Monday 14 Bhadra, 2072 |
Menu

समाज

republica-header

ist-cc

राजस्व छल्न नक्कली स्टिकर प्रयोग

  • सोमबार १० भाद्र, २०७०
  • उपेन्द्र यादव
  • DISQUS_COMMENTS
(0 votes)
बारा - बाराको प्रसौनीमा रहेको भवानी डिस्टीलरीले राजस्व छल्न नक्कली स्टिकर प्रयोग गरेको खुलेपछि आन्तरिक राजस्व कार्यालय सिमराले अनुसन्धान सुरु गरेको छ।
नक्कली स्टिकर प्रयोग गरी राजस्व छली गरेको आरोपमा आन्तरिक राजस्व विभागको आदेशपछि आन्तरिक राजस्व विभाग सिमराले डिस्टीलरी माथि अनुसन्धान सुरु गरेको हो। आन्तरिक राजस्व विभागले भवानी डिस्टिलरी माथि छानविन गर्न साउनमा आन्तरिक राजस्व कार्यालय सिमरालाई पत्राचार गरेको थियो।
आन्तरिक राजस्व कार्यालय सिमराका प्रमुख कृष्णप्रसाद पराजुलीले भवानी डिस्टिलरीले उत्पादन गरेको मदिराको बोतलमा १५ लाख बराबरको मदिरामा अन्तशुल्कको नक्कली स्टिकर र ३० लाखको मदिरामा प्रयोग गरिने कच्चा पदार्थ स्प्रिटको हिसाब नदेखाएको आरोपमा छानविन सुरु गरिएको बताए। 
उद्योगले उत्पादन गरेको 'एक्स्ट्रा ड्राइजिन' ब्रान्डको मदिरामा अन्तशुल्कको नक्कली स्टिकरको प्रयोग गरेको पाइएकोले प्रयोगशालाको जाँचपछि हिसाब नदेखाएको रु. ३० लाखको सम्पति महालेखाले बेरुजु ठहर गर्दा छानविनको लागि दुबै मुद्दामा रु.१५ लाखको धरौटी राख्न लगाएको कुरा प्रमुख पराजुलीले बताए। 
ती उद्योगले उत्पादन गरेको लगभग ७० कार्टुन एक्स्ट्रा ड्राइजिन ब्रान्डको मदिरा बोतलमा नक्कली स्टिकर जनकपुरको विक्रेता शान्ति ट्रेडर्सबाट फेला परेको थियो। १७ हजार करदाता मध्ये यो उद्योगले पनि वार्षिक करोडौ रुपैयाँ राजस्व तिर्दै आएको छ। 
उद्योगले मदिरा उत्पादन गरे वापत आर्थिक वर्ष २०६९/०७० मा भ्याट, आयकर र अन्तशुल्क गरी झण्डै छ करोड राजस्व आन्तरिक राजस्व कार्यालय सिमरालाई बुझाएको आन्तरिक राजस्व कार्यालय सिमराले जनाएको छ। 
भवानी डिस्टीलरीका बजार व्यवस्थापन प्रमुख गणेश भट्टले आन्तरिक राजस्व कार्यालयले गरेको अनुसन्धान बारे आफूलाई थाहा नभएको कुरा बताए। उनले कारखानाले उत्पादन गरेको मदिराका बोतलहरुमा आन्तरिक राजस्व कार्यालय सिमराका प्रतिनिधिहरुको रोहबरमा नै स्टिकर टाँस्ने गरेकोले नक्कली स्टिकर टाँसेको भन्ने कुरा झूठो भएको बताए।

प्रतिक्रिया

माइक्रोबसमा आगजनी, अवस्था तनावग्रस्त

सप्तरी-सीमाङ्कनको विरोधमा उत्रिएका मधेसी मोर्चाको अनिश्चितकालीन बन्दको क्रममा बन्दको अवज्ञा गरेको भन्दै आन्दकोलनकारीले सोमबार बिहान पूर्व–पश्चिम राजमार्गअन्तर्गत सप्तरीको रुपनीमा एउटा माइक्रोबसमा आगजनी गरेका छन्।

सात प्रहरी कारबाहीमा

बुटवल— प्रहरी अनुशासन र आचरण विपरीत काम गर्ने सात प्रहरी विरुद्ध इलाका प्रहरी कार्यालय बुटवलले अनुशासनको कारबाही सुरु गरेको छ। अरुलाई अनुशासन र आचरणको पाठ सिकाउने प्रहरी आफैँ आचरण विपरीत काम...

चार वर्षमा २९ महिना तालाबन्दी

काठमाडौं- चार वर्षयता भइरहेको 'तालाबन्दी' राजनीतिका कारण नेपाल संस्कृत विश्वविद्यालयका नवनियुक्त उपकुलपति प्राडा कुलप्रसाद कोइरालाले विश्वविद्यालयको काठमाडौं, बसन्तपुरस्थित पुस्तक बिक्री भण्डारमा बसेर काम गर्नु परेको छ।

गाईजात्राले सम्झायो भूकम्प

काठमाडौं- गाईजात्रा मनाइरहेका काठमाडौं, भक्तपुर र ललितपुरका नेवार बस्तीले आइतबार सांस्कृतिक रुपमा वैशाख १२ को भूकम्प सम्झाए। ज्यान गुमाएका परिवारका सदस्यको आत्मा शान्तिका लागि मुखमा जुँगा, निधारमा टीका, ओठमा लाली...

बन्दले निस्सासिए तराईबासी

बन्दले निस्सासिए तराईबासी

विराटनगर- दिनभर प्रदर्शनकारी नियन्त्रणमा खट्ने मोरङ प्रहरी रातभर मालवाहक सवारीसाधन एस्कर्टिङ गर्छन्। भारत र तेस्रो मुलुकबाट सामान लिएर आएका मालवाहक ट्रक र कन्टेनर बन्दले लामो समयदेखि भन्सार नाकामै रोकिएपछि सातायता...

टिचिङका डाक्टर आन्दोलित

काठमाडौं- चिकित्सा शिक्षाको विकृतिविरुद्ध आमरण अनशनरत वरिष्ठ हाडजोर्नी रोग विशेषज्ञ डा. गोविन्द केसीको स्वास्थ्य स्थिति गम्भीर बन्दै जाँदा पनि सरकारले माग पूरा गर्न तत्परता नदेखाएको भन्दै सहकर्मी चिकित्सकहरूले आन्दोलन चर्काउने...

रौतहटमा राजमार्गमा चन्दा असुल्ने पक्राउ

रौतहट–पूर्व–पश्चिम राजमार्ग सडक खण्डमा सवारी साधनलाई रोकेर चन्दा असुल गर्ने एक जनालाई प्रहरीले पक्राउ गरेको छ। स्थानीय चन्द्रपुर नगरपालिका–३ रजपैराटोलका २८ वर्षीय किरण कुमार विश्वकर्मालाई आइतबार प्रहरीले पक्राउ गरेको हो।

दुर्लभ अजिङ्गरको उद्धार

कोहलपुर–दुर्लभ प्रजातीको अजिङ्गरको कोहलपुरबाट उद्धार गरिएको छ। कोहलपुर– १० स्थित जगदि चौधरीको घरमा शनिबार राति फेला परेको अजिङ्गरको बच्चालाई उद्धार गरि बाँके राष्ट्रिय निकुञ्जमा छोडिएको छ।