Monday 21 Ashad, 2072 |
Menu

समाज

ist-cc

सावधान, जङ्गली च्याउ पोटासियम साइनाइडभन्दा खतरनाक

  • ११ जेष्ठ, २०७०
  • रासस
  • DISQUS_COMMENTS
(0 votes)
काठमाडौँ- जङ्गलमा पाइने सबै च्याउ विषालु हुँदैनन् तर केही च्याउ पोटासियम साइनाइडभन्दा पनि विषालु हुने व्यावसायिक कीट विकास निर्देशनालय काठमाडौँले जनाएको छ।


"पुर्खाले जङ्गलबाट च्याउ खोजेर खाँदा विषालु हो वा होइन यकिन गरेर मात्रै खाने गर्दथे। अहिलेका मानिसहरू हचुवाकै भरमा जङ्गली विषालु च्याउ खाने गरेको पाइन्छ" निर्देशनालयका निर्देशक जगदीशभक्त श्रेष्ठले भने।

च्याउ एक प्रकारको प्रोटिनयुक्त वनस्पतिजन्य खाद्य पदार्थ हो। उक्त खाद्य पदार्थ खेती गरेर तथा वन, पाखा वा ओसिलो कुनाकप्चामा वर्षा लागेपछि आफैँ छ्यापछ्याप्ति उम्रने गर्दछ।

आफैँ उम्रिएको च्याउ पनि सबै विषालु हुँदैनन्। चिनेर खान सकेको खण्डमा जङ्गलको च्याउबाट पनि प्रोटिन प्राप्त गर्न सकिन्छ। तर हचुवाकै भरमा जिब्रोको स्वादकै लागि त्यस्ता जङ्गली च्याउ खाँदा मानिसको मृत्यु हुनेगरेको च्याउ उत्पादन किसान सङ्घका सदस्य चित्रराज तिमल्सिनाले बताए।

मिडिया इन्टरनेसनलले आज यहाँ आयोजना गरेको 'च्याउखेती : वर्तमान अवस्थाा र सम्भावना' विषयक अन्तर्क्रिया कार्यक्रममा अधिकांश वक्ताहरूले जङ्गली च्याउ नचिनी खाँदा मात्र विषालु हुने समाचार सम्प्रेषण गर्न सञ्चारकर्मीसँग ग्रह गरेका थिए।

लगानीको दोब्बर आम्दानी लिन सकिने च्याउ खेतीबाट अधिकांश किसानको जीवनस्तरमा परिवर्तन भएपछि च्याउखेतीको व्यावसायीकरण गर्न अपनाउनु पर्ने प्रक्रिया र सुझाव सङ्कलन गर्ने उद्देश्यले कार्यक्रमको आयोजना गरिएको आयोजक संस्थाका अध्यक्ष माधव निर्दोषले बताए।

युरोपबाट प्रारम्भ भएको च्याउखेती अहिले विश्वका अधिकांश देशमा हुने गर्दछ। नेपालमा व्यावसायिक च्याउखेती ५६ जिल्लामा विशेष गरी कन्ये, गोब्रे र सिताकेको च्याउखेती हुने गरेको छ।

नेपालमा सबैभन्दा बढी च्याउ उत्पादन हुने जिल्ला नवलपरासी हो। क्रमशः रूपन्देही, चितवन, काठमाडौँ, भक्तपुर, ललितपुर, काभ्रेपलाञ्चोकले मागको आपूर्तिलाई सहज बनाएको अनुभवी कृषक ओमकृष्ण श्रेष्ठले जानकारी दिए।

केही ठूला होटलले मात्र च्याउको आयात गरेको पाइन्छ। अन्य क्षेत्रमा नेपाली उत्पादनले नै धानेको भएपनि अझैसम्म च्याउ निर्यात गर्न सकिएको छैन।

च्याउ उत्पादनका लागि नेपालमा राम्रो सम्भावना रहेपनि मागअनुसारको उत्पादन हुन नसक्नुमा बैंक तथा सरकारको दोष रहेको च्याउ उत्पादक किसान तथा व्यवसायीले आज आयोजित कार्यक्रममा बताएका हुन्। 

'कान्छी' र 'मोटी' पक्राउ

रत्ननगर (चितवन)—जिल्ला प्रहरी कार्यालय चितवनले गुण्डागर्दीमा संलग्न रहेको आरोपमा भरतपुर–९ बस्ने वर्ष २८ का 'कान्छी' भनिने यमबहादुर कार्कीलाई पक्राउ गरेको छ।

पाँच सामुदायिक विद्यालयको अनुमति खारेज

कोहलपुर–विद्यालय सञ्चालनको अनुमति लिएर नियमित सञ्चालनमा नआएका जिल्लाका पाँच सामुदायिक विद्यालय खारेज गरिएको छ ।

पत्रकारको पारिश्रमिकमा पुनरावलोकन गर्न सरकारलाई समितिको सिफारिस

काठमाडौँ-न्यूनतम् पारिश्रमिक निर्धारण समितिले आइतबार सरकारलाई आफ्नो प्रतिवेदन पेस गरेको छ।

६० लाख ठगी गर्ने एक जना पक्राउ

काठमडौं–हर्बल उद्योगको स्तबृद्धि गर्ने भन्दै ६० लाख गठी गर्ने एक व्यक्ति पक्राउ परेका छन् ।

विश्वविद्यालयमा ताला माथि ताला

दाङ–दुई महिना अघि दाङस्थित नेपाल संस्कृत विश्वविद्यालयमा ताला लाग्यो । आयुर्वेद अध्ययन संस्थानको डिन यिनुक्तीमा राजनीतिक भागवण्डा गर्न हुन थालेको बिरोधमा आयुर्वेद चिकित्साका विद्यार्थीहरुले २२ वैशाखमा ताला लगाए ।

घुस लिँदालिँदै दुई इन्जिनियर पक्राउ

कावासोती-उपभोक्ता समितिको काम मिलाइदिने भन्दै घुस लिएको आरोपमा दुई इन्जिनियर पक्राउ परेका छन्।

दुर्व्यवहारको विरुद्धमा तीनवटै नगरपालिका अनिश्चितकालिन बन्द

रौतहट–गौर नगरपालिकाका कार्यकारी अधिकृत सुनिल यादवलाई दुर्व्यवहार गरेको विरुद्धमा दोषिलाई कार्यवाहीको माग गर्दै कर्मचारीहरुले जिल्लाका तीनवटै नगरपालिकामा अनिश्चित कालका लागि ताला बन्दी गरेर कामकाज ठप्प पारेका छन।

एसएलसी उत्तीर्ण हजुरआमाको शिक्षिका बन्ने धोको

भक्तपुर– सुभद्रा खड्का तीन छोराकी आमा र एक नातिनीकी हजुरआमा हुन् । ४० वर्षीया खड्का यत्तिखेर बेपत्ता खुसी छिन्। कारण हो यस वर्षको प्रवेशिका अर्थात् एसएलसी परीक्षामा सफलता।