Wednesday 16 Baishak, 2072 |
Menu

खेल

sagoon

थ्री स्टार र आरसिटीको लय

(0 votes)
काठमाडौं– दुईपल्टको विजेता लक्ष्मी बैंक थ्री स्टारले गोर्खा कप फुटबलमा शनिबार विजयी सुरुआत गर्दा चोटमुक्त भएर फर्केका कप्तान सन्तोष साहुखलले ह्याट्रिक गरेका छन्। तुलनात्मक रूपमा कमजोर नवलपरासीको देशभक्त युवा क्लबलाई ६–० ले हराउँदा थ्री स्टारबाट डुडोज, निराजन खड्का र योगेश गुरुङले १–१ गोल थपे।


शनिबारै समूह 'बी' को अर्को खेलमा सुमन लामाको निर्णायक गोलमा म्याकडोवेल्स आरसिटीले ए डिभिजन प्रतिद्वन्द्वी एपिएफलाई २–१ ले हरायो। सुविन श्रेष्ठको सट्टा दोस्रो हाफमा मैदान छिरेका सुमनले अन्तिम ११ मिनेट बाँकीमा लोभलाग्दो गोल गर्दै आरसिटीलाई सिजनको पहिलो खेलमै जित दिलाए। फुटबलबाट अलग भएको एनआरटीबाट आरसिटी पुगेका रोशन लामिछानेको पास अघि बढाउँदै सुमनले पेनाल्टी बक्स बाहिरबाट कडा प्रहार गर्दा बल गोलमा परिणत भयो। सुमनको आरसिटीबा डेब्यु खेल हो।

त्यसअघि पहिलो मिनेटमै अमर डंगोलको गोलमा आरसिटीले अग्रता लियो। एकल प्रयासमा अमरले पेनाल्टी बक्स बाहिरबाट शक्तिशाली प्रहारमा गोल गरे। पहिलो हाफमै बराबरीको मौका चुकाएको एपिएफलाई ५०औं मिनेटमा सफलता मिल्यो। गत वर्ष यती हिमालयन शेर्पाबाट खेलेका जाङ्बु शेर्पाको पासमा राजेन्द्र रावलले नजिकबाट गोल गर्दै खेल बराबरीमा ल्याए। पहिलो हाफमा गणेश लावतीले पेनाल्टीमा गोल गर्न नसक्दा बराबरी अवसर गुमेको हो। ३८औं मिनेटमा जाङ्बुलाई आरसिटीका डिकेश खड्गीले पेनाल्टी बक्सभित्र फाउल हानेपछि फिफा रेफ्री लव खत्रीले एपिएफलाई पेनाल्टी हान्न दिए। गणेशले पेनाल्टी प्रहार आरसिटी गोलकिपर दिलीप क्षेत्रीले रोके। पेनाल्टीकै दुईपल्टको रिबाउन्डलाई पनि दिलीपले विफल पार्दै खेल बराबरी हुनबाट जोगाए। उनले पहिलो रिवाउन्डमा गणेश र त्यसपछि रिबाउन्डमा टोपबहादुर विष्ट दुवैको प्रहार विफल पारे। राजेन्द्रको गोलपछि एपिएफले दबाब बढाउँदै लगे पनि गोल थप्न भने सकेन। गणेशले दुईटा उत्कृष्ट मौका खेर फाल्नुको मूल्य टोलीले अन्तिमतिर गोल खाएर चुकाउनुपर्यो ।

एपिएफका प्रशिक्षक जनक सिंहले गणेशले पेनाल्टीमा गोल गर्न नसक्नु नै क्लबको दुर्भाग्य भएको बताए। 'समग्रमा राम्रो खेल्यांै। रक्षापंक्तिमा अझै कमजोरी देखियो,' उनले भने, 'दबाब दिएर पनि गोल गर्न नसक्दा हार्यौंन।' चार खेलाडी श्याम नेपाली, शिवराम गिरी, रञ्जन विष्ट र सरोज कोइराला विभागीय तालिमबाट फर्केपछि टोली बलियो हुने जनाउँदै सिंहले भने, 'उनीहरूले यो प्रतियोगिता भने खेल्न भ्याउँदैनन्।'

समान स्तरको टोली भएकाले एपिएफविरुद्ध जित्ने लक्ष्यसहित उत्रिएको जनाउँदै आरसिटीका प्रशिक्षक मधु कार्कीले भने, 'पछिल्लो ६ दिनमा टिम बनाउँदै र प्रशिक्षण सँगै गर्यौंप। त्यतिमा यो नतिजा राम्रै हो। तर फिटनेस पुगेको छैन। टिमसेट हुन केही समय लाग्छ।'

दुई साताअघि एएफसी प्रेसिडेन्ट्स कपको अन्तिम चरणमा छनोट थ्री स्टारले देशभक्तविरुद्ध १५औं मिनेटमा गोलको खाता खोल्यो। प्रकाश बुढाथोकीको क्रसमा सन्तोषले सिक्स यार्डबाट भलीमा गोल गरे। मध्यान्तर हुन दुई मिनेट बाँकीमा डुडोजले अन्तर दोब्बर बनाए। जगजित श्रेष्ठको क्रसमा विपक्षी गोलकिपर गोकुल छन्त्याल बिट भइसकेपछि डुडोडले नजिकबाट खाली पोस्टको मौका छोपे। मध्यान्तरअघि नै ३–० अग्रता लिन अवसरबाट थ्री स्टार चुक्यो। अजय पौडेलले आफैलाई फाउल हानेपछि पाएको पेनाल्टी सन्तोषले प्रहार गर्दा गोकुलले रोकेका थिए। त्यसअघि सन्तोष हानेको पेनाल्टी गोल भएपछि टोलीका अन्य खेलाडी पेनाल्टी बक्सभित्र छिरेकाले त्यो गोललाई फिफा रेफ्री सुदीश पाण्डेले मान्यता दिएनन् र दोस्रोपल्टक हान्न लगाएका थिए।

हातको चोट पूर्ण ठीक नभएका कारण प्रेसिडेन्ट्स कपका दुई खेल गुमाएका सन्तोषले ५२औं मिनेटमा डुडोजको पासमा गोललाइनबाट वान टचमै अर्को गोल गरे। त्यसको दुई मिनेटपछि जगजितको पासमा सन्तोषले मिलाइदिएको बललाई निराजनले पोस्टको बाटो देखाए। सन्तोषले ५८औं मिनेटमा ह्याटि्रक पूरा गरे। जारी गोर्खा कपमा ह्याटि्रक गर्ने उनी दोस्रो खेलाडी हुन्। पहिलो दिन सरस्वतीविरुद्ध ६–१ को जितमा मछिन्द्रका कर्ण लिम्बुले ह्याटि्रक गरेका थिए। जगजितको क्रसमा आएको बल गोलकिपर गोकुलले फुत्काएपछि त्यसमा गोल गर्दै सन्तोषले ह्याटि्रक पूरा गरेका हुन्। अन्तिम तीन मिनेट बाँकी हुँदा योगेशले पेनाल्टी बक्सबाट चिप गरेको बल पोलमा ठोक्किएर गोलमा परिणत भयो।

थ्री स्टारका प्रशिक्षक प्रदीप हुमागाईंले प्रतिद्वन्द्वी सहज हुँदा धेरै गोल भए पनि प्रदर्शन सन्तोषजनक नरहेको बताए। 'पहिलो हाफ राम्रो थिएन। दोस्रो हाफमा केही सुधार भयो र गोल पनि भयो,' उनले भने, 'उपाधितर्फ अघि बढ्न यो प्रदर्शनलाई बिर्सनुपर्छ।' हुमागाईंले दशरथ रंगशालामा पहिलोपल्ट दोस्रो रोजाइका गोलकिपर एलेन न्यौपानेलाई मौका दिनुको कारण खुलाउँदै भने, 'आहा–रारा गोल्डकप खेल्दा उनी किपर थिए। यहाँ पनि हामी खेलाउने प्रयास गरेका थियौं। तर कारणवश मिलेको थिएन। उनको मनोबल बढाउन अन्य खेलमा पनि अवसर दिन्छौं।' किरण चेम्जोङको सट्टा एलेनले ६३औं मिनेटबाट थ्री स्टारको पोस्ट सम्हाले।

देशभक्तका प्रशिक्षक जितबहादुर पुनले सहभागिता ठूलो भएको उल्लेख गर्दै कम गोल खाने रणनीति सफल नभएको बताए। '८–१० दिनअघि खबर पाएपछि खेलाडी खोजेर बिनातयारी यहाँ आएका हौं। त्यसले जित्ने अेपक्षा थिएन। कम गोल खाने रणनीति थियो,' उनले भने, 'तर थ्री स्टार राम्रो टोली भएकाले सोचेजस्तो भएन।'

गोर्खा कपमा आइतबार

आर्मीविरुद्ध संकटा (२ बजे)

मनाङविरुद्ध टुसाल (४ बजे)
रातोको रोमाञ्चक जित

रातोको रोमाञ्चक जित

काठमाडौं– अस्ट्रेरलियन क्रिकेटर फिलिप ह्युजको स्मृतिमा शनिबार भएको टिम रातोले अन्तिम खेल खेलिरहेका विनोद दासको कप्तानीमा रहेको टिम निलोलाई १ रनले हरायो। दुई इनिङ्समा गरि ६३ ओभर खेलिएको मैत्रीपूर्ण खेलमा...

सांगाकारा विश्वकै उत्कृष्ट

सांगाकारा विश्वकै उत्कृष्ट

लन्डन– श्रीलंकाका स्टार क्रिकेटर कुमार सांगाकारा विज्डेन क्रिकेटर्सबाट २०१५ का लागि विश्वका शीर्ष क्रिकेटर घोषित भएका छन्। क्रिकेटको बाइबल मानिने विज्डेनले यसै पालीदेखि सुरु गरेको उत्कृष्ट महिला क्रिकेटरको उपाधि अस्ट्रेलियाकी...

अन्तर्राष्ट्रियबाट विनोदको संन्यास

अन्तर्राष्ट्रियबाट विनोदको संन्यास

काठमाडौं– राष्ट्रिय क्रिकेट टोलीका पूर्व कप्तान विनोद दासले डेढ दशक बढी लामो अन्तर्राष्ट्रिय क्रिकेट जीवनबाट सन्यासको घोषणा गरेका छन्। अस्ट्रेलियन क्रिकेट खेलाडी फिल ह्युजको सम्झनामा शनिबार कीर्तिपुरस्थित त्रिभुवन विश्वविद्यालय मैदानमा...

अब क्रिजमा फर्कन्नँ : भिट्टोरी

अब क्रिजमा फर्कन्नँ : भिट्टोरी

वेलिङ्टन– आफ्नो लामो समय न्युजिल्यान्ड क्रिकेटलाई समर्पित गरेका डानियल भिट्टोरीले अन्ततः मंगलबार अस्ट्रेलियाविरुद्धको विश्वकप फाइनल क्रिकेट जीवनको अन्तिम खेल भएको बताएका छन्।‘न्युजिल्यान्डका लागि यो नै मेरो अन्तिम खेल हो र...

युवालाई १७ गोलको भारी

युवालाई १७ गोलको भारी

तेहरान-एएफसी यु–२३ फुटबल च्याम्पियनसिपको छनोट चरणअन्तर्गत मंगलबार अन्तिम खेलमा नेपाल टोली प्यालेस्टाइनसँग ४–० ले पराजित भएको छ। तेहरानस्थित पिएएस रंगशालामा नेपालविरुद्ध प्यालेस्टाइनका मोहम्मद माराब्बाले ३१र ६३औंतथा फादी जिदानले ६४ र...

विश्वकपमा सफल र असफल

विश्वकपमा सफल र असफल

मेलबर्न-मेलबर्न क्रिकेट मैदानमा आयोजक अस्ट्रेलियालाई उपाधिको पगरी गुथाउँदै एकदिवसीय क्रिकेट विश्वकपको ११ औं संस्करण आइतबार सम्पन्न भएको छ। १४ टोलीको सहभागिता ४४ दिन चलेको विश्व क्रिकेटको सबैभन्दा ठूलो महोत्सवमा सहआयोजक...

कप्तान धोनीको प्रतिप्रश्न

कप्तान धोनीको प्रतिप्रश्न

सिड्नी– भारतीय क्रिकेट टोलीका कप्तान महेन्द्रसिंह धोनीले एकदिवसीय क्रिकेटबाट अलग रहने विषयमा कुनै संकेत गर्न अस्वीकार गरे। विश्वकप क्रिकेटको सेमिफाइनलमा बिहीबार अस्ट्रेलियासँग ९५ रनले पराजित भएपछि सञ्चारकर्मीले सोधेको प्रश्नको जवाफ...

अस्ट्रेलिया पाँचौं उपाधि नजिक

अस्ट्रेलिया पाँचौं उपाधि नजिक

सिड्नी– अस्ट्रेलियाले बिहीबार सिड्नी क्रिकेट मैदानमा भएको दोस्रो सेमिफाइनलमा भारतलाई ९५ रनले पराजित गर्दै पाचौं विश्वकप उपाधि नजिक पुगेको छ। टस जितेर ब्याटिङमा उत्रिएको अस्ट्रेलियाले स्टिभ स्मिथको १ सय ५...