14 Chaitra, 2071 |
Menu

समाज

HUB

छुट्टाछुट्टै दुर्घटनामा ३ को मृत्यु, दर्जनौं घाइते

  • ८ भाद्र, २०७०
  • रासस
  • DISQUS_COMMENTS
(0 votes)
रत्ननगर (चितवन) - चितवनको मुग्लिन नजिकै ग्रामीण सडकमा भएको मिनीट्रक दुर्घटनामा आज दुईजनाको मृत्यु भएको छ। अन्य एकदर्जन घाइते भएका छन्। दुर्घटनामा परी मृत्यु हुनेमा दारेचोक गाविसकी डम्बरकुमारी थापा र पश्चिम चितवन जगतपुरका हरिप्रसाद सुवेदी रहेको चितवन प्रहरीले जनाएको छ। घाइतेमध्ये ६ जनाको अवस्था गम्भीर रहेको छ। केही घाइतेको मुग्लिन उपचार भइरहेको र केहीलाई भरतपुर ल्याइएको इलाका प्रहरी कार्यालय मुग्लिनले जनाएको छ।
यहाँको ग्रामीण क्षेत्र तामिनबाट मुग्लिन आउँदै गरेको ना३ख ३००४ नम्बरको मिनीट्रक दुर्घटनामा परेको हो। ब्रेकले काम गर्न छाडेपछि दुर्घटनामा परेको र करिब १५० मिटर तल खसेको बताइएको छ। ट्रकका चालक इलाका प्रहरी कार्यालय मुग्लिनको नियन्त्रणमा रहेका छन्। 

यता चितवनको टिकौलीमा भएको सवारी दुर्घटनामा १३ जना घाइते भएको रत्ननगर प्रहरीले जनाएको छ। ना३ख ६४६० नम्बरको यात्रुबाहक बस दुर्घटनामा उनीहरु घाइते भएको र उनीहरुको चितवनको पुरानो मेडिकल कलेजमा उपचार भइरहेको प्रहरीले जनाएको छ। रासस
यसैगरी उदयपुरबाट सिरहाको मिर्चैयातर्फ आउँदै गरेको ना३ख ६६६८ नम्बरको टिपरको ठक्करबाट आज बिहान एक जनाको मृत्यु भएको छ। दुर्घटनामा अन्य १३ जना घाइते भएका छन्।

टिपरको ठक्करबाट फूलबरिया–७ सिरहाका २४ वर्षीय कुमार पुलामी मगरको मृत्यु भएको हो। दुर्घटनामा घाइते भएका भीम परियार र राजेश परियारको उपचार मिर्चैयामा सम्भव नभएपछि थप उपचारका लागि काठमाडौँ पठाएको छ। अन्य घाइतेको उपचार मिर्चैयास्थित नर्सिङ होममा भइरहेको इलाका प्रहरी कार्यालय मिर्चैयाले जनाएको छ।

उदयपुरको शिरिसे गाविसको पटनाभन्ज्याङस्थित ढुङ्गा खानीबाट धनुषाको महेन्द्र नगरमा रहेको कसमस सिमेन्ट उद्योगमा चुनढुङ्गा लिएर जाँदै गरेको टिपर तीव्र गतिका कारण दुर्घटना भएको प्रहरीको भनाइ छ।

प्रहरी जवानको मृत्यु

लमजुङ–जिल्ला प्रहरी कार्यालयमा कार्यरत एक प्रहरी जवानको मृत्यु भएको छ। रुपन्देही परहवा गाविस– २७ वर्षीय प्रहरी जवान निमप्रसाद सिंजापतिको हृदयघातका कारण शनिबार मृत्यु भएको हो। 

नक्कली सुन देखाई नगद ठगी गर्ने श्रीमान श्रीमती पक्राउ

काठमाडौं-नक्कली सुन देखाई १५ लाख रुपैयाँ ठगी गर्ने दुई जनालाई प्रहरीले पक्राउ गरेको छ। ललितपुर लामाटारका रामबहादुर थापा भुजेल र उनकी श्रीमती धनमाया वास्तोला भुजेललाई महानगरीय अपराध महाशाखाले ललितपुर लगनखेलबाट...

बलात्कार आरोपमा ७० वर्षीय बृद्ध पक्राउ

गोरखा–भुम्लीचोक गाविस ३ गैरीगाउँका ७० वर्षीय बृद्ध इन्द्रबहादुर गुरुङ १८ वर्षकी सुस्त युवतीलाई बलात्कार गरेको पक्राउ परेका छन्।   

छोराको कुटपिटबाट बुबाको मृत्यु

धनगढी-धनगढी नगरपालिका–६ मटियारी गाउँमा गएराति बाबु र छोराबीच भएको झै–झगडापछि गम्भीर घाइते भएका एकजनाको उपचारका क्रममा मृत्यु भएको छ। जिल्ला प्रहरी कार्यालय कैलालीका अनुसार मदिरा खाएको नसामा मटियारी गाउँका कुरु...

बाँदर पार्क बनाउने तयारी

चितवन – देवघाटधाममा बस्ने र घुम्न आउने तिर्थालुहरुलाई बाँदरले दिएको दुःख वर्णनगरी साध्य छैन। बाँदरको विगविगी बढेपछि देवघाट टोल विकास संस्थाका अधिकारीहरु नियन्त्रणका उपाए खोज्दै वन मन्त्रालयसम्म धाए। अघिल्लो संविधानसभा...

पशु चिकित्सक पनि आन्दोलनमा

चितवन–सरकारले पसु चिकित्सा परीषद (भेेटेरीनरी काउन्सिल) ऐन परिवर्तन गर्न लागेको विरोधमा पशु चिकित्सकहरुले गरेको आन्दोलनका कारण कुखुरा व्यवसाय प्रभावित हुने भएको छ। माग पुरा नभए पशु चिकित्सकहरुले चैत्र १७ गतेदेखि...

डा. केसीका माग पुरा गर्न २४ घण्टे 'अल्टिमेटम'

काठमाडौं– नेपाल चिकित्सक संघले सात दिन देखि अनशनरत डा. गोविन्द केसीको माग पुरा गर्न २४ घण्टे 'अल्टिमेटम' दिएको छ।

चट्याङ लागेर बालिकाको मृत्यु

प्यूठान–चट्याङ लागेर प्यूठानमा एक बालिकाको ज्यान गएको छ। नारिकोट–८, धनमुढा निवासी ९ वर्षीया बालिका राधिका सुनारको घटनास्थलमै मृत्यु भएको प्रहरीले जनाएको छ।