Monday 14 Bhadra, 2072 |
Menu

खेल

republica-header

ist-cc

'एकरुपको प्रदर्शन हुन सकेन'

  • ८ भाद्र, २०७०
  • विनोद पाण्डे
  • DISQUS_COMMENTS
(0 votes)
'एकरुपको प्रदर्शन हुन सकेन'
काठमाडौं– नेपालले एसिसी इमर्जिङ टिम्स कपमा एकरुपको प्रदर्शन गर्न नसकेको कप्तान पारस खड्काले स्वीकारेका छन्।

सिंगापुरमा भएको प्रतियोगिताको समूह चरणका तीन खेल हारी शुक्रबार नेपाल फर्किएपछि पारसले पराजयको कारण खोतले, 'हामीले विगत केही समयमा जुन प्रदर्शन गर्दै आएका थियौं त्यसलाई निरन्तरता दिन सकेनौं। हामीले एउटा टोली र खेलाडीका रुपमा व्यक्तिगततर्फ पनि एकरुपको प्रदर्शन गर्न सकेनौं।' पारसले थपे, 'नेपालमा हाम्रो तयारी राम्रो हुन सकेन्। तर, त्यो नै सवै पराजयको कारण होइन।'
विश्वकप छनोटको नजिक पुगेको अफगानिस्तानलाई पहिलो खेलमा नेपालले १ सय ६९ रनमा रोकेको थियो। १२ बलको अन्तरमा ४ रन बनाउदा पछिल्लो ५ विकेट गुमाएपछि नेपालले ३ रनले खेल गुमाएको थियो। नतिजा ८४ रनले सुम्पे पनि भारतसँगको दोस्रो खेलमा १ सय ८४ रन बनाउन सक्नु नेपालको सफलता भयो। पाकिस्तानसँग १ सय ५९ रनमात्र बनाउन सकेपछि नेपालले ९ विकेटको पराजय बेहोर्‍यो।
'एसिसी इमर्जिङ टिम्स कप हाम्रा लागि प्रतियोगिता र अभ्यास दुवै थियो। युवा खेलाडीले राम्रो खेले पनि हामीले आफ्नो क्षमता अनुसार खेल्न सकेनौं। अफगानिस्तानसँगको खेल ९५ प्रतिसत हाम्रै हातमा थियो, ५ विकेट बाँकी हुँदा ९ रन पनि बनाउन नसकी खेल हार्नु पर्‍यो। अझै विश्वास लागिरहेको छैन के भयो भनेर,' पारसले भने, 'हाम्रो टोली निर्माणका क्रममा छ, त्यसैले यसबाट शिक्षा लिएका छौं।'
मे महिनामा भएको विश्व क्रिकेट लिग डिभिजन ३ को उपाधि जितेपछि नेपाली टोली २ महिनाभन्दा बढि समय सुस्ताएको थियो। प्रशिक्षण सुरु भए पनि काठमाडौंमा इन्डोर अभ्यासलाई पर्याप्त सुविधा नभएपछि टोलीले श्रीलंकामा दुइ हप्ता तयारी गर्दै सिंगापुर लागेको थियो। श्रीलंकाको यु–२३ टोलीसँग कोलम्बोमा भएको चारै अभ्यास खेलमा नेपाल पराजित भएको थियो। अर्को एक स्थानीय टोलीमाथी विजय पाएको थियो। पहिलो पटक गरिएको इमर्जिङ टिम्स कपमा श्रीलंकासँगैं टेस्ट खेल्ने भारत, पाकिस्तान र बंगलादेशका यु–२३ टोली तथा नेपाल, अफगानिस्तान, युएई र आयोजक सिंगापुरका राष्ट्रिय टोली सहभागि थिए।
नेपालले नोभेम्बरमा युएईमा विश्व ट्वान्टी–२० छनोट तथा जनवरीमा न्युजिल्यान्डमा एकदिवसीय विश्वकप छनोट खेल्दैछ। विश्वकप छनोट अगाडी भएकाले सिंगापुरको प्रतियोगिताले राम्रो एक्सपोजर र भिजन दिएको पारस बताउछन्। 'अहिलेको प्रदर्शन हेर्ने हो भने हामीले बलिङ, ब्याटिङ र फिल्डिङ सवै पक्षमा ध्यान दिन जरुरी देखाएको छ। माथिल्लो स्तरमा खेल्दा राम्रो ब्याटिङ गर्नुपर्छ। प्रतिभा जति भए पनि माथिल्लो स्तरमा नदेखाएसम्म त्यसको अर्थ रहदैन्,' उनले भने।
पारसले अफगानिस्तानसँगको खेलमा ६० रन बनाएका थिए। त्यसलाई निरन्तरता दिदैं सागर पुनले भारतसँग अविजित ५२ रन बनाए। ओपनर सुवास खकुरेलले पाकिस्तानविरुद्ध ७८ रनको इनिङ्स खेले। त्यो बाहेक नेपाली ब्याट्सम्यानले अर्को राम्रो इनिङ्स खेल्न सकेनन्। राष्ट्रिय टोलीबाट सागरको यो पहिलो एकदिवसीय प्रतियोगिता थियो। स्पिन बलरको रुपमा खेलेका उनले अलराउन्डरको खुबी देखाए।
सागरसँगै मध्यम गतिका बलर अविनाश कर्णले पनि राष्ट्रिय टोलीबाट सिंगापुरमा 'डेब्यु' गरे। युवा खेलाडीको प्रदर्शनबाट प्रभावित पारसले भने, 'सागर र अविनाशको प्रदर्शनले धेरै आशा जगाएको छ, उनीहरुको भविष्य उज्जवल छ। अझ राम्रो मेहनत गर्नुपर्छ। सागर र अविनाशमात्र नभई पहिलो पल्ट राष्ट्रिय टोलीमा परेका रामनरेश गिरीले कुनै खेल खेल्न नपाए पनि राम्रो सम्भावना देखाएका छन्।'
नेपालको मुख्य आशा बलिङ भने सिंगापुरमा धार बिहीन देखिएको थियो। देव्रेहाते स्पिनर वसन्त रेग्मीले ३ खेलमा ९ विकेट लिए पनि अन्य नेपाली बलर विकेट लिन संघर्षरत थिए। भारतसँगको खेलमा वसन्तले १० ओभरमा ९० रन खर्चेर नेपाली खेलाडीकै अहिले सम्मको महङ्गो बलिङ गरेका थिए। वसन्तपछि अविनाशले नेपालबाट सवैभन्दा बढी २ विकेट लिए। शक्ति गौचन, चन्द्र साउद र सागरको नाममा १–१ विकेट रहयो। तीनै खेल खेलेका अविनाशले राम्रो बलिङ गरेको बताउने पारसले सिंगापुरमा नेपाली खेलाडीलाई विकेट लिन गाह्रो भएको स्वीकारे।
प्रतिद्वन्द्वीको स्तर मुल्यांकन गर्दा नेपालले सिंगापुरमा खेलेको प्रतियोगिता सवैभन्दा ठुलो थियो। तर, खासै ठूलो प्रभाव पार्न सकेन्। पारस यसलाई ठूलो मान्दैनन्। 'प्रतिद्वन्द्वी जस्तो सुकै होस खेल्ने खेलाडीलेनै हो। फरक यति हो उनीहरु टेस्ट खेल्ने राष्ट्रका हुन र सिजन भरी खेलिरहन्छन्,' खेल अनुभवको कमी केलाउदै पारस भन्छन्, 'प्रतिभाका हिसाबमा हाम्रो स्तर यु–२३ टोलीसँग समान छ, अफगानिस्तानले भारतलाई र युएईले बंगलादेशलाई हरायो। हामीले आफ्नो क्षमता अनुरुप ४० प्रतिसतमात्र खेल्न सक्यौं। हामीले आफ्नो क्षमता केही बृद्धि गर्न सकेको भए हामी पनि त्यो किसिमको नतिजा दिन सक्थ्यौं। उनीहरु र हामी एसोसिएट टोलीको स्तरमा फरक भनेको प्रदर्शनको मात्र हो।'

प्रतिक्रिया

कोपा अमेरिकामा चिलीले इतिहास रच्यो

कोपा अमेरिकामा चिलीले इतिहास रच्यो

काठमाडौ-आयोजक चिलीले पहिलो पटक कोपा अमेरिकाको उपाधि उचालेको छ। आइतबार विहानभएको खेलमा अर्जेन्टिनालाई पेनाल्टी सुटआउटमा ४-१ ले हराउँदै उपाधि दर्ता गरेको हो। निर्धारित ९० मिनट र थप ३० मिनेटको थप...

संकटमा किशोर फुटबलर

संकटमा किशोर फुटबलर

काठमाडौं-नेपाली जनता महाभूकम्पको पीडा बिर्सने कोसिस गरिरहेका बेला किशोर फुटबलरहरू एएफसी यु–१४ फुटबल फेस्टिबल खेल्न ताजिकिस्तान उडेका थिए। अभ्यास गरिरहेका बेला उनीहरूले वैशाख २९ को अनुकम्पनलाई भोगे। जनजीवन सामान्य बन्दै...

जनकपुरलाई महिला राष्ट्रिय क्रिकेट उपाधि

जनकपुरलाई महिला राष्ट्रिय क्रिकेट उपाधि

पोखरा-क्षेत्र नम्बर–७ जनकपुरले प्रधानमन्त्री कप महिला राष्ट्रिय क्रिकेट प्रतियोगिताको उपाधि हात पारेको छ। पोखरा रंगशालामा बुधबार भएको फाईनल खेलमा जनकपुरले सशस्त्र प्रहरी वलको एपीएफलाई ५ रनको झिनो अन्तरले पराजित गर्दै...

पूर्वाधार क्षतिले अस्तव्यस्त खेलकुद

पूर्वाधार क्षतिले अस्तव्यस्त खेलकुद

काठमाडौं-दक्षिण एसियाली खेलकुदको १२औं संस्करण हुने टुंगो छैन। एसियाली खेलकुद आउन चार वर्ष बाँकी छ। ओलम्पिक आउँदो वर्ष भए पनि त्यहाँ नेपालको उपस्थिति सहभागिताका लागि मात्र हो।

‘नेपाली फुटबलका हितैसी गुमायौं’

‘नेपाली फुटबलका हितैसी गुमायौं’

काठमाडौं– करेन्ट लागेर निधन भएका अखिल नेपाल फुटबल संघका कार्यवाहक अध्यक्ष ललितकृष्ण श्रेष्ठको शनिबार पशुपति आर्यघाटमा अन्त्येष्टि गरिएको छ। भैंसेपाटीस्थित नयाँ घरमा सरेको दिन शुक्रबार करेन्ट लागेर उनको निधन भएको...

मेसीमा टिकेको अर्जेन्टिनी आस

मेसीमा टिकेको अर्जेन्टिनी आस

ला सेरेना– लियोनेल मेसीले बार्सिलोनाबाट सम्भव हुने सबैखाले सफलता आत्मसात गरिसकेका छन्। बार्सिलोनाका लागि गरेको प्रदर्शनकै आधारमा उनले आफूलाई विश्वको सर्वकालिन महान खेलाडीको सुचिमा उभ्याउन पनि सफल भएका छन्। तर...

लामाको आत्मसमिक्षा, आफैलाई ७५ अंक

लामाको आत्मसमिक्षा, आफैलाई ७५ अंक

काठमाडौं– राष्ट्रिय खेलकुद परिषदका सदस्य सचिव युवराज लामाले आफ्नो चार वर्षे कार्यकालको समिक्षा गर्दा मंगलबार आफैलाई ७५ अंक दिएका छन्।

बार्सिलोनाले जित्यो च्याम्पियन्स लिग

बार्सिलोनाले जित्यो च्याम्पियन्स लिग

बर्लिन-बार्सिलोनाले युभेन्टसलाई ३-१ को गोल अन्तरले पराजित गर्दै पाँचौं पटक च्याम्पियन्स लिगको उपाधी जितेको छ। शनिबार बर्लिनस्थित ओलम्पिक रंगाशालामा भएको खेलमा बार्सिलोनाका स्टार स्ट्राइकरहरुले गोल गर्दै टोलीलाई यो सिजनमा तेस्रो उपाधि...