Thursday 2 Ashwin, 2071 |
Menu

खेल

'कमाउ' खेलमा दाहालपुत्र

(0 votes)
'कमाउ' खेलमा दाहालपुत्र
काठमाडौं - 'कुस्त आर्थिक लाभ लिन सकिने' नेपाल ओलम्पिक कमिटी छिर्ने बाटो खन्दै राष्ट्रिय खेलकुद परिषदका उपाध्यक्ष पिताम्बर तिम्सिना र एकीकृत माओवादी अध्यक्ष पुष्पकमल दाहालपुत्र प्रकाश दाहालले मिलेमतोमा नयाँ खेल संघ गठन गरेका छन्।

नेकपा एमाले नेता केपी शर्मा ओलीका 'विश्वासपात्र' तिम्सिनाको अध्यक्षतामा गठित नेपाल मोडर्न पेन्ट्राथोलन संघमा साकार दाहाल उपाध्यक्ष छन्। माओवादी अध्यक्ष दाहालपुत्र प्रकाशको वास्तविक नाम साकार हो।
नेपाल ओलम्पिक कमिटी छिर्ने ढोकाका रूपमा यसरी संघ गठन गर्ने चलन छ। ओलम्पिक कमिटी छिरेपछि विदेश शयरदेखि अमेरिकी डलरमा कुस्त भत्ता खाने सुविधा पाइन्छ। संघमार्फत देशव्यापी प्रभाव जमाउन सकिने हुँदा राजनीतिक लाभ पनि मिल्छ।

परिषदको १ सय ३५ औं संघका रूपमा असार १९ गते 'नेपाल मोडर्न पेन्ट्राथोलन संघ' गठन भए पनि सार्वजनिक गरिएको छैन।
माओवादी सिफारिसमा परिषद सदस्य–सचिव नियुक्त युवराज लामाले उपाध्यक्ष तिम्सिनाको अध्यक्षतामा मोडर्न पेन्ट्राथोलन संघ दर्ता भएको स्विकारे पनि दाहालको संलग्नताबारे अनभिज्ञता देखाए।
'परिषदमा दर्ता भएको मोडर्न पेन्ट्राथोलन पछिल्लो संघ हो। त्यसयता कुनै संघ दर्ता भएका छैनन्। त्यहाँ दाहाल थरका एक उपाध्यक्ष भएजस्तो लागेको छ। सबैको नाम थाहा छैन। उहाँ प्रचण्डपुत्र हो कि होइन, मलाई जानकारी छैन,' लामाले सोमबार नागरिकसँग भने, 'हुन सक्छ, कसैको छोरा कुनै संघमा हुन नपाउने भन्ने छैन नि त।'
ओलम्पिक खेलकुदमा समावेश मोडर्न पेन्ट्राथोलनमा घोडचडी, एथलेटिक्स, सुटिङ, पौडी र फेन्सिङ समावेश हुन्छन्। नेपालमा मोडर्न पेन्ट्राथोलनका फेन्सिङ र घोडचडी सेनामा मात्र सीमित रहँदै आएको छ।
'परिषदमा आउने सबै नेतृत्व र राजनीतिक दलका नेता, कार्यकर्ताको ध्यान खेल विकासभन्दा ओलम्पिक छिर्ने नै हो,' स्रोतले भन्यो, 'नेपालमा ओलम्पिक विवाद हुनुको मुख्य कारण त्यही हो। अहिले उपाध्यक्षले प्रचण्डपुत्रसँग मिलेर गर्न लागेको त्यही हो।'
परिषद्का सदस्य–सचिव लामाले पनि आफैं अध्यक्ष भएर ओलम्पिकसँग आबद्ध नेपाल घोडचडी संघ खोलेर परिषदमा दर्ता गराएका थिए। त्यसअघि नेपाल ओलम्पिक कमिटीका महासचिव जीवनराम श्रेष्ठले परिषदमा सदस्य–सचिव हुँदा आफ्नै अध्यक्षतामा नेपालमा कतै नखेलिने स्की संघ गठन गरेर ओलम्पिक छिरेका थिए।
संघका अर्का उपाध्यक्षमा नेपाल वैदेशिक रोजगार व्यवसायी संघका पूर्वअध्यक्ष एलबी सावाँ लिम्बु छन् भने टाइम्स कलेजका प्रधानाध्यापक रामहरि सिलवाल महासचिव छन्।
यसैगरी, परिषदकै सदस्य नारायण पौडेल सचिव, व्यवसायी मोहन डाँगी कोषाध्यक्ष तथा सदस्यमा केशव भट्टराई, निशेष चापागाईं र बुद्धिबहादुर कटुवाल रहेको स्रोतले जानकारी दियो।
स्रोतका अनुसार नेपाली सेना, नेपाल प्रहरी र सशस्त्र प्रहरी बलबाट एक/एक प्रतिनिधिलाई उपाध्यक्षमा तथा विभिन्न क्षेत्रका अन्य पाँचलाई सदस्यमा मनोनयन गर्न तिम्सिना र दाहाल लागिपरेका छन्। फ्रान्सको मोनाकोमा रहेको अन्तर्राष्ट्रिय मोडर्न पेन्ट्राथोलन महासंघबाट सम्बन्धनका लागि पत्राचार सुरु भइसकेको स्रोतको दाबी छ।
कोरिया क्रिकेटमा नेपाली प्रशिक्षक

कोरिया क्रिकेटमा नेपाली प्रशिक्षक

काठमाडौं- दक्षिण कोरियामा शनिबारबाट सुरु हुने एसियाली खेलकुदमा नेपालका तेक्वान्दो, कराते, क्रिकेट र गल्फ टोलीका प्रशिक्षक विदेशी छन्। विदेशी प्रशिक्षक नै रहेको नेपाली फुटबल टोलीले कोरियामा इराकसँग पराजय बेहोर्दै एसियाली...

मनाङको लक्ष्य 'उपाधि'

मनाङको लक्ष्य 'उपाधि'

काठमाडौं- एएफसी प्रेसिडेन्ट्स कपको छनोट खेलअघि नवीन न्यौपानेको परिचय भेट्रान फुटबल खेलाडी थियो। अखिल नेपाल फुटबल संघ (एन्फा) को कारबाहीमा परेर केही महिना खेल्न नपाउने भएपछि नवीन मनाङ मर्स्याङ्दी क्लबको...

सम्भावनाको खोजीमा महिला क्रिकेट

सम्भावनाको खोजीमा महिला क्रिकेट

काठमाडौं- नेपाली महिला क्रिकेटले राम्रो नतिजा दिन सकेको छैन। विगतमा नेपालको पुरुषको राष्ट्रिय टोलीले जस्तै निर्णायक खेल हार्नु महिला क्रिकेटको नियति नै भइसकेको छ। १७औं एसियाली खेलकुदमा नेपाली महिला क्रिकेटले...

एसीसी यु-१६ : कोरियासँग बराबरी गरे पर्याप्त

एसीसी यु-१६ : कोरियासँग बराबरी गरे पर्याप्त

बैंकक- अर्को वर्ष यु–१७ विश्वकप खेल्ने सपना बोकेका नेपाली युवा खेलाडीका लागि बिहीबार समूह चरण पार गर्न उत्तर कोरियाविरुद्धको खेल निर्णायक हुनेछ। युवा टोलीको विश्वकप छनोटमा लिइएको एएफसी यु–१६ फुटबल...

कुवेतसँग महत्वपूर्ण

कुवेतसँग महत्वपूर्ण

बैंकक- प्रतिबन्धका कारण पहिलो खेल गुमाएका कप्तान विमल घर्तीमगर मंगलबार एएफसी यु–१६ च्याम्पियनपिपमा कुवेतविरुद्ध मैदान उत्रँदा नेपाली टोलीको नेतृत्व गर्ने छन्। छनोट चरणमा पाएका दुई पहेँलो कार्डका कारण विमल थाइल्यान्डमा...

युएस ओपनमा सनसनी : जोकोभिच र फेडेरर स्तब्ध

युएस ओपनमा सनसनी : जोकोभिच र फेडेरर स्तब्ध

न्युयोर्क- नोभाक जोकोभिच र रोजर फेडेररले एकआपसमा २४ ग्रान्ड स्लाम टेनिस जितेका छन्। तर केइ निशिकोरी र मारिन सिलिकले शनिबार दुवैलाई स्तब्ध पार्दै युएस ओपनको फाइनल पुगेका छन्। यसलाई टेनिस...

मनाङ मर्स्याङ्दीविरुद्ध झापा–११ को शानदार जीत

मनाङ मर्स्याङ्दीविरुद्ध झापा–११ को शानदार जीत

काठमाडौं– झापा–११ ले एएफसी प्रेसिडेन्ट्स कपको फाइनल राउन्ड खेल्ने तयारीमा रहेको लक्ष्मी हुन्डाई मनाङ मस्र्याङ्दीलाई हराउँदै एन्फा कप नकआउट फुटबल प्रतियोगिताको सेमिफाइनलमा प्रवेश गरेको छ । लिग उपविजेता मछिन्द्रका पूर्व...

क्रिकेट मैदानमा पुबुदुको स्वागत

क्रिकेट मैदानमा पुबुदुको स्वागत

काठमाडौं– युवा तथा खेलकुद मन्त्रालयले पुबुदु दासानायकेलाई सम्झौता पत्र दिएको भोलिपल्ट मंगलबार राष्ट्रिय खेलकुद परिषद, नेपाल क्रिकेट संघ र राष्ट्रिय खेलाडीहरुले क्रिकेट प्रशिक्षकलाई स्वागत गरेका छन् ।