Monday 18 Falgun, 2071 |
Menu

खेल

HUB

विश्व च्याम्पियनसिपमा दीपकको लक्ष्य

(0 votes)
विश्व च्याम्पियनसिपमा दीपकको लक्ष्य
काठमाडौं - दीपक विष्टले खेलाडीका रूपमा तेक्वान्दोबाट धेरै पदक पाएका छन्। दक्षिण एसियाली खेलकुदमा लगातार चार स्वर्ण र एसियाली खेलकुदमा पाएका दुई कांस्यले उनलाई नेपाली खेलकुदमा सबैभन्दा सफल खेलाडी बनाएको छ।

सन् २०१० मा बंगलादेशमा दक्षिण एसियाली खेलकुदको पछिल्लो स्वर्ण जितेयता उनले चोटका कारण खेलाडी जीवनलाई निरन्तरता दिन सकेनन्। मेक्सिकोको पुइब्लामा असार ३१ देखि साउन ६ सम्म हुने विश्व तेक्वान्दो च्याम्पियनसिपमा आफूले खेलाडी जीवनबाट पाउन नसकेको पदक दिलाउने दीपकको लक्ष्य छ। उनले च्याम्पियनसिप खेल्ने खेलाडीलाई निखारिरहेका छन्।

नेपालबाट ज्ञानी चुनारा, अरुण अधिकारी र रञ्जन श्रेष्ठले प्रतिस्पर्धा गर्दैछन्। विजेश्वरी सैनिक आवासीय विद्यालयकी ज्ञानीले ५७ केजी, चितवनका अरुणले ५४ केजी र कोटेश्वरका रञ्जनले ५८ केजीमा प्रतिस्पर्धा गर्नेछन्। ज्ञानी र अरुणले विदेश गएर प्रतियोगिता खेल्न लागेको पहिलोपल्ट हो। अन्तर्राष्ट्रिय अनुभवको नाममा उनीहरूसँग नेपालमै सम्पन्न माउन्ट एभरेस्ट च्याम्पियनसिप खेल्नु मात्र छ। रञ्जनले २००९ मा सिंगापुरमा भएको युथ ओलम्पिकमा खेलेका थिए।
तेक्वान्दो संघका कार्यालय प्रमुख हेमन्त डाँगीले जेठमा पोखरामा सम्पन्न ११औं राष्ट्रिय तेक्वान्दोलाई आधार मान्दै खेलाडी छनोट गरिएको बताए। ज्ञानी र अरुण आफ्नो तौलमा विजेता बन्दै उत्कृष्ट फाइटर भएका थिए। रञ्जन पनि ५८ केजीका विजेता हुन्। 'तेक्वान्दोको राष्ट्रिय टोलीमा २ दर्जनभन्दा बढी खेलाडी छन्, पोखरालाई आधार बनाएर त्यसैबाट उत्कृष्ट छनोट गरिएको हो,' डाँगीले भने।
दीपकको प्रशिक्षकमा यो पहिलो आधिकारिक प्रतियोगिता हो। गत वर्ष मलेसियामा एसियन युनिभर्सियाडमा उनकै प्रशिक्षणमा आयशा शाक्य र विशाल श्रेष्ठले कांस्य पदक जितेका थिए। चीनमा २०११ मा भएको युनिभर्सियाड र गत वर्ष दक्षिण कोरियामै भएको विश्व युनिभर्सियाडमा पनि दीपक प्रशिक्षक थिए।
'४–५ महिनादेखि राष्ट्रिय टोलीको प्रशिक्षण निरन्तर छ। एक महिनायता विश्व च्याम्पियनसिप केन्द्रित गरेर दैनिक चारपल्ट अभ्यास गर्ने गरेका छौं। तयारी राम्रो भइरहेको छ,' प्रशिक्षक दीपकले भने, 'हाम्रो टोलीमा जुनियर खेलाडी छन्, अन्तर्राष्ट्रिय अनुभव बटुलिरहेका छन्। यो तेक्वान्दोको सबैभन्दा ठूलो प्रतियोगिता हो। मैले पनि पहिलो अन्तर्राष्ट्रिय अनुभव यही प्रतियोगितामा बटुलेको थिएँ। त्यसैले नेपाली खेलाडीसँग अनुभव बटुल्ने राम्रो अवसर छ।'
उनले यात्रा चुनौतीपूर्ण रहेको स्वीकार्दै भने, 'मैले थोरै प्रतियोगितामा पदक जित्न सकिनँ, त्यसमा यो पनि पर्दछ। त्यसैले प्रशिक्षकमा भए पनि यस प्रतियोगिताबाट पदक भिœयाउने लक्ष्य छ।' उनले १९९७ मा हङकङ र २००७ मा चीनमा भएको विश्व च्याम्पियनसिप खेलेका थिए।
च्याम्पियनसिपमा नेपाल
सन् १९८३ मा डेनमार्कको कोपेनहेगनमा भएको प्रतियोगितादेखि नेपालले विश्व च्याम्पियनसिपमा भाग लिएको हो। प्रत्येक दुई वर्षमा हुने प्रतियोगिताको सुरुआत १९७३ मा दक्षिण कोरियाबाट भयो। मेक्सिकोमा हुने प्रतियोगिता २१औं संस्करण हो।
नेपालले प्रतियोगिताबाट दुई कांस्य पदक जितेको छ। १९८७ मा स्पेनको बार्सिलोनामा विधान लामाले पहिलोपल्ट पदक जितेका थिए। उनले ५० केजीमा कांस्य पदक जितेका थिए। त्यसको अर्को संस्करणमा सीता राईले पदक जित्ने क्रमलाई निरन्तरता दिइन्। उनले ४३ केजीमा कांस्य जितेकी थिइन्। 
गुरुङ सदस्यमा उठ्ने
विश्व च्याम्पियनसिपकै क्रममा विश्व तेक्वान्दो महासंघको चुनावी महाधिवेशन हुनेछ। नेपाल तेक्वान्दो संघका अध्यक्ष प्रकाश शम्शेर राणा र महासचिव दीपराज गुरुङले महाधिवेशनमा भाग लिने छन्। महासचिव गुरुङले महासंघको केन्द्रीय सदस्य पदमा उम्मेद्वारी दिने छन्।
तेक्वान्दोका संस्थापक गुरुङ प्रमुख प्रशिक्षक पनि हुन्। विश्व तेक्वान्दोमा आबद्ध २ सय २ राष्ट्रमध्ये १ सय ३६ राष्ट्रसँग मतदान अधिकार छ। 'दक्षिण एसियाबाट कसैले पनि उम्मेद्वारी दिएका छैनन्। भारत र बंगलादेशसँग मतदान अधिकार छैन। विश्वकै एकतिहाइ भन्दा बढी जनसंख्या भएको क्षेत्र दक्षिण एसियामा तेक्वान्दोको विकास गर्न जरुरी छ,' गुरुङले भने, 'विश्व तेक्वान्दोको आचारसंहिता अनुसार मतदानअघि सबै खुलेर कुरा गर्न मिल्दैन। उम्मेद्वारीको विषयमा मेरो विभिन्न देशसँग छलफल चलिरहेको छ।'

कीर्तिमानै कीर्तिमान

कीर्तिमानै कीर्तिमान

क्यानबेरा– क्रिस गेलले विश्वकपमा कीर्तिमानी २ सय १५ रन जोडेपछि मंगलबार वेस्ट इन्डिजले जिम्बावेमाथि ७३ रनको पाएको छ। पहिलो खेलमा आइसिसीको एसोसिएट्स टोली आयरल्यान्डसँग ४ विकेटले स्तब्ध वेस्ट इन्डिजले तत्काल...

क्रिस गेल विद्रोही ब्याट्सम्यान

क्रिस गेल विद्रोही ब्याट्सम्यान

सिड्नी– धेरै कारणले गर्दा उनी एक विद्रोही हुन्, वेस्ट इन्डिजका क्रिकेट अधिकारीसँग उनको टसल त्यत्तिकै छ। तर तमाम विद्रोहीपनाका बाबजुद क्रिस गेल क्रिकेटका सुपरस्टार हुन् भन्नेमा कसैले अस्वीकार गर्न सक्दैन।...

क्रिकेट बिवादको अर्को शृंखला : कोइराला कार्यवाहक अध्यक्ष

क्रिकेट बिवादको अर्को शृंखला : कोइराला कार्यवाहक अध्यक्ष

काठमाडौं– राष्ट्रिय टोलीले मैदानभित्र दिनानुदिन सफलताका नयाँ सिढी चढिरहेका बेला नेपालको क्रिकेट प्रशासन भने बिवादको दलदलमा थप जाकिँदै गएको छ। सरकारबाट निलम्बित नेपाल क्रिकेट संघ (क्यान) का कार्यवाहक अध्यक्ष तारिणीविक्रम...

तेन्दुल्करविनाको भारत

तेन्दुल्करविनाको भारत

नयाँ दिल्ली– तेइस वर्षयता पहिलो पटक भारतीय क्रिकेट टोलीमा ब्याटिङ सुपर स्टार सचिन तेन्दुल्कर छैनन्।  करिब दुई वर्षअघि तेन्दुल्करले क्रिकेटबाट सन्यास लिएपछि त्यसको प्रत्यक्ष फाइदा चिर प्रतिद्वन्द्वी पाकिस्तानलाई पुग्ने अनुमान...

नेपालगन्जको क्रिकेट संकट

नेपालगन्जको क्रिकेट संकट

काठमाडौं-नेपाली क्रिकेटको उर्वरभूमि मानिने नेपालगन्ज अहिले संकटमा गुजि्ररहेको छ। नेपालगन्जलाई महिला क्रिकेटको उद्गमथलो नै मानिन्छ। तथापि थुप्रै पुरुष खेलाडीले पनि राष्ट्रिय टोलीबाट महत्व‍पूर्ण उपलब्धी बटुलेका छन्। घरेलु क्रिकेटमा विशेष योगदान...

एसपिए कपमा लम्कँदै पेन्टागन

एसपिए कपमा लम्कँदै पेन्टागन

धनगढी-राष्ट्रिय खेलाडीले भरिपूर्ण काठमाडौंको पेन्टागन कलेजले मंगलबार कञ्चनपुरको सनराइज उच्चमाविमाथि १६ रनले हराउँदै होटल डिभोटी एसपिए कप क्रिकेट प्रतियोगिताको सेमिफाइनलपक्का गरेको छ। टस हारेर ब्याटिङ गर्न आएको पेन्टागनबाट राष्ट्रिय खेलाडीद्वय...

अस्ट्रेलियाले उपाधि उचालेको एसियन कपका केहि झलक

अस्ट्रेलियाले उपाधि उचालेको एसियन कपका केहि झलक

सिड्नी– वैकल्पिक खेलाडी जेम्स ट्रोसीले दक्षिण कोरियाविरुद्ध अतिरिक्त समयमा आकर्षक गोल गरी आयोजक राष्ट्र अस्ट्रेलियाले एसियन कप फुटबलको ट्रफी उचालेको छ। अस्ट्रेलियाले ५५ वर्षयता ठूलो प्रतियोगिताको उपाधि जित्न सकेको थिएन।

पुबुदु र प्रफुल्ल सम्मानित

पुबुदु र प्रफुल्ल सम्मानित

धनगढी- नेपाली क्रिकेटका दुई हस्ती पुबुदु दासानायके र प्रफुल्ल वैद्य शुक्रबार सुदूरपश्चिमाञ्चल एकेडेमी (एसपिए) बाट सम्मानित भएका छन्। दी होटल डिभोटी कपको चौथो संस्करणको उद्घाटनका अवसरमा सिंचाइमन्त्री एनपी साउदले राष्ट्रिय...