23 Magh, 2072 |
Menu

समाज

republica-headerdiscount-subscribe1

istl

जंगली छावालाई घरेलु ढोईको माया

  • शुक्रबार २१ असार, २०७०
  • रमेशकुमार पौडेल
  • DISQUS_COMMENTS
(0 votes)
जंगली छावा (दायाँ) र आफ्नो छावासँगै दूध चुसाउँदै चितवनकली। तस्बिर : नागरिक जंगली छावा (दायाँ) र आफ्नो छावासँगै दूध चुसाउँदै चितवनकली। तस्बिर : नागरिक

चितवन - अलपत्र बच्चालाई मान्छेले मात्र होइन, वन्यजन्तुले पनि उत्तिकै माया गर्दो रहेछ। चितवन राष्ट्रिय निकुञ्ज सौराहाको हात्तीसारमा अचेल रमाइलो दृश्य देखिन्छ। उद्धार गरेर ल्याइएको जंगली हात्तीको बच्चा (छावा)लाई घरेलु हात्तीले दूध चुसाउँछ। अन्य पोथी हात्ती सुँढले छावा सुमसुम्याउन तँछाडमछाड गर्छन्।
nepalipatro-nagarik
रौतहट वागमती किनारमा अलपत्र जंगली छावालाई पर्सा वन्यजन्तु आरक्षका अधिकारीले सौराहा ल्याएका हुन्। असार १७ गते दिउँसो त्यहाँ ल्याइएको छावाले असार १४ गते राति बच्चा जन्माएकी चितवनकलीको दूध चुस्न पाएको छ।
'सुरुमा यो छावा नजिक जान हिच्किचाउँथ्यो। अहिले त दूध चुसेको चुस्यै गरेर माउलाई हैरान बनाउन थालेको छ,' हात्तीसारका प्रमुख विचित्रकुमार चौधरीले भने। चितवनकलीले जन्माएको छावा पोथी हो। जंगली छावा भाले हो। जंगली छावा २० दिनअघि जन्मिएको हात्तीसारका कर्मचारीको अनुमान छ।
छावाले करिब एक वर्षसम्म आमाको दूध मात्र खान्छ। त्यसपछि बल्ल घाँस खान थाल्छ। 'दूध चुस्न पाएन भने छावा धेरै दिन बाँच्न सक्दैन,' केन्द्रका प्रमुख चौधरीले भने। भर्खर बच्चा जन्माएकी चितवनकलीको दूध चुस्न पाएको छावाले अरु पोथी हात्तीको पनि उत्तिकै माया पाएको छ। पोथी हात्ती ऐश्वर्यमाला छावा खेलाउन मरिहत्ते गर्छ।
'चितवनकलीसहित यहाँ ६ वटा पोथी हात्ती (ढोई) छन्। सुत्केरी चितवनकलीलाई त बच्चा मनपर्ने नै भयो। अरु पोथी पनि उत्तिकै हुरुक्क हुन्छन्। ऐश्वर्यामाला त झन् बच्चा खेलाउन सुत्केरीभन्दा पनि बढी मरिहत्ते गर्छे,' चौधरीले भने। दूध र माया पाएकाले जंगली छावा हृष्टपुष्ट हुँदै आएको छ। 
पटक–पटक दूध चुसेर हैरान गरेपछि छावालाई बाँधेर राख्नुपरेको छ। दुई छावाले दूध चुस्ने भएकाले हात्तीलाई पौष्टिक पदार्थ थप्न हात्तीसारका कर्मचारीलाई भ्याइनभ्याई छ। हात्तीले जुम्ल्याहा बच्चा प्रायः जन्माउँदैन। खोरसोरमा रहेको हात्ती प्रजनन् केन्द्रमा पाँच वर्षअघि एउटा ढोईले जुम्ल्याहा जन्माएको थियो। एउटा जन्माए पनि चितवनकलीलाई दुई बच्चा हुर्काउने जिम्मेवारी थपिएको छ।
'आफ्नो समूह र आमाबाट बिछोडिनु दुर्भाग्य हो। तर, यहाँ भर्खर बच्चा जन्माएको ढोई भएकाले उसलाई हुर्कन सहज हुने भयो,' चितवन राष्ट्रिय निकुञ्जका प्रमुख संरक्षण अधिकृत कमलजंग कुँवरले भने। हात्ती समूहमा मिलेर बस्ने प्राणी हो। फरक समूहका ठूला भाले हात्ती एक अर्कामा घुलमिल हुन सक्दैनन्। तर, पोथी हात्तीमा यस्तो समस्या हुँदैन।

प्रतिक्रिया

५.५ रेक्टरको भूकम्पले राजधानी हल्लायो, सर्वसाधारण घरबाहिर

काठमाडौं-राजधानीमा गए राति भूकम्पको धक्का महसुस गरियो। गोरखा भूकम्प गएको १० महिना बित्न लाग्दासमेत परकम्प आउने क्रम रोकिएको छैन।

१२ किलो चरेशसहित दुई पक्राउ

धनगढी-कैलालीको अत्तरियाबाट १२ किलो लागू औषध चरेशसहित पक्राउ गरिएका २ जनालाई प्रहरीले शुक्रबार सार्वजनिक गरेको छ। दुवै जनालाई शुक्रवार अदालतामा मुद्दा दर्ता गरेर म्याद थप गरिएको प्रहरी उपरिक्षक राजेन्द्र बिष्टले...

साढे ५ महिनापछि ३५ ट्यांकर वीरगन्ज नाकाबाट तेल भर्न पठाइँदै

साढे ५ महिनापछि ३५ ट्यांकर वीरगन्ज नाकाबाट तेल भर्न पठाइँदै

काठमाडौं– नेपाल आयल निगमले नाकाबन्दीपछि शुक्रबार राती ३५ ओटा ट्याङ्करलाई तेल भर्न वीरन्ज नाकाबाट रक्सौल पठाउने तयारी गरेको छ।

पासाङ ल्हामु नेसनल जियोग्रफीले 'एडभेन्चर अफ द इयर'

पासाङ ल्हामु नेसनल जियोग्रफीले 'एडभेन्चर अफ द इयर'

काठमाडौं- नेपाली पर्वतारोही पासाङ ल्हामु शेर्पालाई नेसनल जियोग्रफीले 'एडभेन्चर अफ द इयर' घोषणा गरेको छ। २०१६ को लागि १० जना मनोनयनमा परेका थिए। भोट मार्फत छनौट गरिएको नतिजामा शेर्पाले सबैलाई...

परीक्षाफल प्रकाशित

काठमाडौं– त्रिभुवन विश्वविद्यालय, परीक्षा नियन्त्रण कार्यालय बल्खुद्वारा २०७२ साल साउन महिनामा सञ्चालित मानविकी तथा सामाजिकशास्त्र सङ्कायतर्फ स्नातक तह चारवर्षे बी.एफ.ए. तेस्रो वर्षको परीक्षाको परीक्षाफल प्रकाशन गरिएको छ।

सार्वजनिक शौचालयको कमीले सकस

काठमाडौं- रौतहटका चुन्चुन् राम बिहान साढे ८ बजेदेखि साँझ ६ नबज्दासम्म जुत्ता सिलाउने काममा व्यस्त रहन्छन्। उनी हिजोआज ललितपुरस्थित पुलचोकमा जुत्ता सिलाउँदै आएका छन्।

आगलागी बढ्यो, सचेत रहौं

आगलागी बढ्यो, सचेत रहौं

काठमाडौं- मानवीय कारणले आगलागी बढ्दै गएपछि काठमाडौं जुद्ध वारुणयन्त्र कार्यालयले सार्वसाधरणलाई सतर्क रहन आग्रह गरेको छ। इन्धन अभावले विद्युतीय सामग्रीको प्रयोग बढेपछि यस्तो समस्या देखिएपछि सतर्क रहन आग्रह गरेको हो।

एसएलसी सकिएलगत्तै विद्यार्थीलाई परिचयपत्र दिइने

भक्तपुर– परीक्षा नियन्त्रण कार्यालय सानाेठिमीले यस वर्षदेखि एसएलसी परीक्षा दिने परीक्षार्थीलाई परीक्षा सकिएकै दिन उनीहरुको परिचयपत्र वितरण गर्ने भएको छ।