Sunday 17 Shrawn, 2072 |
Menu

समाज

ist-cc

तलब २५ हजार गर्न माग

(1 Vote)
काठमाडौं –सरकारी कार्यालयका अस्थायी, करार तथा ज्यालादारी कर्मचारीले आगामी बजेटमा न्यूनतम २५ हजार तलब बनाउन माग गरेका छन्।
अखिल नेपाल सरकारी अस्थायी करार तथा ज्यालादारी कर्मचारी संघले अर्थमन्त्री शंकरप्रसाद कोइरालालाई शुक्रबार ज्ञापनपत्र बुझाउँदै २ सय ४० दिन काम गरेका कर्मचारीहरुलाई स्वत स्थायी गर्न पनि माग राखे।
सरकारलाई बुझाएको १५ बुँदे ज्ञापनमा निजामती अस्पताललाई सुविधा सम्पन्न बनाई अस्थायी, करार, ज्यालादारी र ठेकेदारी कर्मचारीहरुलाई आजीवन औषधि उपचारको व्यवस्था गर्न माग गरिएको छ।
स्थायी कर्मचारीसरह  आफूहरुलाई पोसाक भत्ता तथा विदा उपलब्ध गराउनुपर्ने उनीहरुको माग छ। अस्थायी कर्मचारीहरुले हाकिमको लहडमा जागिर रहने, नरहने गरेको प्रति सरकारको ध्यानाकर्षण गराउँदै यसखाले श्रम शोषण अन्त्यको समेत माग गरेका छन्।
अर्थमन्त्री कोइरालाले अस्थायी तथा ज्यालादारी कर्मचारीले उठाएको माग नीतिगत र प्रक्रियागत भएकाले यसप्रति आफू सम्बेदनशिल रहेको बताए। यही बजेटले कर्मचारीका सवै समस्या निदान नभए पनि आफूले यसतर्फ पाइला चाल्ने उनले आश्वासन दिए।   
यसैगरी पूर्व कर्मचारी परिषद्ले गरेको बजेट सम्बन्धी अन्तरक्रियामा बोल्दै अर्थमन्त्री शंकरप्रसाद कोइरालाले पूर्व कर्मचारीहरुको ज्ञान, अनुभव र विज्ञताको आगामी बजेट निर्माणमा सहयोग पुग्ने बताए। उनले पूर्व कर्मचारीले दिएको मध्यमार्गी रोडम्याप देश निर्माणमा सहायक सिद्ध हुने विश्वास व्यक्त गरे।
'सिद्धान्ततः बजेट भनेको राजनीतिक दस्तावेज भएको र वर्तमान सरकार दलीय स्वरुपको नभएकाले यसले चुनाव, विकास र सुशासनलाई प्राथमिकतामा राखेको छ।' अर्थमन्त्री कोइरालाले भने 'देशको आर्थिक स्वास्थ्य यतिबेला राम्रो  छ। बजेट विकासमा केन्द्रित हुनेछ। आयातमुखी अर्थतन्त्रलाई उत्पादनमुखी बनाउने चुनौती सरकारका सामु छ। तर पनि सरकार एक कदम  भए पनि सकारात्मक पाइला चाल्ने प्रयासमा छ।'
आयोजनाहरुको संख्या बढ्नु, आयोजना छनोट गर्दा खर्च व्यहोर्ने श्रोत उल्लेख नहुनु, वैदेशिक सहायताको अनुमानभन्दा ३५ देखि ४८ प्रतिशतसम्म कम प्राप्त हुनुलाई उनीहरुलेे बजेट विनियोजनको समस्या बताएका छन्।

प्रतिक्रिया

श्रीमानद्वारा श्रीमतीको हत्या

प्यूठान–भिंगृ गाविसमा श्रीमान् श्रीमतीबीच झगडा हुँदा श्रीमतीको ज्यान गएको छ । भिंगृ–८, नेवारे टोलका ५६ वर्षीया पवि रामजाली मगरको श्रीमानको कुटाईबाट मृत्यु भएको जिल्ला प्रहरी कार्यालय प्यूठानले जनाएको छ।

प्रहरी शब्द नहटाउन सशस्त्र लबिङमा

काठमाडौं, साउन १७ (नागरिक)– संविधान मस्यौदामा सुझाव प्रतिवेदनमा सशस्त्रको प्रहरी शब्द हटाउने सुझाव समेटिएपछी सशस्त्र प्रहरी बल नेतृत्व त्यसको विरुद्धमा लबिङमा सक्रिय भएको छ ।

खुकुरी प्रहारबाट युवकको मृत्यु

बर्दिया–खुकुरी प्रहारबाट एक युवकको मृत्यु भएको छ । खुकुरी प्रहारबाट गम्भिर घाइते गोला गाविस २ जोधिपुरका ३७ वर्षीय गंगाधर चालीसेको मृत्यु भएको हो ।

दुम्सी मार्न ओडार पसेका दुई युवाको मृत्यु

दाङ–दुम्सी मार्न ओढार भित्र छिरेका दाङका दुई युवाको निस्सासिएर मृत्यु भएको छ । देउखुरी राजपुर ७ स्थित जंगलमा दुम्सी मार्न भनी ओढारमा छिरेका राजपुर ७ का दुखराम चौधरी र राजपुर...

बझाङमा कैदीबन्दीद्वारा कारागार मूलढोकामा ताला

भीमदत्तनगर-बझाङ कारागारका कैदीबन्दीले कारागार ढोकामा आइतबार दिउँसो तालाबन्दी गरेका छन् ।नयाँ संविधान घोषणाको अवसरमा कैदीबन्दीलाई आममाफी दिनुपर्ने माग गर्दै यहाँ रहेको ५० कैदीबन्दीले कारागारमा तालाबन्दी गरेका हुन्।

गोंगबु र बसुन्धराका जुवाघरमा प्रहरी छापा, १६ जना पक्राउ

काठमाडौं— गोंगबु र बसुन्धराका जुवा खेलाउने घरमा प्रहरीले छापा मारी १६ जनालाइ पक्राउ गरेको छ। गोंगबु स्थित धर्ममान महर्जनको दुईतले घरको भुइँ तला कोठामा छापा मारी तास खेलिरहेका ९ जनालाइ पक्राउ...

हँसियाले हानेर श्रीमती हत्या गर्ने पक्राउ

काठमाडाैं— अफ्नै श्रीमातीलाई धारिलो हतियार प्रहार गरी मार्ने एक जनालाइ प्रहरीले पक्रराउ गरेको छ। प्युठान भिङ्ग्री–८ नेवारे बस्ने ६५ बर्षीय खगीराम रामजाली मगरलाई श्रीमती हत्या अभियोगमा पक्राउ गरेको हो। इलाका...

बाबुको छुरी प्रहारबाट छोराको मृत्यु

उदयपुर– बाबुको छुरी प्रहारबाट गएराति आप्mनै छोराको मृत्यु भएको छ । जिल्लाको पहाडी गाविस बाँसबोटे ६ का ५० वर्षीय दलबहादुर राईको छुुरी प्रहारबाट शनिबार राति छोरा गम्भीरबहादुरको मृत्यु भएको हो।