Thursday 6 Kartik, 2071 |
Menu

खेल

दौड, साइक्लिङ र र्‍याफ्टिङ एकैपटक

(0 votes)
काठमाडौं – नेपालमा पहिलोपल्ट टान अन्तर्राष्ट्रिय इको च्यालेन्ज प्रतियोगिता भदौ १ मा हुने भएको छ। टे्रकिङ एजेन्सिज एसोसिएसन अफ नेपाल (टान) ले गर्न लागेको इको च्यालेन्जमा साइक्लिङ, र्‍याफ्टिङ र दौड समावेश गरिएको छ।
विजेता टोलीले १ लाख, उपविजेताले ५० हजार र तेस्रो टोलीले ७५ हजार रुपैयाँ प्राप्त गर्ने आयोजकले जनाएको छ। खेलकुदसँग जोडेर नेपालमा सबै सिजनमा पर्यटक भित्र्याउने उद्देश्यसहित इको च्यालेन्ज गर्न लागिएको आयोजक टानका अध्यक्ष महेन्द्रसिंह थापाले सोमबार पत्रकार सम्मेलनमा बताए। उनले भने, 'खेलकुदसँग जोडिएर पर्यटन विकास गर्न खोज्दैछौं। यहाँ साहसिक खेलकुद धेरै सम्भावना छ। हरेक वर्ष व्यवस्थित रूपले इको च्यालेन्ज गर्न सके यसले पयर्टक संख्या बढाउन मद्धत गर्नेछ।'
पहिलो वर्ष भएकाले धेरै विदेशी सहभागीको अपेक्षा नगरिएको उनले बताए। सहभागी हुने टोलीमा एक व्यवस्थापकसहित पाँच जना रहने छन्। सहभागी हुने खेलाडीको उमेर १८ वर्षभन्दा माथि  हुनुपर्ने आयोजकको नियम छ।  
टोलीका सबै सदस्यले दौड र साइक्लिङ पूरा गरेपछि मात्र र्‍याफ्टिङ गर्न पाउने छन्। त्यसपछि नतिजा घोषणा गरिने अध्यक्ष थापाले बताए।
६.५ किलोमिटर दौड टोखाको भूतखेल चौरदेखि बुढानीलकण्ठ पानीमुहानमा पुगेर सकिने छ। त्यसपछि नागार्जुन–शिवपुरी राष्ट्रिय निकुञ्ज क्षेत्रको पानीमुहानदेखि सुन्दरीजलसम्म १४.५ किलोमिटर साइक्लिङको दूरी रहनेछ। ७.५ किलोमिटर दूरी राखिएको र्‍याफटिङ सुन्दरीजलबाट सुरु भई गोकर्ण खण्डमा समापन गरिनेछ।
च्यालेन्जमा एथलेटिक्सका मुख्य प्रशिक्षक सुशील नरसिंह राणाले दौड, रञ्जन राजभण्डारीले साइक्लिङ र नानीकाजी थापाले र्‍याफ्िटङको प्राविधिक व्यवस्थापनको जिम्मेवारी लिएका छन्।
प्रतियोगितामा विदेशी टोलीले १ सय डलर र नेपालीले २ हजार ५ सय रुपैयाँ दर्ता शुल्क तिर्नुपर्ने संयोजक सरोज न्यौपानले बताए। प्रतियोगितामा भाग लिन सेना, सशस्त्र प्रहरी र नेपाल पुलिसलाई आमन्त्रण गरिएको आयोजकले बतायो।
फुटबल खेल्ने क्रममा १५ वर्षे युवतीको मृत्यु

फुटबल खेल्ने क्रममा १५ वर्षे युवतीको मृत्यु

लन्डन— फुटबल खेलिरहेकी एक १५ वर्षे युवतीको मैदानमै मृत्यु भएको छ। वेलायतकी उत्तरपूर्वी लेनक्यासाइरमा अन्डर–१६ गर्ल्स फुटबल म्याच खेल्ने क्रममा मेलिसा स्मिथले ज्यान गुमाएकी हुन्।

गाइड नहुँदा विक्रम दौडन पाएनन्

गाइड नहुँदा विक्रम दौडन पाएनन्

काठमाडौं, कात्तिक २– दक्षिण कोरियामा भइरहेको पारा एसियाली खेलकुदमा 'गाइड' नभएका कारण एथलेटिक्सका विक्रमबहादुर रानाले प्रतिस्पर्धा गर्न पाएनन्। आफूलाई दौडाउने मान्छे नभएपछि रानाले आइतबार २ सय मिटरमा सहभागि नसकेका हुन्। 

विमला आर्मीमा अनुबन्धित

विमला आर्मीमा अनुबन्धित

काठमाडौं- इन्चोन एसियाडकी पदकधारी विमला तामाङ सोमबार त्रिभुवन आर्मी क्लबसँग अनुबन्धित भएकी छन्। कराते खेलाडी विमलाले दक्षिण कोरियाको इन्चोनमा सम्पन्न १७औं एसियाली खेलकुदमा एकल काताबाट कांस्य पदक जितेकी थिइन्।

'लेखाको निर्णय पुनर्विचार गर'

'लेखाको निर्णय पुनर्विचार गर'

काठमाडौं- अखिल नेपाल फुटबल संघ (एन्फा) का जिम्मवार पदाधिकारीको २ महिनाका लागि पद स्थगन गर्ने सार्वजनिक लखा समितिको निर्णय पुर्नविचार गर्न राष्ट्रिय फुटबल खेलाडी, प्रशिक्षक र रेफ्रीले सामूहिक आग्रह गरेका...

रारामा बालकदेखि वृद्धसम्म दौडने

रारामा बालकदेखि वृद्धसम्म दौडने

जुम्ला- कर्णालीमा पहिलोपल्ट हुन लागेको जुम्ला–रारा अल्ट्रा म्याराथनमा भाग लिन ७ देखि ७२ वर्ष उमेर भएकाले नाम दर्ता गराएका छन्। कर्णालीको नाम राष्ट्रिय अन्तर्राष्ट्रिय स्तरमा चिनाउन आयोजित म्याराथनमा ऐक्यबद्धता जनाउन...

इन्चोनको भव्यताले अन्य आकांक्षीलाई चुनौती

इन्चोनको भव्यताले अन्य आकांक्षीलाई चुनौती

इन्चन- एसियाकै सबैभन्दा ठूलो खेल मेलाको १७ औं संस्करणले आइतबार विदा लिएसँगै यसको भविष्यलाई लिएर चिन्ता सुरु भएको छ। दक्षिण कोरियाले इन्चोन एसियाडलाई कम खर्चमा चुस्त आयोजनाको नमुनाका रुपमा प्रस्तुत...

रोनाल्डोको २२ औं ह्याट्रिकले रियल म्याड्रिड ५–० ले विजयी

रोनाल्डोको २२ औं ह्याट्रिकले रियल म्याड्रिड ५–० ले विजयी

म्याड्रिड—स्टार खेलाडी क्रिस्टियानो रोनाल्टो तथा ग्रेथ बेलको शानदार प्रदर्शनको मद्दतले रियल म्याड्रिडले स्पेनिस प्रिमियर लिगमा एट्लेटिको बिल्बाओलाई ५–० ले हराएको छ। रोनाल्डोको यो २२ औं लिग ह्याट्रिक हो। यो जितसँगै...

चेन्नइद्वारा च्याम्पियन्स लिगको उपाधि कब्जा

चेन्नइद्वारा च्याम्पियन्स लिगको उपाधि कब्जा

बैंगलोर- सुरेश रायनाको शतक प्रहारसँगै ट्वान्टी-२० च्याम्पियन्स लिगको उपाधि चेन्नइ सुपर किङ्गले जितेको छ। शनिबार राति भएको खेलमा कोलकता नाइट राइडर्सलाई ८ विकेटले पराजित गर्दै चेन्नइले उपाधि जितेको हो। रायनाले...