12 Bhadra, 2072 |
Menu

खेल

republica-header

ist-cc

टोलीमा अफ्रिदीको पुनरागमन

  • बिहीबार २० असार, २०७०
  • एजेन्सी
  • DISQUS_COMMENTS
(0 votes)
टोलीमा अफ्रिदीको पुनरागमन
लाहोर – वेस्ट इन्डिजसँग यसै महिना खेल्न लागिएको क्रिकेट शृंखलाका लागि पाकिस्तानले राष्ट्रिय टोली घोषणा गरेको छ। बुधबार सार्वजनिक पाकिस्तानी टोलीमा पूर्वकप्तान सोएब मल्लिक, विकेटकिपर/ब्याटसम्यान कामरन अकमाल र ओपनर इमरान फरहात पर्न सकेनन्। प्रभावशाली भेट्रान खेलाडी शहिद अफ्रिदीले राष्ट्रिय टोलीमा पुनरागमन गरेका छन्।
गत महिना ८ राष्ट्रले खेलेको च्याम्पियन्स ट्रफीमा पाकिस्तानले खराब प्रदर्शन गरेपछि छनोट कमिटीले एकदिवसीय टोलीमा चार परिवर्तन गरिएको बताएको छ। इङ्ल्यान्डमा सम्पन्न च्याम्पियन्स ट्रफीमा खराब ब्याटिङ गरेको पाकिस्तानले सबै ३ खेलमा पराजय बेहोरेको थियो। ट्रफीमा मल्लिकले ३ खेलमा २५ रनमात्र बनाउन सकेका थिए। कामरनले पनि ३ खेलमा २३ रनमात्र बनाए। पाकिस्तानले तीनवटै खेलमा १ सय ७० रनभन्दा माथि स्कोर बनाएन। 
पाकिस्तानले पाँच एकदिवसीय र दुई ट्वान्टी–२० क्रिकेट खेल क्यारेबियनमा गएर खेल्दैछ। पाकिस्तानले जुलाई १४ तारिखमा पहिलो एकदिवसीय खेल्ने कार्यक्रम छ। मिसबाह–उल हकले एकदिवसीयमा पाकिस्तानी टोलीको कप्तानी सम्हाल्ने छन्। मोहम्मद हाफिजलाई ट्वान्टी–२० मा कप्तान छनोट गरिएको छ। छनोट कमिटी प्रमुख इकबाल कसिमले एकदिवसीयमा १६ र ट्वान्टी–२० का लागि १५ खेलाडी छानिएको घोषणा गरेका थिए। उनले भने, ‘मिसवाह र प्रशिक्षक डेभ ह्वाटमोरसँग छलफल गरेर टिम छनोट गरेका हांै, नयाँ टिमले राम्रो गर्ने विश्वास छ।’ 
ब्याटिङ र बलिङ दुवैमा खराब प्रर्दशन गरेपछि ६ महिनाअघि अफ्रिदी एकदिवसीय टोलीबाट निकालिएका थिए। अलराउन्डर अफ्रिदीलाई फेरि एकपल्ट अवसर दिइएको छनोट प्रमुख कसिमले बताए। 
भारत भ्रमणक्रम टोलीमा नपरेका अफ्रिदी दक्षिण अफ्रिका भ्रमणको टोलीमा थिए। त्यसपछि च्याम्पियन्स ट्रफीमा अफ्रिदी टोलीमा थिएनन्। 
कसिमले भने, ‘वेस्ट इन्डिज भ्रमणमा शारीरिक रुपमा फिट लेग स्पिनर अफ्रिदी आवश्यक परेकाले छानेका हौं।’ एकदिवसीय टोलीमा उमर गुल पनि परेका छन्। २१ वर्षे मोहम्मद रिजवान टोलीमा परेका नयाँ खेलाडी हुन्। दुई वर्षपछि अहमद सहजाद टोलीमा फर्किएका ओपनर हुन्।
मिसबाहले च्याम्पियन्स ट्रफीमा बेहोरेको खराब नतिजाको जिम्मेवारी लिएको बताए। उनले भने, ‘मैले पहिला पनि हार स्वीकार गरेको थिएँ। अहिले पनि म हारको जिम्मेवारी लिन्छु। हामीले युवा र अनुभवी समेटेर २०१५ को विश्वकप क्रिकेटलाई मध्यनजर गर्दै टोली छानेका छौं।’

प्रतिक्रिया

कोपा अमेरिकामा चिलीले इतिहास रच्यो

कोपा अमेरिकामा चिलीले इतिहास रच्यो

काठमाडौ-आयोजक चिलीले पहिलो पटक कोपा अमेरिकाको उपाधि उचालेको छ। आइतबार विहानभएको खेलमा अर्जेन्टिनालाई पेनाल्टी सुटआउटमा ४-१ ले हराउँदै उपाधि दर्ता गरेको हो। निर्धारित ९० मिनट र थप ३० मिनेटको थप...

संकटमा किशोर फुटबलर

संकटमा किशोर फुटबलर

काठमाडौं-नेपाली जनता महाभूकम्पको पीडा बिर्सने कोसिस गरिरहेका बेला किशोर फुटबलरहरू एएफसी यु–१४ फुटबल फेस्टिबल खेल्न ताजिकिस्तान उडेका थिए। अभ्यास गरिरहेका बेला उनीहरूले वैशाख २९ को अनुकम्पनलाई भोगे। जनजीवन सामान्य बन्दै...

जनकपुरलाई महिला राष्ट्रिय क्रिकेट उपाधि

जनकपुरलाई महिला राष्ट्रिय क्रिकेट उपाधि

पोखरा-क्षेत्र नम्बर–७ जनकपुरले प्रधानमन्त्री कप महिला राष्ट्रिय क्रिकेट प्रतियोगिताको उपाधि हात पारेको छ। पोखरा रंगशालामा बुधबार भएको फाईनल खेलमा जनकपुरले सशस्त्र प्रहरी वलको एपीएफलाई ५ रनको झिनो अन्तरले पराजित गर्दै...

पूर्वाधार क्षतिले अस्तव्यस्त खेलकुद

पूर्वाधार क्षतिले अस्तव्यस्त खेलकुद

काठमाडौं-दक्षिण एसियाली खेलकुदको १२औं संस्करण हुने टुंगो छैन। एसियाली खेलकुद आउन चार वर्ष बाँकी छ। ओलम्पिक आउँदो वर्ष भए पनि त्यहाँ नेपालको उपस्थिति सहभागिताका लागि मात्र हो।

‘नेपाली फुटबलका हितैसी गुमायौं’

‘नेपाली फुटबलका हितैसी गुमायौं’

काठमाडौं– करेन्ट लागेर निधन भएका अखिल नेपाल फुटबल संघका कार्यवाहक अध्यक्ष ललितकृष्ण श्रेष्ठको शनिबार पशुपति आर्यघाटमा अन्त्येष्टि गरिएको छ। भैंसेपाटीस्थित नयाँ घरमा सरेको दिन शुक्रबार करेन्ट लागेर उनको निधन भएको...

मेसीमा टिकेको अर्जेन्टिनी आस

मेसीमा टिकेको अर्जेन्टिनी आस

ला सेरेना– लियोनेल मेसीले बार्सिलोनाबाट सम्भव हुने सबैखाले सफलता आत्मसात गरिसकेका छन्। बार्सिलोनाका लागि गरेको प्रदर्शनकै आधारमा उनले आफूलाई विश्वको सर्वकालिन महान खेलाडीको सुचिमा उभ्याउन पनि सफल भएका छन्। तर...

लामाको आत्मसमिक्षा, आफैलाई ७५ अंक

लामाको आत्मसमिक्षा, आफैलाई ७५ अंक

काठमाडौं– राष्ट्रिय खेलकुद परिषदका सदस्य सचिव युवराज लामाले आफ्नो चार वर्षे कार्यकालको समिक्षा गर्दा मंगलबार आफैलाई ७५ अंक दिएका छन्।

बार्सिलोनाले जित्यो च्याम्पियन्स लिग

बार्सिलोनाले जित्यो च्याम्पियन्स लिग

बर्लिन-बार्सिलोनाले युभेन्टसलाई ३-१ को गोल अन्तरले पराजित गर्दै पाँचौं पटक च्याम्पियन्स लिगको उपाधी जितेको छ। शनिबार बर्लिनस्थित ओलम्पिक रंगाशालामा भएको खेलमा बार्सिलोनाका स्टार स्ट्राइकरहरुले गोल गर्दै टोलीलाई यो सिजनमा तेस्रो उपाधि...