Tuesday 21 Baishak, 2073 |
Menu

समाज

republica-headerdiscount-subscribe1

istl

१३ वर्षदेखि मलद्वारविहीन

  • आइतबार ९ भाद्र, २०७०
  • प्रवीण ढकाल
  • Be the first to comment!
(0 votes)
काठमाडौं - जन्मँदै मलद्वार नभएकी १३ वर्षे एक बालिकाको पेटबाट करिब १० केजी दिसा निकालिएको छ। दिसा निकालिएलगत्तै उनको मलद्वार बनाउने शल्यक्रिया पनि सुरु भएको छ।
nepalipatr-april
ओखलढुंगा पोखरे गाविस–४ घिमिरेडा“डाकी १३ वर्षे किशोरी लीला विकको जन्मजात मलद्वार नभएका कारण १३ वर्षदेखि पेटभित्र नै थुप्रिएर बसेको दिसा तथा अन्य फोहोर पदार्थ  शनिबार शल्यक्रियाद्वारा निकालिएको हो। शल्यक्रियाका क्रममा उनको पहिलो चरणमा अन्द्राबाट दिसा बाहिर जाने बाटो बनाइएको छ।
विकको बसुन्धरास्थित ग्रिनसिटी अस्पतालले शनिबार निःशुल्क शल्यक्रिया गरी दिसा जाने बाटो बनाएको हो। अस्पतालले पहिलो चरणमा दिसा जाने बाटो बनाएको र अबको चार महिनापछि पुनः अर्को शल्यक्रिया गरी मलद्वार नै बनाउने जनाएको छ। उनले हालसम्म खाएको खाना पेटमै जम्मा भएर पेट फुँलिदै गएको थियो।
बालिकाको शल्यक्रिया अस्पतालका पेडियाटि्रक सर्जन डाक्टर गेहराज दाहालको टोलीले गरेको हो। डा. दाहाल र डा. दिप्तेश अर्यालसहितको टोलीले शनिबार तल्लो पेटको देब्रेपट्टिबाट प्वाल पारी पाइपबाट दिसा गर्ने अस्थायी बाटो खुलाएका हुन्। चिकित्सक दाहालका अनुसार शल्यक्रियापछि बालिकाको तौल २२ केजी भएको छ। शल्यक्रिया गर्नुपूर्व उनको पेटमा भएको दिसाका कारण उनको तौल करिब ३२ केजी थियो।
'खाएको कानेकुरा शरीरबाट बाहिर जान नपाउँदा बालिकाको पेट फुलेर निकै ठूलो भएको थियो,' डा. दाहालले भने, 'शल्यक्रियापछि उनको पेट सबै घटेर सामान्य अवस्थामा आएको छ।' उनका अनुसार पहिलो चरणमा आन्द्राबाट दिसा बाहिर जाने बाटो बनाइए पनि मलद्वार बनाउन केही समय लाग्नेछ।
अस्पतालका अध्यक्ष एलबी टण्डनका अनुसार अस्पतालले बालिकाको सबै उपचार निःशुल्क गरेको छ। 'बालिकाको मलद्वार बनाउने काम बल्ल सुरु भएको छ,' टण्डनले भने, 'बालिकाको जीवन बचाउन अस्पतालले सबै खर्च निःशुल्क गरेको हो।' उनका अनुसार बालिका अस्पतालमा एक साताअघि उपचारका लागि भर्ना भएकी थिइन्।
उपचारमा संलग्न विशेषज्ञ डा. दाहालले लामो समयदेखिको खानेकुराले ती किशोरीको आमासयदेखि ठूलो आन्द्राको भाग पूरै भरिएको बताए। 'त्यही खानेकुरा भरिँदा आन्द्रा फुल्दै गएर पेट अस्वाभाविक रुपमा बढेको हो,' उनले भने, 'चिकित्सकीय भाषामा यो अवस्थालाई एनोरेक्टोल माल्फरमेसन भन्छौं, त्यसमध्ये पर्ने विभिन्न समस्यामध्ये यो समस्या 'रेक्टोभेजाइनल फिस्टुला' हो।'
डा. दाहालले ती बालिकाले खाएको खानाबाट निकै थोरै मात्रा पातलो रसका रुपमा पिसाबद्वारबाट बाहिरिने गरेको बताए। उनका अनुसार यो जन्मजात विकृति हो, मलद्वार र पिसाबद्वारबीचको दुई सेन्टिमिटर भागमा मसिनो नलीजस्तो बनी त्यसैबाट दिसा पातलो रसका रुपमा पिसाबद्वारबाट बाहिरिने गरेको छ। जन्मनासाथ उपचार पाएको खण्डमा एउटै अप्रेसनले सफल हुने त्यस्तो केस उमेर छिप्पिँदै जाँदा बढी समय लाग्ने भएको उनले बताए।
डा. अर्यालका अनुसार यो अप्रेसनपछि किशोरीले जति खाना पनि खान मिल्छ। उनको फुलेको अन्द्रा बिस्तारै सुक्दै जाने उनले बताए। 'शरीरका अन्य अंग बिस्तारै मोटाउनेछन्,' उनले भने, 'त्यसपछि उनको दोस्रो चरणको मलद्वार बनाउने अप्रेसन गरिनेछ।' उनका अनुसार हाल बनाइएको अस्थायी बाटोलाई बन्द गरी दोस्रो चरणको अप्रेसनमा बालिकाको मलद्वारबाटै दिसा गर्ने व्यवस्था मिलाइनेछ। यसका लागि किशोरीको उपचार सकिन करिब ६ महिना लाग्ने उनले बताए।
अध्यक्ष टण्डनका अनुसार तीन चरणमा उपचार हुने ती किशोरीको उपचारमा करिब २ लाख ५० हजार खर्च हुनेछ। बिरामी र आफन्तसहित दुई जनालाई खानबस्न, घरबाट आउने जाने व्यवस्थासहित सबै खर्च अस्पतालले व्यवस्था गरेको उनले बताए।

प्रतिक्रिया

नेपालबारे नकारात्मक लेख्ने क्यानडेली नागरिक पक्राउ

काठमाडौं– नेपालका विषयमा सामाजिक सञ्जालमार्फत अनावश्यक टिप्पणी गर्ने एक क्यानडेली नागरिकलाई प्रहरीले पक्राउ गरेको छ।

ब्लड क्यान्सरका बिरामीलाई आर्थिक सहयोग

ब्लड क्यान्सरका बिरामीलाई आर्थिक सहयोग

काठमाडौं- ब्लड क्यान्सरका बिरामी कविता तामाङको उपचारका लागि हङकङमा सकंलन गरिएको ५ लाख ११ हजार रुपैयाँ हस्तान्तरण गरिएको छ। सिभिल हस्पिटलमा उपचार भइरहेको तामाङलाई सोमबार हङकङका प्रतिनिधिहरुले सो रकम हस्तान्तरण...

नियमिततर्फका विद्यार्थीलाई आंशिकतर्फको प्रश्नपत्र परेपछि...

जाजरकोट- कक्षा १२ को परीक्षाअन्तर्गत जाजरकोटको एक परीक्षा केन्द्रमा २९ गते हुने परीक्षाको प्रश्नपत्र विद्यार्थीलाई बाँडिएको छ। नारायणी उच्च मावि कार्कीगाउ परीक्षा केन्द्रमा नियमिततर्फका विद्यार्थीहरुको अनिवार्य अंग्रेजी विषयको परीक्षा भएपनि...

बहिनी बलात्कार गर्ने पक्राउ

कोहलपुर- वर्षौदेखि आफ्नै बहिनी नाता पर्ने दश वर्षीया बालिकालाई जबर्जस्ती करणी गर्दै आएका २२ वर्षीय युवकलाई कोहलपुर प्रहरीले पक्राउ गरेको छ। सुर्खेत भेरीगंगा-५ घर भई बाँके नौवस्तामा आफ्नै अंकलको घरमा...

तुँवालोले दिउँसै अध्यारो

तुँवालोले दिउँसै अध्यारो

डोटी– सिलगढीका तारा सिँह सोब (७६) हिजोआज अचम्म छन्। बैशाखको महिनामा पनि बिहान देखी साँझसम्म एकनाशको तुँवालो लागेको देख्दा उनी अचम्ममा परेका छन्। 'हिउँदमा त, बिहान र साँझ यसरी सधैं...

क्यानाडाको भिसा लगाइदिन्छु भन्ने कन्सल्टेन्सी सञ्चालक प्रहरी फन्दामा

क्यानाडाको भिसा लगाइदिन्छु भन्ने कन्सल्टेन्सी सञ्चालक प्रहरी फन्दामा

काठमाडौं– क्यानाडाको नक्कली भिसा लगाएर पैसा असुल्ने कन्सलटेन्सी सञ्चालक पक्राउ परेका छन्। बसुन्धारास्थित प्रवल एजुकेशन कन्सल्टेन्सीका सञ्चालक डेन्जीन लामालाई प्रहरीले पक्रेको हो। लामाले क्यानाडाको भिजिड भिसा लगाइदिने भन्दै विभिन्न व्यक्तिबाट...

खोटाङबासीले एक महिनासम्म दिउँसो बिजुली नपाउने

खोटाङ– गाईघाट–बुईपा ११ केभी प्रशारणलाइनलाई ३३ केभी क्षमताको बनाउने काम सुरु भएसँगै खोटाङमा महिना दिनका लागि प्रत्येक दिन दिउँसो विद्युत कटौती गर्न थालिएको छ।

विद्यालय गएका तीन विद्यार्थी बेपत्ता

रत्ननगर (चितवन)—पूर्वी चितवनका तीन जना विद्यार्थी तीन दिनदेखि बेपत्ता भएका छन्। कालिका नगरपालिका–६, खोलेसिमलका अस्विन धमला, कालिका–६, गुराउचौरका थोमस लामिछाने र कालिका–८, लंकालाईनका राजु गुरुङ बेपत्ता भएको परिवारले जनाएका हुन्।