Wednesday 3 Baishak, 2071 | April 15, 2014
Menu

खेल

श्रीलंकामा ४ वर्षपछि भेटौंला

  • आइतबार ९ भाद्र, २०७०
  • ध्रुव तुलाधर
  • DISQUS_COMMENTS
(0 votes)
नानजिङ (चीन) - चीनको प्राचीन सहर नानजिङले दोस्रो युथ एसियाली खेलकुदलाई शनिबार बिदा गरेको छ। १७ वर्षमुनिका एसियाली युवाको खेलमेलामा रहेको युथ एसियालीको अर्को संस्करण श्रीलंकाले गर्दैछ।

सन् २०१७ मा श्रीलंकाको हम्बन्टोटामा तेस्रो युथ एसियाली खेलकुद हुनेछ। नानजिङ ओलम्पिक स्पोर्टस सेन्टरको १८ हजार सिट क्षमताको जिम्न्याजियममा शनिबार रातिको समापनमा चिनिया आयोजकले श्रीलंकन गेम्स कमिटीलाई एसियन युथ गेम्सको झन्डा हस्तान्तरण गरेको छ। भव्य समापनमा स्थानीय स्कुलहरुका करिब १६ हजार विद्यार्थी प्रयोग गरिएको थियो। १४–१७ वर्षका उनीहरुले सिर्जनात्मक प्रस्तुति दिए। विद्यार्थीहरुले बहुसांस्कृतिक र परम्परागत चिनियाँ शैलीका साथै अन्तर्राष्ट्रिय लोकप्रिय संगीत पस्केका थिए।
त्यस्तै अर्को वर्ष नानजिङमै हुने युथ ओलम्पिकको डे्रस रिहर्सल गरिनुका साथै तेस्रो युथ एसियनको आयोजक श्रीलंकाली टोलीले करिब ८ मिनेटको साँस्कृतिक प्रस्तुति दिएको थियो। युथ एसियनको पहिलो संस्करण सिंगापुरमा भएको हो।
एक सातासम्म एसियाका ४५ देशका झन्डै ३ हजार ५ सय खेलाडीले विभिन्न १६ खेलमा आफ्नो प्रतिभा देखाए। त्यसमा आयोजक चीन पदकतालिकामा अगाडि रह्यो। ४६ स्वर्णसहित ९३ पदक जितेर अगाडि रहँदो चीनले एथलेटिक्स र पौडीमा वर्चस्व जमाएको थियो। चिनिया खेलाडीले एथलेटिक्समा १८ र पौडीमा १६ स्वर्ण जितेका थिए भने चीनको राष्ट्रिय खेल टेबलटेनिसको दुवै स्वर्ण जितेको थियो।
२५ स्वर्णसहित ५२ पदक जितेको दक्षिण कोरिया दोस्रा्े स्थानमा रहँदा जापान तेस्रोमा रह्यो। जापानले ७ स्वर्णसहित १८ पदक जित्यो। २९ राष्ट्रले पदक जित्दा १७ मा स्वर्ण जित्नेमा थिए। दक्षिण एसियालीमा भारत र श्रीलंन खेलाडीमात्र पदकमा नाम लेखाउन सफल भए।
फुटबलको महत्वपूर्ण स्वर्ण दक्षिण कोरियाले जित्यो। कोरियाले फाइनलमा इरानलाई १–० ले हराएको थियो। कांस्यलाई भएको प्रतिस्पर्धामा उत्तर कोरियाले इराकलाई पेनाल्टी सुटआउटमा ६–५ ले पराजित गर्‍यो।
आइओसीबाट भारतीय ओलम्पिक संघ प्रतिबन्धमा रहेका कारण भारतीय खेलाडीले ओलम्पिक झन्डामुनि रहेर खेले। उनीहरुले ३ स्वर्ण, ४ रजत, ७ कांस्य पदक जितेका थिए। श्रीलंकालीले १ रजत र ५ कांस्य पदक जित्दै अर्को संस्करणको आयोजक बन्ने हैसियत प्रस्ट्याएको छ।
नानजिङमा नेपालले भने ६ खेलमा ११ खेलाडी उतारेको थियो। पौडी, एथलेटिक्स, जुडो, टेबलटेनिस, टेनिस र फेन्सिडमा नेपालले भाग लियो। यस युवा खेलकुद महोत्सवमा नेपाली धाविका संगीता खड्काको प्रदर्शन स्मारणयोग्य बन्न पुगेको छ। पौडीवाज शिरीष गुरुङको राष्ट्रिय कीर्तिमान कायम गरे भने जुडोकी फुपूल्हामु खत्रीको एउटा जित टोलीका लागि गर्विलो पक्ष बन्यो। टेबलटेनिसका मणिकुमार लामाले आफूलाई भविष्यको स्टारमा रहने छनक दिएका छन्। नयाँ खेलका रुपमा रहेको फेन्सिङका नितेश पौडेल दोस्रो चरणसम्म पुगे।
पहिलो अन्तर्राष्ट्रिय सहभागिता नै स्मरणीय बनाउने क्रममा संगीताले आफूले भाग लिएका दुवै इभेन्टमा उच्च प्रदर्शन गरिन्। उनले १५ सय र ३ हजार मिटर दौडमा व्यक्तिगत उच्च प्रदर्शन गरिन्। चोटका बावजुद ३ हजार मिटर दौड पूरा गर्दा नै कीर्तिमान बनेको थियो। बिहिबार संगीताले ११ मिनेट ०३.०९ सेकेन्डमा ३ हजार मिटर दौड पुरा गदै जुनियर तर्फ राष्ट्रिय किर्तिमान राखेकी थिइन्। त्यसअघि ३ हजार मिटर दौडमा निर्मला भारतीले २०५० सालमा पोखरामा भएको राष्ट्रिय विद्यालयस्तरको प्रतियोगितामा ११ मिनेट ११ सेकेन्ड ११.०२ पल्सको राष्ट्रिय किर्तिमान राखेकी थिईन। ३ हजार मिटरको सिनियर तर्फ राजकुमारी पाण्डेले १९९० मा बेइजिङमा भएको एशियन खेलकुदमा ९ मिनेट ४८ सेकेन्ड १४ पल्सको दौड पुरा गदै राष्ट्रिय किर्तिमान बनाईएकी थिईन्।  

उद्घाटनमा नेपाली राष्ट्रिय टोलीको झन्डा बोक्नेमा टेनिसका खेलाडी रहे। उद्घाटनको मार्चपासमा असलेशा लिसानोभिच र समापनमा अभिषेक बास्तोलाले नेपालको झन्डा बोकेका थिए। प्रतिस्पर्धातर्फ भने दुवै टेनिसको खेलाडीले गतिलो खेल पस्कन सकेनन्।
समापनको मार्चपासमा नेपाली खेलाडीमा अभिषेक मात्र थिए। अरु फर्किसकेका छन्। नेपाली टोलीमा सेभ द मिसन चतुरानन्द वैद्य, हेड क्वार्टर अफिसर सुजनलाल श्रेष्ठ र टेनिसका प्रशिक्षक कृष्णराज घले थिए।
एसियाली खेलकुद युथकै ओलम्पिक तयारीका रुपमा आयोजना हुँदै आएको छ। जसले गर्दा नानजिङले युथको आयोजनासँग सफल पारेको छ। झन्डै १५ हजार स्वयम्सेवक युवा परिचालन गरिएको थियो। सबै क्षेत्रमा उनीहरु संलग्न रहे। स्टेडियममा होस् या भिभिआइपी सुरक्षा वा आतिथ्यता सबै उनीहरुको जिम्मामा थियो। आयोजक नानजिङ गेम्स कमिटीका अनुसार चिनियाँ युवालाई एक्सपोजर दिने रणनीतिअनुरुप सम्पूर्ण काममा उनीहरुलाई नै संलग्न गराइएको हो।
खेलाडीको बहिस्कारले प्रशिक्षक मैदानमा

खेलाडीको बहिस्कारले प्रशिक्षक मैदानमा

काठमाडौं– नेपाल एपिएफ क्लबका प्रशिक्षक राजु बस्न्यात आइतबार आफै पेप्सी स्टयान्डर्ड चाटर्ड एकदिवसीय राष्ट्रिय क्रिकेट प्रतियोगितामा बैतडीविरुद्ध खेल्न उत्रिए। राष्ट्रिय खेलाडीहरुले लामो समयदेखि तलव नपाएको, खेलाडीको भविश्यमा क्रिकेट संघ गम्भिर...

क्रिकेट टिमलाई एक साताभित्र तलब

क्रिकेट टिमलाई एक साताभित्र तलब

काठमाडौं,नेपाल क्रिकेट संघ (क्यान) ले राष्ट्रिय क्रिकेट खेलाडीहरूको लामो समयदेखि बाँकी तलबभत्ता एक साताभित्र दिने बाचा गर्दै वार्तामा आउन आह्वान गरेको छ।

बायर्नको भेट मड्रिडसँग

बायर्नको भेट मड्रिडसँग

नियोन (एएफपी)– साविक विजेता बायर्न म्युनिखले च्याम्पियन्स लिग फुटबलको सेमिफाइनलमा ९ पटकको विजेता रियाल मड्रिडको सामना गर्नुपर्ने भएको छ। शुक्रबार गरिएको ‘ड्र' मा आश्चर्यजनक प्रदर्शन गरिरहेको एट्लेटिको मड्रिडले २०१२ को...

बार्सीलोना र म्यानचेस्टर बाहिरिए

पेरिस, (एएफपी)– ठूलो परिमाणको ऋणभार कम गर्न शीर्ष गोलकर्ता राडामेल फाल्काओलाई बेच्नुपरेको लगत्तैको वर्ष च्याम्पियन्स लिग फुटबलको सेमिफाइनल पुग्दा बुधबार एट्लेटिको मड्रिडले स्पेनिस डर्बीका रूपमा सम्पन्न अन्तिम आठको भिडन्तमा बार्सिलोनालाई...

अवे गोलमा चेल्सीको भाग्य

अवे गोलमा चेल्सीको भाग्य

पेरिस,(एएफपी)– पेरिसमा जन्मेका डेम्बा बाले नायकको भूमिका निर्वाह गरेपछि मंगलबार चेल्सीले पेरिस सेन्ट जर्मेनलाई निराश पार्दै च्याम्पियन्स लिग फुटबलको सेमिफाइनल यात्रा तय गर्दा स्पेनिस ला लिगाको महारथी रियाल मड्रिड पनि...

कन्सर्टसँगै वसन्त उत्कृष्ट

कन्सर्टसँगै वसन्त उत्कृष्ट

काठमाडौं– विश्व ट्वान्टी–२० क्रिकेटमा नेपालीमध्येमा वसन्त रेग्मीलाई उत्कृष्ट खेलाडी चयन गरिएको छ। बंगलादेशमा दुई साताअघि उत्कृष्ट प्रदर्शन गरी फर्केको नेपाली क्रिकेट टोलीको सम्मानमा मंगलबार आयोजित कार्यक्रममा गोल्छा अर्गनाइजेसनले वसन्तलाई उत्कृष्ट...

धोनीको कप्तानीमा विश्व–११

धोनीको कप्तानीमा विश्व–११

ढाका, (एजेन्सी)– अन्तर्राष्ट्रिय क्रिकेट परिषद (आइसिसी) विश्व ट्वान्टी–२० मा गरेको उत्कृष्ट प्रदर्शनका आधारमा भारतका कप्तान महेन्द्रसिंह धोनीको कप्तानीमा विश्व–११ टोली छनोट गरेको छ।

चुकेन श्रीलंका

चुकेन श्रीलंका

ढाका, (एएफपी)– कुमार सांगाकाराले स्मरणीय अर्धशतक बनाएपछि श्रीलंकाले आइतबार भारतलाई ६ विकेटले पराजित गरी विश्व ट्वान्टी–२० क्रिकेटको उपाधि जितेको छ।