Tuesday 18 Jestha, 2073 |
Menu

खेल

republica-headerdiscount-subscribe1

istl

सदावाहर दावेदारको लक्ष्य उपाधि

(0 votes)
सदावाहर दावेदारको लक्ष्य उपाधि
काठमाडौं - माल्दिम्स दक्षिण एसियाली फुटबलमा पछिल्लो समय सधैको उपाधि दावेदार हो। २००८ मा दक्षिण एसियाली फुटबल (साफ) च्याम्पियनसिप जितेपछि माल्दिभ्सले क्षेत्रीय फुटबलमा छवि उकासेको थियो। त्यसयता सधै दक्षिण एसियामा माल्दिभ्स सबैका लागि अप्रिय प्रतिद्वन्द्वी हुने गरेको छ।
nepali-patro-may

१९९७ मा काठमाडौंमा सुरु पहिलो साफ च्याम्पियनसिपबाट क्षेत्रीय फुटबलको महामेलामा माल्दिभ्सको यात्रा सुरु भएको थियो। पहिलो सहभागितामै रजत पदक जित्न सफल टोलीले साफ च्याम्पियनसिपका सात संस्करण सम्पन्न हुँदा एकपटक उपाधि जितेको छ भने तीन पटक उपविजेता बनेको थियो। १९९७ को काठमाडौं साफ च्याम्पियनसिपपछि २००३  र २००९ को ढाका संस्करण तथा २००८ मा श्रीलंकासँग मिलेर संयुक्त रुपमा आफैले प्रतियोगिता आयोजना गर्दा माल्दिभ्सले फाइनल खेलेको थियो। २००३ मा आयोजक बंगलादेशलाई टाई–ब्रेकरमा नतिजा सुम्पिएको टोली २००९ मा भारतसँग ४–० ले निराश भएको थियो। १९९९ को गोवा साफ च्याम्पियनसिपमा नेपाललाई प्लेअफमा हराउँदै तेस्रो स्थान हासिल गरेको टोली २००५ को कराची संस्करण र २०११ को नयाँ दिल्ली संस्करणमा सेमिफाइनल पुगेको थियो।
पाकिस्तानमा १९९३ मा सम्पन्न दक्षिण एसियाली गोल्डकप र १९९५ मा श्रीलंकामा भएको सार्क ब्रिस्टल गोल्डकपमा सहभागिता नजनाएको टोली अहिलेसम्म साफ च्याम्पियनसिपको समूह चरणबाट घर फर्किनु परेको इतिहाँस छैन।
विश्वकप २००६ को एसियाली छनोटअन्तर्गत दोस्रो चरणसम्म पुग्न सफल हुँदा समुद्री टापुको देशले घरेलु मैदानमा एसियाली महारथी दक्षिण कोरियासँग गोलरहित बराबरी नतिजा निकालेको थियो।
साफ च्याम्पियनसिपमा गौरवशाली इतिहास बोकेको माल्दिभ्स भदौ १५ बाट काठमाडौंमा सुरु हुने आठौं साफ च्याम्पियनसिपलाई नेपाल आउँदा कम्तिमा त्यसलाई निरन्तरता दिने लक्ष्यमा हुनेछ। टोलीका हंगेरियन प्रशिक्षक इस्टभान उर्बान्यी उपाधि जितेर फर्कनेमा आशावादी छन्। भन्छन्, 'हामी दक्षिण एसियामा सधैका दावेदार हौं। उपाधिबाहेक हामीसँग अरु लक्ष्य छैन।'
माल्दिभ्सले साफ च्याम्पियनसिपलाई लक्षित गर्दै तीन महिनादेखि विशेष तयारी गरिरहेको छ। हाल अभ्यास खेलका लागि थाइल्यान्ड भ्रमणमा रहेको टोलीले शुक्रबार मात्र थाईल्यान्ड यु–२३ टोलीसँग ३–२ को हार बेहोरेको छ। त्यसको दुई दिनअघि थाई प्रिमियर लिगको टोली ओसोटिप्सालाई माल्दिभ्सले ३–२ कै नतिजामा हराएको थियो। साफ च्याम्पियनसिपका लागि काठमाडौं आउनुअघि माल्दिभियन टोली आइतबार माले पुग्ने माल्दिभ्सका सञ्चार माध्यमले जनाएका छन्।
माल्दिभ्सका कप्तान अली अस्फाक उपाधि जितेर पछिल्ला दुई संस्करणको तिर्सना मेटने बताउँछन्। 'हामीले ढाका र नयाँ दिल्लीमा ट्रफिलाई मिस गर्‍यौं। काठमाडौंमा त्यसलाई हासिल गर्नु हाम्रो लक्ष्य हुनेछ। मेरो विचारमा दक्षिण एसियामा भारत र अफगानिस्तान पनि राम्रा छन्। तर, हामीसँग उनीहरुलाई हराएर उपाधि जित्ने क्षमता छ,' उनलाई उद्यृत गर्दै समाचार अनलाइनहरुले जनाएका छन्।
दक्षिण एसियाली फुटबलका सबभन्दा खतरनाक फरवार्डमध्येका एक अस्फाक यसपाली पनि माल्दिभ्सको टोलीका मुख्य हतियार हुनेछन्। अनुभवी अस्फाकसँगै मिडफिल्डरहरु इस्माइल इशा, अली उमर  र मोहमद उमाइर माल्दिभ्सका मुख्य आशा हुन्।

प्रतिक्रिया

सानो भान्जो अर्थात् विकेश कुथु

सानो भान्जो अर्थात् विकेश कुथु

सिन्धुपाल्चोक- सिन्धुपाल्चोक खेलकुद इतिहासमा सबैभन्दा ठूलो र प्रतिष्ठित मानिएको सिन्धु–भोटेकोसी कप फुटवलको पहिलो संस्करण स्थानीय सुनकोसी क्बलले जित्यो। नेपालको एउटा सानो गाउँको क्लबले नेपालको ए डिभिजनमा सफल मानिने नेपाल पुलिस...

न्युजिल्यान्डसँग खेल्दै नेपाल

न्युजिल्यान्डसँग खेल्दै नेपाल

काठमाडौं- नेपाली युवा क्रिकेट टोलीले आज बिहीबार न्युजिल्यान्डसँग खेल्दै आइसिसी यु–१९विश्वकप क्रिकेटको सुरुआत गर्दैछ। बंगलादेशको फतुल्लाहस्थित खान साहेब ओस्मान अली रंगशालामा न्युजिल्यान्डको सामना गर्दा नेपालको लक्ष्य सकारात्मक नतिजा निकाल्नु हुनेछ।

क्यान साधारणसभा होला ?

क्यान साधारणसभा होला ?

काठमाडौं- साधारणसभा कुनै पनि संस्थाको सर्वोच्च निकाय हो। त्यही निकायले संस्थाको भावी योजना तर्जुमा गर्छ, कार्यान्वयनको आधार बनाउँछ, नीति निर्माण गर्छ। साधारणसभाले सम्पूर्ण रूपमा संस्थालाई मार्गनिर्देश गर्छ। अस्थिर राजनीतिको चपेटामा...

कामुक भनेकाेमा बेकह्याम दङ्ग

कामुक भनेकाेमा बेकह्याम दङ्ग

लसएन्जल्स— संन्यास लिइसकेको इंङलिस फुटबलर डेबिट बेह्क्याम मैदानमा होस वा मैदान बाहिर अझै पनि अन्तराष्ट्रिय सेलिब्रेटीका रुपमा रहने गरेका छन्। मंगलबार बेह्क्यामलाई पिपुल म्यागजिनले कामुक पुरुषका रुपमा उल्लेख गरेको छ...

बेकह्याम फुटबल खेल्न नेपाल अाउने

बेकह्याम फुटबल खेल्न नेपाल अाउने

काठमाडौं—विश्वचर्चित फुटबल स्टार डेभिड बेकह्याम फुटबल खेल्न नेपाल आउने भएका छन्। इङ्ल्यान्डका पूर्व कप्तान बेह्याम क्लब र मुलुकका लागि सयौं पटक मैदानमा उत्रिए, धेरैमा विजय हासिल गरे।

फुटबल संघ नाजवाफ

फुटबल संघ नाजवाफ

काठमाडौं- वर्षौदेखि घरेलु फुटबलमा हुने खेल मिलेमतोमा कसैलाई दोषी ठहर गर्न नसकेको अखिल नेपाल फुटबल संघ (एन्फा) आफ्ना खेलाडीले अन्तर्राष्ट्रिय फुटबलमा मिलेमतो गरेको खबर सार्वजनिक भएपछि नाजवाफ भएको छ।

यु–१९ विश्वकप छनोट खेल्ने क्रिकेट टोलीको बिदाई

यु–१९ विश्वकप छनोट खेल्ने क्रिकेट टोलीको बिदाई

काठमाडौं– अर्को वर्ष बंगलादेशमा हुने आइसिसी यु–१९ विश्वकप छनोटका लागि मलेसिया जाने टोलीलाई मंगलबार नेपाल क्रिकेट संघ (क्यान)ले बिदाइ गरेको छ।

कोपा अमेरिकामा चिलीले इतिहास रच्यो

कोपा अमेरिकामा चिलीले इतिहास रच्यो

काठमाडौ-आयोजक चिलीले पहिलो पटक कोपा अमेरिकाको उपाधि उचालेको छ। आइतबार विहानभएको खेलमा अर्जेन्टिनालाई पेनाल्टी सुटआउटमा ४-१ ले हराउँदै उपाधि दर्ता गरेको हो। निर्धारित ९० मिनट र थप ३० मिनेटको थप...