Wednesday 14 Shrawn, 2071 |
Menu

खेल

भोलि नेपालले बंगलादेशसँग खेल्ने

(0 votes)
भोलि नेपालले बंगलादेशसँग खेल्ने
काठमाडौं – भारतसँग बिहीबार २–० ले पराजित भएपछि बंगलादेशले साफ यु–१६ फुटबल च्याम्पियनसिपको सेमिफाइनलमा आयोजक नेपाल प्रतिद्वन्द्वी पाएको छ। सेमिफाइनल पुगिसकेका भारत र बंगलादेशबीचको खेलले समूह 'बी' को विजेता टुंगो लागेको थियो। समूह 'ए' बाट नेपाल विजेता र अफगानिस्तान उपविजेता बन्दै बुधबार सेमिफाइनल पुगिसकेका छन्। अर्को सेमिफाइनल अफगानिस्तान र भारतबीच आइतबार हुनेछ।
नेपाल र बंगलादेशको खेल शनिबार हुनेछ। दुई वर्षअघि पहिलो संस्करणको समूह चरणमा बंगलादेशसँग गोलरहित बराबरी खेलेको नेपाल सेमिफाइनलमा भारतसँग पराजित भएको थियो। साविक विजेता पाकिस्तान यसपल्ट समूह चरणबाटै बाहिरियो। 
लगनखेलस्थित आर्मी मैदानमा भएको खेल नियन्त्रणमा लिए पनि भारतले गोलको खाता खोल्न झन्डै मध्यान्तरसम्म कुर्नुपरेको थियो। विन्देश्वर सिंहको गोलमा भारतले ४३औं मिनेटमा अग्रता लियो। उनले झन्डै २० यार्डबाट फ्रिकिकमा गोल गरे। इन्जुरी टाइमको दोस्रो मिनेटमा कृष्ण पण्डितको गोलमा भारतले अग्रता दोब्बर बनायो। प्रोसेन्जित चक्रवर्तीको पासमा कृष्णले पेनाल्टी बक्सबाट गोल गरेका थिए। ५४औं मिनेटमा सूर्य तिर्केले गोलकिपरसँग वान भर्सेस वानको अवस्थामा हेड गरेको बल पोस्ट नजिकबाट बाहिरिएको थियो। 
भारत टोलीका प्रशिक्षक गौतम घोषले प्रदर्शनमा सुधार आएको जनाए। 'अघिल्ला खेलहरूमा रक्षापंक्तिमा समस्या थियो,' उनले भने, 'आजको खेलमा सुधार भएको छ।' 
भविष्यमा बलियो टोली निर्माण मुख्य लक्ष्य भएको जनाउँदै उनले थपे, 'फुटबलमा गल्ती हुन्छन्। त्यसमा सुधार गर्दै जानेछौं।' टोलीका कप्तान धीरज एस योजराङपेपले बंगलदेशसँग खेल्न सहज भएको बताए। 'राम्रो खेल्यौं। त्यसले उत्साहित पनि भयौं,' उनले भने, 'तालमेल एकदमै राम्रो रह्यो। यो भन्दा अझै राम्रो खेलेर अघि बढ्ने हाम्रो प्रयास हुनेछ।'
बंगलादेशका डच प्रशिक्षक कोस्टर रेन टोली पराजित भए पनि प्रदर्शनबाट सन्तुष्ट देखिए। 'टोलीले जस्तो खेल्यौं त्योबाट म गौरवान्वित छु,' खेलको विश्लेषण गर्दै उनले भने, 'फ्रिकिकमा गोल खानु दुर्भाग्य हो। सायद त्यसमा गोलकिपरको गल्ती पनि हुनसक्छ। यद्यपि भारत हामीभन्दा निकै स्तरीय छ। त्यस बाबजुद हाम्रो टोलीले संघर्ष गर्यो ।' कोस्टरले नेपाली खेलाडी भारतीयभन्दा पनि स्तरीय रहेको बताए।
एनपिएल पारदर्शी पार्न क्यान प्रतिबद्ध

एनपिएल पारदर्शी पार्न क्यान प्रतिबद्ध

काठमाडौं– नेपाल क्रिकेट संघ (क्यान) का कार्यबाहक अध्यक्ष तारिणीविक्रम (टिबी) शाहले नेपाल प्रिमियर लिग (एनपिएल) को ट्वान्टी–२० प्रतियोगिता पारदर्शी र स्वच्छ रूपमा सम्पन्न गर्न क्यान प्रतिबद्ध रहेको बताएका छन्।

पौडीको स्तर र गौरिका

पौडीको स्तर र गौरिका

काठमाडौं-अघिल्लो सातासम्म ११ वर्षकी गौरिका सिंह नेपाली खेलकुदका लागि अपरिचित नाम थियो। आमाबाबुसँग बेलायतमा बसोवास गर्ने उनको नेपाली खेलकुदसँग कुनै साइनो पनि थिएन। बिदा मनाउन नेपाल आउँदा उनलाई एउटा यस्तो...

'समितिको प्रस्ताव अर्थहीन'

'समितिको प्रस्ताव अर्थहीन'

काठमाडौं– राष्ट्रिय खेलकुद परिषदका सदस्यसचिव युवराज लामाले बिहीबार १७औं एसियाली खेलकुदमा पदक सम्भावना भएका र पदक नजिक पुग्न सक्ने खेलमात्र सहभागिता गराउनुपर्ने बताएका छन्।

२४ खेलबाट २ सय १७ खेलाडी पठाउने तयारी

२४ खेलबाट २ सय १७ खेलाडी पठाउने तयारी

काठमाडौं-दुई महिनापछि दक्षिण कोरियाको इन्चोनमा हुने १७औं एसियाली खेलकुदमा नेपालबाट २४ खेलमा २ सय १७ खेलाडी सहभागी गराउने तयारी भइरहेको छ।

कप्तान जेरार्डको संन्यास

कप्तान जेरार्डको संन्यास

लन्डन– इङ्ल्यान्डका कप्तान स्टेभन जेरार्डले अन्तर्राष्ट्रिय फुटबलबाट संन्यास घोषणा गरेको इङ्ल्यान्डको फुटबल एसोसिएसनले सोमबार जनाएको छ। युक्रेनविरुद्ध वेम्बलीमा २–० को विजय हात पार्दा राष्ट्रिय टोलीबाट 'डेब्यु' गरेका लिभरपुलका मिडफिल्डर जेरार्डले...

बिदा मनाउन आउँदा सात कीर्तिमान

बिदा मनाउन आउँदा सात कीर्तिमान

काठमाडौं- लन्डनबाट बिदा मनाउन आएकी ११ वर्षे किशोरी गौरिका सिंहले १९औं राष्ट्रिय खुला तथा १२औं ग्यालेक्सी कप अन्तरस्कुल पौडी च्याम्पियनसिपमा सात नयाँ राष्ट्रिय कीर्तिमान आफ्नो नाममा लेखाइन्।

द्वन्द्वको पेलाइमा राष्ट्रिय खेलकुद

द्वन्द्वको पेलाइमा राष्ट्रिय खेलकुद

काठमाडौं- निर्वाचनको बहानामा एक वर्ष सरेको बृहत राष्ट्रिय खेलकुदको सातौं संस्करण राष्ट्रिय खेलकुद परिषद र युवा तथा खेलकुद मन्त्रालयको द्वन्द्वका कारण यो वर्ष पनि नहुने भएको छ।

स्वारेज बार्सिलोनामा पक्का

स्वारेज बार्सिलोनामा पक्का

बार्सिलोना– स्पेनिस क्लब बार्सिलोनाले उरुग्वेका स्ट्राइकर लुइस स्वारेज अब सतप्रतिशत आफ्नो टोलीको खेलाडी भएको बताएको छ। अघिल्लो सिजन लिभरपुलमा बिताएका स्वारेज गत साता ७ करोड ५० लाख पाउन्डमा बार्सिलोनामा आबद्ध...