक जोकोभिच लगातार चौथो वर्ष विम्बल्डन टेनिस च्याम्पियनसिपको सेमिफाइनल पुगेका छन्। बुधबार सेन्टर कोर्टमा चेक गणतन्त्रका थोमस बर्डिचलाई ७–६ (७–५), ६–४, ६–३ ले हराउँदै सर्बियाली स्टार जोकोभिचले अन्तिम चार सुरिक्षत गरे। जारी विल्बल्डनमा उनले एउटा सेट पनि गुमाएका छैनन्।
सन् २०१० का उपविजेता बर्डिचले दोस्रो सेटमा ३–० को अग्रता आफ्नै गल्तीका कारण जोगाउन सकेनन्। पूर्वविजेता जोकोभिचले फाइनल पुग्न अर्जेन्टिनाका हुँवा मार्टिन डेल पोर्टोको सामना गर्नेछन्। पोर्टो स्पेनिस डेविड फेररलाई सोझो सेटमा हराउँदै अघि बढेका छन्। 
चौथो वरियताका फेररविरुद्ध डेल पोर्टो पूरा समय कोर्टमा टिक्नेप्रति शंका व्यक्त गरिएको थियो। आठौं वरियताका उनको पुरानो समस्या रहेको बायाँ घुँडाको चोट बल्झेपछि ५ मिनेट खेल रोक्नुपरेको थियो। उपचारपछि पुनः खेल सुरु भयो। पूर्व युएस च्याम्पियन २४ वर्षे पोर्टोले चोट झेल्दै खेलमा नियन्त्रण राखेका थिए। २ घन्टा १६ मिनेट चलेको खेलमा ६–२, ६–४, ७–६ (७–५) को जित हासिल गर्दै डेल पोर्टो पहिलोपल्ट विल्बल्डन सेमिफाइनल पुग्न सफल भए। 
जोकोभिचसँग १५ पटकको भेटमा सातौं वरियताका बर्डिचले २ खेल जितेका छन्। त्यसमध्ये २०१० को विल्बल्डनमा जोकोभिच उनीसँग पराजित भएका थिए। २७ वर्षे बर्डिचले पहिलो सेटमा जोकोभिचलाई निकै टक्कर दिए। तर बाँकी सेटमा उनले त्यसलाई निरन्तरता दिन सकेनन्। 
दुइटा अनावश्यक गल्ती गरेका २६ वर्षे जोकोभिचले टाइब्रेकरमा पुगेको पहिलो सेट आफ्नो पक्षमा ल्याए। दास्रो सेटमा पनि बर्डिच एकसमय ३–० ले अगाडि थिए। त्यसपछि उनले एकपछि अर्को गल्ती गरेपछि जोकोभिचले खेल ३–३ को बराबरीमा ल्याए। 
तेस्रो सेटमा पनि बर्डिचले लगतार अनावश्यक गल्ती गर्दा जोकोभिचलाई खेलमा पकड बनाउन सजिलो बन्यो। 
दुई वर्षअघि विल्बल्डन जितेका जोकोभिच सातौं ग्रान्ड स्लाम उपाधि जित्ने अभियानमा अघि बढेका छन्। जितपछि उनी लगातार १३औं पटक ग्रान्ड स्लामको सेमिफाइनलमा पुगेका हुन्। 
'म आफ्नो प्रदर्शनबाट खुसी छु। घाँसेकोर्टमा मैले जीवनकै केही उच्च प्रदर्शन गर्न सफल भएँ,' जोकोभिचले भने, 'खेल निकै कठिन रह्यो। जे पनि हुन सक्थ्यो। उनले सुरुआती दुई सेट जित्ने सम्भावना पनि थियो। तर उनले दोस्रो सेटमा दुइटा गल्ती गरे। मलाई थाहा छैन कसरी मैले स्थिति सम्हालंे र खेल मेरो पक्षमा आयो।'
पहिलोपल्ट विम्बल्डनको सेमिफाइनल पुगेपछि डेल पोर्टोले भने, 'दोस्रोपल्ट घुँडामा चोट बोकेपछि मलाई निकै पीडा भयो। चिकित्सकले मलाई केही औषधी दिएपछि म खेल अघि बढाउन सफल भएँ। यसले साँच्चै पीडा बिर्सायो।'
डेविड फेरेरले आफूले गोलीगाँठाको चोटका कारण वार्मअप गर्न नसकेको जनाउँदै भने, 'खेलमा मेरो प्रदर्शन राम्रो रह्यो।' उनले डेल पेर्टोको तारिफ गर्दै भने, 'मेरो विचारमा चोटले उनलाई केही फरक पारेन। उनी एकदमै एकाग्र र उत्साहित थिए। उनले राम्रो सर्भिस गरे र जितका लागि हकदार पनि थिए।'

प्रतिक्रिया

कोपा अमेरिकामा चिलीले इतिहास रच्यो

कोपा अमेरिकामा चिलीले इतिहास रच्यो

काठमाडौ-आयोजक चिलीले पहिलो पटक कोपा अमेरिकाको उपाधि उचालेको छ। आइतबार विहानभएको खेलमा अर्जेन्टिनालाई पेनाल्टी सुटआउटमा ४-१ ले हराउँदै उपाधि दर्ता गरेको हो। निर्धारित ९० मिनट र थप ३० मिनेटको थप...

संकटमा किशोर फुटबलर

संकटमा किशोर फुटबलर

काठमाडौं-नेपाली जनता महाभूकम्पको पीडा बिर्सने कोसिस गरिरहेका बेला किशोर फुटबलरहरू एएफसी यु–१४ फुटबल फेस्टिबल खेल्न ताजिकिस्तान उडेका थिए। अभ्यास गरिरहेका बेला उनीहरूले वैशाख २९ को अनुकम्पनलाई भोगे। जनजीवन सामान्य बन्दै...

जनकपुरलाई महिला राष्ट्रिय क्रिकेट उपाधि

जनकपुरलाई महिला राष्ट्रिय क्रिकेट उपाधि

पोखरा-क्षेत्र नम्बर–७ जनकपुरले प्रधानमन्त्री कप महिला राष्ट्रिय क्रिकेट प्रतियोगिताको उपाधि हात पारेको छ। पोखरा रंगशालामा बुधबार भएको फाईनल खेलमा जनकपुरले सशस्त्र प्रहरी वलको एपीएफलाई ५ रनको झिनो अन्तरले पराजित गर्दै...

पूर्वाधार क्षतिले अस्तव्यस्त खेलकुद

पूर्वाधार क्षतिले अस्तव्यस्त खेलकुद

काठमाडौं-दक्षिण एसियाली खेलकुदको १२औं संस्करण हुने टुंगो छैन। एसियाली खेलकुद आउन चार वर्ष बाँकी छ। ओलम्पिक आउँदो वर्ष भए पनि त्यहाँ नेपालको उपस्थिति सहभागिताका लागि मात्र हो।

‘नेपाली फुटबलका हितैसी गुमायौं’

‘नेपाली फुटबलका हितैसी गुमायौं’

काठमाडौं– करेन्ट लागेर निधन भएका अखिल नेपाल फुटबल संघका कार्यवाहक अध्यक्ष ललितकृष्ण श्रेष्ठको शनिबार पशुपति आर्यघाटमा अन्त्येष्टि गरिएको छ। भैंसेपाटीस्थित नयाँ घरमा सरेको दिन शुक्रबार करेन्ट लागेर उनको निधन भएको...

मेसीमा टिकेको अर्जेन्टिनी आस

मेसीमा टिकेको अर्जेन्टिनी आस

ला सेरेना– लियोनेल मेसीले बार्सिलोनाबाट सम्भव हुने सबैखाले सफलता आत्मसात गरिसकेका छन्। बार्सिलोनाका लागि गरेको प्रदर्शनकै आधारमा उनले आफूलाई विश्वको सर्वकालिन महान खेलाडीको सुचिमा उभ्याउन पनि सफल भएका छन्। तर...

लामाको आत्मसमिक्षा, आफैलाई ७५ अंक

लामाको आत्मसमिक्षा, आफैलाई ७५ अंक

काठमाडौं– राष्ट्रिय खेलकुद परिषदका सदस्य सचिव युवराज लामाले आफ्नो चार वर्षे कार्यकालको समिक्षा गर्दा मंगलबार आफैलाई ७५ अंक दिएका छन्।

बार्सिलोनाले जित्यो च्याम्पियन्स लिग

बार्सिलोनाले जित्यो च्याम्पियन्स लिग

बर्लिन-बार्सिलोनाले युभेन्टसलाई ३-१ को गोल अन्तरले पराजित गर्दै पाँचौं पटक च्याम्पियन्स लिगको उपाधी जितेको छ। शनिबार बर्लिनस्थित ओलम्पिक रंगाशालामा भएको खेलमा बार्सिलोनाका स्टार स्ट्राइकरहरुले गोल गर्दै टोलीलाई यो सिजनमा तेस्रो उपाधि...