Tuesday 19 Falgun, 2071 |
Menu

खेल

HUB

युवाको भरमा ब्राजिल

  • १ असार, २०७०
  • एएफपी
  • DISQUS_COMMENTS
(1 Vote)
रियो दी जेनेरियो – ब्राजिलले विश्वकप गर्न एक वर्ष मात्र बाँकी छ। विश्वकप आयोजना अभ्यासका रूपमा रहेको अन्तरमहादेशीय कप शनिबार ब्राजिलका विभिन्न सहरमा सुरु हुँदैछ। जहाँ जितले कम अनुभवी युवा खेलाडीको बाहुल्य रहेको ब्राजिललाई ठूलो महत्त्व राख्नेछ।

विश्व फुटबलमै सनसनी मच्चाइरहेका युवा स्टार नेइमार ब्राजिलको केन्द्रबिन्दु हुने छन्। विश्वकपका लागि तयारी गरिरहेका नेइमार र उनका टिम सहयात्रीलाई भने अन्तरमहादेशीय कप प्रदर्शन निखार्ने थलो बन्ने आशा छ। अन्तरमहादेशीय कपका आठ संस्करण सम्पन्न हुँदा ब्राजिलले तीनपल्ट उपाधि भित्त्याइसकेको छ। चौथो उपाधिको आशामा रहे पनि ब्राजिलको मुख्य उद्देश्य भने प्रतियोगिताबाट अनुभव बटुल्ने र सक्दो अगाडि बढ्ने मात्र हो।
२०१४ मा घरमा विश्वकप गर्दा पाँचपल्टको विश्व विजेतालाई सफलताको बाटोमा डोर्‍याउने आशाका साथ डिसेम्बरमा फर्काइएका रणनीतिकार लुइस फिलिप स्कोलारीले छनोटमा अनुभवीभन्दा युवालाई महत्त्व दिएका छन्। वर्तमान ब्राजिली टोलीको औसत उमेर २६ वर्ष ६ महिना छ। २०१० मा डुंगाको प्रशिक्षणमा दक्षिण अफ्रिकामा विश्वकप खेल्दा भने ब्राजिली टोली तुलनात्मक निकै अनुभवी थियो। स्कोलारीले छानेको वर्तमान टिममा फ्रेड, जुलियो सिजर, डानी अल्भास र थियागो सिल्भा गरी चार खेलाडी मात्र विश्वकप अनुवभ बटुलेका छन्।
हालैमात्र सान्तोसबाट बार्सिलोना प्रस्थान गरेका नेइमार र चेल्सीका क्रिएटिभ मिडफिल्डर ओस्कारजस्ता खेलाडीका लागि अन्तरमहादेशीय कप अनुभव बटुल्ने र विश्वकपका लागि आत्मविश्वास संगाल्ने थलो हो।
ब्राजिली टोलीमा अर्को संयोग २३ खेलाडीमध्ये ११ ब्राजिली क्लबकै हुनु हो। स्कोलारीले मे १४ मा टोली छनोट गर्दा नेइमार सान्तोसमा थिए भने अर्का स्टार फर्नान्डो ग्रेमियोमा थिए। त्यसको भोलिपल्ट नेइमारले बार्सिलोनासँग सम्झौता गरे भने त्यसपछि फर्नान्डो युक्रेनी महारथी शाख्तर डोनेस्कसँग आबद्ध भए।
'युवा हुनुको आफ्नै फाइदा छ। युवाहरू सधँै उत्सुक हुन्छन्। अर्कोतर्फ केही कुरा अनुभवबाट मात्र पाइन्छ,' २००१ मा ब्राजिललाई पाँचौं विश्वकप उपाधि जिताएका स्कोलारीको विचार हो।
अन्तरमहादेशीय कपमा शनिबार जापानसँग खेलेर ब्राजिलले यात्रा सुरु गर्नेछ। जुन १९ मा मेक्सिकोसँग खेल्ने टोलीले समूह चरणको अन्तिम खेलमा त्यसको तीन दिनपछि इटालीको सामना गर्नेछ। उपाधिसम्मको यात्रा तय गर्न टोलीले नकआउट चरणमा विश्वकपको साविक विजेता तथा दुईपल्टको युरोपियन च्याम्पियन स्पेनको चुनौती पन्छाउनुपर्नेछ।
विश्व वरियताक्रम हेर्ने हो भने ब्राजिल प्रतियोगितामा निकै फितलो टोली हो। तर, अन्तरमहादेसीय कपका लागि भर्खरै खेलिएका दुई अभ्यास खेलको नतिजाबाट आयोजकले गतिलो सम्भावना देखाएको छ। रियो दि जेनेरियोको माराकाना रंगशालामा भएको पहिलो खेलमा इङ्ल्यान्डसँग २–२ को बराबरी गरेको टोलीले दोस्रो खेलमा आइतबार फ्रान्सलाई ३–० को एकतर्फी नतिजामा हराएको थियो।
फ्रान्ससँगको जित मनोबल उकास्न ब्राजिललाई महत्त्वपूर्ण हुनेछ। २००९ मा इङ्ल्यान्डलाई १–० को नतिजामा हराएपछि ब्राजिलले कुनै ठूलो अन्तर्राष्ट्रिय प्रतिद्वन्द्वीमाथि जित दर्ता गराएको यो पहिलो हो।
ब्राजिलको स्वाभाविक आक्रामक शैलीलाई असर नगर्ने गरी रक्षापंक्ति जब्बर पार्नु अहिले स्कोलारीको मुख्य चुनौती हो। आक्रमणमा प्रतिभावान फ्रेडलाई नेइमारको सहयोग रहनेछ। त्यसपछि हल्क वा लुकास र रचनात्मक ओस्कार मिडफिल्डमा हुनेछन्। नेइमार क्लबस्तरको दाँजोमा राष्ट्रिय टोलीमा जम्न सकेका छैनन्। तर, एकै सटमा खेल परिवर्तन गर्न सक्ने क्षमताका उनले आइतबार फ्रान्सलाई निरीह पार्दा उत्कृष्ट प्रदर्शन गरेका थिए। उनकै असाधारण थ्रु पासमा ओस्कारले गोल गर्दै ब्राजिलको खाता खोलेका थिए।
रक्षापंक्तिमा कप्तान थियागो सिल्भा विश्वकै सर्वोत्कृष्ट सेन्ट्रल रक्षकमा एक मानिन्छन्। उनको दायाँबायाँ डानी अल्भास र मार्सेलो रक्षाका साथै आक्रमणलाई पनि सघाउने  जिम्मेवारीका साथ हुनेछन्। अल्भास  र मार्सेलोले आक्रमणलाई थुप्रै सघाउने भए पनि बीचका लागि भने स्कोलारीले लुइज गुस्ताभो र पाउलिन्होमध्येबाट पनि विकल्प खोज्नुपर्नेछ।
कीर्तिमानै कीर्तिमान

कीर्तिमानै कीर्तिमान

क्यानबेरा– क्रिस गेलले विश्वकपमा कीर्तिमानी २ सय १५ रन जोडेपछि मंगलबार वेस्ट इन्डिजले जिम्बावेमाथि ७३ रनको पाएको छ। पहिलो खेलमा आइसिसीको एसोसिएट्स टोली आयरल्यान्डसँग ४ विकेटले स्तब्ध वेस्ट इन्डिजले तत्काल...

क्रिस गेल विद्रोही ब्याट्सम्यान

क्रिस गेल विद्रोही ब्याट्सम्यान

सिड्नी– धेरै कारणले गर्दा उनी एक विद्रोही हुन्, वेस्ट इन्डिजका क्रिकेट अधिकारीसँग उनको टसल त्यत्तिकै छ। तर तमाम विद्रोहीपनाका बाबजुद क्रिस गेल क्रिकेटका सुपरस्टार हुन् भन्नेमा कसैले अस्वीकार गर्न सक्दैन।...

क्रिकेट बिवादको अर्को शृंखला : कोइराला कार्यवाहक अध्यक्ष

क्रिकेट बिवादको अर्को शृंखला : कोइराला कार्यवाहक अध्यक्ष

काठमाडौं– राष्ट्रिय टोलीले मैदानभित्र दिनानुदिन सफलताका नयाँ सिढी चढिरहेका बेला नेपालको क्रिकेट प्रशासन भने बिवादको दलदलमा थप जाकिँदै गएको छ। सरकारबाट निलम्बित नेपाल क्रिकेट संघ (क्यान) का कार्यवाहक अध्यक्ष तारिणीविक्रम...

तेन्दुल्करविनाको भारत

तेन्दुल्करविनाको भारत

नयाँ दिल्ली– तेइस वर्षयता पहिलो पटक भारतीय क्रिकेट टोलीमा ब्याटिङ सुपर स्टार सचिन तेन्दुल्कर छैनन्।  करिब दुई वर्षअघि तेन्दुल्करले क्रिकेटबाट सन्यास लिएपछि त्यसको प्रत्यक्ष फाइदा चिर प्रतिद्वन्द्वी पाकिस्तानलाई पुग्ने अनुमान...

नेपालगन्जको क्रिकेट संकट

नेपालगन्जको क्रिकेट संकट

काठमाडौं-नेपाली क्रिकेटको उर्वरभूमि मानिने नेपालगन्ज अहिले संकटमा गुजि्ररहेको छ। नेपालगन्जलाई महिला क्रिकेटको उद्गमथलो नै मानिन्छ। तथापि थुप्रै पुरुष खेलाडीले पनि राष्ट्रिय टोलीबाट महत्व‍पूर्ण उपलब्धी बटुलेका छन्। घरेलु क्रिकेटमा विशेष योगदान...

एसपिए कपमा लम्कँदै पेन्टागन

एसपिए कपमा लम्कँदै पेन्टागन

धनगढी-राष्ट्रिय खेलाडीले भरिपूर्ण काठमाडौंको पेन्टागन कलेजले मंगलबार कञ्चनपुरको सनराइज उच्चमाविमाथि १६ रनले हराउँदै होटल डिभोटी एसपिए कप क्रिकेट प्रतियोगिताको सेमिफाइनलपक्का गरेको छ। टस हारेर ब्याटिङ गर्न आएको पेन्टागनबाट राष्ट्रिय खेलाडीद्वय...

अस्ट्रेलियाले उपाधि उचालेको एसियन कपका केहि झलक

अस्ट्रेलियाले उपाधि उचालेको एसियन कपका केहि झलक

सिड्नी– वैकल्पिक खेलाडी जेम्स ट्रोसीले दक्षिण कोरियाविरुद्ध अतिरिक्त समयमा आकर्षक गोल गरी आयोजक राष्ट्र अस्ट्रेलियाले एसियन कप फुटबलको ट्रफी उचालेको छ। अस्ट्रेलियाले ५५ वर्षयता ठूलो प्रतियोगिताको उपाधि जित्न सकेको थिएन।

पुबुदु र प्रफुल्ल सम्मानित

पुबुदु र प्रफुल्ल सम्मानित

धनगढी- नेपाली क्रिकेटका दुई हस्ती पुबुदु दासानायके र प्रफुल्ल वैद्य शुक्रबार सुदूरपश्चिमाञ्चल एकेडेमी (एसपिए) बाट सम्मानित भएका छन्। दी होटल डिभोटी कपको चौथो संस्करणको उद्घाटनका अवसरमा सिंचाइमन्त्री एनपी साउदले राष्ट्रिय...