Monday 12 Magh, 2071 |
Menu

खेल

HUB

'कुल फिनिसर' वशन्त

  • आइतबार ९ भाद्र, २०७०
  • प्रकाश तिमल्सिना
  • DISQUS_COMMENTS
(0 votes)
काठमाडौं– घरेलु फुटबलको चम्किलो खेल जीवनलाई पूर्णविराम लगाउँदै लक्ष्मी हुन्डाई मनाङ मस्याङ्दीका स्टार फरवार्ड बसन्त थापा जापान लागेका थिए।

तर, त्यहाँ पुगेको दुई महिना नबित्दै अन्तर्राष्ट्रिय 'डयूटि' निर्वाह गर्न उनी स्वदेश फर्कनु परेको थियो। सन् २००५ को डिसेम्बरमा पाकिस्तानमा भएको चौथो साफ च्याम्पियनसिपका लागि अखिल नेपाल फुटबल संघ (एन्फा) ले बसन्तलाई जापानबाट झिकाएको थियो। जुन राष्ट्रिय टोलीमा उनको भूमिका प्रष्ट्याउन पर्याप्त थियो।
तयारीमा राष्ट्रिय टोलीसँग नभए पनि बसन्तबाट अपेक्षा ठूलै थियो। दुई बर्षअघि बंगालदेशमा नमिठो हारसँगै समूह चरणबाट बाहिरिनुको पीडा बिर्साउने जिम्मेवारी बसन्तलगायतको काँधमा थियो। बसन्त आफै पनि बंगलादेशको खराब प्रदर्शन विर्साउन चान्हन्थे। अर्का प्रभावशाली फरवार्ड नीराजन रायमाझी पनि विदेसिइसकेका कारण बसन्तमाथि दबाब पनि थियो।
बसन्त हेडिङमा राम्रो मानिन्थे। 'कुल फिनिसिङ' उनको अर्को विशेषता थियो। एन्फाका विकास निर्देशक सञ्जिव मिश्र बसन्तका बारेमा भन्छन्, 'एउटा राम्रो फरवार्डमा हुनुपर्ने गुण उनमा थियो। ठाँउमा पुग्न सक्ने क्षमता सँगै उनको 'एन्टिसिपेसन' एकदमै राम्रो थियो।'
चौथो साफमा पनि नेपालसामू लगभग अहिलेकै जस्तो चुनौति थियो। दक्षिण एसियाकै शक्तिशाली राष्ट्र भारत र बंगलादेश तथा कमजोर भुटानसँग समूह चरणमा खेल्नु पर्ने थियो। पहिलो र तेस्रो संस्करणमा जस्तै चौथोमा पनि नेपालले सफल नतिजा निकाल्न सकेन। तर, बसन्त भने चर्चामा रहे। पहिलो खेलमा भारतसँग २–१ ले पराजित हुँदा बसन्तले नै गोल गरेका थिए। हारका वावजुद पनि भारतविरुद्ध गोल गर्नु सानो उपलब्धी थिएन। कुनै पनि नेपाली खेलाडीले भारतविरुद्ध गोल गरेको १२ बर्षमा त्यो पहिलो थियो। १९९३ मा छैटौं दक्षिण एसियाली खेलकुदको फाइनलमा २–२ को बराबरी खेल्दा उमेश प्रधान र मणी शाहले गोल गरेपछि भारतलाई कुनै नेपाली खेलाडीले गोल गर्न सकेका थिएनन्। त्यसबीचमा नेपालले भारतसँगका चार खेल गुमाउँदा एक गोल पनि फर्काउन सकेको थिएन्।
त्यस बखत बसन्तका स्ट्राइकिङ पार्टनर कप्तान हरि खड्का उनलाई मेहनती स्ट्राइकरको रुपमा लिन्छन्। 'बसन्त फिजकल्ली स्ट्रङ खेलाडी हो। उसको स्कोरिङ पावर राम्रो थियो,' उनले थपे, 'भिजन एकदमै क्लियर थियो। उ कुल फिनिस गर्न सक्ने एउटा पूर्ण स्ट्राइकर हो।'
भारतसँगको हारपछि नेपालले बाँकी दुई खेल जित्नुको विकल्प थिएन। तर, बंगलादेशसँग २–० ले हारेपछि नेपाल फेरी पनि दुःखद रुपमा समूह चरणबाटै बाहिरीयो। भुटानविरुद्धको अन्तिम खेल ३–१ ले जित्दा बसन्तले एक गोल गरे। सुरेन्द्र तामाङ र विजय गुरुङले पनि १–१ गोल गरेका थिए। नेपालले ३ खेलमा ४ गोल गर्दा २ गोल बसन्तको नाममा रह्यो।
बुटबलमा गोर्खा ब्वाइज क्लबबाट सँगै खेलका उनका समकालिन मधु कार्की बसन्तलाई जुझारु खेलाडी भन्न रुचाउँछन्। भन्छन्, 'एउटा फरवार्डमा चाहिने क्षमता उसमा थियो। जसरी पनि गोल गर्नुपर्छ र जित्नुपर्छ भन्ने भावना भएको र खेलमा सतप्रतिशत दिने स्वभाव थियो।' मधुको नजरमा समाकालीन खेलाडीमा बसन्त सबैभन्दा अनुशासित थिए। बसन्त र मधुले म्याकडोयल्स आरसिटीमा २०५४ देखि तीन बर्ष सँगै खेले। बसन्त घरेलु फुटबलका सफल स्ट्राइकर मध्ये पर्छन्। 'ए' डिभिजन लिगमा ५० गोल गर्ने उनी पहिलो खेलाडी हुन्। विदेशीनुअघि उनले लिगमा ७९ गोल पुर्‍याइसकेका थिए। यद्दपी फर्ममा रहँदाकै अवस्थामा उनी जापान हानिएका थिए। अहिले उनी अमेरिका बस्छन्। १९९८ देखि २००६ को एएफसी च्यालेन्ज कपमा नेपालको कप्तानी गर्ने अवस्थासम्म आइपुग्दा उनले ८ अन्तर्राष्ट्रिय गोल गरेका थिए।
नेपालको डिभिजन २ को यात्रा: लक्ष्य भेटे उपलब्धि थेग्न सक्ला?

नेपालको डिभिजन २ को यात्रा: लक्ष्य भेटे उपलब्धि थेग्न सक्ला?

काठमाडौं-नामिबियाबाट उपाधि जितेर फर्कने लक्ष्यसाथ नेपाली राष्ट्रिय क्रिकेट टोली विशेष तयारी गर्न बुधबार दक्षिण अफ्रिकातिर लागेको छ। जनवरी १७ देखि २४ सम्म नामिबियामा हुने आइसिसी विश्व क्रिकेट लिग डिभिजन २ को...

जागिरसँगै डिभिजन २ को साइत

जागिरसँगै डिभिजन २ को साइत

काठमाडौं-आइसिसी विश्व क्रिकेट लिग डिभिजन २ को तयारीलाई दक्षिण अफ्रिका जानु अघिल्लो दिन मंगलबार नेपाल क्रिकेट संघ (क्यान) ले राष्ट्रिय टोलीका १४ सहित २२ खेलाडीसँग करार अनुबन्धन गरेको छ। राष्ट्रिय...

छ खेलाडीलाई छात्रवृत्ति

छ खेलाडीलाई छात्रवृत्ति

काठमाडौं- अर्को बर्ष ब्राजिलमा हुने ३२औं गृष्मकालिन ओलम्पिक खेलकुदका लागि ६ नेपाली खेलाडीले विशेष प्रशिक्षण लागि छात्रवृत्ति पाएका छन्। अन्तर्राष्ट्रिय मान्यता प्राप्त नेपाल ओलम्पिक कमिटी (एनओसी) को पहलमा एथलेटिक्सकी संगीता...

डिभिजन २ तयारी: दक्षिण अफ्रिका यात्रामा ढिलाइ

डिभिजन २ तयारी: दक्षिण अफ्रिका यात्रामा ढिलाइ

काठमाडौं-विश्व क्रिकेट लिग डिभिजन २ को विशेष तयारीका लागि दक्षिण अफ्रिका जाने नेपाली राष्ट्रिय क्रिकेट टोलीको योजना भिसा समस्याका कारण पछि सरेको छ। जनवरी १७ देखि २४ सम्म अफ्रिकी मुलुक...

टेस्टबाट धोनीको संन्यास

टेस्टबाट धोनीको संन्यास

नयाँ दिल्ली– विश्वकप विजेता भारतीय क्रिकेट टोलीका कप्तान महेन्द्रसिंह धोनीले टेस्ट क्रिकेटबाट संन्यास घोषणा गरेका छन्। मंगलबार अस्ट्रेलियासँगको टेस्ट शृंखला कम्तीमा २–० ले गुमाउने पक्का भएको केही समयपछि धोनीले संन्यास...

एकताकलीलाई हात्तीदौडको उपाधि, फुटबलमा प्रभु विजयी (फोटोफिचर)

एकताकलीलाई हात्तीदौडको उपाधि, फुटबलमा प्रभु विजयी (फोटोफिचर)

चितवन – सौराहामा भएको हात्ती महोत्सवअन्तर्गतको आकर्षक मानिएको हात्तीदौडमा एकताकली विजयी भएको छ। प्रतिस्पर्धी ६ हात्तीलाई उछिन्दै ब्लुप्लानेट जर्मनीको एकताकलीले उपाधि जितेको हो। दुई विदेशीसहित ६ हात्ती फाइनलमा भिडेका थिए।...

सिटी र युनाइटेड अघिपछि

सिटी र युनाइटेड अघिपछि

लल्डन– इङ्लिस प्रिमियर लिगको शीर्ष तीनमा रहेका चेल्सी, दुई म्यानचेस्टर सिटी र युनाइटेड शुक्रबार ‘बक्सिङ डे' को खेलमा प्रतिद्वन्द्वीमाथि एकतर्फी हाबी हुँदै विजय नतिजा निकालेका छन्। जितले तीनै टोली यसअघिकै...

फुटबल र क्रिसमस किंवदन्ती

फुटबल र क्रिसमस किंवदन्ती

लन्डन-क्रिसमस युद्धविराम, १९१४ को क्रिसमसका दिन पश्चिमी सीमामा युद्धरत बेलायती र जर्मन सैनिकले अचानक केही घन्टाका लागि हतियार बिसाएको घटना इतिहासमा प्रस्ट छ। युद्धविराम गरेलगत्तै जर्मन पक्षबाट क्रिसमस गीत गुन्जियो।...