Friday 13 Chaitra, 2071 |
Menu

समाज

HUB

कुटो प्रहार गरी भाइ-बुहारीको हत्या

  • १ असार, २०७०
  • रासस
  • DISQUS_COMMENTS
(0 votes)
रुकुम- जिल्लाको नुवाकोट गाविसका एक जनाले खुकुरी प्रहार गरी श्रीमतीको हत्या गरेको घटना सेलाउन नपाउँदै सो गाविससँगै जोडिएको पेउघा गाविसमा पनि उस्तै प्रकृतिको घटना भएको छ। सामान्य विवाद भएपछि पेउघा– २ का ४५ वर्षीय तेजबहादुर खड्का आफ्नै सहोदर भाइबुहारी ३५ वर्षीया मनकुमारी खड्काको हत्या गरी फरार भएका छन्। 

घरमाथिको भल छेक्नका लागि दुवै पक्षबीच शुक्रबार समान्य विवाद हुँदा तेजबहादुरले कुटोको पासोले टाउकामा हिर्काएपछि मनकुमारीको घटनास्थलमै मृत्यु भएको जिल्ला प्रहरी कार्यालय रुकुमले बताएको छ। भल छेक्ने नाली काटेर मनकुमारीको घरतिरै भल लगाइदिएपछि आफ्नो घरतिर कुलो नलगाइदिन आग्रह गरेकी मनकुमारीलाई तेजबहादुरले उल्टै कुटो प्रहार गरेको स्थानीवासीले बताएका छन्। घटना हुँदा मृतकका श्रीमान् गणेश घरमा नभएको बताइएको छ। 
फरार अभियुक्तको व्यापक खोजी भइरहेको जिल्ला प्रहरी कार्यालयका प्रहरी निरीक्षक ओमबहादुर कँवरले जानकारी दिए। गत सोमबार राति मात्रै पेउघाकै छिमेकी गाविस नुवाकोटका एक जनाले खुकुरी प्रहार गरेर श्रीमतीको हत्या गर्नुका साथै दुई छोरा र एक छोरीलाई समेत काटेर गम्भीर घाइते बनाई आफूले पनि आत्महत्या गरेका थिए।
झरीले राजधानीका सडक जलाम्य

झरीले राजधानीका सडक जलाम्य

काठमाडौं– बिहीबार दिउँसोको झरीले राजधानीलाई जलाम्य बनाएको छ। मनसुन सुरु हुनुअगाडिको वर्षाका कारण राजधानीका प्रमुख सडकहरू डुबानमा परे। भारी वर्षाका कारण साँझ उपत्यकामा ट्राफिक जामसमेत बढेको थियो।

‘ललितपुरमा पनि तेजाब प्रहार'

काठमाडौं-राजधानीको वसन्तपुरमा गत फागुनमा गरिएको तेजाब आक्रमणभन्दा पहिला नै ललितपुरमा पनि एक किशोरीमाथि तेजाब छापिएको घटना सार्वजनिक भएको छ। गत माघ ८ गते नै ललितपुरमा एक युवक प्रेम प्रस्ताव अस्वीकार...

रौतहटमा १२ वर्षीया बालिका बलात्कार

रौतहट–रौतहटमा पनि एक बालिका बलात्कारको शिकार बनेकी छिन्। बलात्कार अभियोगमा प्रहरीले एक युवकलाई पक्राउ गरी अनुसन्धान सुरु गरेको छ।

डाक्टर केसीको मागबारे तत्काल निष्कर्षमा पुग : मानवअधिकार आयोग

काठमाडौं— अनशनरत चिकित्सक डा. गोविन्द केसीको माग बारे तत्काल निष्कर्षमा पुग्न राष्ट्रिय मानव अधिकार अयोगले सरकारसँग माग गरेको छ।

नेशनल मेडिकल कलेज : बाहिर बोक्रो भित्र खोक्रो

नेशनल मेडिकल कलेज : बाहिर बोक्रो भित्र खोक्रो

वीरगन्ज– आजभन्दा १४ वर्षअघि सन् २००१ मा वीरगन्जको भेडियाहीमा नेशनल मेडिकल कलेज स्थापना हुँदा यस क्षेत्रका मानिसमा भरपर्र्दो स्वास्थ्य सेवा पाउने आशा जागेको थियो। मेडिकल कलेजको भब्य भौकिक संरचना र...

सप्तरीमा भीषण आगलागी, ७८ घर जलेर नष्ट, एकको मृत्यु

सप्तरी–कञ्चनपुर नगरपालिका–६ पिपडापुर्वका ननकु सरदारको परालको कुन्यूबाट सरु भएको आगलागीबाट ३३ परिवारका ७८ घर जलेर नष्ट भएका छन्।

बङ्गालको खाडीबाट आएको वायुको प्रभावले चट्याङसहित वर्षा

काठमाडौँ-स्थानीयस्तरको जलवाष्प र बङ्गालको खाडीबाट आएको वायुको सम्मिश्रणको प्रभावका कारण आज मौसम बदली भई देशका पूर्वी र मध्य भागमा चट्याङसहितको वर्षा भएको छ ।

ताप्लेजुङमा भएकाे आगलागीमा ४४ करोडको क्षति

ताप्लेजुङ–गएको सोमवार ताप्लेजुङको फुङलिङमा भएको आगलागिबाट ४४ करोड बराबर क्षति भएको बिवरण स्थानीय प्रशासनले बिहीबार सार्वजनिक गरेको छ।