Tuesday 22 Baishak, 2072 |
Menu

खेल

sagoon

कप जितेलगत्तै विगान रेलिगेसनमा

  • बिहीबार २ जेष्ठ, २०७०
  • एएफपी
  • DISQUS_COMMENTS
(0 votes)
लन्डन – एफए कप जितेकै सिजनमा इङ्लिस प्रिमियर लिगबाट विगान एथलेटिक रेलिगेसनमा परेपछि रोबर्टो मार्टिनेजले आश्चर्य व्यक्त गरेका छन्। मंगलबार इमिरेट्स रंगशालामा आर्सनलसँग ४–१ को पराजय बेहोरेसँगै विगानले प्रिमियर लिगको हैसियत गुमाएको हो।
इमिरेट्समा आर्सनललाई नतिजा सुम्पँदै आगामी सिजनका लागि च्याम्पियनसिपमा झर्नुभन्दा ७२ घन्टाअघि फाइनलमा म्यानचेस्टर सिटीलाई १–० ले स्तब्ध पार्दै एफए कप उचालेको थियो। प्रिमियर लिगबाट यसअघि नै रिडिङ र क्विन्स पार्क रेन्जर्स रेलिगेसनमा परिसकेका छन्। हारले विगानलाई बी मा झार्दा आर्सनल भने आगामी सिजन च्याम्पियन्स लिगमा छानिने आशामा बल पुर्‍याउन सफल भयो। मंगलबार आर्सनललाई जित दिलाउन लुकास पोडोलस्कीले दुई गोल गरे भने थियो वाल्कोट र आरोन रामसेले १–१ गोल गरेका थिए। तथापि मध्यान्तरसम्म विगानले अवे मैदानमा विपक्षीलाई कडा चुनौती पेश गर्ने क्रममा खेल १–१ को बराबरीमा राखेको थियो। विगानका लागि शान मालोनेले फ्रि–किकमा बराबरी गोल गरेका थिए। 'मैले रेलिगेसन अपेक्षा पनि गरेको थिइनँ। हामी कठिन अवस्थामा थियौं। तर, खेलाडीको मनोबल र प्रदर्शन उच्च थियो। हामी पक्कै पनि रेलिगेसनको हकदार थिएनौं,' विगानका प्रशिक्षक मार्टिनेजले भने, 'क्लबका लागि आजको दिन निकै कठिन रह्यो। हामीले प्रिमियर लिगमा स्मरणीय ८ वर्ष बितायौं। अब भविष्यका लागि तयारी गर्नु छ।' रक्षापंक्तिमा धेरै चोटको समस्या भएकाले पूरा सिजन प्रदर्शनमा असर गरेको उनको तर्क थियो। 'हामीले धेरै गोल खायौं। रक्षापंक्तिमा यति धेरै खेलाडी घाइते भएको मैले पहिला कहिल्यै भोगेको थिइनँ,' विगानका पूर्वखेलाडी मार्टिनेजले भने, 'एफए कपले हामीलाई धेरै आशावादी बनाएको थियो। एफए कप आफैमा ठूलो प्रतियोगिता हो। त्यो उपाधि हाम्रा लागि धेरै अर्थपूर्ण छ। एफए कप जितेपछि हामीले प्रिमियर लिगमा टिक्ने आशा बोकेका थियौं।' मार्टिनेजले क्लब इतिहासमै यसपालि आर्थिक रूपमा बलियो रहेको बताउँदै समर्थकलाई अपार साथका लागि धन्यवाद दिए। मंगलबारको हारपछि एक खेलमात्र बाँकीको अवस्थामा विगान निकट प्रतिद्वन्द्वी सन्डरल्यान्डभन्दा ४ अंकले पछि परेको थियो। जसका कारण अन्तिम खेलको नतिजा जस्तो आए पनि विगानको प्रिमियर लिगमा रोकिने सम्भावना समाप्त भएको हो। आर्सनलले भने यो जितपछि लगातार १६औं सिजनमा च्याम्पियन्स लिग खेल्ने सम्भावना बलियो बनायो। अब टोलीले अन्तिम खेलमा न्युक्यासललाई हराए शीर्ष चारमा रहेर सिजनको अन्त्य पक्का गर्नेछ। निकट प्रतिद्वन्द्वी टोटेनह्यामले स्टोकलाई हराउन नसके आर्सनललाई अन्तिम खेलमा तीन अंक पनि जरुरी हुने छैन। आर्सनल प्रशिक्षक आर्सेन वेङ्गरले जितमा खुसी व्यक्त गरे पनि पहिलो हाफको प्रदर्शनमा सन्तुष्ट नभएको बताए। उनले भने, '२० मिनेटपछि हामीले परम्परागत खेल खेल्यौं, जसका कारण विगानले गोलको मौका पायो,' वेङ्गरले भने, 'हामीले बल आफूसँग राख्न सकेनौं। उनीहरू एफए कपको फाइनलबाट थकित थिए। उनीहरू थाकेपछि मात्र हाम्रो फराकिलो जितको आधार बन्यो। आइतबार फेरी हामीले महŒवपूर्ण खेलका लागि मैदान उत्रनु छ। हामी त्यो खेलमा पनि आफ्नो तर्फबाट पूरा मेहनत गर्नेछौं।' उता गत सिजनको प्रिमियर लिग विजेता म्यानचेस्टर सिटीले प्रशिक्षक रोबर्टो मान्चिनीलाई बर्खास्त गरेपछिक पहिलो खेलमा रिडिङमाथि २–० को जित दर्ता गरायो। टोलीको अवे जितमा सर्जियो अग्विरो र इडिन जेकोले गोल गरेका थिए।
रातोको रोमाञ्चक जित

रातोको रोमाञ्चक जित

काठमाडौं– अस्ट्रेरलियन क्रिकेटर फिलिप ह्युजको स्मृतिमा शनिबार भएको टिम रातोले अन्तिम खेल खेलिरहेका विनोद दासको कप्तानीमा रहेको टिम निलोलाई १ रनले हरायो। दुई इनिङ्समा गरि ६३ ओभर खेलिएको मैत्रीपूर्ण खेलमा...

सांगाकारा विश्वकै उत्कृष्ट

सांगाकारा विश्वकै उत्कृष्ट

लन्डन– श्रीलंकाका स्टार क्रिकेटर कुमार सांगाकारा विज्डेन क्रिकेटर्सबाट २०१५ का लागि विश्वका शीर्ष क्रिकेटर घोषित भएका छन्। क्रिकेटको बाइबल मानिने विज्डेनले यसै पालीदेखि सुरु गरेको उत्कृष्ट महिला क्रिकेटरको उपाधि अस्ट्रेलियाकी...

अन्तर्राष्ट्रियबाट विनोदको संन्यास

अन्तर्राष्ट्रियबाट विनोदको संन्यास

काठमाडौं– राष्ट्रिय क्रिकेट टोलीका पूर्व कप्तान विनोद दासले डेढ दशक बढी लामो अन्तर्राष्ट्रिय क्रिकेट जीवनबाट सन्यासको घोषणा गरेका छन्। अस्ट्रेलियन क्रिकेट खेलाडी फिल ह्युजको सम्झनामा शनिबार कीर्तिपुरस्थित त्रिभुवन विश्वविद्यालय मैदानमा...

अब क्रिजमा फर्कन्नँ : भिट्टोरी

अब क्रिजमा फर्कन्नँ : भिट्टोरी

वेलिङ्टन– आफ्नो लामो समय न्युजिल्यान्ड क्रिकेटलाई समर्पित गरेका डानियल भिट्टोरीले अन्ततः मंगलबार अस्ट्रेलियाविरुद्धको विश्वकप फाइनल क्रिकेट जीवनको अन्तिम खेल भएको बताएका छन्।‘न्युजिल्यान्डका लागि यो नै मेरो अन्तिम खेल हो र...

युवालाई १७ गोलको भारी

युवालाई १७ गोलको भारी

तेहरान-एएफसी यु–२३ फुटबल च्याम्पियनसिपको छनोट चरणअन्तर्गत मंगलबार अन्तिम खेलमा नेपाल टोली प्यालेस्टाइनसँग ४–० ले पराजित भएको छ। तेहरानस्थित पिएएस रंगशालामा नेपालविरुद्ध प्यालेस्टाइनका मोहम्मद माराब्बाले ३१र ६३औंतथा फादी जिदानले ६४ र...

विश्वकपमा सफल र असफल

विश्वकपमा सफल र असफल

मेलबर्न-मेलबर्न क्रिकेट मैदानमा आयोजक अस्ट्रेलियालाई उपाधिको पगरी गुथाउँदै एकदिवसीय क्रिकेट विश्वकपको ११ औं संस्करण आइतबार सम्पन्न भएको छ। १४ टोलीको सहभागिता ४४ दिन चलेको विश्व क्रिकेटको सबैभन्दा ठूलो महोत्सवमा सहआयोजक...

कप्तान धोनीको प्रतिप्रश्न

कप्तान धोनीको प्रतिप्रश्न

सिड्नी– भारतीय क्रिकेट टोलीका कप्तान महेन्द्रसिंह धोनीले एकदिवसीय क्रिकेटबाट अलग रहने विषयमा कुनै संकेत गर्न अस्वीकार गरे। विश्वकप क्रिकेटको सेमिफाइनलमा बिहीबार अस्ट्रेलियासँग ९५ रनले पराजित भएपछि सञ्चारकर्मीले सोधेको प्रश्नको जवाफ...

अस्ट्रेलिया पाँचौं उपाधि नजिक

अस्ट्रेलिया पाँचौं उपाधि नजिक

सिड्नी– अस्ट्रेलियाले बिहीबार सिड्नी क्रिकेट मैदानमा भएको दोस्रो सेमिफाइनलमा भारतलाई ९५ रनले पराजित गर्दै पाचौं विश्वकप उपाधि नजिक पुगेको छ। टस जितेर ब्याटिङमा उत्रिएको अस्ट्रेलियाले स्टिभ स्मिथको १ सय ५...