Friday 8 Jestha, 2072 |
Menu

समाज

आम्दा अस्पताललाई धमाधम सहयोग

  • आइतबार ९ भाद्र, २०७०
  • राजु अधिकारी
  • DISQUS_COMMENTS
(0 votes)
झापा– बन्द हुनै लागेको अवस्थामा स्थानीयबासीले अस्पताल चलाउने जाँगर देखाएपछि झापा धुलाबारीको मेची आम्दा अस्पताललाई धमाधम सहयोग जुट्न थालेको छ। पूर्वोत्तर झापाको एक मात्र यो सामुदायिक अस्पताल आर्थिक रुपमा थला परेपछि भदौदेखि बन्द गर्ने निर्णयमा आम्दा पुगेको थियो।
तर, अस्पताल सञ्चालनमा शुरुदेखि नै आम्दासँग सहकार्य गर्दै आएका मेचीनगर नगरपालिका र मेची उद्योग वाणिज्य संघले अस्पताल बन्द हुन नदिन स्थानीयलाई गुहारेका थिए। साउन अन्तिम साता भएको एउटा सर्वपक्षीय भेलामा अस्पताल बन्द नगर्ने निर्णय भएपछि अहिले धमाधम सहयोग जुट्न थालेको हो।

यसैक्रममा शान्ति तथा पुर्ननिर्माण मन्त्रालयले अस्पताललाई भौतिक पूर्वाधार विकासका लागि ५० लाख रुपैयाँ अनुदान सहयोग दिने भएको छ । अस्पताल परिषरमा पक्की घेराबारा गर्न तथा अन्य पूर्वाधार विकासका लागि अस्पताल सञ्चालक समितिले मन्त्रालयमा प्रस्ताव पेश गरेको थियो । अस्पताल सञ्चालनमा साझेदारी गर्दै आएको मेची उद्योग वाणिज्य संघका अनुसार समितिको प्रस्तावप्रति सकारात्मक बन्दै मन्त्रालयले ५० लाख रुपैयाँ उपलब्ध गराउने भएको हो ।

त्यसैगरी आम्दा इन्टरनेशनल जापानको एउटा उच्चस्तरीय टोलीले पनि झापा आएर अस्पतालका सरोकारवालाहरुसँग छलफल गरेको छ। आम्दा इन्टरनेशनल जापानकी अन्तर्राष्ट्रिय सम्बन्ध विभागकी प्रमुख जुनुको ओगुरा नेतृत्वको टोलीले धुलाबारीमा सरोकारवालाहरुसँग अन्तरक्रिया गरेको हो। जापानी टोलीलाई अस्पताल सञ्चालक समितिले उपचारमा प्रयोग हुने उपकरणहरु सहयोग गर्न आग्रह गरेको छ । अस्पताललाई आर्थिक रुपले सबल बनाउन ल्याव असिसटेण्ट कक्षा चलाइने भएको छ । यसका लागि जापानी टोलीसँग सहयोग मागिएको हो। 'यहाँका जनताले अस्पताल चलाउन गरेको पहल प्रशंसनीय पायौं', शनिबार मात्रै काठमाडौं फर्केकी टोली प्रमुख ओगुराले भनिन् 'हामी जापान पुगेपछि अस्पतालका लागि परिणाममुखी पहल गर्नेछौं ।' उनले अन्य सहयोगका लागि पनि आफुहरु तत्पर रहेको बताएकी छन्। स्थानीय दाताले दान गरेको अस्पतालको दुई विघाभन्दा बढी जमिन नगरपालिकाको नाममा नामसारी भएपछि अन्य दाताहरुले सहयोग गर्ने वातावरण बनेको अस्पताल प्रशासनको भनाई छ ।

२०६५ देखि सेवा शुरु गरेको १५ शैय्याको यो अस्पताल सञ्चालनको पाँच वर्ष पूरा नहुँदै ७९ लाखभन्दा बढी घाटामा गएको थियो। घाटा बढेकै कारण आम्दा प्रशासनले धुलाबारीमा कार्यरत १७ जना स्वास्थ्यकर्मीलाई अवकाश दिएर सेवा बन्द गर्ने संकेत दिएको थियो । नगर क्षेत्रको अस्पताल बन्द हुन नदिन चौतर्फी दबाब परेपछि नयाँ ढंगले अस्पताल जोगाउने पहल शुरु भएको हो।

अहिले अक्षय कोष खडा गर्ने अभियान पनि शुरु भइसकेको छ। अक्षयकोषका लागि मेची उद्योग वाणिज्य संघका अध्यक्ष विजय डालमिया, कल्याण खड्का लगायतका स्थानीयले १ –१ लाख रुपैयाँ दान गर्ने घोषणा गरिसकेका छन्। त्यसबाहेक उद्योग वाणिज्य संघले तत्काललाई १० लाख रुपैयाँ र नगरपालिकाले वर्सेनि ६ लाख रुपैयाँ उपलब्ध गराउने भइसकेका छन्।

तर, स्थानीयबासीले रकमले मात्रै नभई दरिलो व्यवस्थापन र स्तरीय सेवामा अस्पतालको भविष्य निर्भर हुने बताएका छन् । 'अस्पताललाई सहयोग गर्नेहरु प्रशस्तै निस्केका छन् यो खुशीको कुरा हो', स्थानीयबासी छत्रमणि खनाल भन्छन् 'तर, पैसा ओइरिएर मात्रै अस्पताल चल्दैन । विशेषज्ञ सेवा र बलियो व्यवस्थापन आवश्यक पर्छ ।' अहिले नगरपालिकाको नेतृत्वमा अस्पतालको व्यवस्थापन हुँदै आएको छ । यद्यपि स्थापनाकालदेखि नै विशेषज्ञ चिकित्सक अस्पतालमा एक जना पनि छैनन् । स्थानीयबासीले कम्तीमा तीन जनासम्म विशेषज्ञ चिकित्सक आवश्यक पर्ने भन्दै त्यसको व्यवस्था गर्न माग गर्दै आएका छन् ।

'भीरमा लाश देखिन्छ, निकाल्न सकिँदैन'

गोरखाबजार- वैशाख १२ मा गएको विनाशकारी भूकम्पमा परी गोरखाको विभिन्न भीरमा ज्यान गुमाएकाको शव अझै निकाल्न सकिएको छैन।

कक्षा ११ र १२ को परीक्षा विद्यार्थीमैत्री, ‘समस्या भए कलेजलाई खबर गर्नू’

कक्षा ११ र १२ को परीक्षा विद्यार्थीमैत्री, ‘समस्या भए कलेजलाई खबर गर्नू’

काठमाडौं-सिन्धुपाल्चोक सिम्पालकाभ्रेका राजन खत्री व्यवस्थापन विषय पढेर कुशल व्यवस्थापक बन्ने सपनासहित काठमाडौं आए। सिनामंगलस्थित बुद्धेश्वरी उच्च माविमा भर्ना भए । कक्षा ११ राम्रैसँग पास गरे । अनि वैशाख २० गतेदेखि...

भूकम्प त्रास फैलाउनेहरू प्रहरी निगरानीमा

भूकम्प त्रास फैलाउनेहरू प्रहरी निगरानीमा

काठमाडौं- ठूलो भूकम्प आउने भविष्यवाणी गर्दा ज्योतिष ओजराज लोहनी प्रहरीको फन्दामा परे । भूगर्भविदहरूले नै भूकम्प आउने-नआउने पूर्वानुमान गर्न नसकिने स्वीकार गरिरहेका बेला लोहनीले एक टेलिभिजन अन्तर्वार्ता क्रममा ठूलो भूकम्प...

अस्थायी केन्द्रमा रमाउँदै विद्यार्थी

अस्थायी केन्द्रमा रमाउँदै विद्यार्थी

देवीटार (काभ्रे)-वैशाख १२ को विनाशकारी भूकम्प र निरन्तर परकम्पले देवीटार–७, लामाटोलको देवीस्थान निमाविका चारवटा कक्षाकोठा पूर्ण क्षतिग्रस्त भए । यसै वर्षदेखि मावि तहसम्म स्वीकृति पाएको विद्यालयका बाँकी कक्षाकोठा पनि आंशिक...

घरभाडा मासिक छ रुपैयाँ !

काठमाडौं- उपत्यकाका असन, पाटन लगायतका व्यापारिक क्षेत्रमा घरको भाडा कति होला ? ५० हजारदेखि १ लाखसम्म । हाम्रो अनुमान यही हुन्छ । चल्तीको दर पनि यही हाराहारी छ ।

अठासी हजार विद्यार्थीको पढाइ अन्योलमा

अठासी हजार विद्यार्थीको पढाइ अन्योलमा

सिन्धुपाल्चोक- महाभूकम्पबाट सर्वाधिक क्षतिग्रस्त सिन्धुपाल्चोकका सबै शैक्षिक संस्था ध्वस्त भएकाले तत्काल विद्यालय सञ्चालन गर्न नसकिने देखिएको छ । जिल्ला शिक्षा कार्यालय तथा शिक्षक राहत वितरणलगायत काममा अल्झिनुपर्दा महाभूकम्पपछि विद्यालय सञ्चालनबारे...

आरुघाटका भूकम्प पीडित भन्छन्- 'घरटहरा बनाउँ कि त्रिपालमै बसौँ'

आरुघाट (गोरखा)- आरुचनौटे गाविस आरुघाटका किरणकुमार चौहान भूकम्पले पक्की घर भत्किएपछि अब नयाँ घर टहरा बनाउने, नबनाउने भन्ने चिन्तामा छन्। भूकम्पले भत्काएको उनको घर गोरखा र धादिङको सीमाना भएर बन्ने...

अमेरिकी इन्जिनियरबाट दुई हजार भवन जाँच

काठमाडौँ- ग्लोबल फेयरनेस इनिसियटिभ एन्ड ब्रिक क्लिन ग्रुप नेपालले सहरी विकास मन्त्रालयको सहकार्य र अमेरिकी इन्जिनियरको सक्रियतामा दुई हजार भवनको प्राविधिक परीक्षण गरेको छ।