Tuesday 21 Baishak, 2073 |
Menu

समाज

republica-headerdiscount-subscribe1

istl

राजापुरका बाढीपीडित अझै त्रासमा

  • बिहीबार २० असार, २०७०
  • निर्मल घिमिरे
  • Be the first to comment!
(0 votes)
बर्दिया - दुई साताअघि कर्णालिमा आएको बाढी तटबन्धन फुटाएर गाउँतिर सोझिँदा सयौं घर डुबानमा परे। ज्यान जोगाउन सर्वसाधारण भागाभाग गरे। राजापुरका किसानले एक सरो लुगाबाहेक केही बचाउन सकेनन्। किसानले बर्खाका लागि जोहो गरेको खाद्यान्न बाढीले बगायो। खेतीयोग्य जमिन कटान भए पनि स्थानीय प्रशासनले प्रकोपबारे जानकारी नगराएकाले मानवीय क्षति हुन पाएन। अहिले कर्णालीमा पानीको सतह घटे पनि राजापुर क्षेत्रका ११ गाविसका बासिन्दामा त्रास घटेको छैन।
nepalipatr-april
पानीको सतह घटे पनि घर फर्कने स्थिति नभएको दौलतपुरका बाढीपीडित यम परियारले बताए। ‘घर भएको ठाउँमा अहिले केही छैन,’ उनले भने, ‘डुबानमा परेको घरमा पानीको दलदल छ, खेतीयोग्य जग्गा बालुवाले ढाकेको छ।’ बाध्यता र विवशताले राहत पर्खनुको विकल्प नरहेको उनले सुनाए। कर्णालीको बाढीले राजापुर क्षेत्रका २ हजार ५ सय परिवारको बिचल्ली भएको छ। संघ–संस्थाले चामल–चिउराबाहेक केही नबाँडेको उनीहरूको भनाइ छ। सरकारले पुनर्बासको व्यवस्था गर्नुपर्ने उनीहरूको माग छ। ‘असार पहिलो साता आएको बाढीले धन्न बबगाएन,' बाढीपीडित जयबहादुर खत्रीले भने, ‘घरभित्र बाढी पसेपछि सबैजना भाग्न थाले, म चाहिँ भेलले बगाए, बगाओस् भनेर घर कुरेर बसेँ।’ कम्मरभन्दा माथि पुगेपछि बचाउनुहोस् भनेर आफूले सिडिओलाई टेलिफोन गरेको उनले जनाए। उनले भने, 'हेलिकप्टर आउँछ, नआत्तिनुहोस् भने, न हेलिकप्टर आयो, न कोही उद्धार गर्ने मान्छे आए, अन्तमा पानी घटेपछि पौडेर ज्यान जोगाएँ।' बाढीले गाउँतिर बाटो बनाएकाले पानी परेमा फेरि बाढी आउँला भन्ने त्रास रहेको उनको भनाइ छ। घर र सम्पत्ति बगाएकाले राहतको पर्खाइमा बस्नुपरेको बाढीपीडितको भनाइ छ। ‘सोमबार रातिदेखि कर्णालीमा पानी सतह खतराभन्दा माथि गएको छ भन्ने सञ्चार माध्यमबाट थाहा पाएँ,' उनले भने,‘स्थानीय प्रशासनले सचेत हुन खबर नगरेको भए धेरैकोे ज्यान जान्थ्यो।’ बाढीले गाउँतिर बाटो बनाएकाले तटबन्धन नहुन्जेल घर फर्कने अवस्था नरहेको उनले बताए। बर्दियाको कूल जनसंख्यामध्ये आधा जनसंख्या एघार गाविसका बस्छन्। राजापुर क्षेत्रका ११ गाविसलाई कर्णालीको भंगालोले दुवैतिरबाट घेरेको छ। बर्षेनी बाढीको चपेटामा परे पनि तटबन्धनको व्यवस्था हुन सकेको छैन। नदी छेउछाउ बर्षेनी टुक्रे तटबन्धन गरिने भएकाले त्यसले बाढी रोक्न सकेको छैन। राजापुर मुलुककै सबैभन्दा बढी धान उत्पादन हुने क्षेत्र हो। बर्षेनी राजापुरमा मात्र ९ लाख टन धान उत्पादन हुने कृषि विकास कार्यालयले जनाएको छ। कर्णालीको बाढीले खेतीयोग्य जमिन कटान र पटान गरेको हँुदा सिंगो जिल्लाको धान उत्पादन कमी आउने बरिष्ठ कृषि अधिकृत हिक्मतकुमार श्रेष्ठले जनाए। बाढीपीडितलाई राहत वितरण गरिरहेको प्रजिअ मानबहादुर बिकेले बताए।‘जिल्ला प्रशासनले धेरैे व्यक्ति र संघसंस्थामार्फत राहत संकलन गरिरहेको छ,’ उनले भने, ‘राहत संकलन र वितरण दुबै कामले निरन्तरता पाइरहेको छ।’ पटक–पटक गरेर राजापुर क्षेत्रका बाढीपीडितलाई राहत वितरण गरेको उनले जनाए। दैवी प्रकोप उद्धार समितिले नगद र नेपाल रेडक्रस सोसाइटी गैरखाद्य सामग्री वितरण गरिरहेको सोसाइटीका अध्यक्ष महेशचन्द्र गौतमले बताए। ‘२ हजार ५ सय घर डुबानमा परेको तथ्याकं छ, त्यसमध्ये कतिपय घर पूर्ण रूपमा क्षति भएका छन्,’ उनले भने, ‘विवरण संकलनमा समय लाग्ने भएकाले तत्काल राहत उपलब्ध गराउन सम्भव छैन।’ उनका अनुसार समितिले नगद पाँच हजार र सोसाइटीले लत्ताकपडा, त्रिपाल लगायत गैरखाद्य सामग्रीको प्याकेज वितरण गरिरहेको छ। दौलतपुर गाविसको ७,९३ र २ वडा पूर्ण रूपमा डुबानमा छन्। त्यसैगरी पाताभार र तिघ्रा गाउँ पनि डुबानमा परेको छ।

प्रतिक्रिया

पाठ्यपुस्तकभरि भ्रामक चित्र

काठमाडौं- कालिमाटीकी उर्मिला गहतराजका छोरा सरकारी स्कुलमा कक्षा ३ मा पढ्छन्। उनले पढ्दै आएका पाठ्यपुस्तकमा राष्ट्रिय झन्डा कालो रंगमा छापिएको छ। राष्ट्रिय फूल लालीगुराँसको चित्र पनि कालै छ।

आगलागीपीडितलाई जस्तापाता

काठमाडौं- सरकारले देशका विभिन्न ठाउँमा भएको आगलागीबाट पूर्णरूपमा घरबारविहीन बनेकालाई दुई बन्डलका दरले जस्तापाता उपलब्ध गराउने निर्णय गरेको छ। मन्त्रिपरिषदको सोमबार बसेको बैठकले आगलागीपीडित परिवारलाई २६ गेजको दुई बन्डल जस्तापाता...

नेपालबारे नकारात्मक लेख्ने क्यानडेली नागरिक पक्राउ

काठमाडौं– नेपालका विषयमा सामाजिक सञ्जालमार्फत अनावश्यक टिप्पणी गर्ने एक क्यानडेली नागरिकलाई प्रहरीले पक्राउ गरेको छ।

ब्लड क्यान्सरका बिरामीलाई आर्थिक सहयोग

ब्लड क्यान्सरका बिरामीलाई आर्थिक सहयोग

काठमाडौं- ब्लड क्यान्सरका बिरामी कविता तामाङको उपचारका लागि हङकङमा सकंलन गरिएको ५ लाख ११ हजार रुपैयाँ हस्तान्तरण गरिएको छ। सिभिल हस्पिटलमा उपचार भइरहेको तामाङलाई सोमबार हङकङका प्रतिनिधिहरुले सो रकम हस्तान्तरण...

नियमिततर्फका विद्यार्थीलाई आंशिकतर्फको प्रश्नपत्र परेपछि...

जाजरकोट- कक्षा १२ को परीक्षाअन्तर्गत जाजरकोटको एक परीक्षा केन्द्रमा २९ गते हुने परीक्षाको प्रश्नपत्र विद्यार्थीलाई बाँडिएको छ। नारायणी उच्च मावि कार्कीगाउ परीक्षा केन्द्रमा नियमिततर्फका विद्यार्थीहरुको अनिवार्य अंग्रेजी विषयको परीक्षा भएपनि...

बहिनी बलात्कार गर्ने पक्राउ

कोहलपुर- वर्षौदेखि आफ्नै बहिनी नाता पर्ने दश वर्षीया बालिकालाई जबर्जस्ती करणी गर्दै आएका २२ वर्षीय युवकलाई कोहलपुर प्रहरीले पक्राउ गरेको छ। सुर्खेत भेरीगंगा-५ घर भई बाँके नौवस्तामा आफ्नै अंकलको घरमा...

तुँवालोले दिउँसै अध्यारो

तुँवालोले दिउँसै अध्यारो

डोटी– सिलगढीका तारा सिँह सोब (७६) हिजोआज अचम्म छन्। बैशाखको महिनामा पनि बिहान देखी साँझसम्म एकनाशको तुँवालो लागेको देख्दा उनी अचम्ममा परेका छन्। 'हिउँदमा त, बिहान र साँझ यसरी सधैं...

क्यानाडाको भिसा लगाइदिन्छु भन्ने कन्सल्टेन्सी सञ्चालक प्रहरी फन्दामा

क्यानाडाको भिसा लगाइदिन्छु भन्ने कन्सल्टेन्सी सञ्चालक प्रहरी फन्दामा

काठमाडौं– क्यानाडाको नक्कली भिसा लगाएर पैसा असुल्ने कन्सलटेन्सी सञ्चालक पक्राउ परेका छन्। बसुन्धारास्थित प्रवल एजुकेशन कन्सल्टेन्सीका सञ्चालक डेन्जीन लामालाई प्रहरीले पक्रेको हो। लामाले क्यानाडाको भिजिड भिसा लगाइदिने भन्दै विभिन्न व्यक्तिबाट...