Sunday 18 Magh, 2071 |
Menu

खेल

HUB

ब्राजिललाई अझै समय लाग्छ : पेले

  • १ असार, २०७०
  • एएफपी
  • DISQUS_COMMENTS
(0 votes)
रियो दि जेनेरियो – ब्राजिली महान फुटबलर पेलेले फ्रान्समाथि सप्ताहन्तमा ३–० को विजय पाए पनि स्पेन र जर्मनीको हाराहारीमा पुग्न ब्राजिललाई अझ केही समय लाग्ने बताएका छन्।

यस महिना जारी फिफा वरियतामा ब्राजिल २२औं स्थानमा झरेको थियो, जुन अहिलेसम्मकै खराब हो। दुई वर्षअघि पेनाल्टी सुटआउटमा पाराग्वेसँग क्वार्टरफाइनलमा पराजित भएयता ब्राजिलले कुनै प्रतियोगितात्मक खेल खेलेको पनि छैन। लुइस फिलिप स्कोलारीको टोलीले ब्राजिल कति क्षमतावान हो भनेर फ्रान्ससँगको खेलमा देखाइसकेको छ।
विश्वकप आउन ठीक १ वर्ष बाँकीमा पेले भने विश्वका शीर्ष दुई टोली स्पेन र फ्रान्सभन्दा ब्राजिल अझै पछाडि रहेको देख्छन्। 'फ्रान्ससँगको विजय हाम्रा लागि निकै महत्त्वपूर्ण थियो, हामीले ब्राजिली टोलीको शक्ति देख्यौं, त्यसले ब्राजिललाई अगाडिको बाटो देखायो भने ब्राजिली प्रशंसकलाई आत्मविश्वासी बनायो,' पेलेले जर्मन स्पोर्टस न्युज एजेन्सी सिडसँग भने, 'विश्वकप आउन १ वर्ष बाँकी हुँदा स्पेन र जर्मनी उत्कृष्ट टोली हुन्। उनीहरूलाई ब्राजिलले पछ्याउने विश्वास मैले लिएको छु।'
ब्राजिललाई १९५८, १९६२ र १९७० को विश्वकप दिलाउन महत्त्वपूर्ण भूमिका खेलेका ७२ वर्षीय पेले भौतिक पूर्वाधारका महत्त्वपूर्ण कार्य सम्पन्न हुन बाँकीले चिन्तित छन्। 'रंगशाला र भौतिक पूर्वाधारलाई लिएर हामी केही चिन्तित छौं,'  पेलेले भने, 'सरकारलाई अहिले हस्तक्षेप गर्नमा ढिलाइ गरेको र अहिले आर्थिक रूपमा गाह्रो भएको महसुस गरेको छु। त्यसै कारण गाह्रो भएको हो। तर समस्या भनेकै विस्तारै समाधान हुँदै जाने हो। सवै सामान्य रूपमा फर्किने छ,' पेलेले भने।
पेलेले अन्तरमहादेशीय कप, अर्को वर्षको विश्वकप र २०१६ को ओलम्पिक गर्नेक्रममा रहेको ब्राजिल यस्ता प्रतियोगिताको आयोजक बन्न सक्षम रहेको प्रमाणित गर्नुपर्ने बताए। 'हामीसँग अन्तरमहादेशीय कप, विश्वकप र ओलम्पिक गरी तीन ठूला प्रतियोगिता छन्। आफ्ना प्रतिबद्धता पूरा गरेर सक्षम आयोजना गर्न ब्राजिललाई राम्रो अवसर छ,' पेलेले भने।
२००७ मा रियोले पान अमेरिकन खेलकुद सफलतापूर्वक गरेको थियो, जसले ब्राजिलको विश्वकप र ओलम्पिक आयोजना गर्ने दाबी सहज बन्यो।
अस्ट्रेलियाले उपाधि उचालेको एसियन कपका केहि झलक

अस्ट्रेलियाले उपाधि उचालेको एसियन कपका केहि झलक

सिड्नी– वैकल्पिक खेलाडी जेम्स ट्रोसीले दक्षिण कोरियाविरुद्ध अतिरिक्त समयमा आकर्षक गोल गरी आयोजक राष्ट्र अस्ट्रेलियाले एसियन कप फुटबलको ट्रफी उचालेको छ। अस्ट्रेलियाले ५५ वर्षयता ठूलो प्रतियोगिताको उपाधि जित्न सकेको थिएन।

पुबुदु र प्रफुल्ल सम्मानित

पुबुदु र प्रफुल्ल सम्मानित

धनगढी- नेपाली क्रिकेटका दुई हस्ती पुबुदु दासानायके र प्रफुल्ल वैद्य शुक्रबार सुदूरपश्चिमाञ्चल एकेडेमी (एसपिए) बाट सम्मानित भएका छन्। दी होटल डिभोटी कपको चौथो संस्करणको उद्घाटनका अवसरमा सिंचाइमन्त्री एनपी साउदले राष्ट्रिय...

माइभ्याली गोल्डकप सुरु

माइभ्याली गोल्डकप सुरु

इलाम-तीन लाख पुरस्कार राशीको टुवर्ग माइभ्याली गोल्डकप प्रतियोगिता बिहीबार इलाममा सुरु भएको छ। अखिल नेपाल फुटवल संघ (एन्फा) कार्यवाहक अध्यक्ष ललितकृष्ण श्रेष्ठको प्रमुख आतिथ्यमा आयोजित उद्घाटन कार्यक्रम भव्यरुपमा सम्पन्न भयो।...

ब्लाटरका प्रतिद्वन्द्वी फिगो

ब्लाटरका प्रतिद्वन्द्वी फिगो

लन्डन- पार्चुगल र रियाल मड्रिडका पूर्वविंगर लुइस फिगोले बुधबार सेप ब्लाटरविरुद्ध फिफा अध्यक्ष पदमा उम्मेदवारी दिने घोषणा गरेका छन्।

‘संरचनामा सुधार आवश्यक’

‘संरचनामा सुधार आवश्यक’

काठमाडौं-विश्व क्रिकेट लिग डिभिजन–२ मा सोमबार फर्किएको नेपाली राष्ट्रिय क्रिकेट टोलीको त्रिभुवन विमानस्थलमा भव्य स्वागत गरिएको छ। नामिबियामा सम्पन्न प्रतियोगिताको चौथो स्थानमा रहँदै नेपाल डिभिजन २ मा यथावत रहेको थियो।...

नेपालको डिभिजन २ को यात्रा: लक्ष्य भेटे उपलब्धि थेग्न सक्ला?

नेपालको डिभिजन २ को यात्रा: लक्ष्य भेटे उपलब्धि थेग्न सक्ला?

काठमाडौं-नामिबियाबाट उपाधि जितेर फर्कने लक्ष्यसाथ नेपाली राष्ट्रिय क्रिकेट टोली विशेष तयारी गर्न बुधबार दक्षिण अफ्रिकातिर लागेको छ। जनवरी १७ देखि २४ सम्म नामिबियामा हुने आइसिसी विश्व क्रिकेट लिग डिभिजन २ को...

जागिरसँगै डिभिजन २ को साइत

जागिरसँगै डिभिजन २ को साइत

काठमाडौं-आइसिसी विश्व क्रिकेट लिग डिभिजन २ को तयारीलाई दक्षिण अफ्रिका जानु अघिल्लो दिन मंगलबार नेपाल क्रिकेट संघ (क्यान) ले राष्ट्रिय टोलीका १४ सहित २२ खेलाडीसँग करार अनुबन्धन गरेको छ। राष्ट्रिय...

छ खेलाडीलाई छात्रवृत्ति

छ खेलाडीलाई छात्रवृत्ति

काठमाडौं- अर्को बर्ष ब्राजिलमा हुने ३२औं गृष्मकालिन ओलम्पिक खेलकुदका लागि ६ नेपाली खेलाडीले विशेष प्रशिक्षण लागि छात्रवृत्ति पाएका छन्। अन्तर्राष्ट्रिय मान्यता प्राप्त नेपाल ओलम्पिक कमिटी (एनओसी) को पहलमा एथलेटिक्सकी संगीता...