Monday 18 Falgun, 2071 |
Menu

समाज

HUB

यातायत ब्यवसायी संघबीच तनाव

  • बिहीबार २० असार, २०७०
  • रितेश त्रिपाठी
  • DISQUS_COMMENTS
(0 votes)
वीरगञ्ज- नेपाल राष्ट्रिय ट्रक व्यवसायी महासंघले अघोषितरुपमा चलाएको सेन्डिकेट प्रणालीको खारेजीको मधेस तराई यातायात व्यवसायी संघले माग गरेको छ। मागअघि सारेको कारण बुधबार राति आफूमाथि लुटपाट भएको भन्दै संघका अध्भ्यक्ष उस्मान हवारीले इलाका प्रहरी कार्यालय सिमरामा उजुरी दिएका छन्। 

मधेस तराई यातायात व्यवसायी संघले बाराको जितपुरमा सञ्चालन गर्दै आएको धर्मकाँटाको कार्यालयमा लुटपाट गर्ने समूहलाई कारबाहीको उनले माग गरेका छन्। पर्सा बन्यजन्तु आरक्षमा सिमरा नजिकै सञ्चालित तराई यातायात संघका मानिसले नगद २ लाख ५० हजार लुटी लगेको संघले आरोप लगाएको छ। ओमकृष्ण कार्कीको नेतृत्वमा गाडीमा सवार भइ धारिलो हथियारसहित आएका शंकर विष्ट, नेत्र श्रेष्ठ, जीवन श्रेष्ठ, देव श्रेष्ठ र दिनेश सुवेदीको समेतकाले रातीको लुटपाट गरेको संघको आरोप छ। 
आक्रमणकारीहरु सवार भएर आएको भनि ना२च २०१८ नम्बरको टाटा सुमोमा समातेर मधेस तराई यातायात व्यवसायी संघले प्रहरीको जिम्मा लगाएको छ। ट्रक व्यवसायसँग बलजफ्ती रकम असुली गर्दै आएको छाता संगठन भनिएको नेपाल राष्ट्रिय ट्रक व्यवसायी महासंघले देशभरि नै चलाएको सेन्डिकेट प्रणालीले ट्रक ब्यवसायीलाई शोषण भएको संघको आरोप छ। महासंघमा आबद्ध सिमरास्थित तराई यातायात संघले ब्यवसायिक हितभन्दा ब्यक्तिगत स्वार्थ्यका लागि सञ्चालित रहेको हवारीले तर्क गरे। गत आर्थिक वर्ष २०६८/०६९ को लेखा परीक्षण प्रतिवेदनअनुसार तराई यातायात संघल ५ करोड २ लाख २२ हजार आम्दनी गरेकोमध्ये ४ करोड ३८ लाख ६९ हजार खर्च देखाएको छ। यो रकममा भ्रष्टाचार गरिएको हवारीले आरोप लगाए। 
अवैद्य रकममा हिस्सेदारी पाउने गरेकाले स्थानीय प्रशासनले कारबाही नगरेको वीरगञ्जमा बिहीबार पत्रकार सम्मेलनको आयोजना गरी मधेस तराई यातायात व्यवसायी संघका अध्यक्ष हवारी समेतका पदाधिकारीले भने। माहासंघले इलेक्ट्रोनिक्स कार्डको नाममा प्रत्येक ट्रकसँग १ हजार पाँच सय र प्रत्येक पटक ढुवानीमा पाँच सय रुपैया लिँदै आएको छ। 
तराई यातायात व्यवसाय संघका अध्यक्ष ओमकृष्ण कार्कीले लुटपाटको आरोप गलत भएको बताए। मधेस तराई यातायात संघले आफनो संघमा दर्ता रहेको ना२ख ८७२४ नम्बर मालबाहक ट्रकलाई जबरजस्ती आफनो नियन्त्रणमा लिइ सदस्यता रसिद काटी रहेको अवस्थामा आफूहरुले सोधिखोजी गर्दा उनीहरुले विवाद चर्काएको कार्कीले आरोप लगाए। इलाका प्रहरी कार्यालय सिमराका प्रहरी निरीक्षक जयराम कुइकेलले दुबै पक्षको निवेदन आफूकाहाँ आइपुगेको बताए। 
उनले जिल्ला प्रशासनमा कुराकानी चलिरहेकाले आफूले अनुसन्धान सुरु नगरेको बताए। यातायात ब्यवसायी संघको विवाद भिडन्तको अवस्थासम्म पुगिसकेको जितपुरका स्थानीय फैजुल्लाह आलमले बताए।

चिसोले उपस्वास्थ्य चौकीका कर्मचारीको मृत्यु

गोरखा- लगातारको वर्षासँगै चिसो बढेपछि गोरखा नगरपालिका-७ आहलेको रानीस्वाँरा उपस्वास्थ्य चौकीमा कार्यरत पियन ४२ वर्षीय तिलक बस्नेतको मृत्यु भएको छ। आइतबार दिनभर कार्यालयमा रहेका बस्नेतको शव आज बिहान कार्यालय नजिकै...

सर्वसुलभ शुल्कमा बेलायत अध्ययन

सर्वसुलभ शुल्कमा बेलायत अध्ययन

काठमाडौं- अंग्रेजीभाषी देशहरुमा तुलनात्मक रुपमा बेलायतमा छोटो समय र सर्वसुलभ शुल्कमा डिग्री उपलब्ध हुने भएकाले उच्च शिक्षा हासिल गर्ने विद्यार्थीको गन्तव्य बेलायत बन्दै गएको छ। बेलायती शिक्षा प्रणालीले साधारण शिक्षाका...

तलब माग्दै शिक्षक आन्दोलित

रौतहट- चार महिनादेखि तलब नपाएको भन्दै रौतहटका शिक्षक अनिश्चितकालीन हडतालमा उत्रेका छन्। नेपाल शिक्षक महासंघअन्तर्गत पेसागत संस्थाहरुको आह्वानमा आठसूत्रीय माग अघि सारेका शिक्षकले आइतबारदेखि जिल्लाभरिका सामुदायिक स्कुल ठप्प पारी हडताल...

कक्षामै विद्यार्थी ढलेपछि विद्यालय बन्द

गोरखा- कक्षाकोठामै विद्यार्थी बिरामी भएर ढल्न थालेपछि आइतबार गोरखा नगरपालिका–९, बिरेनचोकको रत्नराज्य लक्ष्मी उच्चमाविमा पढाइ रोकिएको छ। बिहान प्रार्थना सकेर कोठामा छिरेलगत्तै कक्षा १० का चार विद्यार्थी बिरामी परेका हुन्।

नहर र पिच बाटो नै बिक्री

चितवन- मालपोत कार्यालयले लगत कट्टा गर्न बिर्संदा एक व्यक्तिले नहर र पिचबाटोमा परेको जग्गा बैंकमा धितो राख्नुका साथै अर्को व्यक्तिलाई बिक्री गरेको पाइएको छ। त्यस्तो जग्गा झुक्याएर बिक्री गरेको अभियोगमा...

यो वर्ष पनि स्वाइन फ्लुबाट मृत्यु

काठमाडौं- 'स्वाइन फ्लु' का नाममा चिनिने मौसमी इन्फ्लुएन्जा 'ए' संक्रमणबाट यस वर्ष पनि एक बिरामीको मृत्यु भएको छ। राजधानीको मोडल अस्पतालमा उपचाररत काठमाडौं निवासी ४८ वर्षीया महिलाको शनिबार राति मृत्यु...

हिमतालसम्बन्धी सम्मेलन सुरु

काठमाडौं- हिमतालहरूमा जलवायु परिवर्तनको असर छ कि छैन? कुन अनुपातमा हिमतालहरू पग्लिरहेका छन्? हिमाली भेगमा हिउँ पर्ने र पग्लिने क्रम कस्तो छ? यसले कुन कुन क्षेत्रमा असर पारिरहेको छ?

'तीन दिनपछि मात्र मौसम सफा हुने'

'तीन दिनपछि मात्र मौसम सफा हुने'

काठमाडौं- अरबी सागरमा विकास भएको जलवाष्पयुक्त वायुको प्रवेशस"गै आइतबारदेखि देशभर सुरु वर्षा बुधबारपछि मात्र रोकिने मौसमविदहरूले बताएका छन्। 'देशभर मौसम सफा हुन अझै तीन दिन कुर्नुपर्छ,' मौसम पूर्वानुमान महाशाखाका मौसमविद...