Tuesday 9 Mangshir, 2071 |
Menu

समाज

सदरुल मियाँको शव यात्रा

  • बुधबार ८ जेष्ठ, २०७०
  • रोहित राई
  • DISQUS_COMMENTS
mynepal
(1 Vote)
धरान - पोष्टमार्टम गर्न धरान ल्याइएको पूर्वसभासद सदरुल मियाँ हकको शवयात्रा निकालिएको छ। विपी कोइराला स्वास्थ्य विज्ञान प्रतिष्ठानमा पोष्टमार्टमपछि धरानका मुश्लिम समुदायले शवयात्रा निकालेको हो। धरान-३ स्थित मस्जिदअघिबाट निकालिएको शवयात्राले नगर परिक्रमा गरेको थियो। शवयात्राको क्रममा मुश्लिम समुदायले छानबिन र हत्यारालाई कारबाहीको माग गरेका थिए। शवयात्रापछि शव गृहजिल्लातर्फ पठाइएको थियो।
शव यात्राअघि आयोजित श्रद्धाञ्जली सभामा मुश्लिम समुदायले हत्या गरिएका हक मुश्लिम समुदायका अगुवा भएकोले सरकारले शहीद घोषणा गर्न माग गरेका थिए। साथै उनीहरुले मुश्लिम अगुवाहरुको शृंखलावद्ध हत्या भइरहेकोले मुश्लिम अगुवाहरुको विशेष सुरक्षा दिन पनि माग गरे। 'नेपालमा कहिले अज्ञात समूह, कहिले भारत पाकिस्तानको नाममा मुश्लिम अगुवाहरुको हत्या भइरहेको छ, यो शृंखला अब रोकिनुपर्छ,’ मुश्लिम संघ नेपालका वरिष्ठ केन्द्रीय उपाध्यक्ष महम्मद नजमुद्दिमले भने,'अब मुश्लिम अगुवाहरुलाई राष्ट्रले नै संरक्षण गर्नुपर्छ।’
चिकित्सक डा.खालिद हुसैन हकले यो घटनाले मुश्लिम अधिकारको लागि लड्ने अगुवा व्यक्ति सुरक्षित नरहेको पुष्टि गरेको बताए। मुश्लिम समुदायको अधिकारको लागि आवाज उठाएकै कारण पूर्वसभासद हकको हत्या गरिएको उनको भनाई थियो। 'उहाँ अधिकार र आफ्नो मुद्दाको लागि एक्लै संसद अवरुद्ध गर्नसक्ने क्षमताको व्यक्ति हुनुहुन्थ्यो,’ डा.हकले भने, 'सरकारले छानबीन गरी दोषीलाई कारबाही, उहाँलाई शहीद घोषणा गर्नुपर्छ र भविष्यमा यस्तो घटना हुन नदिन सरकारले सुरक्षा प्रबन्ध मिलाउनुपर्छ।’
राष्ट्रिय मुश्लिम संघर्ष गठबन्धनका धरान संयोजक अलिम अन्सारीले मुश्लिम मसिहाको हत्या भएको भन्दै उनलाई राष्टिय सम्मानका साथ अन्त्येष्टि गर्न सरकारसँग माग गरे। 'मुश्लिम अगुवाको हत्या शृंखला अब रोकिनुपर्छ,’उनले भने।

राष्ट्रबैंक चाँदीको सिक्का निकाल्दै

काठमाडौँ- नेपाल राष्ट्रबैंकले चाँदीको सिक्का निकाल्न सुरु गरेको छ। अठारौँ सार्क शिखर सम्मेलनका अवसरमा निकालिएको सिक्कामा अगाडि सार्कको प्रतीक चिह्न र पछाडि गौतम बुद्ध र मायादेवीको चित्र अङ्कित हुनेछ ।

सडकमा फोहोर फाल्ने १८० लाई कारबाही

काठमाडौं– सार्क सम्मेलनका लागि सफा गरिएका सडकमा फोहोर फाल्ने १ सय ८० व्यक्ति तथा संघसंस्थालाई काठमाडौं महानगरपालिकाले कारबाही गरेको छ। घरअगाडि फोहोर फाल्नेलाई रोक्न महानगरपालिकाले स्थलगत कारबाही थालेको हो।

गढीमाईमा पशुबलि व्यवस्थित गर्न अन्तरिम आदेश

काठमाडौं– सर्वोच्च अदालतले गढीमाई मेलामा हुने पशुबलिलाई व्यवस्थित गर्न विद्यमान कानुनहरूलाई कार्यान्वयन गर्न जिल्ला विकास समिति बारा र गाउँ विकास समिति बरियारपुरको नाममा अन्तरिम आदेश जारी गरेको छ।

चार वर्षीया बालिका बलात्कृत

धनगढी– कैलालीका पाण्डौन १ की चार वर्षीया बालिका गाउँकै एक युवकबाट बलात्कृत भएकी छिन्। पीडित बालिकालाई सेती अञ्चल अस्पतालमा भर्ना गरिएको छ भने अभियुक्तलाई पनि पक्राउ गरिएको प्रहरीले जनाएको छ। बालिकालाई...

ज्वेलरी सञ्चालकबाट बहुमुल्य पत्थर लुट्ने पक्राउ

काठमाडौं— न्युरोड स्थित जेम्स एण्ड ज्वलेर्सका सञ्चालक नन्दलाल कोइरालालाई मंसिर ६ गते भोटेबहालमा धारिलो हतियार प्रयोग गरी घाइते बनाएर २४ लाख बराबरको बहुमुल्य पत्थर तथा ५० हजार नगद लुटी फरार...

नक्कली भारु १ लाख ४१ हजार सहित २ जना पक्राउ

नक्कली भारु १ लाख ४१ हजार सहित २ जना पक्राउ

काठमाडौं— नक्कली भारतीय रूपैयाँ कारोबार गर्ने दुई व्यक्तिलाई प्रहरीले पक्राउ गरेको छ। प्रहरीको केन्द्रीय अनुसन्धान ब्युरोले कामाडौं महानगरपालिका, महाँकाल-७ घर भइ बिष्णु बुढानिलकण्ठ-४ बस्ने अनिल भन्ने दिनेश कोइराला र विराटनगर...

बंगलादेशमा चिकित्सा अध्ययन : तनाबै तनाबमा नेपाली विद्यार्थी

बंगलादेशमा चिकित्सा अध्ययन : तनाबै तनाबमा नेपाली विद्यार्थी

ढाका- 'तपाईं कुन लेभल अध्ययनरत?''खोइ, थर्ड हो या फोर्थ, था'छैन।' नागरिककर्मीको सोधाइमा बडियापट्टी, सिरहाका श्याम यादवले दिएको जवाफ हो यो। ढाकास्थित बडीधाराको नेपाली दूतावासमा भेटिएका अल्लारे यादव गहिरो तनाबमा देखिन्थे।...

धमाधम बन्द हुँदै भारतका नेपाली अखबार

सिलिगुढी- अलग राज्य माग गर्दै लामो समयदेखि संघर्षरत गोर्खाली नागरिकको आवाज बनेर उदाएका नेपाली भाषाका अखबार धमाधम बन्द हुँदैछन्। १५ लाखभन्दा बढी नेपालीभाषीको बसोबास रहेको दार्जिलिङमा नेपाली अखबार नै संकटमा...