Sunday 6 Baishak, 2072 |
Menu

समाज

sagoon

बाह्र नाउर छ झारलको सिकार अनुमति

  • सोमबार १० भाद्र, २०७०
  • रासस
  • DISQUS_COMMENTS
(0 votes)
बागलुङ - ढोरपाटन सिकार आरक्षमा चालु वर्षको पहिलो याम (मौसम)मा सिकारको लागि राष्ट्रिय निकुञ्ज तथा वन्यजन्तु संरक्षण विभागले कोटा निर्धारण गरेको छ। आर्थिक वर्ष २०७०/७१ को असोजदेखि मङ्सिरसम्म चल्ने पहिलो याममा १२ नाउर र ६ झारलको सिकारका लागि अनुमति प्रदान गरिएको आरक्ष कार्यालयले जनाएको छ।
कोटा निर्धारणपछि विभागले टेन्डर प्रक्रियाका लागि गत साउन महिनाको २१ देखि १५ दिनभित्रमा बोलपत्र आह्वान गरेको थियो। बोलपत्रको आधारमा पहिलो याममा ट्रयाक एन्ड ट्रेल्स, नेपाल वाइल्ड लाइफ एडभेन्चर प्रालि र हिमालयन सफारी प्रालिले सिकारका लागि सिकारी पठाउने आरक्षका प्रमुख विश्वबाबु श्रेष्ठले बताए।

यस सिकार आरक्षमा मौसमअनुसार हरेक वर्ष दुई याममा नाउर र झारलको सिकार गर्ने गरिन्छ। पहिलो याम असोज पहिलो हप्तादेखि सुरु भई मङ्सिर अन्तिमसम्म चल्ने गर्छ भने दोस्रो फागुनदेखि सुरु भई वैशाखसम्म चल्ने गर्दछ। दुवै याममा सिकारका लागि वन्य विभागले बोलपत्र आह्वानमार्फत सिकारी छनोट गर्ने गरेको छ।

असोज पहिलो साताभित्रै ढोरपाटन क्षेत्रमा आइपुग्ने सिकारीले आरक्षका सुनदह, सेङ, गुस्तुङ, फागुने र बार्से ब्लकमा सिकार खेल्ने आरक्ष प्रमुख श्रेष्ठले बताए। सुर्तीबाङ ब्लकमा भने नाउर नपाइने र झारलको सङ्ख्या अत्यन्त न्यून रहेकाले विगत तीन वर्षदेखि सिकार गर्न रोक लगाइएको श्रेष्ठले जानकारी दिए। २१ दिनसम्म आरक्ष क्षेत्रमा बसेर तालिम प्राप्त सिकारीले नाउर र झारलको सिकार गर्नेछन्। 

एक झारल वा नाउरको सिकार गरेमा प्रत्येक सिकारीबाट अधिकतम रु एक लाख ८७ हजारदेखि न्युनतम रु एक लाख ६० हजारसम्म लिने प्रावधान रहेको सिकार आरक्षले बताएको छ। 

बागलुङ, म्याग्दी र रुकुम जिल्लामा फैलिएको यस सिकार आरक्षमा सिकारीले रुकुमतर्फको बल्कमा एक नाउरको सिकार गरेमा रु एक लाख ५० हजार, झारलको सिकार गरेमा रु एक लाख, बागलुङ र म्याग्दीतर्फको बल्कमा सिकार गरेमा नाउरको रु एक लाख र झारलको रु ५० हजार स्थानीयस्तरमै तिर्ने गरेका छन्। 

गत आर्थिक वर्ष २०६९/७० मा दुवै याममा गरी १६ नाउर र सात झारलको सिकार गरिएबापत सिकार आरक्षले रु ७३ लाखभन्दा बढी राजस्व सङ्कलन गरेको प्रमुख श्रेष्ठले बताए। 

विभिन्न प्रजातिका चराको पनि सिकारका लागि अनुमति दिइने गरिए पनि त्यहाँ पुग्ने सिकारीले हालसम्म पनि चराको सिकार नगरेको पाइएको आरक्षले जनाएको छ। ढोरपाटन सिकार आरक्षबाट सङ्कलन हुने राजस्व जिल्लाले नै बहन गर्न पाउनुपर्ने माग स्थानीयवासीबाट पटकपटक उठ्ने गरेको छ।

एलएलबी द्वितीय वर्षको परीक्षाफल प्रकाशित

काठमाडौँ-त्रिभुवन विश्वविद्यालय, परीक्षा नियन्त्रण कार्यालय, बल्खुद्वारा २०७१ सालमा सञ्चालित कानुन सङ्कायतर्फ एलएलबी द्वितीय वर्षको परीक्षाको परीक्षाफल केन्द्रीय परीक्षा सञ्चालक समितको निर्णयानुसार आज प्रकाशन गरिएको छ ।

शुल्क बृद्धिको विरोधमा अनिश्चितकालीन तालाबन्दी

धनगढी–कैलालीका चार विद्यार्थी संगठनले निजी शैक्षिक संस्थाले वृद्धि गरेको शुल्क फिर्तालगायत बेतिथी अन्त्य हुनपर्ने माग राख्दै आइतबार कैलालीका निजी विद्यालय बन्द गरेका छन। बन्द गराउने क्रममा ४ बिद्यालयमा तोडफोड समेत...

घाँस काट्नेक्रममा भीरबाट लडेर युवतीको मृत्यु

खोटाङ– भीरबाट लडेर खोटाङमा युवतीको ज्यान गएको छ। घाँस काट्नेक्रममा स्थानीय आँतरे भीरबाट लडेर डिकुवा–१ तुइम्बुकी २० वर्षीय तेजुमायाँ राईको ज्यान गएको हो।

दश हजार घुस खाने नापी सर्वेक्षक पक्राउ

काठमाडौं–जिल्ला नापी कार्यालय बाँकेका नापी सर्वेक्षक देवेन्द्रप्रसाद कुम्हार दश हजार रुपैंया घुस लिएको अभियोगमा पक्राउ परेका छन्।

एउटै रुखमा पासो लगाएर तीन बालिकाद्वारा आत्महत्या

भीमदत्तनगर-बझाङको सुर्मा गाविसमा एउटै रुखमा पासो लगाएर तीन बालिकाले सामूहिक आत्महत्या गरेका छन् ।बझाङको सुर्मा गाविस–५ का १४ वर्षीया जुनतारा पुजारा, १४ वर्षीया रेखा पुजारा र १५ वर्षीया कविता बोहराले...

रेडियो नेपालका अधिकृत विरुद्ध मुद्दा दायर

काठमाडौं–नक्कली शैक्षिक योग्यता प्रमाणपत्र पेश गरेर सरकारी सेवमा प्रवेश गरेको भन्दै रेडियो नेपालमा कार्यरत प्रसाशकीय अधिकृत सुरेश कुमार बज्राचार्य विरुद्ध अख्तियार दुरुपयोग अनुसन्धान आयोगले विशेष अदालत काठमाडौंमा मुद्दा दायर गरेको...

अवरोध पुर्याउनेलाई कारवाही हुने

दैलेख–स्थानीयले विभिन्न बहानमा राष्ट्रिय गौरवको मध्यपहाडी राजमार्ग निर्माणमा अवरोध पुर्‍याउन थालेपछि स्थानीय प्रशासनले सर्वपक्षीय भेला बोलाएर त्यस्ता व्यक्तिलाई कारवाही गर्ने निर्णय गरेको छ।

अफ्रिकामा अलपत्र पार्नेलाई हत्या गर्न हिँडेकाहरु पेस्तोल सहित पक्राउ

चितवन—चितवन प्रहरीले शनिबार दिउँसो नारायणगढ नारायणी नदी किनारबाट एक एक थान सिक्सर रिवल्वर र कटुवा पेस्तोलसहित पाँचजनालाई पक्राउ गरेको छ।