Tuesday 17 Bhadra, 2071 |
Menu

समाज

१६ जिल्लाका दुर्गममा महावीरको बेतारे सञ्जाल

  • बिहीबार २० असार, २०७०
  • दिलीप पौडेल
  • DISQUS_COMMENTS
(0 votes)
बाग्लुङ - सुगम ठाउँमा इन्टरनेट सेवा दिँदै आएका नेपाल टेलिकम, एनसेल, युटिएललगायत कम्पनीको आँखा दुर्गम क्षेत्रमा अझै पर्न सकेको छैन। एसियाको प्रतिष्ठित म्यागासेसे पुरस्कार विजेता महावीर पुन भने १२ वर्षदेखि दुर्गम बस्तीमा सूचना–प्रविधि भिœयाउन तल्लीन छन्।
जन्मथलो म्याग्दीको दुर्गम नागीस्थित हिमाञ्चल माविमा २०५८ सालदेखि उनले सुरु गरेको वायरलेस इन्टरनेट (बेतारे सञ्जाल) अहिले मुलुकका १६ जिल्लामा विस्तार भएको छ। म्याग्दी, पर्वत, बाग्लुङ, कास्की, स्याङ्जा, तनहुँ, नवलपरासी, लमजुङ, गोरखा, नुवाकोट, धादिङ, मकवानपुर, सिन्धुपलान्चोक, दोलखा, झापालगायत १६ जिल्लामा बेतारे सञ्जाल विस्तार भइसकेको छ। '१६ जिल्लाका १ सय ६० दुर्गम बस्तीमा 'वायरलेस इन्टरनेट'को सेवा पुगिसकेको छ,' पुनले भने, 'दुर्गम जिल्लामा अझै सेवा विस्तार गर्ने योजना छ।'
उनी पछिल्लोपटक चीनसँग सीमा जोडिएको गोरखाको उत्तरी दुर्गम गाविस सामागाउँ, बिगी, प्रो गाविसमा काम गरिरहेका छन्। रुकुम, रोल्पा र डोल्पामा पनि यो सेवा विस्तार गर्ने उनको तयारी छ। 'पश्चिमका दुर्गम जिल्लाका बासिन्दाले आग्रह गरेका छन्,' उनले भने, 'राज्यले नीतिगत रूपमा सहयोग पुर्या्ए दुर्गम ठाउँमा सजिलै सूचना–प्रविधिको विकास गर्न सकिन्थ्यो।'
पुनका अनुसार १६ जिल्लाका १ सय ६० गाउँमा यो सेवा पुगेको छ। प्रविधि प्रयोग गरेर दुर्गम भेगमा शिक्षा र स्वास्थ्यमा परिवर्तन ल्याउने उद्देश्य रहेको उनले बताए। 'हरेक गाउँका विद्यालयमा कम्प्युटरसहितको शिक्षा दिलाउने यसको उद्देश्य हो,' पुनले भने, 'शिक्षालाई प्रविधिसँग जोडेर आधुनिकीकरण गर्न जरुरी छ।'
सूचनाको पहुँचबाट टाढा रहेका ग्रामीण क्षेत्रमा इन्टरनेट सेवासँगै इ–एजुकेसन, इ–कम्युनिकेसन, इ–मेडिसिन, इ–कमर्स, इ–टुरिजम्, क्रेडिट कार्ड, ट्रान्जेक्सन सिस्टमलगायत सुविधा प्राप्त भएको छ। दुर्गम क्षेत्रका स्थानीयलाई उनले टेलिमेडिसिनको माध्यमबाट उपचार व्यवस्था मिलाएका छन्। म्याग्दी, पर्वतलगायत जिल्लाका १३ स्वास्थ्य संस्थामा टेलिमेडिसिन सेन्टरको माध्यमबाट चिकित्सकसँग परामर्शको व्यवस्था मिलाइएको छ। 
१६ जिल्लाका ५० विद्यालयमा यो प्रविधि प्रयोग गरेर पठनपाठनको व्यवस्था मिलाएको उनले बताए। शैक्षिक संस्थामा वायरलेस इन्टरनेट जडान भएर प्रयोगमा ल्याउन पाउँदा विद्यार्र्थी उत्साही छन्। बेतारे सञ्जालले शैक्षिक गुणस्तर बढाउन सघाउ पुर्यामएको गलकोट उच्चमावि बाग्लुडका प्राचार्य देवेन्द्र खत्रीले बताए। 'ग्रामीण क्षेत्रका विद्यार्थीले सूचना प्रविधिको प्रयोग गरेका छन्,' प्राचार्य खत्रीले भने, 'यो प्रविधि निकै भरपर्दो छ।'
अमेरिकाको आकर्षक सेवासुविधा छाडेर पुनले स्वदेशकै दुर्गम गाउँमा निःशुल्क सेवा प्रदान गर्दै आएका छन्। उनले स्थानीयको सहभागिता देशविदेशमा काम गर्ने नेपालीसँग आफैं सहयोग संकलन गर्दै सेवा विस्तार गरिरहेका छन्। 'आवश्यक सामग्री स्थानीय समुदायबाटै जुटाउने गरेको छु,' उनले भने, 'व्यक्तिगत रूपमा सहयोग जुटाएर अन्य काम गर्दै आएको छु।'
सूचना प्रविधिको क्षेत्रमा पुर्या एको योगदानको कदर गर्दै उनलाई सन् २००७ मा म्यागासेसे पुरस्कार प्रदान गरिएको थियो। विश्वले पत्याए पनि नेपाल सरकारले आफ्नो काममा नसघाएकोमा उनले दुःख व्यक्त गरे। उनले जापान, अमेरिका, हङकङ, बेलायतमा बस्ने नेपालीबाट सहयोग जुटाउँदै आएका छन्। उनले वायरलेस इन्टरनेटसँगै पर्यटन प्रवर्द्धनमा पनि सक्रियता बढाएका छन्।

ट्रक दुर्घटना, १ को मृत्य ३ को अवस्था गम्भीर

रामेछाप—विरगंजबाट मन्थलीतर्फ आउदै गरेको ना४ख ८४७३ नम्वरको मालबाहक ट्रक रामेछापको भलुवाजोर१ कुनौरीमा दुर्घटना हुँदा एक जनाको मृत्यु भएको छ। दुर्घटनामा घाइते ३ जनाको अवस्था गम्भीर छ।मंगलबार २ बजे भएको दुर्घटनामा...

अभियुक्त छुटाउने कांग्रेस-एमाले सभासदको कसरत असफल, लुटपाटमा संलग्नहरु कारागार चलान

रोल्पा—शहरी विकास तथा भवन डिभिजन कार्यालय रोल्पाका निमित्त डिभिजन प्रमुख सुवास बस्नेत, नायव सुव्वा बालाराम बस्नेत, कार्यालय सहयोगी इन्द्रबहादुर गिरी र चालक जगत खड्का सवार गाडीमा लुटपाट मच्चाएको अभियोगमा चार...

जंगली हात्तीको नियन्त्रणमा डिएफओ निवास

रौतहट— जिल्ला वन कार्यालय रौतहटका प्रमुख बाबुराम भन्डारीको निवासलाई जंगली हात्तीले डेढ घन्टा नियन्त्रणमा लिएको छ। सोमवार राति करिब नौ बजे जंगलबाट आएका दुईवटा मत्ता र एक ढोई गरी तीन...

बहुविवाह गरेको आरोपमा पक्राउ

इलाम-बहुविवाह गरेको आरोपमा प्रहरीले इलाम जीतपुर–४ का ३८ वर्षीय प्रकाश गिरीलाई आज उनैको घरबाटै पक्राउ गरेको छ।

मन पराएकी युवतीका नाउँमा काल्पनिक समाचार इमेल गर्दा...

पोखरा— व्यस्त बजार न्युरोडको मेगा बचत तथा ऋण सहकारी संस्थाबाट ३१ लाख रुपैयाँ लुट्नेलाई प्रहरीले पक्रन सकेको थिएन । दुई दिनअघि एउटा साप्ताहिक पत्रिकामा समाचार आयो—मेगा सहकारी लुट्न सुन्दरीको हात...

दुई वर्षको उमेरमा ड्रम बजाउने र २५ घन्टा मोटरसाइकल कुदाउनेलाई सम्मान

दुई वर्षको उमेरमा ड्रम बजाउने र २५ घन्टा मोटरसाइकल कुदाउनेलाई सम्मान

काठमाडौं—दुई बर्षको उमेरमा ड्रमसेट बजाएर ट्यालेन्ट विधामा वर्ल्ड रेकडर्स राख्न सफल पोखरा रानीपौवाका पाँच वर्षीय उत्प्रेम जेजिजू र २५ घण्टा निरन्तर मोटरसाईकल चलाएर साहस प्रर्दशन गर्ने मिर्लुङ्ग ४, तनहुँका सम्शेरबहादुर...

बाढीबाट बाँकेमा २१ करोडको अन्नबाली नोक्सान

बाढीबाट बाँकेमा २१ करोडको अन्नबाली नोक्सान

नेपालगन्ज-बाढीका कारण बाँकेमा २१ करोड बराबरको खाद्यान्न तथा बालीबोटमा क्षति पुगेको छ। कृषि विकास कार्यालय बाँकेले संकलन गरेको तथ्यांकअनुसार जिल्लाभर १७ करोड ७२ लाख ४८ हजार ४ सय ६२ रुपैयाँको...

बेलिब्रिज निर्माण अन्तिम चरणमा

बेलिब्रिज निर्माण अन्तिम चरणमा

जनकपुर- पूर्वपश्चिम राजमार्गको रातुपुल भासिएसँगै अवरुद्ध यातायात खुलाउन बेलिब्रिज निर्माण कार्य अन्तिम चरणमा पुगेको छ।