Friday 15 Shrawn, 2072 |
Menu

खेल

ist-cc

टिम जिताउन पूजा र बलि

  • आइतबार ९ भाद्र, २०७०
  • प्रकाश तिमल्सिना
  • DISQUS_COMMENTS
(0 votes)
साफ च्याम्पियनसीपमा जित कामना गर्न शनिबार दशरथ रंगशालाको प्यारापिटमा संकल्प पूजा गरिँदै। तस्विरः विकास कार्की साफ च्याम्पियनसीपमा जित कामना गर्न शनिबार दशरथ रंगशालाको प्यारापिटमा संकल्प पूजा गरिँदै। तस्विरः विकास कार्की
काठमाडौं - अन्तर्राष्ट्रिय फुटबलमा सधैं निराशा भोग्दै आएको नेपाली राष्ट्रिय टोलीको सफलता कामना गर्दै अखिल नेपाल फुटबल संघ (एन्फा) ले शनिबार दशरथ रंगशालामा संकल्प पूजा गर्नुका साथै पञ्चबलि दिएको छ।
यसै साता रंगशालामा दक्षिण एसियाका आठ देशको सहभागितामा सुरु हुने साफ च्याम्पियनसिपको आठौं संस्करणमा नेपाली टोलीको सफलता कामना गर्दै उक्त संकल्प पूजा र बलि दिएको एन्फा स्रोतले जानकारी दियो। साफ च्याम्पियनसिप १६ वर्षपछि घरेलु मैदानमा हुन लागेको हो।

एन्फा अध्यक्ष गणेश थापा र उपाध्यक्ष महेश विष्ट शनिबार दिउँसो संकल्प पूजामा सामेल भए। काठमाडौंमा रहेका एन्फाका अन्य अधिकांश पदाधिकारी तथा सदस्य पूजा दौरान रंगशालामै थिए। राष्ट्रिय खेलकुद परिषद् (राखेप) सदस्य–सचिव युवराज लामा पनि एन्फा पदाधिकारीलाई हौस्याउन पूजास्थल पुगेका थिए।

दक्षिण एसियाली स्तरमा नेपालले सधैं उत्कृष्ट प्रदर्शन गरे पनि नतिजा निकाल्न असफल भइरहेका बेला दशा टार्न यस्तो पूजापाठ गरिएको एन्फाका एक पदाधिकारीले बताए।

'साफ च्याम्पियनसिपमा हामीलाई सधंै भाग्यले ठग्ने गरेको छ। त्यसैले अहिले दूर्भाग्यको सिकार बन्नु नपरोस भन्ने कामनामा पूजा गरेका हौं,' उनले भने, 'हामीले प्रतियोगिता दौरान कुनै दुर्घटना नहोस् र सफलता साथ आयोजना सम्पन्न होस् भनेर पनि पूजा गरेका हौं।'

एन्फाले दशरथ रंगशालामा मध्यराततिर पञ्चबलि दिएको थियो। मैदानको उत्तरी भागमा भेडा, बोका, हाँस, कुखुरा र अन्डा भोग दिइएको हो। पञ्चबलि दिनुअघि दिनभरजसो खेलदौरान पत्रकार सम्मेलन गर्ने हलमा लिपपोत गरी पाठपूजा गरिएको थियो। दिउँसो करिब २ बजे सुरु भएको संकल्प पूजा सकिएपछि साँझ पौने सात बजे पञ्चबलि पूजा सुरु भयो।

विगतमा पनि अन्य प्रतियोगिता गर्दा एन्फाले सफल आयोजनाको कामनासहित बलि दिने गरेको थियो। 'यस्तो पूजा पहिले पनि हुन्थ्यो, कुनै ठूलो कुरा होइन। धर्ममा आस्था राख्नेले परम्पराअनुसार पूजाआजा गर्नु राम्रो हो,' एन्फाका अर्का पदाधिकारीले भने, 'हामीले पूजामात्र गरेर जितको कामना गरेका छैनौं। जितका लागि लामो समयदेखि राष्ट्रिय टोलीलाई बन्द प्रशिक्षणमा राखेर विशेष रूपमा तयार पारेका छौं। हामी खेलले पनि जित्न लायक छौं।'

साफ च्याम्पियनसिपको अन्तिम तयारीका लागि नेपाली टोली हाल अरब राष्ट्रको भ्रमणमा छ। बहराइनमा ११ दिन बसेर दुई खेल खेलेपछि कुवेत पुगेको टोली आइतबार नेपाल फर्कने योजना छ। कुवेतमा नेपालले तीन अभ्यास खेल खेल्यो।

सन् १९९७ मा काठमाडौंबाटै सुरु भएको दक्षिण एसियाली फुटबलको सबभन्दा ठूलो मेलामा नेपाल अहिलेसम्म फाइनल पुग्न सकेको छैन। १९९९ मा भारतको गोवामा सम्पन्न दोस्रो संस्करण र २०११ मा नयाँदिल्लीमा सम्पन्न सातौं संस्करणमा सेमिफाइनलसम्म पुग्नु नै प्रतियोगितामा नेपालको अहिलेसम्मको सफल नतिजा हो।

प्रतिक्रिया

कोपा अमेरिकामा चिलीले इतिहास रच्यो

कोपा अमेरिकामा चिलीले इतिहास रच्यो

काठमाडौ-आयोजक चिलीले पहिलो पटक कोपा अमेरिकाको उपाधि उचालेको छ। आइतबार विहानभएको खेलमा अर्जेन्टिनालाई पेनाल्टी सुटआउटमा ४-१ ले हराउँदै उपाधि दर्ता गरेको हो। निर्धारित ९० मिनट र थप ३० मिनेटको थप...

संकटमा किशोर फुटबलर

संकटमा किशोर फुटबलर

काठमाडौं-नेपाली जनता महाभूकम्पको पीडा बिर्सने कोसिस गरिरहेका बेला किशोर फुटबलरहरू एएफसी यु–१४ फुटबल फेस्टिबल खेल्न ताजिकिस्तान उडेका थिए। अभ्यास गरिरहेका बेला उनीहरूले वैशाख २९ को अनुकम्पनलाई भोगे। जनजीवन सामान्य बन्दै...

जनकपुरलाई महिला राष्ट्रिय क्रिकेट उपाधि

जनकपुरलाई महिला राष्ट्रिय क्रिकेट उपाधि

पोखरा-क्षेत्र नम्बर–७ जनकपुरले प्रधानमन्त्री कप महिला राष्ट्रिय क्रिकेट प्रतियोगिताको उपाधि हात पारेको छ। पोखरा रंगशालामा बुधबार भएको फाईनल खेलमा जनकपुरले सशस्त्र प्रहरी वलको एपीएफलाई ५ रनको झिनो अन्तरले पराजित गर्दै...

पूर्वाधार क्षतिले अस्तव्यस्त खेलकुद

पूर्वाधार क्षतिले अस्तव्यस्त खेलकुद

काठमाडौं-दक्षिण एसियाली खेलकुदको १२औं संस्करण हुने टुंगो छैन। एसियाली खेलकुद आउन चार वर्ष बाँकी छ। ओलम्पिक आउँदो वर्ष भए पनि त्यहाँ नेपालको उपस्थिति सहभागिताका लागि मात्र हो।

‘नेपाली फुटबलका हितैसी गुमायौं’

‘नेपाली फुटबलका हितैसी गुमायौं’

काठमाडौं– करेन्ट लागेर निधन भएका अखिल नेपाल फुटबल संघका कार्यवाहक अध्यक्ष ललितकृष्ण श्रेष्ठको शनिबार पशुपति आर्यघाटमा अन्त्येष्टि गरिएको छ। भैंसेपाटीस्थित नयाँ घरमा सरेको दिन शुक्रबार करेन्ट लागेर उनको निधन भएको...

मेसीमा टिकेको अर्जेन्टिनी आस

मेसीमा टिकेको अर्जेन्टिनी आस

ला सेरेना– लियोनेल मेसीले बार्सिलोनाबाट सम्भव हुने सबैखाले सफलता आत्मसात गरिसकेका छन्। बार्सिलोनाका लागि गरेको प्रदर्शनकै आधारमा उनले आफूलाई विश्वको सर्वकालिन महान खेलाडीको सुचिमा उभ्याउन पनि सफल भएका छन्। तर...

लामाको आत्मसमिक्षा, आफैलाई ७५ अंक

लामाको आत्मसमिक्षा, आफैलाई ७५ अंक

काठमाडौं– राष्ट्रिय खेलकुद परिषदका सदस्य सचिव युवराज लामाले आफ्नो चार वर्षे कार्यकालको समिक्षा गर्दा मंगलबार आफैलाई ७५ अंक दिएका छन्।

बार्सिलोनाले जित्यो च्याम्पियन्स लिग

बार्सिलोनाले जित्यो च्याम्पियन्स लिग

बर्लिन-बार्सिलोनाले युभेन्टसलाई ३-१ को गोल अन्तरले पराजित गर्दै पाँचौं पटक च्याम्पियन्स लिगको उपाधी जितेको छ। शनिबार बर्लिनस्थित ओलम्पिक रंगाशालामा भएको खेलमा बार्सिलोनाका स्टार स्ट्राइकरहरुले गोल गर्दै टोलीलाई यो सिजनमा तेस्रो उपाधि...