Sunday 20 Ashad, 2072 |
Menu

समाज

ist-cc

काजकिरिया गरेका ब्यक्ति घर फर्किएपछि...

  • बिहीबार २० असार, २०७०
  • कमल थापा
  • DISQUS_COMMENTS
(0 votes)
रुकुम- आफन्त गुमाउँदाको पीडा सही नसक्नुको हुन्छ। त्यसमा पनि परदेशको भूमिमा घरमूलीको मृत्यु भएको खबरले परिवारलाई असह्य पीडा हुन्छ। आफ्नो धार्मिक संस्कार अनुसार १३औं दिनको काजक्रिया गर्दै मृत आत्माको चीर शान्तिको कामना गर्नुबाहेक अरु के नै गर्न सकिन्छ र? मृत्यु भएको खबरले काजक्रिया गरेको ब्यक्ति टुप्लुप्कै घर फिरे भने त्यो परिवारमा कस्तो होला? यहाँको एक परिवारमा यस्तै भएको छ। जसले भूल्नै नसकिने पीडामा फेरि खुसीको वहार आएको छ। 


भारतको केदारनाथमा पहिरोमा पुरेर मृतक भनिएका एक ब्यक्ति काजक्रिया सकिएपछि टुप्लुक्क घर फिरेका छन्। पश्चिम रुकुमको झुला गाविसका डिल्लीबहादुर ओली आफ्नो मृत्युको ८औं दिनको काजक्रिया भइरहेको बेला घर आएका छन्। बिहीबार उनी घर फर्कदै गर्दा घरमा उनको नाममा छोराहरु किरिया बसिरहेका थिए। आफन्तले वरखी बारिरहेका थिए। पत्नीले सिंदुर पुछेर चुरापोते फ्याँकेकी थिइन्। छिमेकीहरु क्रियापुत्रीलाई खाना खुवाउन पँधेरातिर लिन तम्तयार थिए। घरमा सोख परेको यस्तै बेला मृतक भनिएका डिल्लीबहादुर भने घरमूनिको बारीको डिलमा टुप्लुक्कै आइपुगे। घर परिवार र आफन्तहरु अक्कनबक्क भए। डिल्लीबहादुर पनि वाल्ल परेर इन्तुन चिन्तु भए। ‘के भो घरमा?’ डिल्लीबहादुरले उल्टै घरमा प्रश्‍न गरे। उनको प्रश्‍न झर्न नपाउँदै क्रियापुत्रीले सेतो हटाए। हत्तपत्त कपडा फेरे। एकछिन घरमा रुवावासी चल्यो। पत्‍नी गीताले सेतै कपडामै अँगालो हालिन्। भाक्कानिएर रोइन्। डिल्लीबहादुर पनि रोए। यस्तो अवस्था देखेर छिमेकीले समेत आँसु थाम्न सकेनन्। एकछिन खुसीको रुवावासी चल्यो। काजक्रियाका गुटुमुटु पारेर खोल्सामा फालियो। खुसीमा भोजभतेर चल्यो। चार महिनाअघि ओली कामका लागि भारतको हिमाञ्चल प्रदेशमा काम पर्न गएका थिए। ‘म जीवत नै छु भन्ने परिवारलाई आस्वस्त पार्न घर आएका हुँ।’ डिल्लीबहादुरले भने, ‘घरमा आउँदा त मेरै नाममा काजक्रिया भएको देखेँ।’ डिल्लीबहादुरले जीवत हुँदा मृत्युको काजक्रिया पाएकाले आफ्नो आयु दीर्घायु हुने प्रतिक्रिया दिए। बिहीबार खसी काटेर गाँउलेहरुले खुसीयाली मनाएका छन्।

गौर नगरका कार्यकारी अधिकृतमाथि दुर्व्यवहार, आइतबारबाट कामकाज ठप्प

रौतहट– सद्भावना पार्टीका जिल्ला अध्यक्षसहितका केही व्यक्तिले गौर नगरपालिकाका कार्यकारी अधिकृत सुनिल यादवमाथि दुर्व्यवहार  गरेका छन्।

चर्पी नहुने घरका विद्युत लाइन कटाइयो

कोहलपुर–घरमा चर्पी नबनाएको भन्दै शमशेरगन्ज गाविस कार्यालयले चर्पी नहुने सेवाग्राहीको विद्युत लाईन काट्न सुरु गरेको छ। असार २६ सम्म गाविसलाई खुल्ला दिशामुक्त घोषणाको तयारी गरेको गाविसले चर्पी नबनाएको भन्दै शमशेरगन्ज–२...

जोखिमपूर्ण टावर यूटीएलले हटाएन

जोखिमपूर्ण टावर यूटीएलले हटाएन

तेह्रथुम– आफ्नो घरको छतमा युनाइटेड टेलिकम लिमिटेड(यूटीएल) कम्पनीले राखेको टावर हटाउन पटकपटक आग्रह गर्दा पनि कम्पनीले टावर नहटाएको घरधनीले गुनासो गरेका छन्।

सडक निर्माण सुस्त भएकामा प्रधानमन्त्री कार्यालयको आपत्ति, तत्काल निर्माण पूरा गर्न निर्देशन

काठमाडौँ-प्रधानमन्त्री तथा मन्त्रिपरिषद् कार्यालयले राजधानीका विभिन्न स्थानमा मर्मतको नाममा सडक खनेर पुनःनिर्माण नगरिएकामा आपत्ति प्रकट गर्दै तत्काल पुनःनिर्माण गर्न सरोकारवाला निकायलाई निर्देशन दिएको छ।

मुगुमा पहिलो पटक स्थानीय खाना मेला

मुगु– मुगुमा पहिलो पटक स्थानीय खाना मेला सम्पन्न भएको छ। शनिवार जिल्ला कृषि विकास कार्यालय र होटेल व्यवसायी संघ मुगुको आयोजनामा गरिएको स्थानीय खाना महोत्सवमा सदरमुकाम गमगढीमा रहेका सरकारी तथा...

जवरजस्ती गर्ने विरुद्ध मुद्दा दायर

नुवाकोट–छिमेकी युवतीलाई ललाई फकाई जवरजस्ती करणी गर्ने एक वृद्धलाई प्रहरीले नुवाकोट जिल्ला अदालतमा कारवाहीको लागि मुद्दा दायर गरेको छ।

नागरिककर्मी यादव पुरस्कृत

काठमाडाैं–नागरिककर्मी मिथिलेश यादवलाई शनिबार काठमाडौंमा मधेसी पत्रकार संघले सहिद रमेश महतो यूवा पत्रकारीता पुरस्कारबाट पुरस्कृत गरेको छ।

इक्यान शैक्षिक मेलामा विद्यार्थीको घुर्इंंचो

इक्यान शैक्षिक मेलामा विद्यार्थीको घुर्इंंचो

काठमाडौं– भृकुटीमण्डपमा ३ दिनदेखि जारी नवौं इक्यान शैक्षिक मेलामा शनिबार तेस्रो दिनसम्म ४५ हजारभन्दा बढी विद्यार्थीले अवलोकन गरेको आयोजक इक्यानले जनाएको छ।