Sunday 15 Chaitra, 2071 |
Menu

समाज

HUB

भ्रष्ट कर्मचारीलाई कारबाहीको माग राख्दै धनगढी बन्द

  • बिहीबार २० असार, २०७०
  • दिलबहादुर छत्याल
  • DISQUS_COMMENTS
(0 votes)
धनगढी - धनगढी नगरपालिका कार्यालयमा व्यापक भ्रष्टाचार भएको र जनताको काम नगरेको भन्दै आक्रोशित स्थानीय बासिन्दाले आज भ्रष्ट कर्मचारीलाई कारबाही हुनुपर्ने माग राख्दै धनगढी बन्द गरेका छन। भ्रष्ट कर्मचारीलाई कारबाही गर लगायतका चर्का नारावाजी सहित स्थानीयले धनगढीमा प्रदर्शन गरिरहेका छन्।
बन्दका कारण बिहानैदेखि धनगढी बजार पूर्ण रुपमा बन्द छ भने शिक्षणसंस्था, धनगढी नगरमा चल्ने यतायात बन्द छन् ।
नगरपालिकाका कर्मचारीले असार महिनामा रकम सिध्याउन काम गरेजस्तो गर्ने, रकममा ब्रम्हलुट गरिने ,कमिशनका आधारमा योजना बाँडफाँड गर्ने र जनताको वास्तविक समस्याप्रति वेवास्ता गर्ने गरेको स्थानीयको भनाइ छ।
नगरपालिकाका इन्जिनियर धिजराज भट्ट विरुद्ध आन्दोलनकारीले चर्का नारावाजी गरिरहेका छन्।
वर्षौदेखि सडकमा रहेका खाल्डाखुल्डीमा हिलो र पानी जमेर ओहोरदोहोर गर्न समस्या भएकोमा ग्रावेल गर्न माग राखेर गएका शिवनगरका स्थानीय बासिन्दा माथि राम्रो व्यवहार नगरेपछि स्थानीय बासिन्दा आन्दोलित भएका हुन्।
जनताको माग पुरा गर्नको साटो कर्मचारीले नगरपालिका बन्द गरेपछि स्थानीय आक्रोशित भएको स्थानीय बासिन्दा किशोर थापाले बताए। 
नगरपालिका कर्मचारीले भने कार्यालयमा तोडफोड गरेको भन्दै तोडफोड गर्नेलाई कारबाही गरिनुपर्ने माग राखेका छन्।
कैलालीका प्रमुख जिल्ला अधिकारी बेदप्रकाश लेखकले दुवैपक्ष बोलाएर छलफल गरी कुरा मिलाउने प्रयास भइरहेको बताएका छन्।
नगरपालिकाका कर्मचारी कहिल्यै सरुवा हुनु नपर्ने सरकारको गलत नीतिका कारण स्थानिय कर्मचारीले जनताका मागलाई वेवास्ता गर्ने र मनपरी ढंगले काम गर्ने स्थानीयको गुनासो छ।

इजाजतविना रात्री बस चलाएको विरोधमा यातायात बन्द

कोहलपुर–जिल्लाका तीन यातायात व्यवसायी समितिले इजाजतविना नेपलागन्ज– जाजरकोट र रुकुम चौरजहारी सडक खण्डमा दिवा सेवाका बसबाट रात्री बस सञ्चालनको विरोधमा बस व्यवसायी आन्दोलनमा उत्रिएका छन्।

डा.केसी अनसनको ८ औं दिन : तयारी बिनै सरकारी टोली वार्तामा

काठमाडौं— आठ दिनदेखि अनसनरत डा. गोविन्द केसीको माग सम्बोधन गर्न आइतबार शिक्षण अस्पतालमा भएको वार्ता बिना निष्कर्ष टुंगिएको छ। वार्तामा सरकारका तर्फबाट स्वास्थ्यमन्त्री खगराज अधिकारी र मुख्य सचिव लिलामणि पौडेल...

सिटी मार्केटको ६५ लाख उठ्न सकेन

काठमाडौं-महानगरपालिकाले ‘सिटी मार्केट'का पसलेबाट भाडाबापत लिनुपर्ने ६५ लाख रुपैयाँ उठाउन सकेको छैन। महानगरले मार्केटका पहिलेका व्यवस्थापकले पनि करिब दुई करोड रुपैयाँ नतिरेपछि पाँच महिनाअघि हटाएको थियो। तीनलाई हटाएर आफैं पैसा...

उच्चस्तरीय शिक्षा अयोग गठन

काठमाडौं-बदलिँदो परिवेश अनुसार शिक्षा क्षेत्रलाई नयाँ व्यवस्थापन गर्ने लक्ष्यसहित मन्त्रिपरिषदको शुक्रबार बसेको बैठकले उच्चस्तरीय शिक्षा अयोग गठन गरेको छ।

एभरेष्ट होटलमा लागेको आगो नियन्त्रणमा

एभरेष्ट होटलमा लागेको आगो नियन्त्रणमा

काठमाडौं-नयाँ बानेश्वरस्थित एभरेस्ट होटलमा आज बिहान भएको आगलागी नियन्त्रणमा आएको छ।

पूर्वबाट अब पहाडै–पहाड काठमाडौं

पूर्वबाट अब पहाडै–पहाड काठमाडौं

पाँचथर-मध्यपहाडी लोकमार्गको ट्र्याक जोडिएसँगै अब पूर्वी जिल्लाबाट पहाडै–पहाडको बाटो गाडीमा काठमाडौं पुग्न सकिने भएको छ। पूर्वी पहाड पाँचथर, ताप्लेजुङ, तेह्रथुमलगायत जिल्लाका स्थानीयलाई अब तराई नझरी सोझै राजधानी जान सक्ने भएका...

डाक्टर नहुँदा जाजरकोट पुगेका थिए डा. केसी

डाक्टर नहुँदा जाजरकोट पुगेका थिए डा. केसी

जाजरकोट-‘म जाजरकोट आउँदैछु।'टिचिङ अस्पतालका वरिष्ठ चिकित्सक डा. गोविन्द केसीले जिल्ला स्वास्थ्य कार्यालय जाजरकोटका प्रमुख धीरजंग शाहलाई काठमाडौंबाटै फोन गरेर जाजरकोट आउने इच्छा व्यक्त गरे।यो गत वर्ष जेठ अन्तिमतिरको कुरा हो।

डा. केसीको बटमलाइन-‘निर्णय सच्याऊ, त्रिवि पदाधिकारी हटाऊ'

डा. केसीको बटमलाइन-‘निर्णय सच्याऊ, त्रिवि पदाधिकारी हटाऊ'

काठमाडौं-सात दिनदेखि आमरण अनशनमा रहेका वरिष्ठ चिकित्सक डा. गोविन्द केसीले चिकित्सा शिक्षा नीति नबन्दै मेडिकल कलेजहरूको सम्बन्धन खोल्ने सरकारी निर्णय बदर र त्रिभुवन विश्वविद्यालयका पदाधिकारीको बर्खास्तगी अनशनको ‘बटमलाइन' भएको बताएका...