23 Falgun, 2071 |
Menu

खेल

HUB

मछिन्द्रले व्यवस्थापन समूहलाई दिने

(0 votes)
काठमाडौं – फुटबलबाट अलग हुने वा निरन्तरता दिने विषयमा केही दिनयता छलफलमा रहेको मछिन्द्र क्लबले विकल्पमा एक वर्ष फुटबल व्यवस्थापन ठेक्कामा दिने तयारी गरिरहेको छ। 


'क्लबभित्रकै केही साथीहरू फुटबल व्यवस्थापनको जिम्मेवारी लिन तयार हुनुभएको छ,' मछिन्द्रका अध्यक्ष जीवेन्द्रलाल कर्माचार्यले भने, 'तत्काल फुटबलबाट अलग नहुने र एक वर्ष परीक्षणका रूपमा क्लब चलाउन दिने भन्नेमा छलफल अघि बढेको छ। यो साताभित्र यसको अन्तिम टुंगो लाग्नेछ।'
खर्च थेग्न नसक्ने अवस्था देखिएपछि मछिन्द्रभित्र एनआरटीले जस्तै फुटबल छोड्नुपर्ने आवाज उठेको थियो। वैशाख १४ मा साधारण सभामार्फत अर्को ए डिभिजन क्लब एनआरटीले यो वर्ष फुटबलबाट अलग हुने निर्णय गरेको थियो। क्लबको १ करोड ७३ लाख रुपैयाँ ऋण रहेको र फुटबल खेलेर ऋणमुक्त हुने नदेखिएको जनाउँदै एनआरटीले फुटबल छोड्ने कदम उठाएको हो।
'फुटबलमा एकदमै धेरै खर्च भएकाले नखेल्ने भन्ने आवाज आएको हो। तर, त्यसै बीच केही साथीहरू व्यवस्थापन लिन तयार भएकाले विकल्पमा छलफल अघि बढेको हो,' कर्माचार्यले थपे, 'इच्छुक साथी र क्लब पदाधिकारी बसेर केही दिनमा यसको अन्तिम निर्णय लिनेछौं।'
२०७० मा खेलाडी सम्झौतादेखि प्रतियोगिता सहभागिताका विषयमा सबै निर्णय नयाँ व्यवस्थापन समूहले लिने अध्यक्ष कर्माचार्यले प्रस्ट पारे। 'क्लबको तर्फबाट केही रकम दिन्छौं। त्यसबाहेक सबै जिम्मेवारी व्यवस्थापन समूहको हुनेछ,' उनले भने, 'खेलाडी, प्रशिक्षक, प्रायोजक, सहप्रयोजक सम्झौता, एन्फाबाट पाउने तयारी खर्च, टिकट बिक्रीबाट आउने सबै रकम त्यही समूहले पाउने छ। फुटबलसम्बन्धी सबै निर्णय सोही समूहले लिनेछ। त्यसमा क्लबको केही हस्तक्षेप हुने छैन। '
एक वर्ष परीक्षणका रुपमा व्यवस्थापन जिम्मा दिएपछि त्यसको सफलतालाई हेरेर अर्को वर्षको निर्णय लिइने अध्यक्ष कमाचार्यले बताए। उनले प्रस्ट्याए, 'फुटबल एउटा समूहले जिम्मा लिएपछि क्लब अन्य सामाजिक काममा क्रियाशील हुन पाउँछ। '
क्लबको लामो इतिहास जोगाउन विकल्पको बाटो रोज्नुपरेको उनको तर्क छ। 'अहिलेकै आर्थिक अवस्थामा क्लबले फुटबल खेल्न नसक्ने भयो। क्लबको प्रतिष्ठा जोगाउन विकल्प खोज्ने क्रममा व्यवस्थापन जिम्मा दिने उपाय निस्कियो,' उनले जोडे, 'यसले क्लबको नाम जोगिइरहन्छ र आर्थिक भार पनि पर्दैन।'
मछिन्द्रका निर्वतमान अध्यक्ष सुनील कपालीले क्लबले पूर्वउपाध्यक्ष अनिल श्रेष्ठलाई २० लाख रुपैयाँसहित जिम्मेवारी दिइसकेको दाबी गरे। 'मछिन्द्र क्लबअन्तर्गत मछिन्द्र फुटबल क्लब गठन हुन्छ,' त्यसमा आफ्नो पनि सहयोग रहने उल्लेख गर्दै कपालीले भने, 'त्यसैले फुटबलसम्बन्धी सबै काम गर्छ।'
कीर्तिमानै कीर्तिमान

कीर्तिमानै कीर्तिमान

क्यानबेरा– क्रिस गेलले विश्वकपमा कीर्तिमानी २ सय १५ रन जोडेपछि मंगलबार वेस्ट इन्डिजले जिम्बावेमाथि ७३ रनको पाएको छ। पहिलो खेलमा आइसिसीको एसोसिएट्स टोली आयरल्यान्डसँग ४ विकेटले स्तब्ध वेस्ट इन्डिजले तत्काल...

क्रिस गेल विद्रोही ब्याट्सम्यान

क्रिस गेल विद्रोही ब्याट्सम्यान

सिड्नी– धेरै कारणले गर्दा उनी एक विद्रोही हुन्, वेस्ट इन्डिजका क्रिकेट अधिकारीसँग उनको टसल त्यत्तिकै छ। तर तमाम विद्रोहीपनाका बाबजुद क्रिस गेल क्रिकेटका सुपरस्टार हुन् भन्नेमा कसैले अस्वीकार गर्न सक्दैन।...

क्रिकेट बिवादको अर्को शृंखला : कोइराला कार्यवाहक अध्यक्ष

क्रिकेट बिवादको अर्को शृंखला : कोइराला कार्यवाहक अध्यक्ष

काठमाडौं– राष्ट्रिय टोलीले मैदानभित्र दिनानुदिन सफलताका नयाँ सिढी चढिरहेका बेला नेपालको क्रिकेट प्रशासन भने बिवादको दलदलमा थप जाकिँदै गएको छ। सरकारबाट निलम्बित नेपाल क्रिकेट संघ (क्यान) का कार्यवाहक अध्यक्ष तारिणीविक्रम...

तेन्दुल्करविनाको भारत

तेन्दुल्करविनाको भारत

नयाँ दिल्ली– तेइस वर्षयता पहिलो पटक भारतीय क्रिकेट टोलीमा ब्याटिङ सुपर स्टार सचिन तेन्दुल्कर छैनन्।  करिब दुई वर्षअघि तेन्दुल्करले क्रिकेटबाट सन्यास लिएपछि त्यसको प्रत्यक्ष फाइदा चिर प्रतिद्वन्द्वी पाकिस्तानलाई पुग्ने अनुमान...

नेपालगन्जको क्रिकेट संकट

नेपालगन्जको क्रिकेट संकट

काठमाडौं-नेपाली क्रिकेटको उर्वरभूमि मानिने नेपालगन्ज अहिले संकटमा गुजि्ररहेको छ। नेपालगन्जलाई महिला क्रिकेटको उद्गमथलो नै मानिन्छ। तथापि थुप्रै पुरुष खेलाडीले पनि राष्ट्रिय टोलीबाट महत्व‍पूर्ण उपलब्धी बटुलेका छन्। घरेलु क्रिकेटमा विशेष योगदान...

एसपिए कपमा लम्कँदै पेन्टागन

एसपिए कपमा लम्कँदै पेन्टागन

धनगढी-राष्ट्रिय खेलाडीले भरिपूर्ण काठमाडौंको पेन्टागन कलेजले मंगलबार कञ्चनपुरको सनराइज उच्चमाविमाथि १६ रनले हराउँदै होटल डिभोटी एसपिए कप क्रिकेट प्रतियोगिताको सेमिफाइनलपक्का गरेको छ। टस हारेर ब्याटिङ गर्न आएको पेन्टागनबाट राष्ट्रिय खेलाडीद्वय...

अस्ट्रेलियाले उपाधि उचालेको एसियन कपका केहि झलक

अस्ट्रेलियाले उपाधि उचालेको एसियन कपका केहि झलक

सिड्नी– वैकल्पिक खेलाडी जेम्स ट्रोसीले दक्षिण कोरियाविरुद्ध अतिरिक्त समयमा आकर्षक गोल गरी आयोजक राष्ट्र अस्ट्रेलियाले एसियन कप फुटबलको ट्रफी उचालेको छ। अस्ट्रेलियाले ५५ वर्षयता ठूलो प्रतियोगिताको उपाधि जित्न सकेको थिएन।

पुबुदु र प्रफुल्ल सम्मानित

पुबुदु र प्रफुल्ल सम्मानित

धनगढी- नेपाली क्रिकेटका दुई हस्ती पुबुदु दासानायके र प्रफुल्ल वैद्य शुक्रबार सुदूरपश्चिमाञ्चल एकेडेमी (एसपिए) बाट सम्मानित भएका छन्। दी होटल डिभोटी कपको चौथो संस्करणको उद्घाटनका अवसरमा सिंचाइमन्त्री एनपी साउदले राष्ट्रिय...