Friday 22 Falgun, 2071 |
Menu

समाज

HUB

फेसबुक र एसएमएसले सम्बन्धविच्छेद बढायो

  • बुधबार ८ जेष्ठ, २०७०
  • अन्जली रम्तेल/रासस
  • DISQUS_COMMENTS
(0 votes)
काठमाडौं - नेपालमा महिलाले पतिसँग सम्बन्धविच्छेद गर्न चाहेमा सिधै अदालत जानसक्ने व्यवस्था भए पनि पुरुषले चाहेमा भने एक वर्षको समय पर्खनैपर्ने प्रावधान छ। यसका लागि पुरुषले पहिले स्थानीय निकाय गाविस वा नगरपालिकामा निवेदन दिनुपर्ने व्यवस्था छ।
काठमाडौँ महानगरपालिकाभित्रका स्थायी बसोबास गर्ने तथा काठमाडौँका सरकारी कार्यालयमा कार्यरत पुरुषले सम्बन्धविच्छेदका लागि महानगरपालिकामा निवेदन दिनुपर्ने व्यवस्थाअनुरुप विगतका वर्षको तुलनामा यस्ता निवेदनको सङ्ख्या बढ्न थालेको छ।

केही समयअघि मात्र एक पुरुष महानगरपालिकामा सम्बन्धविच्छेदका लागि निवेदन दिन आए। सम्बन्धविच्छेदको कारण थियो, श्रीमतीको परपुरुषसँगको सम्बन्ध। श्रीमतीको मोबाइलमा अर्कै पुरुषको सन्देश र लामो समय 'कल डिटेल' देखेपछि सम्बन्धविच्छेद गर्न चाहेका थिए। जसको कारण उनले १७ वर्षीय आफ्नो छोराको डिएनएसमेत जाँच गराउन माग गरे।

यस्ता घटना दिनप्रतिदिन बढिरहेको महानगरपालिकास्थित कानुनी महाशाखाका वरिष्ठ कानुन अधिकृत वसन्त आचार्यले बताए। 'विशेष गरी प्रेमविवाह गरेका जोडीमा सम्बन्धविच्छेदका घटना बढिरहेको छ,' उनले भने, 'विवाहपछि महिलाको अपेक्षा ठूलो हुन सक्छ। परिवारको सहमति बेगर गरिएको विवाह अन्त्यमा सम्बन्धविच्छेदमा टंुगिएको देखिन्छ।'

यहाँ आउने निवेदनमा श्रीमती परिवारमा मिलेर बस्न नसकेका कारण दिनहुँजसो झैं झगडा हुने, परिवारले जबर्जस्ती गराईदिएको विवाह, जहाँ केटा र केटीको शैक्षिक योग्यतामा ठूलै भिन्नता, उनीहरूको वैचारिकस्तरमा फरकपनलगायतका कारण हुने गरेको उनको भनाई छ।

अधिकृत आचार्य भन्छन्, 'विवाहपछि केटाले चाहन्छ कि केटीले बाहिर काम गर्न नजाओस्, पाइन्ट नलगाओस्, आफूसँग बाहिर कतै हिँड्दापनि लवाईखवाईको स्तर मिलोस्, जब त्यो चाहना पूरा हुँदैन तब सम्बन्धबिच्छेदको प्रक्रियामा लाग्ने गर्छ।'

उनका अनुसार महानगरपालिकामा आउने मध्ये करिब ५० प्रतिशत मुद्दा परिवारमा सासु र नन्दसँग सम्बन्ध नमिल्नुका कारणसहितको आउँछ। केटाले परिवार र केटीबीच सम्बन्ध सन्तुलन बनाउन नसक्दा वैवाहिक सम्बन्ध टुंगिने अवस्थामा पुग्छ। 'यसरी आएका निवेदनको अध्ययनपछि करिब एक वर्षसम्म मेलमिलाप गराउने कोसिस गरिन्छ,' उनले भने, 'सकेसम्म सम्बन्ध नतोडियोस् भनेर मिलाउने प्रयास गर्छौ।'

एक वर्षसम्म पनि श्रीमान्–श्रीमतीको सम्बन्ध राम्रो हुन सकेन र सम्बन्धबिच्छेद गर्न चाहेमा मेलमिलाप हुन नसक्ने व्यहोरा लेखेर अदालतमा पेस गर्ने गरिएको उनले बताए। त्यसपछि अदालतले सम्बन्धविच्छेदको प्रक्रिया अगाडि बढाउने गर्छ। सम्बन्धविच्छेदका लागि महिला सिधै अदालतमा जान पाउने भएकाले पनि स्थानीय निकायमा आउने पुरुषको संख्या कम देखिएको छ। प्रत्येक वर्ष महानगरपालिकामा आउने संख्या बढिरहेको उनले जनाए। हाल वर्षको करिब सयको संख्यामा यस्ता निवेदन आउने गरेको छ। 

श्रीमान्–श्रीमतीबीच आपसी विश्वासको कमी हुँदा मोबाइलमा एसएमएस, सामाजिक सञ्जाल फेसबुकलगायतमा आउने आपत्तिजनक सन्देशका कारण पनि सम्बन्धविच्छेदका घटना बढिरहेको पाइएको छ।

बिरामी श्रीमतीलाई ह्याक्सो ब्लेडले काटी हत्या गर्ने पक्राउ

काठमाडौं– काभ्रे जिल्ला बाल्देफेदी ८ घर भई काठमाडौ–१८ भुरुङखेल बस्ने ४२ वर्षिया सानोकान्छी तामाङको हत्याको अभियोगमा प्रहरीको अपराध महाशाखा हनुमानढोकाको टोलीले उनका श्रीमान् ३५ वर्षीय वाङ्गेल तामाङलाई पक्राउ गरेको छ।

सरकारी कार्यालयमा पानी चुहियो

मुस्ताङ—लामो समयसम्म हिउँ र पानी परेपछि माटोबाट बनाइएका मुस्ताङका सरकारी कार्यालयमा पानी चुहिने समस्याले अधिकांश सरकारी कार्यालयका कर्मचारी समस्यामा परेका छन्।

होलीले लियो तीन जनाको ज्यान, एक गम्भीर

चितवन-होली खेलेर रमाइलो गर्दै फर्कने क्रममा चितवनमा तीन जनाको ज्यान गएको छ। एकजनाको मुग्लीन नजिकै सिमलधारामा र अन्य दुई जनाको सौराहास्थित बद्रेनीमा ज्यान गएको हो।

डुल्दैडुल्दै होली

डुल्दैडुल्दै होली

काठमाडौं-डल्लुका सुरज महर्जन बिहीबार अनुहार सुनौलो रङ पोतेर बसन्तपुरको होली पर्वमा झुमे। उनका साथीहरुको समूह केही पर बजेको कन्सर्टको गीतमा मस्त झुमिरहेका थिए। उनी बिहान घरमा विशेष परिकार खाएपछि दिनभर...

होलीमा ७ सय चालक कारबाहीमा

होलीमा ७ सय चालक कारबाहीमा

काठमाडौं-होली पर्वमा उपत्यकालाई दुर्घटनारहित बनाउन विशेष ट्राफिक सुरक्षा लागु गरेको महानगरीय ट्राफिक प्रहरी महाशाखाले ७ सय ८ सवारी चालकलाई कारबाही गरेको छ। उपत्यकाका सबैजसो सवारी रुटलाई समेटेर ५३ स्थानमा ट्राफिक...

काठमाडौं–बनारस बस सेवा सुरु

काठमाडौं–बनारस बस सेवा सुरु

काठमाडौं– नेपाल र भारतबीच यातायात सम्झौताअनुसार काठमाडौं–बनारस मैत्री बस सेवा सुरु भएको छ। काठमाडौं–बनारसको मैत्री बस सेवाको नेपालका तर्फबाट भौतिक पूर्वाधार तथा यातायात मन्त्री विमलेन्द्र निधि र भारतीय राजदूत रणजित...

भव्य र सभ्य बन्दै होली, विगतमा भन्दा सुरक्षा व्यवस्था प्रभावकारी

काठमाडौँ-विगतका वर्षमा भन्दा यस वर्षको होली भव्य र सभ्य बन्दै गएको छ । होली संस्कृतिका नाममा विकृतिको क्रम बढीरहँदा होलीप्रति नै वितृष्णाभाव उत्पन्न हुनथालेको अवस्थामा राजधानीमा यस वर्षको होलीको वातावरणमा...

होली खेल्ने क्रममा ट्रकले ठक्कर दिएपछि रुकुम दिनभर तनावग्रस्त

दाङ–होली खेल्ने क्रममा ट्रकले ठक्कर दिँदा एक वालकको मृत्यु भएपछि रुकुम सदरमुकाम खलंगा बिहीबार दिनभर तनाव ग्रस्त बन्यो। खलंगास्थित बसपार्क नजिकै होली खेलिरहेका १३ वर्षीय बालक नवराज घर्तीको ट्रकको ठक्करबाट...