Monday 3 Kartik, 2071 |
Menu

खेल

माल्दिभ्सलाई जित्नैपर्ने

  • आइतबार ३० असार, २०७०
  • कमल खत्री
  • DISQUS_COMMENTS
(0 votes)
माल्दिभ्सलाई जित्नैपर्ने
काठमाडौ - श्रीलंकासँग शनिबार पराजित भएपछि नेपाललाई प्रथम दक्षिण एसियाली आमन्त्रण भलिबल च्याम्पियनसिपको फाइनल पुग्न माल्दिभ्सविरुद्ध जित आवश्यक बनेको छ।

अफगानिस्तानलाई हराएर सुखद सुरुआत गरेको नेपाल शनिबार श्रीलंकासँग सोझो सेटमै पराजित भयो। नेपाल र माल्दिभ्सलाई हराएको श्रीलंका फाइनल पुगेको छ। माल्दिभ्सले अफगानिस्तानलाई २५–१२, २६–२४, २२–२५, २५–१९ ले हराएर फाइनल पुग्ने आशा कायम राखेको छ।


दक्षिण एसियामा भारत र पाकिस्तानजस्तै बलियो टोली प्रस्तुत श्रीलंकालाई घरेलु कोर्टमा नेपालले २५–१७, २५–१६, २५–१६ ले खेल सुम्पियो। नेपालले श्रीलंकासँग शनिबार ९ वर्षपछि खेलेको हो। सन् २००४ मा पाकिस्तानमा खेलेयता श्रीलंकासँग खेलेको छैन। श्रीलंकाली टोलीसँग आयोजक सबै खेलाडीका लागि पहिलो अनुभव थियो।


अनुभवको कमीका कारण नेपालले पहिलो सेट सहजै गुमायो। दोस्रो सेटमा भने टोलीले घरेलु समर्थकलाई केहीबेर उत्साही बनाउने प्रयास गर्‍यो। सुरुआतमा ५ अंकको अग्रताले राखेप कभर्ड हलमा खुसी छायो। त्यति बेला नेपाल १०–५ ले अगाडि थियो। क्विक स्पाइकर सञ्जय अर्याल र कुलबहादुर थापाले लगातार १–१ अंक लिएपछि नेपालले १२–६ ले अग्रता लियो। ६ अंकको अग्रता  बनाउन नेपालले खेलमा फर्कने संकेत दिएको थियो। त्यो सुखद सुरुआत क्षणभरमै निराशामा परिणत भयो। नेपालले लगातार अंक गुमायो। कुलबहादुर, सेटर इम रानामगर, साइड स्पाइकर सुनील श्रेष्ठ र सन्जयले अंक लिन नसक्दा श्रीलंकाली हाबी हुन पुग्यो। नेपाली खेलाडीलाई विपक्षाी कप्तान ससिर दासानायकेको सर्भिस रिसिभ गर्नसमेत अप्ठेरो भइरहेको थियो।


नेपाली टोलीका प्रशिक्षक कपिलकिशोर श्रेष्ठले श्रीलंकासँग प्रतिस्पर्धा नेपाली खेलाडीलाई अनुभव बटुल्ने अवसर भएको बताए। उनले भने, ‘अनुभव, जम्प र फिटनेसमा हामी श्रीलंकाभन्दा पछाडि छौं। श्रींलकाविरुद्ध हामीले क्षमताअनुसार खेलेका छौं। यसमा निराश छैनौं। समग्र प्रदर्शनबाट सन्तुष्ट छौं।’


प्रशिक्षक श्रेष्ठले थपे, 'श्रीलंकासँग हाम्रा सबै खेलाडीले पहिलोचोटि खेलेका हुन्, त्यसले गर्दा पनि एकैनासको प्रदर्शन भएन।' कप्तान कैलाशदत्त भट्टले पनि अनुभवको कमीले हार्नुपरेको बताए।
उनले श्रीलंकासँगको कमजोरीलाई माल्दिभ्सविरुद्ध सुधार्दै फाइनल खेल्ने विश्वास दिलाए। स्पाइक पनि बिग्रिँदै गएपछि प्रशिक्षक श्रेष्ठले कप्तान कैलाशको स्थानमा मिलन मल्ललाई कोर्टमा पठाए। ओपन स्पाइकर मिलनको डेब्यु थियो। तेस्रो सेटमा कप्तान कैलाश बेन्चमा रहे।


श्रीलंकाली प्रशिक्षक एमएसके विन्डाकोनले विगत तुलनामा नेपाली टोली राम्रो भएको बताए। ‘हामीले दक्षिण एसियाका भारत र पाकिस्तानलाई जित्ने प्रयास गरिरहेका छौं। नेपाल र माल्दिभ्सले हामीलाई जित्ने प्रयास गरिरहेको अवस्था छ। यो सुखद पक्ष हो।’ नेपाली सेटर इम रानाको प्रशंसासमेत गर्दै उनले भने, ‘सर्भिस रिसिभमा अप्ठेरो पार्ने र ब्लकिङ रहेको कमजोरीको फाइदा हामीले लियौं।’


प्रशिक्षक विन्डाकोनले दक्षिण एसियाली राष्ट्रका लागि यो प्रतियोगिता एकदमै आवश्यक रहेको बताए। उनले नेपालले सुरुआत गरेको धन्यवाद दिँदै दोस्रो संस्करण श्रीलंकामा गर्न प्रयास गरिरहेको बताए। उनले नेपालले खेल्ने शैलीलाई मनपराए। 'नेपालको खेल्ने शैली मंगोलियनजस्तै छ। छिटो खेल्ने गर्छ, उचाइ नभए पनि नेपाली खेलाडी फूर्तिला छन्, यसले उनीहरूको खेल सुन्दर देखिन्छ। तर अनुभवको कमी छ।’

आइतबारका खेल
श्रींलकाविरुद्ध अफगानिस्तान :  ३ बजे
नेपालविरुद्ध माल्दिभ्स :  ५ बजे

गाइड नहुँदा विक्रम दौडन पाएनन्

गाइड नहुँदा विक्रम दौडन पाएनन्

काठमाडौं, कात्तिक २– दक्षिण कोरियामा भइरहेको पारा एसियाली खेलकुदमा 'गाइड' नभएका कारण एथलेटिक्सका विक्रमबहादुर रानाले प्रतिस्पर्धा गर्न पाएनन्। आफूलाई दौडाउने मान्छे नभएपछि रानाले आइतबार २ सय मिटरमा सहभागि नसकेका हुन्। 

विमला आर्मीमा अनुबन्धित

विमला आर्मीमा अनुबन्धित

काठमाडौं- इन्चोन एसियाडकी पदकधारी विमला तामाङ सोमबार त्रिभुवन आर्मी क्लबसँग अनुबन्धित भएकी छन्। कराते खेलाडी विमलाले दक्षिण कोरियाको इन्चोनमा सम्पन्न १७औं एसियाली खेलकुदमा एकल काताबाट कांस्य पदक जितेकी थिइन्।

'लेखाको निर्णय पुनर्विचार गर'

'लेखाको निर्णय पुनर्विचार गर'

काठमाडौं- अखिल नेपाल फुटबल संघ (एन्फा) का जिम्मवार पदाधिकारीको २ महिनाका लागि पद स्थगन गर्ने सार्वजनिक लखा समितिको निर्णय पुर्नविचार गर्न राष्ट्रिय फुटबल खेलाडी, प्रशिक्षक र रेफ्रीले सामूहिक आग्रह गरेका...

रारामा बालकदेखि वृद्धसम्म दौडने

रारामा बालकदेखि वृद्धसम्म दौडने

जुम्ला- कर्णालीमा पहिलोपल्ट हुन लागेको जुम्ला–रारा अल्ट्रा म्याराथनमा भाग लिन ७ देखि ७२ वर्ष उमेर भएकाले नाम दर्ता गराएका छन्। कर्णालीको नाम राष्ट्रिय अन्तर्राष्ट्रिय स्तरमा चिनाउन आयोजित म्याराथनमा ऐक्यबद्धता जनाउन...

इन्चोनको भव्यताले अन्य आकांक्षीलाई चुनौती

इन्चोनको भव्यताले अन्य आकांक्षीलाई चुनौती

इन्चन- एसियाकै सबैभन्दा ठूलो खेल मेलाको १७ औं संस्करणले आइतबार विदा लिएसँगै यसको भविष्यलाई लिएर चिन्ता सुरु भएको छ। दक्षिण कोरियाले इन्चोन एसियाडलाई कम खर्चमा चुस्त आयोजनाको नमुनाका रुपमा प्रस्तुत...

रोनाल्डोको २२ औं ह्याट्रिकले रियल म्याड्रिड ५–० ले विजयी

रोनाल्डोको २२ औं ह्याट्रिकले रियल म्याड्रिड ५–० ले विजयी

म्याड्रिड—स्टार खेलाडी क्रिस्टियानो रोनाल्टो तथा ग्रेथ बेलको शानदार प्रदर्शनको मद्दतले रियल म्याड्रिडले स्पेनिस प्रिमियर लिगमा एट्लेटिको बिल्बाओलाई ५–० ले हराएको छ। रोनाल्डोको यो २२ औं लिग ह्याट्रिक हो। यो जितसँगै...

चेन्नइद्वारा च्याम्पियन्स लिगको उपाधि कब्जा

चेन्नइद्वारा च्याम्पियन्स लिगको उपाधि कब्जा

बैंगलोर- सुरेश रायनाको शतक प्रहारसँगै ट्वान्टी-२० च्याम्पियन्स लिगको उपाधि चेन्नइ सुपर किङ्गले जितेको छ। शनिबार राति भएको खेलमा कोलकता नाइट राइडर्सलाई ८ विकेटले पराजित गर्दै चेन्नइले उपाधि जितेको हो। रायनाले...

एसियाड क्रिकेट : नेपाल क्वाटरफाइनलबाटै बाहिरियो

एसियाड क्रिकेट : नेपाल क्वाटरफाइनलबाटै बाहिरियो

काठमाडौं- इन्चोन एसियाडमा नेपाली क्रिकेट टोलीले अफगानिस्तानले दिएको ११९ सामान्य लक्ष्य पुरा गर्न नसक्दा क्वाटरफाइनबाटै बाहिरिनु परेको छ। टस जितेर बलिङ रोजेको नेपालको अफगानिस्तान चिरपरिचित कडा प्रतिद्वन्द्वि रहँदै आएको छ। यद्यपि १२०...