Monday 18 Falgun, 2071 |
Menu

खेल

HUB

'फुटबल साम्बा' मा महादेशीय कप

  • १ असार, २०७०
  • एएफपी
  • DISQUS_COMMENTS
(0 votes)
'फुटबल साम्बा' मा महादेशीय कप
साओ पाउलो – अपर्याप्त भौतिक पूर्वाधार र सुरक्षा व्यवस्थाले १२ महिनापछि इतिहासकै सबैभन्दा भव्य विश्वकप आयोजना गर्ने ब्राजिलको लक्ष्यमा धावा बोलिरहेको छ। खासगरी हवाई यातायातको ब्राजिली पूर्वाधार फुटबलको अत्यन्तै क्रेज रहेको देशमा विश्वकपलाई पर्याप्त छैन।

पाँचपल्टको विजेता ब्राजिलले आयोजना गर्न लागेको विश्वकपमा अपेक्षा निकै उच्च छ। दक्षिण अमेरिकी महारथीले सन् १९५० पछि पहिलोपल्ट विश्वकप गर्न लागेको हो। त्यतिखेर रियोको माराकाना रंगशालामा सम्पन्न फाइनलमा उरुग्वेसँग भोगेको हार ब्राजिली जनताले अहिलेसम्म पनि राष्ट्रिय लज्जाका रूपमा लिने गरेका छन्।
फुटबल ब्राजिलीले आविस्कार गरेका होइनन्। तर, यसलाई एउटा उत्कृष्ट कलामा परिमार्जित गर्ने, दर्शकमैत्री बनाउने काममा ब्राजिलीको ठूलो योगदान छ। त्यसैले अन्तरमहादेशीय कपका साथै अर्को वर्ष विश्वकप ब्राजिलले आयोजना गर्दा पूरा 'फुटबल साम्बा' ले विगतको दाँजोमा बढी उचाईं लिने अपेक्षा गरिएको छ।
फुटबल कला र संस्कारका लागि ब्राजिल विश्वकै सबैभन्दा उपयुक्त थलो मान्न सकिएला। तर, आयोजकका साथै स्पेन, इटाली, जापान, मेक्सिको, नाइजेरिया, टहिटी र उरुग्वेको सहभागिता रहने १६ दिने अन्तरमहादेशीय कप प्रतियोगिता पूर्वाधारका कारण प्रभावित हुने आशंका त्यत्तिकै छ। ब्राजिली र विदेशी गरी कपका लागि ३ लाख ५५ हजार पर्यटकले भ्रमण गर्ने अपेक्षा छ। अर्को वर्षको विश्वकपलाई 'रिहल्सल' जस्तै हुने भएकाले अन्तरमहादेशीय कप आयोजक तथा फिफाका लागि महत्त्वपूर्ण प्रतियोगिता हो।
विश्वकप आयोजना गर्ने ६ रंगशाला निर्माण वा मर्मतको काम अहिलेसम्म सम्पन्न गर्न नसक्नु आयोजकको ठूलो कमजोरी रहेको छ। फिफाले त्यसमा गम्भीर आपत्ति जनाउँदै समयमै तयारी पूरा गर्न ब्राजिली आयोजकलाई दबाब दिइरहेको छ। कामदारको हड्ताल, छानो खस्ने र अन्य समस्याले निर्माण कार्य प्रभावित भइरहेको छ।
आयोजकको ठूलो टाउको दुखाइ अहिले हवाई यातायातको कमजोर पूर्वाधार भएको छ। सडक यातायातमा अमेरिकाको भन्दा बढी जालो भएको कारण मुख्य सहरमा ट्राफिक जाम २ सय किलोमिटरसम्म तन्किन सक्ने अनुमान छ। विमानस्थलहरू सधंै खचाखच हुन्छन् भने रेल सेवा प्रभावकारी छैन। पछिल्लो दशकको तुलनामा हवाई यातायातमा १ सय २० प्रतिशतले वृद्धि गरिएको छ। तथापि त्यो पर्याप्त छैन। ब्राजिलको नियमित यातायातलाई नै सधैं भीडभाड भइरहने विमानस्थलहरूले विश्वकप दौरान ३० लाख ब्राजिली तथा ५ लाख विदेशी पर्यटकलाई खेल हुने १२ सहरमा आउजाउ गराउन सक्नुपर्नेछ।
'राम्रा योजना, नियमन र लगानीबिना गर्न लागिएको विश्वकप दुर्भाग्यजनक हुनसक्छ। हाम्रो यातायातले विश्वकपलाई थेग्न सक्दैन। सरकारले त्यसका लागि समयमै उचित तयारी गर्नुपर्ने थियो,' साओ पाउलोस्थित एफजिभी बिजनेस स्कुलका पूर्वाधारविज्ञ गेस्नर डी ओलिभियराले चेतावनी थिए। ब्राजिलले भौतिक पूर्वाधार निर्माणमा लामो समयदेखि गरेको बेवास्थाको परिणाम अहिलेको समस्या भएको बताउँदै उनले भने, 'चीनले घरेलु उत्पादनको सात प्रतिशत तथा चिलीले ५ प्रतिशत पूर्वाधारमा लगानी गरिरहेका छन्। हामीले दुई प्रतिशत मात्र पूर्वाधारमा लगाएका छौं।'
ब्राजिली खेलमन्त्री अल्डो रेबेलोले यातायातमा समस्या रहेको स्वीकार्दै भएका पूर्वाधार व्यवस्थित सञ्चालन गर्ने सरकारी योजना रहेको बताए। उनले प्रतियोगिताका लागि देशले धेरै पूर्वाधार निर्माण गरेको दाबी गरे।
ब्राजिली आयोजकका लागि अन्तरमहादेसीय कप र विश्वकप सम्पन्न गर्न सुरक्षा व्यवस्था अर्को मुख्य चुनौती हो। विश्वभर नै ठूला खेलमेला आतंककारीको निसाना बनिरहेका बेला ब्राजिली सरकार त्यसबाट सबैभन्दा बढी सचेत छ। १९ करोड ४० लाख जनसंख्याको ब्राजिलमा प्रत्येक वर्ष ४० हजार हत्याका घटना हुने गरेको म्याप अफ भ्वायोलेन्सको अध्ययनले देखाएको छ। बढी हत्याका घटना लुटपाटका क्रममा अपराधीले साना हतियारबाट गर्ने पाइएकाले फुटबल हेर्न ब्राजिल पुग्ने विदेशी पर्यटकको सुरक्षा ब्राजिली प्रशासनको मुख्य टाउको दुखाइ बन्नेछ।
विश्वकप आयोजक १२ सहरमा सबैभन्दा बढी हिंसाका घटना भएको ब्राजिली पुलिसको तथ्यांक छ। रियोको हकमा भने २००८ मा लागूऔषध माफियाको जगजगी हुन थालेपछि सुरक्षा व्यवस्था कडा परिएको छ।  
अन्तर महादेसीय कप र विश्वकप लक्ष्य गर्दै विशेष व्यवस्था गरिएको कानुन मन्त्रालयका सचिव भाल्डिन्हो काइटानोले बताए। 'सार्वजनिक सुरक्षा पहिलो प्राथमिकता हो। त्यसका लागि हामीले उचित रणनीति बनाएका छौं,' उनले भने।
काइटानोका अनुसार सुरक्षाका लागि महत्त्वपूर्ण स्थानको पहिचान गरेर जनता र निजी सुरक्षा फर्मसँगको सहकार्यमा संगठित अपराध, आतंककारी हमला र फुटबल हुलदंगालाई निस्तेज गर्ने योजना छ। 'सुरक्षाको हकमा कुनै कमजोरी वा गल्ती स्विकार गरिने छैन। अन्तरमहादेसीय कपमा हामी यी योजना लागू गर्नेछौं,' उनले भने।
विशेष सुरक्षा व्यवस्था अपनाउने क्रममा २००८ देखि विश्वकप आयोजक १२ सहरका संवेदनशील क्षेत्रमा पुलिसका ३२ विशेष युनिट स्थापना गरिएका छन्। अन्तरमहादेशीय कपको सुरुआतसँगै आगामी वर्षसम्म थप ४० युनिट स्थापना गरी १२ हजार ५ सय अतिरिक्त पुलिस अधिकारी परिचालन गर्ने योजना छ। विश्व फुटबलका दुई मुख्य प्रतियोगिताक्रम ५० हजारभन्दा बढी पुलिस अधिकारी र २५ हजारभन्दा बढी सुरक्षा गार्ड परिचालन हुने बताइएको छ। 'ब्राजिली सहरहरूमा विगतमा भइरहेजस्ता हिंसाका घटना अन्तरमहादेसीय कप र विश्वकप दौरान हुने छैनन्। हामीले त्यसका लागि पर्याप्त व्यवस्था मिलाएका छौं,' काइटानोले भने। उनले ब्राजिलमा आतंककारी हमलाको सम्भावना भने अत्यन्तै न्युन रहेको दाबी गरेका छन्।
'ब्राजिलको मुख्य समस्या समयमा रंगशाला, मेट्रो, विमानस्थल र संचारको क्षेत्रमा निर्माण गर्न नसक्नु हो। तर, उनीहरूले लगानी गरेको क्षेत्रबाट कत्तिको उपयोग गर्न सक्छन् भन्ने हो,' संयुक्त राष्ट्रसंघका विश्वकप तयारी अनुगमनकर्ता पेड्रो ट्रेन्जरोउजले भने।
कीर्तिमानै कीर्तिमान

कीर्तिमानै कीर्तिमान

क्यानबेरा– क्रिस गेलले विश्वकपमा कीर्तिमानी २ सय १५ रन जोडेपछि मंगलबार वेस्ट इन्डिजले जिम्बावेमाथि ७३ रनको पाएको छ। पहिलो खेलमा आइसिसीको एसोसिएट्स टोली आयरल्यान्डसँग ४ विकेटले स्तब्ध वेस्ट इन्डिजले तत्काल...

क्रिस गेल विद्रोही ब्याट्सम्यान

क्रिस गेल विद्रोही ब्याट्सम्यान

सिड्नी– धेरै कारणले गर्दा उनी एक विद्रोही हुन्, वेस्ट इन्डिजका क्रिकेट अधिकारीसँग उनको टसल त्यत्तिकै छ। तर तमाम विद्रोहीपनाका बाबजुद क्रिस गेल क्रिकेटका सुपरस्टार हुन् भन्नेमा कसैले अस्वीकार गर्न सक्दैन।...

क्रिकेट बिवादको अर्को शृंखला : कोइराला कार्यवाहक अध्यक्ष

क्रिकेट बिवादको अर्को शृंखला : कोइराला कार्यवाहक अध्यक्ष

काठमाडौं– राष्ट्रिय टोलीले मैदानभित्र दिनानुदिन सफलताका नयाँ सिढी चढिरहेका बेला नेपालको क्रिकेट प्रशासन भने बिवादको दलदलमा थप जाकिँदै गएको छ। सरकारबाट निलम्बित नेपाल क्रिकेट संघ (क्यान) का कार्यवाहक अध्यक्ष तारिणीविक्रम...

तेन्दुल्करविनाको भारत

तेन्दुल्करविनाको भारत

नयाँ दिल्ली– तेइस वर्षयता पहिलो पटक भारतीय क्रिकेट टोलीमा ब्याटिङ सुपर स्टार सचिन तेन्दुल्कर छैनन्।  करिब दुई वर्षअघि तेन्दुल्करले क्रिकेटबाट सन्यास लिएपछि त्यसको प्रत्यक्ष फाइदा चिर प्रतिद्वन्द्वी पाकिस्तानलाई पुग्ने अनुमान...

नेपालगन्जको क्रिकेट संकट

नेपालगन्जको क्रिकेट संकट

काठमाडौं-नेपाली क्रिकेटको उर्वरभूमि मानिने नेपालगन्ज अहिले संकटमा गुजि्ररहेको छ। नेपालगन्जलाई महिला क्रिकेटको उद्गमथलो नै मानिन्छ। तथापि थुप्रै पुरुष खेलाडीले पनि राष्ट्रिय टोलीबाट महत्व‍पूर्ण उपलब्धी बटुलेका छन्। घरेलु क्रिकेटमा विशेष योगदान...

एसपिए कपमा लम्कँदै पेन्टागन

एसपिए कपमा लम्कँदै पेन्टागन

धनगढी-राष्ट्रिय खेलाडीले भरिपूर्ण काठमाडौंको पेन्टागन कलेजले मंगलबार कञ्चनपुरको सनराइज उच्चमाविमाथि १६ रनले हराउँदै होटल डिभोटी एसपिए कप क्रिकेट प्रतियोगिताको सेमिफाइनलपक्का गरेको छ। टस हारेर ब्याटिङ गर्न आएको पेन्टागनबाट राष्ट्रिय खेलाडीद्वय...

अस्ट्रेलियाले उपाधि उचालेको एसियन कपका केहि झलक

अस्ट्रेलियाले उपाधि उचालेको एसियन कपका केहि झलक

सिड्नी– वैकल्पिक खेलाडी जेम्स ट्रोसीले दक्षिण कोरियाविरुद्ध अतिरिक्त समयमा आकर्षक गोल गरी आयोजक राष्ट्र अस्ट्रेलियाले एसियन कप फुटबलको ट्रफी उचालेको छ। अस्ट्रेलियाले ५५ वर्षयता ठूलो प्रतियोगिताको उपाधि जित्न सकेको थिएन।

पुबुदु र प्रफुल्ल सम्मानित

पुबुदु र प्रफुल्ल सम्मानित

धनगढी- नेपाली क्रिकेटका दुई हस्ती पुबुदु दासानायके र प्रफुल्ल वैद्य शुक्रबार सुदूरपश्चिमाञ्चल एकेडेमी (एसपिए) बाट सम्मानित भएका छन्। दी होटल डिभोटी कपको चौथो संस्करणको उद्घाटनका अवसरमा सिंचाइमन्त्री एनपी साउदले राष्ट्रिय...