Thursday 17 Ashad, 2072 |
Menu

समाज

ist-cc

कोशीमा डुंगा पल्टिँदा २ को मृत्यु, ७० भन्दा बढी बेपत्ता

  • सोमबार २१ श्रावण, २०७०
  • महेश्वर चामलिङ राई
  • DISQUS_COMMENTS
(0 votes)

उदयपुर— जिल्लाको पूर्वी भेगको चताराघाटस्थित सप्तकोसीमा सोमबार दिउँसो डुङ्गा पल्टदा दुई जनाको मृत्यु भएको छ। ७० भन्दा बढी बेपत्ता छन्। सुनसरीको बराहक्षेत्रबाट उदयपुरको मैनामैनीतर्फ आउँदै गरेको डुंगामा ९० भन्दा बढी यात्रु सवार थिए।  डुङ्गा मैनामैनी ९ स्थित चताराघाटमा ३:१५ बजे पल्टिएपछि सबै यात्रु नदीमा डुबेका थिए।

पारीबाट आएको डुङ्गा कोसीको बीच भागमा आइपुग्दा एक्कासि बढेको पानीको छालले पल्टाउन खोजेपछि आतिएका यात्रु किनारमा आइपुग्ने बेलामा हाम्फालेको प्रत्यक्षदर्शीले बताएका छन्। कोसीमा डुबेर बेपत्ता भएका सबै यात्रुमध्ये दुई जना महिलाको  १०० मिटर तल तैरिएर अवस्थामा प्रहरीले फेला पारेको छ। इलाका प्रहरी रामपुरका निरीक्षक महेन्द्र थापाका अनुसार बाढीले डुङ्गा लरबराउन थालेपछि पल्ट्यो भन्दै यात्रु हाम्फाल्न थाल्दा झन् असन्तुलन भई डुंगा पल्टिएको थियो।


मृतकमध्ये रामपुर ठोक्शिला ३ की अन्दाजी ३४ वर्षीया पार्वती खड्का रहेको खुलेको छ। अर्को शवको सनाखत हुन सकेको छैन।

हाम्फाल्नेमध्ये पाँचजनाको स्थानीयले जिवितै उद्धार गरेका छन्। अन्य यात्रु बेपत्ता भएकाले खोजी कार्य जारी रहेको निरीक्षक थापाले बताए। उद्धारका लागि इप्रका ठोक्शिला, इप्रका बेल्टार र सदरमुकामबाट पनि टोली खटाइएको जिल्ला प्रहरी प्रमुख उपरीक्षक अजय भट्टराईले नागरिकन्युजलाई बताए। प्रमुख जिल्ला अधिकारी राजकुमार श्रेष्ठसहित सुरक्षा निकाय प्रमुखको टोली पनि घट्नास्थलतर्फ गएको छ ।


घट्नास्थल सदरमुकाम गाईघाटदेखि लगभग ८६ किलोमिटर पूर्वमा पर्दछ ।
खहरे होइन यो, सडक!

खहरे होइन यो, सडक!

काठमाडौं- यो (तस्बिरमा) कुनै खहरेखोलो होइन, राजधानी उपत्यकाको काठमाडौं महानगरकै मध्यभाग छिचोल्ने सिनामंगल–सेतोपुल (मैतीदेवी) सडक हो। हेर्दा कुनै खहरेभन्दा फरक भने देखिँदैन।

'यार्सा'मा ज्यानकै बाजी

'यार्सा'मा ज्यानकै बाजी

दाङ- रुकुम भुइबाङका कर्म पुन एक्लैले पोहोर साल यार्सा संकलनबाट ५० हजारभन्दा बढी आम्दानी गरे। पोहोर सालको आम्दानीले यसपालि पनि उनको मन यार्सातिरै तानियो। चैत अन्त्यतिर यार्सा खोज्न उनी रुकुम...

रुप फेर्दै माझीगाउँ

रुप फेर्दै माझीगाउँ

काठमाडौं- भूकम्पले ध्वस्त भएको सिन्धुपाल्चोकको मेलम्ची– १२ स्थित आरुबोटे माझीगाउँ विस्तारै उठ्न थालेको छ। सहयोगी हातहरूको साथ पाएपछि माझीबस्तीको रुप फेरिन थालेको हो।

चालक परीक्षा पुनः खुला

काठमाडौँ-यातायात व्यवस्था कार्यालयले सिहंदरबार अगाडि नेसनल ट्रेडिङ लिमिटेडको परिसरमा चालक परीक्षा (ट्रायल) आजदेखि पुनः सुरु गरेको छ।भूकम्पपछि परीक्षा स्थलमा राहत सामग्री राखिएकाले त्यहाँ हुने चार पाङ्ग्रेलगायत सवारी साधनको चालक परीक्षा...

बलात्कारीलाई १० वर्ष कैद र हत्यारालाई सर्वस्वसहित जन्मकैद

इलाम-जिल्ला अदालत इलामले बलात्कार गरेको अभियोगमा पक्राउ परेका जिर्मले–६ का धनबहादुर घिमिरेलाई आज १० वर्ष लामो कारावास सजाय सुनाएको छ।

मेची राजमार्ग एकतर्फी खुल्यो

इलाम–अघिल्लो रातको मुसलधारे बर्षाले ठाउ"–ठाउ"मा अवरुद्ध मेची राजमार्ग बुधबार सा"झ ५ बजेदेखि एकतर्फी खुलेको छ। जनपथ र सशस्त्र प्रहरी तीन एक्साभेटरसहित आठ घण्टा पहिरो पन्छाउन सक्रिय भएपछि राजमार्ग आंशिक खुलेको...

भिरबाट लडेर दुई जनाको ज्यान गयो

कालिकाेट-कर्णाली करिडोर अन्तर्गत लालुलैफु सडक खण्डको लालिघाट गेाजाभिरबाट बुधबार लडेर दुईजना कामदारको ज्यान गएको छ।

खोंचबाट खोलामा खसेर बालक बेपत्ता

दार्चुला– अपी नगरपालिका वडा नं ४ छापरीकोटको घट्टेखोलामा खोचबाट खसेर एक बालक बेपत्ता भएका छन्। बेपत्ता हुनेमा सोही ठाँउ घर भएका १२ वर्षीय अकबर सिंह कुँवर रहेको जिल्ला प्रहरी कार्यालय...