Sunday 13 Bhadra, 2072 |
Menu

समाज

republica-header

ist-cc

सुरक्षाकर्मीले विस्फोटक पदार्थ अझै निष्क्रिय पार्न सकेन

  • बिहीबार २० असार, २०७०
  • रासस
  • DISQUS_COMMENTS
(0 votes)
रोल्पा - पश्चिम रोल्पाको गैरीगाउँ गाविस– ६ स्थित थुर्पालेकमा ओडारमा लुकाइराखिएको अवस्थामा फेला पारिएको विस्फोटक पदार्थ अझै निष्क्रिय पार्न सकिएको छैन। अँध्यारो कुनामा लुकाइराखेको अवस्थामा फेला परिएको ठूलो परिमाणको विस्फोटक पदार्थ निष्क्रिय पार्न तीन दिनदेखि सुरक्षा निकायले प्रयास गरिरहेको भए पनि आवश्यक जनशक्ति नहुँदा सो कार्य सफल हुन सकेको छैन। 
जिल्लामै बम डिस्पोज गर्ने जनशक्ति र उपकरण अभावका कारण प्रहरीले लामो समय सुरक्षा दिएर कुर्नुपर्ने बाध्यता रहेको प्रहरी नायब उपरीक्षक ओम राना मगरले बताए।

प्रहरी निरीक्षक सरोज पौडेलका अनुसार डिस्पोजल टोलीको व्यवस्थाका लागि दाङ तुल्सीपुरमा रहेको नेपाली सेनालाई अनुरोध गरिएको छ।

माओवादी पूर्व लडाकुको शिविर गैरीगाउँ तिलामा सुरक्षार्थ खटिएको सशस्त्र प्रहरीले उक्त विस्फोटक पदार्थ फेला पारेको थियो। तिलास्थित ज्वार स्मृति ब्रिगेडको सुरक्षार्थ खटेको सशस्त्र प्रहरीको टोलीले गस्ती गएको बेला विस्फोटक पदार्थ फेला पारेको सशस्त्र प्रहरी निरीक्षक लक्ष्मण पन्थीले बताए।

अँध्यारो ओडारमा लुकाइएको करिब ७० वटा सकेट बम, भरुवा बन्दुकको बारुद, बारुद बनाउन प्रयोग हुने दुई बोरा सुरा र डेटोनेटरलाई धमाका दिन प्रयोग हुने पाइप दुई बन्डल फेला परेको जिल्ला प्रहरी कार्यालयले जनाएको छ। विस्फोटक पदार्थ फेला पारेको स्थान माओवादी पूर्व लडाकुको पाँचौ डिभिजनअन्तर्गत ज्वार स्मृति बिग्रेडको शिविर रहेको स्थानददेखि एक घन्टाको दूरीमा रहेको बताइएको छ।

प्रहरीका अनुसार विस्फोटक पदार्थ कसले राखेको भन्ने खुल्न सकेको छैन। विगतको सशस्त्र द्वन्द्वको बेला २०६२ सालमा थुर्पालेक नजिकै दुम्ला भन्ने गाउँमा तत्कालीन शाही नेपाली सेना र माओवादी लडाकुबीच दिउँसै दोहोरो भिडन्त भएको थियो। युद्धको बेला तत्कालीन नेकपा माओवादीले विस्फोटक पदार्थ लुकाएर राखेको हुनसक्ने प्रहरीले अनुमान गरेको छ।

रोल्पा सशस्त्र द्वन्द्वको केन्द्र भएकोले पनि जिल्लाका विभिन्न स्थानमा यस्ता विस्फोटक पदार्थ फेला पर्ने गरेको छ। केही विस्फोटक पदार्थ तथा शङ्कास्पद बस्तु फेला परेमा जिल्ला प्रहरी कार्यालयमा खबर गर्न प्रहरीले सार्वजनिक अपिल पनि गरेको छ। अहिले फेला परेको विस्फोटक पदार्थ वरिपरिको क्षेत्रलाई सशस्त्र प्रहरीको टोलीले सुरक्षा दिइरहेको छ।

प्रतिक्रिया

कोरियामा विश्व शान्ति सम्मेलन

कोरियामा विश्व शान्ति सम्मेलन

सोल (दक्षिण कोरिया)– युनिभर्सल पिस फेडेरेसनको विश्व सम्मेलन तथा सुनहक शान्ति पुरस्कार कार्यक्रम शनिबार सम्पन्न भएको छ।

'सरोगेट' शिशुको जन्मदर्ता महानगरमै

काठमाडौं-नेपालका अस्पतालमा अवैध रूपमा जन्मिएका 'सरोगेट' शिशुको जन्मदर्ता सरकारी निकाय काठमाडौं महानगरपालिकाले नै गराइरहेको छ।

डा. केसीको झन् अस्वस्थ

त्रिवि शिक्षण अस्पतालका वरिष्ठ हाडजोर्नी रोग विशेषज्ञ डा. गोविन्द केसी आमरण अनशन बसेको छैटांै दिनसम्म सरकारले माग सम्बोधन गर्न प्रयाससमेत गरेको छैन।

१० लाख अमेरिकी डलरको सुनहक शान्ति पुरस्कार टोङ र गुप्तालाई

१० लाख अमेरिकी डलरको सुनहक शान्ति पुरस्कार टोङ र गुप्तालाई

दक्षिण कोरिया (सोल)– युनिभर्सल पिस फेडेरेसनको विश्व सम्मेलन तथा सुनहक शान्ति पुरस्कार कार्यक्रम शनिबार सम्पन्न भएको छ।

इट्टा उत्पादन गर्दै विद्यालय

सुर्खेत–पश्चिम सुर्खेतको जनज्योति उच्च मावि बड्डीचौरले इट्टा उत्पादन सुरु गरेको छ। विद्यालय भवन निर्माणका लागि इट्टा उत्पादन सुरु गरेको विद्यालयले यसलाई व्यवसायिक रुप दिने बताएको छ ।

२ लाख नगद रुपैयाँसहित जुवातास खेल्नेहरु पक्राउ

काठमाडौं– काठमाडौं बौद्ध धाराटोलस्थित आङगिल्डी शेर्पाको घरमा कोठा भाडामा लिई बस्ने ३० वर्षीय बुङमा लामाको कोठामा जुवातास खेलिरहेका १४ जनालाई पक्राउ गरेको प्रहरीको केन्द्रीय समाचार कक्षले जनाएको छ।

भरुवा बन्दुक पड्किँदा मृत्यु

काठमाडौँ-घर्तीगाउँ–३ लामिडाँडाका नगेन्द्र मगरकी दुई वर्षीया छोरी सृष्टिको भरुवा बन्दुक पड्कँदा शुक्रबार मृत्यु भएको छ।

खुकुरी प्रहारबाट ८ घाइते, घटनामा संलग्न ३ पक्राउ

ओखलढुंगा– जन्तरखानी–२ ठाडे बजार बस्ने १०–१२ जना व्यक्तिहरु मादक पदार्थ सेवन गरी एकआपसमा झगडा भएपछि खुकुरी प्रहार गर्दा सिद्धिचरण नगरपालिका–३ बस्ने २३ वर्षीय सुमन राईसहित ८ जना घाइते भएका छन्।