Friday 29 Magh, 2072 |
Menu

समाज

republica-headerdiscount-subscribe1

istl

एसएसपीको कमान्डमा निर्वाचन सेल

(0 votes)
काठमाडौं— प्रहरी प्रधान कार्यालयले निर्वाचन सुरक्षाको अनुगमन र समन्वय गर्न क्षेत्रीय निर्वाचन सेल गठन गरेको छ । पाँच विकास क्षेत्र र उपत्यका हेर्नेगरी एसएसपीको कमान्डमा सेल गठन भएको हो।
nepalipatro-nagarik
प्रधान कार्यालयस्रोतका अनुसार पूर्वमा लक्ष्मण न्यौपाने, मध्यमा सुदीप आचार्य, उपत्यकामा पवनप्रसाद खरेल, पश्चिममा पुष्प रञ्जिन, मध्य ज्ञानोदराज वैद्य र सुदूरपश्चिममा सुवास चौधरीको नेतृत्वमा क्षेत्रीय सेल गठन भएको छ ।

प्रधान कार्यालयले निर्वाचन सुरक्षाको तयारी र योजनाका लागि यसअघि नै कार्य विभाग प्रमुखको नेतृत्वमा केन्द्रीय निर्वाचन सेल गठन गरिसकेको छ । सेलको प्रमुख एआइजी पुष्करनाथ रेग्मी छन् ।

स्रोतअनुसार गृह मन्त्रालयले बनाउने एकीकृत सुरक्षा योजनाका आधारमा क्षेत्रीय निर्वाचन सेल गठन गर्ने तयारी थियो । गृहले सुरक्षा निर्देशिका जारी गरे पनि एकीकृत सुरक्षा योजनालाई पूर्णता दिन सकेको छैन ।

गृहले योजना बनाउन ढिलाइ गरेपछि केही दिनअघि बसेको केन्द्रीय निर्वाचन सेलको बैठकले क्षेत्र, अञ्चल र जिल्लासँग समन्वय गरेर निर्वाचन सुरक्षा रणनीति कार्यान्वयन गर्ने जिम्मेवारीसहित क्षेत्रीय सेल गठन गरेको हो ।

निर्वाचन सुरक्षाबारे प्रतिवेदन गृह मन्त्रालय पुगिसकेको छ । करिब ५४ हजार प्रहरी खटाउन सकिने प्रतिवेदनमा उल्लेख छ । सेलमा एसपी, डिएसपी, प्रहरी निरीक्षकलगायत गरी आठभन्दा बढी प्रहरी कर्मचारी सहयोगी रहने छन् ।

गृहले जारी गरेको निर्देशिकामा निर्वाचन सुरक्षाको नेतृत्व प्रहरीलाई तोकिएकाले केन्द्रीय निर्वाचन सेलले सोहीअनुसार तयारी गरेको एक सुरक्षा अधिकारीले जानकारी दिए ।

निर्वाचन अगाडि, निर्वाचनको समय र मतदानपछि गरी तीन चरणमा विभाजन गरिएको प्रस्तावित सुरक्षा योजनामा प्रहरीलाई उम्मेदवार, विशिष्ट व्यक्ति, निर्वाचन कार्यालय, प्रचारप्रसार तथा सभा–जुलुस र मतदानस्थलको सुरक्षा जिम्मा दिने उल्लेख छन् ।

मतदानका दिन प्रहरीलाई मतदान केन्द्र, मतदाता, मतपत्र र मतपेटिकाको सुरक्षाको जिम्मेवारी तोक्ने तयारी गरिएको स्रोतले बताएको छ । 'निर्वाचनपछि मतपेटिका ल्याउने, मतपेटिका संकलनस्थल तथा गणनास्थलको सुरक्षा जिम्मा जनपद प्रहरीलाई दिने कि सशस्त्रलाई भन्ने तय हुन बाँकी छ,' स्रोतले भन्यो, 'विजय जुलुस, ¥याली र उम्मेदवारको सुरक्षा तथा जुलुस व्यवस्थापनको जिम्मेवारी प्रहरीलाई नै तोकिनेछ ।'

प्रतिक्रिया

प्रेमिकालाई रातो गुलाब दिँदै हुनुहुन्छ?

काठमाडौं- अमेरिकामा गरिएको एउटा अनुसन्धानअनुसार प्रेम अभिव्यक्त गर्न दिइएको रातो गुलाबभन्दा अरु नै सिर्जनात्मक प्रेमप्रस्ताव वा प्रेम प्रदर्शन युवतीहरुले रुचाउने गरेको देखिएको छ। उनीहरूले रातो गुलाब उपहार दिने प्रेमीलाई 'अल्छ्याहा'...

प्रेमको नाममा ४० लाखको गुलाब

प्रेमको नाममा ४० लाखको गुलाब

काठमाडौं- विश्वका धेरै युवायुवतीलाई एकै दिन प्रणयसूत्रमा बाँधिदिने फेब्रुअरी १४ अर्थात् भ्यालेन्टाइन डे फागुन २ गते आइतबार परेको छ। यही दिनमा रातो गुलाब उपहार दिन चाहने युवायुवतीलाई लक्षित गरी यस...

दुर्गन्धित चोक, लाचार उपमहानगर

काठमाडौं- रत्न महर्जन, कृष्ण गल्ली पाटनमा खुद्रा पसल गर्छन्। उनको पसल अगाडि चोक पर्छ। त्यो चोकमा सधैँ फोहोर थुप्रिएकै हुन्छ। पसलकै सिधा अगाडि थुप्रिएको फोहरको गन्धले महर्जनलाई पसलमा बस्नै अप्ठ्यारो...

पीडितले चाहे मात्र मेलमिलाप वा क्षमादान

काठमाडौं- लामो समयदेखि मन्त्रिपरिषदमा रोकिएको सत्यनिरुपण तथा मेलमिलाप आयोगको नियमावली सरकारले अन्ततः पारित गरेको छ। करिब ६ महिनादेखि विभिन्न मन्त्रालय हुँदै मन्त्रिपरिषदमा रोकिएको नियमावलीलाई केही संशोधन गर्दै सरकारले पारित गरेको...

रक्सौलबाट सात दिनमा ३ सय ६५ ट्यांकर इन्धन

रक्सौलबाट सात दिनमा ३ सय ६५ ट्यांकर इन्धन

वीरगन्ज- रक्सौलस्थित इन्डियन आयल कर्पोरेसनको डिपोबाट वीरगन्ज नाका भएर यो नाका शुक्रबार खुलेदेखि ३ सय ६५ भन्दा बढी ट्यांकर इन्धन आयात भएको छ। आन्दोलनरत मधेसवादी दलद्वारा १ सय ३४ दिन...

८६ बर्षीय बृद्धलाई जलाएर हत्या गरेको आरोपमा छिमेकी पक्राउ

चितवन-मकवानपुर प्रहरीले एकजना वृद्धलाई घरभित्रै आगो लगाएर हत्या गरेको आरोपमा मृतकका छिमेकीलाई गिरफ्तार गरेको छ । मकवानपुर हेटौंडा उपमहानगरपालिका वडा नं. ८ कमानेका ६४ वर्षीय कृष्णबहादुर आले मगरलाई प्रहरीले समाएको...

टिचिङको फोन नउठ्दा सुशील दाईलाई बचाउन सकिएनः डा. योगी

काठमाडौं–नेपाली काग्रेसका दिवंगत सभापति एवं पूर्व प्रधानमन्त्री सुशील कोइरालाका निजी चिकित्सक डा. कविरनाथ योगीले त्रिवि शिक्षण अस्पतालको एक्सचेन्जको टेलिफोन नउठ्दा कोइरालालाई उपचारको लागि अस्पताल लान नसकिएको बताएका छन्।

ताप्लेजुङमा 'बहुदले किरा' आतंक

ताप्लेजुङ–हिउँद याममा बर्षेनी झुसिलकिराको प्रकोप खेप्दै आएका ताप्लेजुङको कालिखोला, सादेवा र पाँचथरको फलैंचाका बासिन्दाले यो वर्षपनि त्यो पीडाबाट मुक्ती पाएनन्।